ما زلت أذكر ذلك اليوم المبارك الذي أعلن فيه عن سقوط رأسي في مستشفى المواساة بالدمام
يومها خرجت للدنيا مطأطئ الرأس وأرى الدنيا بالمقلوب لأن السيستر كانت شايلتني مع رجولي وتسجل في الدفتر بعدما تأكدت بصعوبة أني ( ذكر ) ..!
كان ذاك اليوم يوم تاريخي يقف له الجميع إجلالاً واحتراماً ..!
تمت الاحتفالات والمهرجانات في جميع أرجاء المنزل .. وتم الاتفاق على تسميتي بالسلطان
كان أبي يتنبأ لي بمستقبل باهر وأني سأحكم يوماً ما المملكة العربية السعودية << العاق باع أبوه
كبرت وترعرعت كما يترعرع بقية الشعب السعودي .. لبست البامبرز وشربت النيدو ومارست التميلح على صبايا الحارة
وصلت سن البلوغ ومرحلة المراهقة وهي أصعب مرحلة يمرّها الشاب السعودي حيث يحس بالكبت العاطفي وانعدام وسائل التفريغ والتنقيز ..!
عدت مرحلة البلوغ بـ حلوها ومرها ولا داعي لاستعراض أحداثها حتى لا أدشّر القراء الكرام..

( القصة رمزية وفيها الكثير ما بين السطور .. إن تم حل البعض منها سيتم تنزيل بقية الأجزاء )

قفلة :
يتبع

اللي فهمته ما يلي/
1- إنك ناوي تقلب الحكم عليهم
2- تبي تعلمنا إنك نابغة وعملة نادرة جدا في هذا الزمان
3- الله يكفيك شر الطفششش
4- إني أشطر وحده في العالم < بكيفي

هههههههههههههههه
ماتبطل حركاتكـ ..
اتنظر الجزء الثاني عشان أعرف وش الطبخه

هلا والله سلطان ..

ابوك غلط وامك جابتك وكبرت .... طيب وبعدين .. ؟!

على العموم ننتظر الباقي يمكن نلاقي مفتاح لشفرة دافنشي ..

إقتباس الرسالة الأصلية كتبت بواسطة متآبعه بصمت اللي فهمته ما يلي/ 1- إنك ناوي تقلب الحكم عليهم 2- تبي تعلمنا إنك نابغة وعملة نادرة جدا في هذا الزمان 3- الله يكفيك شر الطفششش 4- إني أشطر وحده في العالم < بكيفي

اهلاً مت مت
للأسف كل اللي قلتيه غلط مش موجود بين ثنايا الموضوع المميز
وتراه مو طفش طبيعي .. طفش انفلونزي جعله في مواصل قولي آمين أستغفر الله

..........................................................................
.........................................................................

ما اعرف ليش حطيت اضافة رد احس اني تسرعت موعارفة مغزى الموضوع
يعني c.v مختصرة للاخ سلطان
او شوووو
او انه يقرأ ممكن يقرأ سطر وسطر لا وهكذا

وانا اقرى الموضوع تدري وش قريته ؟!!

ليلة سقوووط بغداد مدري وش جابه على بالي,,


بانتظار البقيييييية لاتبطي علينا

إقتباس الرسالة الأصلية كتبت بواسطة هلاليه محترفه هههههههههههههههه

إقتباس الرسالة الأصلية كتبت بواسطة هلاليه محترفه ماتبطل حركاتكـ .. اتنظر الجزء الثاني عشان أعرف وش الطبخه

هلا وغلا بالمحترفه كيتا
لا هالموضوع ما فيهوش حركات .. بالعكس أنا هنا متحفظ ومحافظ ولابس حفاظة بعد
بأنزل الجزء الثاني إن شاء الله وتسهل عليك الأمور

إقتباس الرسالة الأصلية كتبت بواسطة Blue Sun هلا والله سلطان ..

إقتباس الرسالة الأصلية كتبت بواسطة Blue Sun ابوك غلط وامك جابتك وكبرت .... طيب وبعدين .. ؟! على العموم ننتظر الباقي يمكن نلاقي مفتاح لشفرة دافنشي ..

هلا وغلا بالطعوس كلها
هنا تتضح أهمية الرمزية
مو الكل يقدر يفهم .. ومو الكل يقدر يحلل .. هالموضوع فقط للأذكياء فقط ..
وأنا والله صادق .. هناك هدف للموضوع ومتأكد أنه بيجي أحد وبيوضح النقاط
شغل مخك شوي لين ينزل الجزء الثاني

ملكة الورد .. مالك لوا , مش سي في ولا حاقة , خذي الموضوع بشكل عام كفكرة ثم ادخلي في التفاصيل ..

ميس زيزو .. سلمي لي على بسمة في " ليلة سقوط بغداد"

بعد وصولي سن الخامسة والعشرين دخل إلى حياتي شاب اسمه ( خالد ) ..
تعرفت إليه عن طريق الاستعلامات ( 905 ) .. طلبت منهم أن يعطوني رقم صديق وفيّ متديّن يقدّر الحياة الزوجية ..!
بما أنه يقدر الحياة الزوجية فإنه حتماً سوف يقدر الصداقة
ردّ علي موظف الاستعلامات بأسلوب ساخر : طيب ما ودّك نخطب لك مغربية والا لبنانية؟
قلت : لا أعوذ بالله وش شايفني؟ شاذ والا ايش؟
ضحك وحس أني إنسان نكتة أو بالأصح مسخرة .. فقال تفضل رقم هالصديق ..!
طلع الرقم اللي أعطانياه رقمه هو

بعد ما تعرفت عليه سحبت على إبراهيم حقوي وخفّت علاقتي مع ماجد مقبل .. وصار أبو ريمان يعرف أخباري من بعيد
أما القاضي للحين وده يعرف ليش ما أدخل المسن

ابتعدت عن العالم لأني وجدت الصداقة والوفاء في شخص خالد
صرت أحافظ على صلاتي أكثر من مكالماتي الغزلية .. وصرت أتابع برنامج حجر الزاوية بالام بي سي
زاد ايماني بالله بسبب نصايح خالد .. وزاد حبي وتعلقي في خالد لأنه شخص ينحب ..
وفيه كتبت :
الله الله فيّه خاف الله .. من قبل لا اموت في حبك
يا حبيبي ارحم رحمك الله .. با تنال احسان من ربك

قويت علاقتي في خالد أكثر مما تتخيلون .. صرت أفكر فيه يومياً وأدمنت وجوده في حياتي ..!
فجأة اختفى خالد من حياتي ..
مات خالد في حادث مروري مال أمه داعي ..!
بكيت عليه وما فاد البكى ..

بالأخير نسيت خالد .. وتأملت ألقى مثل خالد .. لكن للأسف من هو مثل خالد؟!!
الله يرحمك يا خالد ويسكنك فسيح جناته
( ما توقعت عيني تدمع عليه الحين بعد كل هالسنين الله يرحمه )

يتبع

ههههههههههههههههه وربي حتى أنا على بالي ليلة سقوط بغداد ههههههههههههههههههههههههههههههههههههههه


يلا ننتظر رد سلطان وش ورانا

السلام عليكم ورحمة الله وبركاتة
اخوي سلطان كيف حالك والله مشتاااااااااااقين لسوليفك
شكل هالقصة فيها مغزى
وشكلي ابي اعرفه بس مهو الحين مااابي احرق الحتوته