ياناس ياهوووووووه .. شوفوا لي حل .. والآ ترى أبشق هدومي - نادي الهلال السعودي - شبكة الزعيم

جنتلمان · #1 24/09/2002, 03:50 PM

حالتي حاله صرت مثل البيضه الرحاله

قسماً بالله ياشباب أن الموضوع جدي ترى مهوب مزح تخيلوا أحس أن نفسي ملت مني

<-- لاحد يقول لي أشرحها

مشكلتي مع أني أنسى بشكل فضيع

مدري من زاهم النسيان بيجر وقال له تسلط على جنتلمان الضعيف

أبقول لكم بعض المواقف اللي صارت لي في ذا الاسبوع وأنتم دوروا لي حل لأني تفشلت مع خلق الله

الموقف الاول :

اليوم أنا في الجامعه وأشوف ذاك اللي يناظرني من بعيد قلت شكله مشبه وأنا أبمشي الا وهو جاي يسلم ويتحفى وأنا مدري وش الطبخه .. توني أبقول له شكلك مشبه والا وقال لي أنت فلان بن فلان قلت أيه قال ماعرفتني أنا ... ولد جيرانكم أول قسماً بالله أني ماعرفته بس أذكر أن اسم العائله مر علي من قبل بغيت أصرف الموضوع قلت له وش أخبار الوالد وقلّ الصح معه طلع أبوه متوفي من خمس سنين

الموقف الثاني :

مره من المرارير

طلعت مع الشباب للاستراحه أنا آخر واحد جاء وكانوا موصيني على كوره أنا نسيت مثل كل مره

وصلت الاستراحه وفليتها مع الشباب يوم جينا بنلعب كوره وين الكوره ياجنتلمان وجنتلمان يقول ماجبت معي شي انتم ماقلتوا لي شي

قالوا لي أنقلع لابارك الله فيك جب كوره من أقرب محل رياضه وأنا بكل ضعف أنقلعت لمحل الرياضه وأدخل المحل وأحاول أتذكر وش أنهم قايلين لي أجيب

؟؟ أدور جوالي أبسألهم وش يبون مالقيته

رجعت للاستراحه ومن قواية وجهي أشربك عند الباب

وأنزل من الفياقرا حقتي

سألوني وين الكوره ياجنتلمان قلت لهم نسيت وش أنتم قايلين لي أجيب علشان كذا رجعت أسئلكم وش تبون رد علي خويي بقوه الله ياخذ عمرك يالحـو .....

وقالهم ضفوه عن وجهي أبروح أجيب الكوره أنا

الموقف الثالث :

كنت في البنك أنا أبطلع بدل فاقد لبطاقتي عطاني الموظف برنت وقال لي عبي بياناتك وكتبت كل شي الا التاريخ سئلت خويي قلته كم التاريخ اليوم قال لي 1/1/1419 هـ

أنا بغباء كتبته

وأسلم البرنت للموظف قال لي من وين أنت جاي من العصر الحجري قلت ليش يالأخو قال لي شوف التاريخ اللي أنت كاتبه قلت وش فيه أنا كاتب التاريخ الصحيح <-- غبي ويناقش .. فهمني وش الغلط ومن بعدها مالي وجه أروح للفرع ذاك

يالله أبروح أندفس أنام وأنتم دوروا لي على حل وياويلكم لو قمت ومالقيتكم معطيني حلول

سي يو

<--- لزوم البرستيج ;)

الكنز نواف · #2 24/09/2002, 04:12 PM

إقتباس


	كنت في البنك أنا أبطلع بدل فاقد لبطاقتي عطاني الموظف برنت وقال لي عبي بياناتك وكتبت كل شي الا التاريخ سئلت خويي قلته كم التاريخ اليوم قال لي 1/1/1419 هـ أنا بغباء كتبته وأسلم البرنت للموظف قال لي من وين أنت جاي من العصر الحجري قلت ليش يالأخو قال لي شوف التاريخ اللي أنت كاتبه قلت وش فيه أنا كاتب التاريخ الصحيح <-- غبي ويناقش .. فهمني وش الغلط ومن بعدها مالي وجه أروح للفرع ذاك

ياخوووووووووووي من ويم شفتك وانت تمشي مع شموووووووووخووووووووووووووه واناملاحظ حالتك متدهوره !!!

تبي ترجع لوضعك الطبيعي افتك من اللصقة هذا !!

ومثل ماقالو ا (قلي من تصاحب اقلك من انت )

تحيااااااااااااااتي لك.......؛
تشاااااااااااااو
أعدتنا الفرنسية

سهل · #3 24/09/2002, 04:12 PM

شف الله يرحم والديك !

