!! من عافنا عفناه لو كان غالي !! { حديث الصحراء } - نادي الهلال السعودي - شبكة الزعيم

باسكن روبنز · #1 06/11/2009, 11:49 PM

اليوم مرررة طفشانة ودخلت غرفة البابا

ووقعت عيني على كتاب داااايم اشوفه
لكن ماعمري فكرت اني أقراه

( حديث الصحراء ) لكن اليوم من الطفش

قلت بتصفحه وقريت لي كم قصة رومانسية

أن شاء الله تعجبكم .
واذا ماعجبتكم ردوا بدون تحطيم

تراني من زمان ماكتبت مواضيع وعارفة انكم مشتاقين لمواضيعي

*********************************
كان (بشر)

متزوجاً من إمرأتين أحداهما تدعى ( حِسْن )

وكانت والدته تفضل الزوجة الثانية على الأولى .

في يوم من الأيام غاب (بشر) عن بيته ، فدخلت والدته على ( حسن ) فرأتها تداعب طفلها في حجرها واضعة شماغ والده على رأسه .

فاستغلت الام الفرصة فأخبرت ( بشر ) أنها رأت رجلاً يداعب ( حسن )

وأقسمت قائلة انه ( صغير الهامة كبير العمامة ) << وربي الام هذي كايدة الله يجيرنا منها

فما كان من (بشر) إلا ان اخذ ( حسن ) وذهب بها على مسيرة يومين حتى اقترب من قبيلة أخرى

وحين نامت زوجته في الليل تركها وحيدة وركب ذلوله ورجع إلى أهله <<

المهم استيقظت ( حسن ) وعرفت أن زوجها سخيف

واتجهت إلى بيت قريب وأخبرتهم ان أهلها قتلوا ..

فأكرموها وبقيت عندهم فترة وهي متلثمة حتى عند الأكل

بعد مضي فترة خطبها شيخ القبيلة ( إبن حمرون ) فوافقت بشرط أن لا يرى وجهها

والدة بشر الشريرة

مرضت ودنى أجلها

فأخبرت ابنها ( بشر ) بالحقيقة .

فركب بشر ذلوله << للحين حي هالذلول

ماشاء الله عاش الأحدث كلها

فبحث عن ( حسن ) وعرف بمكانها فحل ضيفاً على زوجها ( ابن حمرون ) وخلال هذه الفترة كان ( بشر ) كثير البكاء قليل الأكل .

فاشتكي ( ابن حمرون ) ذلك لزوجته ( حسن ) بقوله :

يا حسن عيا ياكل الزاد ضيفنا
هيا جميعٍ نشتكي لبكاه

فأجابته حسن :

خير الملا عندي بشر مابكيته
وباقي الملا لو مات ماننعـاه

وعندما رآها (بشر ) ورأته فعرفته

قال :

يا حسن يا حسينة الدل طالعي
علي ابن حمرون يهوز عصـاه

قالت حسن :

امنع عنه يا حامي الخيل بالقنـا
عسى جميع الحاضرين فداه

قال بشر :

يا حسن وش تجزين من جاك عاني
من الغرب وخلا والديه وراد

قالت حسن :

اجزاه أنا في حبه من ذبلي
من أشافي ماشافهن حذاه

وكانت ( حسن ) تريد بذلك إغضاب زوجها ( ابن حمرون ) حتى يطلقها ،

فتشيم ( إبن حمرون ) وطلقها وقال :

من عافنا عفناه لو كان غالي

ومن جد حبلي ماوصلت رشاه
فروحي مني لبشر عطية

عطية عنقري مايريد جزاه

وفعلا طلقها ( ابن حمرون ) وعاد بها ( بشر ) إلى أهله مسرورا فرحاً

وعاشوا بسعادة وهناء وخلفوا بنوتات حلوات << هذي من عندي

*********************************

وربي انها مادري وش تحس فيه ترجع للرجال الي متزوج عليها
و اتهمها في شرفها وتركها وحيده في البر

وتترك الرجال الي اكرمها وعزها وتزوجها <<

وفيه شي غريب في القصة وهو ان المرأة متزوجة من ( بشر ) هو صح تركها في الصحراء
لكن ماطلقها كيف تتزوج رجل ثاني ..!!!

