وين شيبان المجلس العام - صفحة رقم 2 - نادي الهلال السعودي - شبكة الزعيم

ســـــ SMN2002 ـليمان · #16 06/11/2009, 01:35 PM

::

إقتباس

الرسالة الأصلية كتبت بواسطة قرقاص


	هلا والله بابوشادن ياخوك وش ذا التحطيم شيبان مرة وحدة اذا انت شايب انا لسا في ريعان شبابي بصفتي واحد من اللي سجلوا في الأيام الأولى لأنطلاق الشبكة وكنت ناوي أسجل أول يوم بس مشاكل تقنية في الدايل اب ذيك الأيام وسرعة 8 ك ب في الثانية أخرت تسجيلي شوي لازلت اشاهد بعض المعرفات القديمة تجي وتقرا وتمشي ماتشارك واتمنى منهم العودة كما تطلب ولو مرة في الأسبوع أو الشهر فالعشرة ماتهون الا على اللي انتم خابرين وقد سبق أن طرحت موضوع قبل سنتين عنهم وشاهدنا من خلاله بعض الأسماء الكبيرة والتي ملت من الغبار من قلة الأستخدام وكان عنوان الموضوع: قدامى المجلس العام للأهمية قدامى المجلس العام !!! للاهمية !!! وموضوع أخر طرحته قبل شهور بعنوان: صورة جماعية لأعضاء المجلس العام 2002 صورة جماعية لأعضاء المجلس عام 2002 وكانت فيه هذا الرسم الكاريكتوري للفنان المبدع هاجد صديق العضو مر من هنا الحاتمي شكرا اخوي ابو شادن على هذا الطرح المميز كما أنت دائما وشكرا على المسجات اللطيفة والتبريكات بفوز الزعيم ولنا لقاء انشاء الله اذا جيت للرياض ومريت على الدائري الشمالي

هلا وغلا فيك يااابو جنى

مو تحطيم علشان يحسوا شوي

وماشاءالله عليك متواصل من هكا السنة اللي سجلت فيها
وانت ماقصرت كل مرة تضع موضوع لعل وعسى يرجعون
وموضوعك قدامى المجلس للاهمية
هو احد الاسباب اللي جعلتني اتمسك بالعودة للمجلس لو على فترات بس مااا انقطع عنكم

اخوي المجلس العام بيتنا الثاااااااني وصعب اننا نتخلى عنه
الله يذكرهم بالخير اللي بالصورة
ياحلووو ذيك الايااااااام
الله يعيدهااااااااااااااا

المميز هو ردك اخوي وطرحك الراقي
سوف نلاتقي ياعزيزي وحبيب قلبي يااا بو جني
والدائري الشماااااالي هو اللي خلاني احب الريااااااااااااض واهلها

h_s y t_2008 · #17 06/11/2009, 01:37 PM

إقتباس

الرسالة الأصلية كتبت بواسطة بريماكس


	ابتكلم بصراحه وبدون اي مجامله .. والله يا المجلس من فتره كاثرين الاعضاء الصغاار اللي ودك تحطلهم (قفص خااص ) تخليهم يلهون فيه بعيد عن المجلس العام لا اجل ماتخسر الاعضاء المميزين يعني ما اعتقد ان عضو قديم عاصر الوقت الماضي بيتحمل مداخلات هالاعضاء الوراعين تلقاه عنده عياله ومصدع راسه ويجي هالورع ويقعد يتفلسف ولا يقعد ينكت مدري مين اللي قايله انك تعرف تنكت انا ما انكر ان فيه كتاب عمالقه هنا بالمجلس ولا استهين فيهم او ابخس حقهم بالعكس انا معجب كثير ببعض الاعضاء سواء بردودهم او مواضيعهم وكلامي مجرد مقارنه بين اول والان يعني اول مثلاً تجد موضوع يتكلم عن شيخ فلاني الجميع يرد ردود محترمه .. الله يحفظه و و نادر ماتجد رد مخالف .. اما الان تجد بعض الردود تنرفز .. مثل لايهمك ولا شيخ حكومه ؟؟؟؟ يعني(( صغار سن)) على فكره ترى انا عاصرت العصر الماضي بعض الشئ بعضويه لشخص آخر ولا زلت احتفظ بالرسائل الخاصه وكان المجلس هادئ وردود محترمه ماهي زي اليوم حتى لا صرت فاضي قعدت اقراء بعض المواضيع القديمه لاني احس بطعم وانا اقراه اتمنى والله من كل قلبي رجوع الاعضاء القداااااااااااااااااااااااااااااااااااااااااااااااااامى تراي ارد عليك اخوي سليمان وقسم بالله اللاب توب فوق كبوت السياره حقت صاحبي وقعد انتظر واحد يمرني بس تأخر

