موضوع حلو وابيآت روعه من جد ..
بس مستغربه ليش مستدعين فرنسيآت للعمل عندكم ؟؟

هلا ابو مقبل ,,, نورت المجلس ..

ولكن عندي سؤال ! وش الفرق بينك وبين جريدة الرياض ؟

المهم .. تصدق ان حالة اخوك تصير عندي , اخوي بالابتدائي يقول يوديني عادل عشان اروح بدري
لان اخوي الثاني اللي يدرس يتاخر وديته مره وصار يتعود كل يوم يصحيني واقول له
روح شغل السياره لين اجي , وما اصحى الا بصوت الجرس

المهم .. من ناحية الوفد الفرنسي , انا اقول مثل ماقال البعض , انه لو زاد النشاط والحيويه
في يوم , بيجي اليوم اللي يملون من خششهم وبيصير الامر عادي جداً ..
والامر الثاني ان النساء متأففآت , يعني لو قلت لها سوي او قومي او عدلي تقول اوف ..
طبعاً الرجل مايطيق الاوف .. فلذلك راح يمل ويمكن يستقيل <<

طبعاً ما اقول الا تزوج , وخل عنك التكشخ لوفود الشركات
لان المتزوج زوجته دابلتن تسبده بالبيت , وماله نفس يطالع خشة أي كائن مؤنث

:: برايفت ابو مقبل ::
عندكم وظايف

بانتظار مواضيعك , وتقبل فائق احترامي ..
دمت بخير

للأسف البعض ربما تسرع في فهم أبو مقبل .
فكما تبين لي أن الرجل يعشق الفن الزيداني ولذلك يحب ريحة فرنسا أو أي شيء يذكره بزيدان فقط

معلومة أخرى للبنات الي يبون شباب فرنسا.

أشتهر الشعب الفرنسي بأنه أوسخ شعب حتى في الترويش والسبب إنهم مكتفين بالعطور
أتوقع والله أعلم أن هنالك تشابه لمن يغرب في الفرنسيين وبعض البنات من هذه الناحية.

نعم أنا من عشاق المنتج الوطني بكل أنواعه ولكن إن حصل وأردت إستبداله فالفرنسيات ليسن بتلك المغريات هنالك الجمال الإيطالي هو من يأسرني ربما لأنهن يشتهرن بالشعر الأسود
شسوي أحب أي شيء يذكرنا ببنات البلد.

مايميز السعوديات عن غيرهن غير العلوك والهاتش باك الي ذكرها الصخره في رديته الأخير.
أنهن أكثر نساء العالم إتقانا في عمل القهوة العربية<------كلن على همه سرا.

أبو مقبل في حالة الإختلاط الي يقولك بيملون ومن هالكلام صدقني لا ولكن سيحدث أمر معين...
لو ناقشت لك زميلة بالعمل وطلعت انت الصح بتقول تراه يغازلني تراه هو الي عاكسني(يحبون التشكي وعمل دور المظلوم دائما)
وبالأخير بتكون مهمتك الوحيدة بالحياة توصيل أخوك المدرسة.

مرحباً ابو مقبل


أجل ناني ودولفينا

ميير ماكسر خاطري الا أخيييك الا بتدمر مستقبله التعليميي من أجل لحظاتك الأخيرة بالنـوم
هل تعلم أن اكثر الأمور المدرسية افادة اذاعة الصباااح هذا غير نشاط الحصه الأولى اللي محروم منها المسكين لكن الفلافل مفيد في بعض الأحيـان


وحمدالله ان مثل هالزيارات ماتتكرر يومياً عندكم ولا اشوف أنه راح يزيد النشاط والأنتاجية لأن الشعب بيكون مشغول بأمور أهم بالنسبه له


وعـواافـي ..





فـجـر !

