.. ][ هل هي لعنتك يا south africa 2010 .. ام نحن لانستحقك ؟؟ - نقاش ][ .. - نادي الهلال السعودي - شبكة الزعيم

‎βαƦ¢α 4 ξνξƦ · #1 15/11/2009, 02:49 PM

السلام عليكم ورحمة الله وبركاته ~

كيف حالكم جميعاً

.. وكيفكم مع اليوم العالمي امس السبت

.. انا قايل ومتوقع يطلع شرار بالجو من قوة هالمباريات

..

هل هي لعنتك يا south africa 2010 ... ام نحن لانستحقك ؟؟؟

بصراحه انا مالي بالمقدمات كثير خاصه انها ماراح تفيد بقدر مايفيد كلامكم ونقاشنا عن صلب الموضوع

...

مادري من وين ابدا .. خلونا نبد من صباح الامس

...

خسارة المنتخب البحريني ... بصراحه خسارة مفاجئه ومفاجئه جداً قياسا بظروف وامكانيات وعطاء هذا المنتخب ...

بعام 2006 حدث نفس السيناريو مع البحرينيين بمقابلة ترينيداد وخرجوا .. وشجعتهم يوم فازوا على منتخبنا السعودي .. وقلت اهم ادرى واعرف بالملحق وراح يتأهلون .. كل الامور كانت تمشي بالطريق الصحيح .. وبمباراة المنامة قدوموا اللاعبين كل شيء لكن الحظ والتوفيق لم يساعدهم ..

واتى لقاء الاياب والمعنويات مرتفعة قبل اللقاء .. بدا اللقاء بتركيز عالي بحريني .. لكن مادري وش صار من بعد الدقيقه 20 تقريبا من الشوط الاول

.. مناولات خاطئه بنص الملعب .. ارتكاب اخطاء بمناطق خطره على الرغم انه من المعروف استغلال النيوزلنديين لها ... رد الحارس كره اشبه بالهدف .. واتت بعدها كره مشابهه ايضاً وتسجل الهدف النيوز لندي الاول ...

واتى الشوط الثاني وما احلاه من سيناريو ركلة الجزاء تلك .. اللي سددها برعونة واستعجال لاعب المنتخب البحريني

.. ومن بعدها والمنتخب البحريني اشبه بالاجسام الحمراء بلا روح

... الى انتهاء اللقاء واعلان الخساره ..

بصراحه كان السيناريو جدا محزن للمنتخب .. والاداء كان باهت جدا من اللاعبين مادري وش سببه ...

مراسل الجزيرة لمس من اللاعبين عدم الحماس الغير مبرر لـ اللقاء وقال ذلك بتصريحه بعد الخساره

..

محلل القناة البحريني استغرب ذلك الاداء وقال ان جميع الصحف البحرينية كانت متكاتفة للمره الاولى بتاريخها تقريبا وآزرت المنتخب لكي لايقع بمحظور 2006 .. وان الحكومة وفرت لـ الللاعبين جميع ما يمكن توفيره .. وكان اقرب للبكاء وهم يتحدث ..

وقال لو متوقع هاللعب كان تمنيت المنتخب السعودي يفوز علينا وبتأهل على الاقل

....

شاهدوا ركلة الجزاء الغريبه بصراحه .. غير معقولة على محك التأهل للمونديال وتحتاج لنصف الفرصه وتسدد ركلة جزاء بهذه الطريقة وبذلك الاستعجال .. اذكر الحارس كان بيروح للزاوية الثانيه بس شافها راحت عكس وامداه عليها وردها

...

عجبني مقدم الاستوديو بالجزيره بصراحه لمن تعذروا المحللين انها ضربة جزاء واي واحد يضيعها مثلا زيدان وماردونا .. تتوقع وش جاوبهم

...

قال ياخي هذول شاركوا ووصلوا لمراكز متقدمه بالمونديال ويمكن طفشوا ورفعوا الكاس بعد احنا وش نقول اجل

..

بصراحه هالمباراة ماشفتها .. لكني انصدمت اول ما شفت نتيجتها

.. وكنت نايم لجزمي وتوقعي بفوز المنتخب التونسي

..

حرام عليهم نسور قرطاج والله ماجا ببالي توقع مثل كذا بمباراة مثل هذي ابد

..ان تنتظر خسارتك بفارق هدف من اجل نتيجة مباراة غيرك لتتأهل ..!!!

اللي سمعته من المعلقين رؤوف خليف والشوالي ان المنتخب ليس متواجد في موزمبيق بصريح العباره .. وانه كان يلعب وعينه على لقاء نيجريا وكأنه لا يلعب في موزمبيق ..

ايضا شفت لقاء مع احد الصحفيين اكد هالشيء وان المنتخب لايوجد لديه عذر على هذه الانتكاسه .. وان اللاعبين قد يتعذروا بأرضيه الملعب الصناعيه مبررا ذلك ان المنتخب متمرس وسبق وان لعب بمثل هذه الملاعب والمناطق من قبل .. وان غالبيتهم محترفين باندية كبيره ولاينقصهم سوا الروح ..

عموما تونس اضاعتها من قبل بيدها وبأخطائها .. وهاهي جددتها .. بوقت كانت تستطيع ان تحسمها من البداية بدون تعقيد الحسابات

..

بصراحه يوم فاشل ومخيب لنا نحن كعرب .. يعني لو نرجع للوراء شوي ... اين المنتخب المغربي

الذي عاش تخبطات كثيره على مستوى التشكيل والاداريين بالمنتخب ... وبدا باسوء صورة ..

ايضا المنتخبات الخليجيه اين موقعها من الاعراب

؟؟ تتأهل كوريا الشمالية ونحن لدينا منتخبات اقوى واجدر منها على الرغم من تطورها الملحوظ ..!! بوقت نستحف فيه كخليجين بطاقتين على الاقل ...

هل هي لعنتك يا south africa 2010 ... ام نحن لانستحقك ؟؟؟

لأول مره المونديال بدون منتخب خليجي منذ عام 82 حيث تأهلت كانت الكويت

... اما عربيا لاتحظرني هذه المعلومه ...

اين اللعب لفانيلة المنتخب .. اين الوفاء والتضيحة .. نرى مستوى لاعب مختلف عن نادية .. اين الابتعاد عن المزاجيات ..

عموما فيه اسباب كثيره .. ولعلها فائده عموما باذن الله للأستفاده ووضع حدا لتلك الانتكاسات على صعيد جميع المنتخبات .. ونرى وجهاً جديداً في قادم السنين ..

وكل التوفيق لممثل العرب هناك سواء كان الجزائر

او مصر

.. عندي شك والله لو انهم هالمنتخبين ماكانوا بمجموعة واحده هل سيتأهلون ام سيحذون حذو سابقيهم

...

الموضوع نقاشي ياليت الكل يطرح وجهة نظره ويتكلم عن ماحدث .. لكن تكفون نبي نقاش كروي خليجي عربي وهادئ بدون تهكم وعنصرية وسياية اديان

... واللي يبي يطاق وينبرش يروح لموضوع ابو دحه

...

والمعذره على الاسلوب بالكتابة يمكن ماقد كتبت موضيع نقاشيه كثير

...

سلاموووووووووو