حياك إبراهيم إن شاء الله مرتاح

ودي أتكلم معك بصراحة وبدون مجاملة بعد

لو سمحت لي ممكن تعطيني المعيار اللي حكمت فيه على فلان وفلانة بأنهم أعضاء "صغار"

في النهاية كل مايكتب هو رأي شخص يكتب خلف أسماء مستعارة شلون نحدد من هو الزين ومن هو الشين

إذا كان حسبما يطابق أرائنا الشخصية فأعتقد أنه معيار قاصر

تفحصت ردك كثيرا لكني لم أستطع إيجاد أي مبرر لوصف بعض الأعضاء بالصغار

فاياليت تكون صريح وتخبرني على أي أساس وصفت الأعضاء بالصغار ؟

بعدين لو سمحت لي مالعلاقة بين وجود أعضاء صغار بردودهم بترك أعضاء مميزين للمنتدى؟

تحياتي....

H_S Y T_2008

ســـــ SMN2002 ـليمان · #18 06/11/2009, 01:39 PM

إقتباس

الرسالة الأصلية كتبت بواسطة الغدير الازرق


	مثل مايقولون إن الشيبان بركة البيت فأنا أقول إن شيبان مجلسنا هم بركة المجلس عسى الله يردهم لمجلسنا وهم بأتم الصحة والعافية

هلا وغلا فيك اخوي
صدقت والله
والجميع ان شاءالله فيهم الخير والبركة
والله يردهم وهم وحنا في اتم الصحة والعافية
ومشكور على ردك اخوي

الهلالي دائماً · #19 06/11/2009, 01:42 PM

هلا وغلا اخوي ابو شادن

والله يحيه وبصراحة اضم صوتي الى صوتك وبعنف وأطالب بعودة حبايبنا من جيل المجلس الاول من الشباب >>> ما وده يقول شياب

وبصراحة عجبتني فكرة الاخ بدرينو

وتكون في موضوع بعنوان زمان يا مجلس

شكرا اخوي ابو شادن

ودمت بحفظ الله ،،،

ســـــ SMN2002 ـليمان · #20 06/11/2009, 01:44 PM

إقتباس

الرسالة الأصلية كتبت بواسطة $naro$


	تلقاهم صارو متزوجين وخلفو عيال ومالهم بالنت

هلا وغلا فيك
مستحيل اخوي احد يتخلى عن النت
حتى لو كاااااااان عنده درزن عياااااااال

بس اللي نبيه من اخواننا القديمين ان يزور المنتدى
ويعطو بعضا من خبرتهم السابقه
ويسلموا علينا

ســـــ SMN2002 ـليمان · #21 06/11/2009, 02:15 PM

إقتباس

الرسالة الأصلية كتبت بواسطة الـمـشـاغـب


	قد أسمعت لو ناديت حياً .. ولكن لا حياة لمن تنادي ..!! للأسف .. منهم من قضى نحبه ومنهم من يحتضر ومنهم من ينتظر ..! يالله حسن الخاتمة