اول مرة أكتب مواضيع من هذا النوع

واذا لقيت ردود كتبنا لكم زود

^
^
^
^
^
^

لغز قيل في الإذاعة عندنا

ماهوا الشي الي اذا اجتمع فرّق ..؟

الي بيجاوب له بطاقة شحن موبايلي من ادارة المجلس العام

في أمان الله

هلالي كايدكم · #2 07/11/2009, 12:07 AM

يا هلا باسكن ..

والله قصة مؤثرة ..

لكن ممكن سؤال ؟ << تفضل

..
ممكن تعطيني تفاصيل كاملة عن هالكتاب ..!

الله يسعدك يارب ..
تحيتي لك ..

مَاهِينُورْ · #3 07/11/2009, 12:18 AM

.

يا هلآ والله وغلآ باسكن

أسأل أن يشفي والدتك ويلبسها لباس الصحة والعافية

..

عاش من شافتس يابنت

إي والله مشتااقين لمواضعيك وردودك بعد

أنتِ من يوم ماوقّع لك الشلهوب وأنتِ متغيره ><

~> على الطاري ع البركة التوقيع الجديد

بالنسبة للموضوع / تعجبن مثل هالمواضيع الي كلّه سواليف قديمه

السالفه حلّوه ولو إن غريبة شويّ , والأبيات الشعرية عجزت أفهمها أول شي ~> قرأتها بالفصحى

وفيّه حسناء ما شاء الله عليها

~> أحس أسمها غلط

دائما أتعجب من الأولين كل كلآمهم شعر وشلوووون ؟!!!

..

الله يعطيك العافية أبلآ باسكن

وكثّري لنا الله يجزاتس خير من القصص

بالنسبة للغز ,, جوابه " المقص "

أنتظر البطااقة

لأجــل الوعــد!! · #4 07/11/2009, 12:30 AM

ااااااااااااه وابطنـــــــــي وتسبدي فطست من الضحك

الله يقطعك ياباسكن وشي هالقصة ماكسر خاطري إلا هالذلول المسيكين

وهي الغبية وين تبي راجعة له إيه تعالي شلون تتزوج حميران مدري حمران وهي على ذمة بشر الله يرجه

لا جد ابوي كثير عنده كتب عن نجد والقبايل وقصه وقصيدة من البدو القديمين احيانا يقص علينا ياأني ودي أنفقع عنده من الضحك بس أمسك نفسي عشان ماتجيني خناقة محترمة..

قصتك مامحليها إلا اسلوبك ..
اما اللغز ماني مجاوبه جوالي stc فاتورة إلا إذا تسددين فاتورتي

برسل لك الجواب صافطن العداد

عوافي حبيبتي ,,
أختـــــــــــــــــــكـ :لأجل الوعــــــــد~~}

maistro2t · #5 07/11/2009, 12:37 AM

أهـلاً ..

صراحه قصه جميله و حتى قصيدهم زين ..

: نفس سؤال هلالي كايدكم ,, وتعرفي وين نحصل ها الكتاب ..؟

كثري قصص من ها الكتاب ..

إقتباس

الرسالة الأصلية كتبت بواسطة باسكن روبنز


	وربي انها مادري وش تحس فيه ترجع للرجال الي متزوج عليها و اتهمها في شرفها وتركها وحيده في البر وتترك الرجال الي اكرمها وعزها وتزوجها <<

العشق و سـوآيـآهـ ..

تحياتي لك

الـمـشـاغـب · #6 07/11/2009, 01:01 AM

هلا باسكن روبنز عاش من شافك يا بنت

إقتباس


	كان (بشر) متزوجاً من إمرأتين أحداهما تدعى ( حِسْن )

يوم قريت هالكلام حسبته متزوج واحد اسمه حسن حسبته شاذ

قلت شكلها طاحت في رواية ابن بخيت وبتجيب العيد .. بس أشوا طلعت ظالمك

إقتباس


	المهم استيقظت ( حسن ) وعرفت أن زوجها سخيف

سخيف؟ ياااي على هالوصف خخخ

ذكرتيني بالخكاريا اللي طالعين مظاهرة يقولون :
ثلاثة اثنين واحد .. شارون أبيخ واحد