عوده

إقتباس الرسالة الأصلية كتبت بواسطة قرقاص يعتمد هذا على عقلية المرأة وتعليمها !! وثقتها بنفسها و بزوجها وأخلاقه

هلا بك اخوي قرقاص
اخالفك بهالنقطه انك ربطت الغيره بعقليه المراه وتعليمها
الغيره مالها دخل بثقه الزوجه بنفسها واخلاق زوجها
بالعكس هذي شي فطري واشوف الغريب الي ماتغار او الي مايغار لان الانسان بطبيعته يحب التملك
طبعا الغيره تكون بحدود لاافراط ولاتفريط
بعض الناس يلخبطون بين الغيره والشك والشك هو الي يرجع لاخلاق الرجال وهالامور
بعض الناس ينتقصون من غيره الزوجه ويعتبرونه شي ماله داعي
لو انطبق هالشي على الرجال وكانت زوجته تشتغل مع مجموعه من الشباب
ماراح يغار على زوجته .........!!
طبعا مو شرط الغيره على الزوج بس بالنسبه لي حاليا
لو شركه ابوي الي مستضيفين هالفرنسيات بغار
وغيرتي على ابوي اظن مالها دخل بثقتي بنفسي

إقتباس الرسالة الأصلية كتبت بواسطة متآبعه بصمت أحد قالك إن احنا مزاييين أصلا إحنا شيَّف يالله حسن الخاتمة بس إلى اللقاء يالوسيم

أنتوا اللي جبتوا الكلام لأنفسكم .. يعني لازم أشخط فيكم عشان تفهمون؟
كل الردود أو أغلبها ما تطرقت لكم يالجنس الناعم << خسارة فيكن هالنعومة أنتن وهالركب اللي لو تحك بها ماصورة مصدية بتطلع الصدأ
محد قال شي عنكن .. بالعكس طلبوا بالاختلاط وبعضهم مدح الفرنسيات , وش اللي حرق رزكن؟ أكيد عقدة النقص ما يبي لها كلام
يمكن رد مواصل هو بس اللي تحرّش .. لكن كان المفروض توجهين ردك له مو تقولين صيروا مثل سعود الدوسري وطالبوا بالفرنسيات ! لأننا ما غلطنا على أحد
وبعدين ترى ردك في الأصل منقلب ضدك
لأن سعود منا وفينا .. يعني شاب ( سعودي ) على الأقل فينا من ترتزون به قدام خوياتكن الخليجيات والأجنبيات ..!
لكن حنا لنا الله ما لنا إلا فنانتنا ( وعد )

المهم .. متشكر جداً على رفع معنوياتي بالكلمة الأخيرة

سوري لرد مرتن ثانيه.........

إقتباس الرسالة الأصلية كتبت بواسطة الـمـشـاغـب لكن حنا لنا الله ما لنا إلا فنانتنا ( وعد )

ياخوي اول شي وعد موب سعوديه يمنية الاصل.........

ثاني شي لاتحكم بشين السعوديات بالمجتمع الي تشوفه انت كذا جالس تسب اهلك وجماعتك انهم شيون

واذا ماانت مقتنع اسمع قصيدة فزاع يا مرحبا يا مغلط بتلفيوني
الولد رغم الجمال الي يملكه الا انه خااااااق عند سعوديه

وبعدين احلفك بالله كم مره رقصت واستلجيت على اغنية يا بنات الرياض

وياما انكتبت القصايد والمديح في بنات الرياض والمملكه عامه

وياما انكرشت من البنات يوم جات امك تخطبلك محد بغاك

اعتذرك لك اخي الكريم ان جرحت من كبريائك

إقتباس الرسالة الأصلية كتبت بواسطة الـمـشـاغـب وبعدين ترى ردك في الأصل منقلب ضدك

ليه ردي منقلب ضدي
أنا ما طالبت بإختلاط ولا تمنيت فرنساوي
أنا بس كنت أصحيكم من الغفله اللي أنتم فيها
أحد لاعب عليكم وقال إنكم حلوين ؟؟
بالله كل واحد يناظر نفسه في المرايه قبل لا يتمنى

إقتباس لأن سعود منا وفينا .. يعني شاب ( سعودي ) على الأقل فينا من ترتزون به قدام خوياتكن الخليجيات والأجنبيات ..!

