السلام عليكم ورحمة الله وبركاته

ما ندري وش اخرتها مع ربعنا الداجين
اسعار خيالية وخدمات دااااااااااااااااجة حتى الثمالة

اتوقع ان الدول اللي جنبنا تحسدنا على الخدمات اللي عندنا
بداية من شركة الانفصالات السعودية ====> تراها مقصودة

اخطاء بالجملة وفواتير خيالية وتدفع وعيونك طايرة
واذا ما دفعت حطوك بالقائمة السوداء مع اصحاب السوابق والمجرمين

====>تراني مقهور وجت الانفصالات على بالي وحشيتهم

سالفتي الاسبوع اللي راح والاسبوع هذا مع هالبريد اللي يسمونه ممتاز
لي اخو ساكن بالطائف وطلب مني اوراق
طبعا الاوراق مهمة ولا تقبل الصورة ما يبغون الا الاصل والمسافة بعيدة
قلت يا ولد حرك مخك وارسلها بالبريد الممتاز كلها 24 ساعة وهي عنده
والله واطمر لاقرب مكتب بريد وارسلها والله لا يخسر 50 ريال ريال ينطح ريال
الكلام هذا يوم الاثنين الصبح
دقيت على اخوي وقلت خلاص بكرا الصبح وهي عندك
المهم جاء بكرا الصبح , العصر ,الليل
جاء بعد بكرا طبعا اللي هو الاربعاء ويالله توصل قبل الظهر
يا سلام يومين
طبعا ما يمديه يسوي شي
وينطق لين السبت وما خلصت اموره الا الاحد
عاد الحين هو يبي يرسل اوراق ثانية
ونفس الموال
ارسلها الاثنين والى الحين ما وصل شي
المشكلة اني كلمت ادارة البريد بالقصيم ورد علي واحد
قلت له ياخوي دام الدعوى كذا ليه تقولون انها 24 ساعة
مصالحنا تتاخر وانتم عادي
قال وش اسوي لك وانا وش دراني عنك وانا وانا===>الله من زين الاسلوب
يعني 24 ساعة تصير 48 تصير 72 عادي ولو تقول شي خطر يعضونك
مهوب معقول
يعني ادفع مقابل خدمة ولا القاها واذا تكلمت ما احد يمك
هذا يقول ارسلنا وهذا يقول ما وصلنا شي
وانت يا صاحب المصلحة ما تدري من تروح له
كل واحد يقول وش دخلني انا ما ادري عن شي
وازيد الطين بلة ذكر واحد من الشباب انه ارسل بالممتاز وضاعت الرسالة

وانا والله لو ادري ان هذا شغلهم كان ارسلتها بـ DHL

يعني الى متى وحنا على هالوضع المواطن تضيع مصالحه ولا يدري منهو المسؤول


الىىىىىىىىىىىىىىىىىىى متىىىىىىىىىىىىىى
ما نبغى اكثر من حقنا
حقنا يتلخص في الحصول على خدمة مقابل المبالغ التي ندفعها

ختاما
حسبي الله ونعم الوكيل
حسبي الله ونعم الوكيل
حسبي الله ونعم الوكيل