القصة أذكر أني قريتها أو شفتها لكن وين يا سلطان مدري

المهم أنها قصة ناس مألفينها ويضحكون علينا

مثل بعض روايات مشايخنا وقبايلنا اللي الفارس الواحد منا يصرع ألف فارس من القبايل الثانية ويلعن جدفهم

ويجون عندنا هالشيبان يهايطون علينا ويقولون عننا اننا جيل رخوم ومدري ايش

الله وأكبر ياللي ذبحتوا اليهود والنصارى .. تراكم ما ذبحتوا إلا بعضكم ولا يكثر

<< هالولد متبري من كل شي وطالب اللجوء السياسي في فيتنام

المهم أكثر هالقصص والروايات مبالغات وخراط فاضي

( لحظة بأنبّه على شي .. ترى فيه روايات صحيحة عن الشجاعة والقوة , بس أنا أقصد المبالغات اللي في الكتب اللي ما تدخل العقل )

واصلي يا باسكن واصلي .. والله يحميكي واصلي ..

بطلة · #7 07/11/2009, 01:29 AM

^
^
هههههههههههههههههههههههههههههههههههههههههههههههههههه حلوة حقت شارون

كيف تتزوج وهي مو مطلقة أقول لايكون ضحكت عليهم وقالت لهم إنها مطلقة يوه مشفوحة عالزواج خخخخخخخخخخ ---->يقالها اكتشفت شي

ياحبي لباسكن يم يمي اأيييييييييييييييم

شكر ياقمر عالموضوع الحلو ,,

ام متعب التميمي · #8 07/11/2009, 01:42 AM

إقتباس


	ودخلت غرفة البابا

سلامات وانا اختس وش عندتس داخلتن على البابا انا من شفت نكك وانا عارفه انتس من اكبر الداعمين لسرائيل^_*

إقتباس


	فاستغلت الام الفرصة فأخبرت ( بشر ) أنها رأت رجلاً يداعب ( حسن )

بعض امهات الرجال يا فيهن على كناتهن من الغل الغليل
الي ماحطه الله بقلب شارون على المسلمين
مدري وراهن على حريم عيالهن
دامتس تحبين ولدتس خلليه عندتس لاتزوجينه

إقتباس


	صغير الهامة كبير العمامة

شكله سوداني والله العالم

إقتباس


	فوافقت بشرط أن لا يرى وجهها

اجل وشوله ماخذتس الرجال يطالع مقفاتس بعض العقليات استغفر الله بس

إقتباس


	عطية عنقري مايريد جزاه

عنقري!!!!!!!!!!! تهقين من العنادزر<<على قولة الوالد^_* ماغيرهم ربيعنا اهل أوشيقر^_*

إقتباس


	ماهوا الشي الي اذا اجتمع فرّق ..؟

المغناطيس <<<ابغى شحن ابو 100 زين مو الاتصالات طيب^_*<<خلي يمدينا نصوت لشلهوب فالجوله الجايه^_^

تحياتي

Dexter Morgan · #9 07/11/2009, 01:46 AM

هههههههههه لوووووول الله يرجك

حلوه

قرقاص · #10 07/11/2009, 10:45 AM

هلا وغلا باسكن روبنز

مدري ليش ماسكه معي ان باسكن روبنز معرف لشاب وليس فتاة !!

ماعلينا من المقدمة

إقتباس


	كان (بشر) متزوجاً من إمرأتين أحداهما تدعى ( حِسْن ) وكانت والدته تفضل الزوجة الثانية على الأولى .

طيب ليش مؤلف الكتاب ماكلف على نفسه وكتب اسم الزوجة الثانية

إقتباس


	فأكرموها وبقيت عندهم فترة وهي متلثمة حتى عند الأكل

قوية هذي من المؤلف يعني ابن حمرون خذها ولاشاف وجهها !!

ام الحالة !! وش يبي فيها ؟؟

إقتباس


	وفعلا طلقها ( ابن حمرون ) وعاد بها ( بشر ) إلى أهله مسرورا فرحاً

حلوة طلقها ابن حمرون من هنا خذها بشر من هناك !! وين العدة يابوالشباب

ولاعشانه ماطلقها ؟؟

القصة هذي كأني شايفها في مسلسل بدوي قديييييم مرة أسمه عذاب على ماأظن عرض في 1414 مدري 1415

وقصته: قصته ان فرناس يتزوج ممن يحبها وعبير عيسى تحب فرناس فتحاول الايقاع بينهم فتضع ثوب رجل في فراش زوجة فرناس على انهاخانته فيقوم فرناس بترك زوجته في الصحراء ويذهب .