هلا وغلا فيك اخوي المشاغب
اخوي يقولون كثر الدق يفل الحديد
صدقني غالبيتهم مستحيل ينسى المجلس العاااااااام
والواحد فيه عنده امور اهم من تصفح النت
ولكن نحن نلومهم بالانقطاااااااااع الدائم عن مجلسهم

اخوي الله يرحم من مات ويغفرله ويسكنه فسيح جناتة
فقد مجلسنا اعضاء كانوا ومااااااازالوا يعيشون في قلوبنا
وذكراهم العطرة
وكلما تذكرناااااااهم باااااااااادرنا بالدعاء لهم

اخوي صدقني مثل مااااااااا جيت انا راااااااح يجوووووون
لن المجلس العاااااااام عمل فينا سحر وصعب فكه
ويالله حسن الخاتمة

ســـــ SMN2002 ـليمان · #22 06/11/2009, 02:23 PM

إقتباس

الرسالة الأصلية كتبت بواسطة متآبعه بصمت


	تدري ليه كاثرين ؟؟ لأن النت صار بكل بيت وسهل إستخدامه .

هلا وغلا فيك اختي
اختي الصغير والكبير في النت
يحكمه رده
طرح الموضوع واسلوب كتابته واختياره للكلمااااات
وكذلك من خلال رده وتقديره واحترامه للاخراين نقووول عنه كبير
والعكس صحيح
المنتديااااااااات لايحكمهااااااا عمرا معين ولكن
الرد هو من سيحكم على صاحبه

وزي ماتطرقتي له النت صاااااااار
في يد كل من هب ودب

ســـــ SMN2002 ـليمان · #23 06/11/2009, 02:34 PM

إقتباس

الرسالة الأصلية كتبت بواسطة I B R A H E M


	حجزززززززززززززز برجع بكرة العصر رجعة أو على قولتهم باك ياخي مفروض يعطون قرقاص عمادة المجلس العام ويخلونك ولي العهد لأنكم ماشاء الله دائما تكلمون عن شياب المجلس و تطالبون بعودتهم موب العميد الحالي اللي ساحب على أبو المجلس العام ياخي ودي أرفع موضوع قرقاص (قدامى المجلس للأهمية) بس ياليت المشرفين يعطوني الضوء الأخضر دوك أنت و قرقاص<

هلا وغلا فيك اخوي
وحي الله رجعتك
ياخي حنا بالسعوديه
دائما اهل المنااااااصب بس اسم
وغيرهم هم اللي يتعبون

وبالاخير اي عمل يسجل في اسمهم

يااااخي من زماااااااان وحنا نطاااااااالب بالديموقراطية والانتخااااااابات بالمجلس

بالعكس اخوي وعميدنا المتقاااااااعد صدى الامس
دائما اشوف له رد
او طله
عاد العميد الحاااااالي له علاقاااااات قوية بالاعضاء السابقين
وترا قرقاص ماقصر حط موضوعه برده

اخوي شكرا لك

ســـــ SMN2002 ـليمان · #24 06/11/2009, 02:41 PM

إقتباس

الرسالة الأصلية كتبت بواسطة El Padrino


	وعلـيـكـم الـسـلام ورحـمـة الله وبـركـاتـه وفـاء رائـع مـنـك لـزمـلائـك الـقـدامى طـيـب يـا أخـي الـكـريـم لـيـش مـا تـقـوم أنـت والـمـتـواجـديـن مـن الأعـضـاء الـقـدامـى بـإعـادة رفـع الـمـواضـيـع الـقـديـمـة بـالـتـعـاون والإتـفـاق مـع الأخـوة الـمـشـرفـيـن؟ أو إقـتـبـاس لأشـهـر الـردود والـحـوارات بـيـنـكـم كـأعـضـاء قـدامى؟ مـنـهـا نـتـعـرف عـلـيـكـم وعـلـيـهـم بـشـكـل أفـضـل ومـنـهـا ( مـا تـدري ) يـمـكـن الـشـوق والـحـنـيـن يـرجـع الـغـايـبـيـن. ســـــ SMN2002 ـليمان يـعـطـيـك الـعـافـيـه واعـذرنـي عـلـى الإطـالـه