نرتز بسعود وأنت عندنا ؟ !
أفا عليك بس

إقتباس لكن حنا لنا الله ما لنا إلا فنانتنا ( وعد )

من جد رحمتكم
لأن احنا أردى من وعد

آسف والله يا ماجد ما كان ودي أكثر نفسي في الموضوع لكن اسمح لي آخر رد إن شاء الله ..
رد متابعة خلاني أرد آخر رد يا ماجدونا

إقتباس الرسالة الأصلية كتبت بواسطة ام متعب التميمي ثاني شي لاتحكم بشين السعوديات بالمجتمع الي تشوفه انت كذا جالس تسب اهلك وجماعتك انهم شيون

إذا كنتي جديدة أحب أقول لك أننا هنا أهل ومتعودين على المزح ونمون على بعضنا ..
ويا ما العضوات تكلمنا عنهم وتكلموا عننا , وما دخلنا سالفة الأهل بالموضوع ..!

إقتباس الرسالة الأصلية كتبت بواسطة ام متعب التميمي وبعدين احلفك بالله كم مره رقصت واستلجيت على اغنية يا بنات الرياض وياما انكرشت من البنات يوم جات امك تخطبلك محد بغاك

يعني أفهم من كلامك أنك تسبين أهلك وجماعتك بأنهم ( رقاصين ومستلجين ) على أغنية بنات الرياض؟ وأنهم انكرشوا من البنات يوم أمهاتهم يخطبون لهم؟!!

إقتباس الرسالة الأصلية كتبت بواسطة متآبعه بصمت [/COLOR][/SIZE] ليه ردي منقلب ضدي أنا ما طالبت بإختلاط ولا تمنيت فرنساوي أنا بس كنت أصحيكم من الغفله اللي أنتم فيها أحد لاعب عليكم وقال إنكم حلوين ؟؟ بالله كل واحد يناظر نفسه في المرايه قبل لا يتمنى

كلن راسه بالسماء .. ويطمح للأفضل والأمثل والأجمل
الرجال فيهم صفات كثيرة تغني عن الجمال .. مثل الكرم والشجاعة والقوة وغيرها ..
لكن أنتن يالحريم ما معكن إلا هالجمال .. والا انتن أبخل وأجبن وأضعف من خلق ربي
لا راح الجمال وش عاد فيكن يغري أو تقدرن تعوضن عنه؟

على العموم يكفي جلد لحد كذا
ترى كل هالكلام والله العظيم مزح والا أنتن بكل ما فيكن تعجبونا حتى ركبكن -اللي الوحدة تدق المسامير بها في الجدار وتطحن بها الحب - ما فيها قصور وتراكن ماليات عيونا وتسفطن الشاميات والفرنسيات في اباطكن وأنتن تمشن بكل غنج

المهم قبل لا أمشي ما ودي أنسى أقول لكن : ترى فيه وصفة ليمون وديتول لتلميع الركب .. الله الله فيها

^


منتب صاحي

سؤال جدي ليش ماخذين فكرة ان الشعب السعودي ركبهم سود

ماجدونا صراحه شكيت انك كاتب الموضوع رجعت اشيك عاليوزر

مراهقة متأخره هذي ولا ايش ؟





^

امزح لاتعصب

إقتباس ألا هبي بوجهك صبحينا ** ولا تنسي تزيد اللطف فينا فإنا معشرُ نهوى سريعاً ** وعند الحسن نحن مبنشرينا لمحتك من بعيد فدق قلبي ** كأني قد عرفتك لي سنينا كأني قد رأيتك وسط كانو ** في لج البحر يوماً تسبحينا قوامك مثل إيفل ويح قلبي** ووجهك وجه باريس يرينا وإني لست ادري أنت ناني ؟ ** وساعات أخمن دولفينا وليس يهمني من أنت إني ** أحبكما جميعاً اجمعينا فلي قلب أكبر من فرنسا ** يضم متاحف ويضم مينا صباح الخير يا ناني ودوفي ** وأهلا مرحباً ومنورينا

صح لسانك


اما عن سالفه الاختلاط بالشغل صحيح انها صايره بس نتمنى ماتكون على نطاق اوسع للمفاسد الي ممكن تصير


اما عن مسألة المقارنه بين السعوديين والاجانب اقول كل واحد ياخذ الي يعجبه

وانا متاكده مالكم غير بعض

إقتباس الرسالة الأصلية كتبت بواسطة الـمـشـاغـب المهم قبل لا أمشي ما ودي أنسى أقول لكن : ترى فيه وصفة ليمون وديتول لتلميع الركب .. الله الله فيها

احتفظ بالوصفة لوجهك