وتقوم الحرمه وتروح لقبيلة ثانية وتغير اسمها لعذاب وولدها من سند الى مطرود ولما يعرف زوجها الحقيقة يروح يدورها ويلقاها

وفي رواية اخرى:

إقتباس


	بطولة منى واصف ومحمود سعيد كان محمود سعيد هو الشيخ ومتزوج منى واصف وعايشين مبسوطين وهي كانت لسه جايبتله ولد بس زي ماتعرفون الرجال مالهم أمان راح تزوج عليها فاديه خطاب وهي انقهرت وقررت انها تحرق قلبه عشانه فرط في النعمه اللي عنده (يستاهل ) قامت هربت بليله مافيها ضو قمر وراحت لجأت لقبيلة ثانية وحرمته من ابنه وهي سمت نفسها عذاب اعتقد اسمها الاصلي في القبيله كان وصايف (او حاجه زي كذا) وغيرت اسم ولدها من سند الى مطرود الموهيم بعدين الولد يكبر ويصير فارس لايشق له غبار بينما اخوه من الاب اللي يكون بالقبيله الثانية يكون ولد فاسد قام بدوره ربيع شهاب لدرجه انه هالولد الفاسد يحاول يعتدي على بنت صديق والده اتذكر قام بدوره الفنان بكر قباني وقامت بدور البنت امل دباس يفكرون انه طيش شباب وانه الولد يحبها وممكن اذا تزوجوا يعقل فيروحون يزوجونه اياها ويقوم يذلها في اخر المسلسل يتم اسر مطرود في قبيله والده وطبعاً ما احد منهم يعرف الاخر ويروح صديق الوالد للقبيله الاخرى وتعرفه منى واصف وهو يعرفها ويكشفون الحقيقة

وموجود لقطات منه باليوتيوب تحت اسم راعي الأوله والصحيح ان اسمه عذاب وهو من بطولة منى واصف-عبير عيسى >>>> اللي ماعنده دش ذيك الأيام يحفظ كل شي في غصب 1

المهم مدري من اللي لاطش القصة من الثاني المخرج ولا مؤلف الكتاب حق الوالد

شوق الكويت · #11 07/11/2009, 08:39 PM

ولكم باك باسكن روبنز

احلى مافي الموضوع العنوان

{ من عافنا عفناه لو كان غالي !! }

يعطيج العافيه عالقصه الخياليه

ماقصرتي ولا تغيبين مره ثانيه

Blue Sun · #12 07/11/2009, 09:03 PM

هلا والله باسكن روبنز ..

عاش من شاف لك موضوع ..

<< من كثر مواضيعك ..

اجل ابوك يقرأ مثل هالقصص .. انتبهوا له , اكيد ناوي على الثانية ..

القصة جميلة جدا واهم شئ اني عرفت اسم حسن يجي للانثى بعد ..

الا جد قلت الاسامي والله عجزت افهمها وعيت تدخل مزاجي هالقصة بسبة هالاسم ..

وبعدين نفس الاسئلة اللي بنهاية الموضوع طرت ببالي بس زين ذكرتيها حتى ما نعيدها ..

بالنسبة للغز الله يخلي قوقل ما قصر ..

بس ما راح اقوله اللي يبي يعرف يبحث عنه ..

يعطيك ربي الف عافية على الموضوع ,,

Z ! Z OO · #13 07/11/2009, 10:39 PM

هلا والله .. باسكن روبنز

الحمد لله أجل الطفش جاب فايدة بقراءة كتاب ,,
أهم شى القراءة ولا نوع الكتاب مايهم

بالنسبة للقصة فالمفروض الي يعاف ( حِسْن ) من زوجها الآول
لاكن شكله تنطبق عليها مقولة .. ما الحب إلا للحبيب الآولي

يعطيتس العافية .. ولاتحرمينا من هالمواضيع المميزة
أري قاتو ..|

|