هلا وغلا فيك اخوي
والرائع هو ردك وفكرتك الممتاااااااازة
صراحة سلمت يداك على هالفكرة
واتمنى من الاخوة المشرفين الاسراع في تطبيقهاااااااااااااا
والله يعااااااااافيك اخوي

ســـــ SMN2002 ـليمان · #25 06/11/2009, 02:48 PM

إقتباس

الرسالة الأصلية كتبت بواسطة هلالي متيم20


	أول رد لي بالمجلس من سنه وكم شهر . . . . والله لكم وحشه مايعلمها الأ الله ـ بس ـ وش تبون نسوي الواحد أذا توضف وصار يحوش للمستقبل راح ينسى النت وأيامه الحلوهـ ــ غصب عليه ــ لكن والله . . لي فترهـ طويله ماأدخل بالشبكه الأ على ــ منتدى الجمهور الهلالي ــ على السريع آخذ أخبار الزعيم ـ ومستجدات الأمور المهمه . لكن والله أن المجلس العام ــ للأسف فقد بريقه وجماله ـ ماأعرف السبب ـ هل أن بعض الأعضاء مثلي أو أنهم خللهـم الملل من ــ كثرة جيتهم للمجلس ـ وحبوا يغيرون من هالروتين اليومي . . . . لكن تبقون في قلبي ـ أبتداء من أول شايب أبو طلال ـ مع انه دايم يزعلني بأمور خاصه بيننا . . ومرورآ ـ ماجد مقبل ــ القلم المتميز ــ وأنتهاء بمواصل من 1413 هـ . . والله مدري كم السنه اللي بدا في المواصل فيها .. .. المهــم . . . الله لا يحرمنا منكم ,

هلا وغلا فيك اخوي
والله حيه بعد انقطااااااااااااااع
ليس بالطويل
اخوي صح الارتباطات تشغلنا عن مجلسنا
ولكن لابد اننا نجي ونسلم ونتونس شوي مع اعضاء مجلسنا
لو كل بين فترة وفترة
والشيبان اللي ذكرت موجودين على طووووووووووووووول
والله لايحرمنا منك يالغاااااااااالي
والله يوفقك في حياتك اليومية والعملية

ســـــ SMN2002 ـليمان · #26 06/11/2009, 02:57 PM

إقتباس

الرسالة الأصلية كتبت بواسطة ماجد مقبل


	هلا وغلا اخوي ابو شادن والله يحيه وبصراحة اضم صوتي الى صوتك وبعنف وأطالب بعودة حبايبنا من جيل المجلس الاول من الشباب >>> ما وده يقول شياب وبصراحة عجبتني فكرة الاخ بدرينو وتكون في موضوع بعنوان زمان يا مجلس شكرا اخوي ابو شادن ودمت بحفظ الله ،،،

هلا وغلا فيك اخو ماجد واحد الشيبااااااااان اللي ماااااااازالوا ينثرون ابداعهم

والله ياليت اخو ماجد تطبقووووون فكرة اخوناااااااا بدرينو
دائم هي اعجبتكم
والعنوان اللي حطيته لايق على الفكرة
يااااااا شاااااااب الشياااااااااب

ولاشكر على واجب اخوي
وانت دمت بحفظ الله ورعايته

عاشقة الزعيم15 · #27 06/11/2009, 03:38 PM

كل اللي بنفسي قاله بريماكس الله يسعده

صح المجلس حلو الحين وفيه اعضاء مميزين بس برضو قبل كان احلى بكثيير

واذا ع الاشغال كلنا مشغولين بس عادي ما في شي يمنع اني اشارك واتصفح

ان شاءالله نشوف الشياب كلهم هنا ..

