السلام عليكم ورحمة الله وبركاته

|| ====== ||

شف لاتخبطات ولا شي لاكن وللاسف ان هذا واقعنا المرير
بصراحه لو نجي لاسيا ومنتخبنا منتخبنا مشكلته انه مايتطور
عايش على الماضي كل ماجت مباراة قالو احنا تاهلنا لكآس
العالم 4 مرات متتاليه وسوينا وفعلنا عكس المنتخبات الاسيويه
الثانيه مثل اليابان اللي كانت ولا شي وفي غضون كم سنه صار منتخب
يعتبر من افضل المنتخبات في آسيا لانهم عملو وسوو عشان يرفعون اسمهم
في عالم المستديره طيب بعطيك مثال حلو
كوريا + السعوديه من اعرق المنتخبات في آسيا سابقا وحالياً
كوريا تلاحظ مستواها كل ماله ويروح فوق ومنتخبنا للاسف كل ماله
وينزل بسبب التمجيد بالماضي اللي مايوكل عيش في كرة القدم الحديثه
وبسبب تغير الجهاز الفني كل شوي الاعب مو مكينه والله
الاعب اذا تعود على مدرب وجاه مدرب ثاني وتغير في الاداء الاعب ينتكس
الين يتعود على اللعب يعني منتخبنا لو جايبله مدرب كويـس ودارسينه صـح
ومستمر معنا وش صار والله نشوف المنتخب في افضل حالاته
ليه مانرسل كم وااحد عندنا من المدربين السعوديين
الى اكاديميات اوروبا التدريبيه ياخذله خبره ويرجع ولا احسن منه
كوريا + اليابان من افضل المنتخبات في آسيا بمدربين وطنيين
ليه لان المدرب الوطني اقرب في فكره للاعب ليه مانشوف المنتخبات اللي افضل مننا ونسوي زي مايسون ونترك ماضينا اللي راح بزينه وشينه ومواكبة العالم في
التطور في كرة القدم ليه المجاملات الدائمه في عناصر الفريق .!! هذا الدليل
على ان منتخبنا للاسف والله مايستاهل كآس العالم ليه نروح كآس العالم وناخذ نتايج قويه والشغله شغلة استحقاق بصرااحه المغرب ماقمت كوره حراام تتاهل يعني
بصراحه المغرب فاقدينها بصرااحه اول كان عندها لاعبين كويسين احمد بهجه
اللي احترف في السعوديه هذا كان من ابرز الاعبيبن
ومع العلم ان المغرب الحين كويسه
لاكن بصرااحه غريبه من الفيفا انها ماكثرت اللي يتاهلون من افريقيا
انا لوني رئيس والله لاحط ثلاثه بس يتاهلون من آسيا
بطل المجموعه يتاهل مباشره والوصيف يلعب مع الوصيف
واكثر المتاهلين من قارة افريقيا اللي اتوقع لو منتخبنا راح يلعب هنااك
بيزعل من النتايج والله .

==============

مشكورابو يعقوب ويعطيك العافيه على النقاش الجميل والرائع