لا تنسى التوقيع بس .

تراك ازعجتنا وما خليتنا ننام

الفيروسه الزرقاء · #4 24/09/2002, 04:46 PM

إقتباس


	الموقف الاول : اليوم أنا في الجامعه وأشوف ذاك اللي يناظرني من بعيد قلت شكله مشبه وأنا أبمشي الا وهو جاي يسلم ويتحفى وأنا مدري وش الطبخه .. توني أبقول له شكلك مشبه والا وقال لي أنت فلان بن فلان قلت أيه قال ماعرفتني أنا ... ولد جيرانكم أول قسماً بالله أني ماعرفته بس أذكر أن اسم العائله مر علي من قبل بغيت أصرف الموضوع قلت له وش أخبار الوالد وقلّ الصح معه طلع أبوه متوفي من خمس سنين

أقول الجنتلمان أنت أهون مني صار ولد جيرانكم
أحسن مني
دخلت علينا زوجة ولد عمي و تأخذ الغياب الطالبات اللي بالفصل
ومادريت أنها تقرب لي إلا يوم جت أختي اليوم الثاني تأخذني شافتها وسلمت عليها
وقالت لي أنها مرة ولد عمي من الرضاع
عاد انتم دوروا وجهي

الماسه الزرقاء · #5 24/09/2002, 04:56 PM

الله يشفيك ويشفينا معك

ســـــ SMN2002 ـليمان · #6 24/09/2002, 05:10 PM

لووووووووووووووووول لقيت واحد مثلي

ياخوي انا اروح مثلا يما المطبخ ابي اكل شيء واذا جيت للمطبخ قلت عاااد وش جاابني للمطبخ

عاااااد شف واحكم

وترا سهل صااااادق متى يخلص توقيعك ترا ازعجتنى

أحمد15 · #7 24/09/2002, 06:01 PM

صدقني يا جنتلمان...
والله أنا راح اموت قبلك....أذا أنت بتنسى أشياء محدده
أنا كل يوم أنسى كل شيء..!!!!!

الله يعينني أنا وياك...

&&قم بس قم&& · #8 24/09/2002, 08:03 PM

سلامــــــــــــز

لا تكون بتحب

ترى اللي يحب يسير سبهلل

بببببببببببببببببااااااييييييييوووووووو

الزعيم المتميز · #9 24/09/2002, 08:08 PM

الله يشفي اللي فوقي أجمعين

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آمين

HILALI17 · #10 24/09/2002, 08:12 PM

وش يبي ذا

احم احم

خليك نايم انشالله تنسى تصحى

اي صح نسيت انت تبي حل

تعال الصيدليه الي جنب البيت عنده خوش فول

صمت العيون · #11 24/09/2002, 09:29 PM

اقول اخي جنتلمان الحال من بعضه

بس انصحك بتكثير اكل البصل زين للذاكره,,,
ويفضل على الريق يكون خيشه ام 15ريال

خربوووووط · #12 25/09/2002, 01:19 AM

هههههااااااااي

ياجنتلماااان بسيطه فيه علاج سهل بس يبغاله شوية صبر ..

ترووووح للدكتور جاج وكلها سيخ على الطاير ...

وحده بوحده .....

Abu saad 66 · #13 25/09/2002, 02:36 AM

وخرووووووو

انا عندي لك الحل .. رح اسلق بيض .. واذا خلص قشرها . وابلعها وهي حـــاره ..

وبعدين بتصرخ من الوجع طبيعي . العلالالاج في الصرخه هذي ..

لانه العلماء يقولون لكل فعل له رده فعل ... ورده فعل الصرخه انه بتنشط الخلايا حقت النسيان

الي في المخ عندك .. وصدقني ...بيروح كل شي ...

ملاحظه :

قبل لا تاكل .. حاول انك تسجل لااهلك وصيتك .. على شريط .. علشان يسمعونها ... لانه

ما اظمن وش بيصير للحبال الصوتيه عندك .

أضواء الهلال · #14 25/09/2002, 03:10 AM

بصراحه ياخوي جنتلمان
كله بسبب العطله الطويله ألي خلتنا ننسى كل شيء

بس عاد أذا لقيت العلاج المناسب وجربته لا تنسى تحط الوصفه

ابو مساعد 15 · #15 25/09/2002, 09:01 AM

لحووووول وايش الي جاك .... لا شكلك صاكينك بعين الشباب

نصيحه روح لواحد يقرا عليك .... ولا ليش تعال عندي خلني اقرا

عليك وراح تحس في الفرق ((( والله لا اطير اعقلك )))