مدري اول ماشفت الموضوع جات ببالي هلالية انا

ومعشوقة الازرق

الله يردهم لنا سالمين

تحياتيـ
عاشقة الزعيم15

اللهيبي11 · #28 06/11/2009, 03:38 PM

اااااااااااااااااااااااااااااااه ذكرتني باصحاب الكهف

لقد كان في قصصهم عبرة لاولي الالباب

قتلهم الطموح الزائد

واحد يبي يصبح وزير والثاني همه كيف يكون رائد

لو تعرف زمان شنو كان الوضع السائد

كان المنتدى العام اشبه بالسلم اللذي يريد الجميع ان يصعد عليه ولو اردت لاخبرتك بالمزيد

بالعربي

اللي على اليسار ملى الكتاب

ووبلاك ( ولامبارد) بالاستقاله الغير مقبوله في اداره تدار من شركة ارامكوا

ياويل حالي

باسكن روبنز · #29 06/11/2009, 03:57 PM

كل واحد وظروفه وان شاء الله يرجعون للمجلس وهو سالمين غانمين

بريماكس

انا لا اتفق معك بخصوص هذي الجزئية

بالعكس الاعضاء الحين فيه كثير منهم صغار ومميزين سواء بالردود او بالمواضيع ..

ومو معناها ان هؤلاء الصغار ماتفقوا معنا بالرأي نضعهم في قفص

وحتى زمن شيبان المجلس اكيد كان فيه اعضاء متنحين

وماعتقد السبب في غياب شيبان المجلس حاليا وجود الأعضاء البزران على قولتك

شكرا اخوي سليمان

بريماكس · #30 06/11/2009, 08:12 PM

إقتباس

الرسالة الأصلية كتبت بواسطة h_s y t_2008


	حياك إبراهيم إن شاء الله مرتاح ودي أتكلم معك بصراحة وبدون مجاملة بعد لو سمحت لي ممكن تعطيني المعيار اللي حكمت فيه على فلان وفلانة بأنهم أعضاء "صغار" H_S Y T_2008

الله يحييك اخوي محمد

ابشرك انا مرتاح ومبسوط كتير كتير وكله بفضل الله الحمدلله انت كيفك ان شاء الله بخير؟

سم .. خذ راحتك .. واحب الصراحه ومثل ماقالوا (الصراحه راحه

)

إقتباس

الرسالة الأصلية كتبت بواسطة h_s y t_2008


	لو سمحت لي ممكن تعطيني المعيار اللي حكمت فيه على فلان وفلانة بأنهم أعضاء "صغار"

المعيار الله يسلمك اللي خلاني احكم على الشخص انه صغير سن في النت (رده )..
عاد تصدق وانا اكتب هالرد بيني وبين نفسي قلت وهو فيه شئ ثاني يخلين احكم عليه غير الرد

؟؟
يعني من خلال احترامه للآخرين تعرف العضوو عمره وفكره .. ايضاً من خلال انتقائه للكلمات مثل ماتفضل اخوي الكبير سليمان

إقتباس


	بعدين لو سمحت لي مالعلاقة بين وجود أعضاء صغار بردودهم بترك أعضاء مميزين للمنتدى؟

محمد ابضربلك مثال عام وانت افهم اللي اقصده

وتراي من ضربي للمثال القصد حال المنتديات عاااااااامه .
مثلاً انت كاتب مميز .. تجتهد بكتابة الموضوع .
ياخذ الوقت الكثير منك تحضيره.. انت بشوق لمداخلات الاعضاء

لما تطرح المووضوع تتفاجأ بعدم وجود مداخلات تثري الموضوع و قد تجد ردود تتمنى لو كانت الردود صفراً افضل منها ..
ككلمة يسلمووووووووووووووووووووو فقط لوحدها او يعطيك العافيه ولاتحرمنا من مواضيعك ولا تنسى الزخرفه والحركات المتعوب عليه

فبالحاله هذي العضو ماراح يظل بالمنتدى وطبيعي بيبحث عن مكان آخر مميز ومن حقه وعلى كذا خسرت عضو مميز وجوده يغنيك عن وجود مئات الاطفال

ان شاء الله اتضحت لك الصوره اخوي محمد واي شئ ما اتضحلك تامرني وانا اوضح اكثر

المجلس العام بخير وسيظل بخير باذن الله

بوجود مشرفيه اللي اشكرهم على كل مايقدمونه واعضائه لكن لو نفتك من عينه صغيره كان يكون فنتاستك

.

إقتباس

الرسالة الأصلية كتبت بواسطة ســـــ SMN2002 ـليمان


	وانتبه لاترد ثاني مرة وانت على الكبووووت اخاااااااااف يمشي وانت منسجم بالرد

هههههههههههههههههههههه هههههههههههههههههههههههههههههه

تصدق ما استبعده لاني انسان بالرد انسجم وادخل جو --> الهنوف على غفله الابتسامه قبل الرد خخخخ

حتى وانا اكتب الرد انتبهت لجوالي شفت ثلاث مكالمات ماانتبهت لهم

-> نصاب .. بس ولا يهمك ان شاء الله راح انتبه المره الثانيه

--> قرقااص ثلاث هههههههه

باسكن روبنز

هلا اختي باسكن قبل كل شئ دعواتي لوالدتك واسال الله ان يشفيها ويلبسها لباس الصحه والعافيه عاجلاً ياكريم

بكل تأكيد احترم رأيك لكن انا لم أعمم على الاعضاء الجدد كلهم.
اتمنى ان ردي مايفهم بالغلط!! بالعكس الاعضاء الجدد فيهم الخير والبركه لكن انا ابديت وجهة نظري (بنظره عامه للمجلس الآن) لاني اشوف المجلس ماهو زي اول واعتقد لو تشوفين نسبة قيمة مداخلات الاعضاء قبل وقارنتيه بمداخلات الاعضاء هاليومين بتلاحظين الفرق.
وهذا مايعني ان ردود اليومين مش حلوه ؟؟ .. بالعكس والله يمكن اتعب لو اعدد الاعضاء المميزين واللي متابع لهم

بس انا قارنت الحال عامه بالسابق والآن وهاااي السالفه كله

متابعه صاادقه

كل من هب ودب دخل النت.
ولد اخوي توه تارك الرضاعه

خخ ومعه لاب توب وعاد شفته مسجل بمنتدى والبزر قاعد ينزل مواضيع ما ابالغ لو اقولكم مواضيعه اكثر من ردوده

سالته قلت ماشاء الله عليك مواضيعك كثيره كيف

..؟
عاد رد علي بكل برود ( قال عادي نسخ ولصق

)

عموما وقبل لا اعتمد ردي ابقول المهم وهو ان المجلس على اسمه (عام )ماهو مخصص للبزران ولا للشيبان ولا المشاهير

للجميع الله يجي حياه الله والله يروح بسلامته وبحفظ الله

بس انا هذي وجهة نظري بسبب غياب الشيبان الله يحفظهم واللي ذكرته انا هو سبب من الاسباب لان ايضاً اعتقد ان احوالهم تغيرت عن قبل وراهم وراعين وراهم حريم واسواق بعد( ماتلاحظون ان الاسواق ماجت الا بعد الزواج

)
وهم لاشك السابقون ونحن اللاحقون

هذي وجهة نظري واحترم الجميع

.. واعتذر اذا كلامي ضايق احد مع اني ماقلت الا اللي في بالي واللي اشوفه صحيح ..

على هالرد شكلي اباخذ اجازه اسبوع عن الردود

تحياتي للجميع ..