قدم سؤالك للعضو (( جنتلمان )) - صفحة رقم 3 - نادي الهلال السعودي - شبكة الزعيم

جنتلمان · #31 07/09/2002, 11:12 PM

الغالي شموخ ..

إقتباس


	س:من هي المراه اللي طلعتك على الدنيا ؟

أم الجيران

..
أمي الله يطول عمرها ويحفظها مهما قلت ومهما تكلمت مانيب قايم بجزاها ويكفي أن الجنه تحت أقدام الامهات ..

إقتباس


	س: من تحب اكثر الغاليه (امك) والا الغالي (ابوك)؟

كلهم عينين في راس

.. أمـــزح معك ..
كل واحد أغلى من الثاني عندي وما أقول غير جعل يومي قبل يومهم

..
وأن جيت للأقرب لي فهو الوالد بحكم جنسي فهو صديق لي قبل ما يكون أبو

..

إقتباس


	س: لو لم تكن في كليه الطب اين تتمنى ان تكون ؟

أنا كانت ميولي للحاسب الآلي والأنظمه المعلوماتيه لكن بعد ماشاورت الوالد والوالده وأقترحوا علي الطب من باب الأختيار لك وأنا يوم شفت خاطرهم في الطب وخصوصاً الوالد قررت ما أكسر شوفاتهم ودخلت الطب ونسبتي ساعدتني ..

إقتباس


	س: ثلاث امنيات تتمناها ان تتحقق خلال هذي السنه الحاليه؟

الأولى: زوال أسرائيل وكل من عاونها وخصوصاً أميركا ..
الثانيه: رضا والدي علي ..
الثالثه: تواصل النجاح و البطولات في كل شئ يتعلق بزعيم آسـيـــا ..

إقتباس


	س : وش المواضيع اللي تعجبك ؟واللي ما تعجبك ؟

أغلب المواضيع حلوه وتعجبني .. أما اللي مايعجبني هو [ النقل ] بدون أي فايده !!..

إقتباس


	س: وش الشي اللي يضيق خلقك منه اذا شفته في المنتدى ؟

الرد بطريقة [ مشكور والله يعطيك العافيه ] !!!! ..

إقتباس


	س: وش رايك بشموخ؟

من أكثر اللي تشرفت بمعرفتهم وأعتز بمعرفتهم ..

تحياتي لك ..

الغالي 5 جروح ..

إقتباس


	شرايك بالاناتومي و البرفسور كوفي؟ لووووووووول ( انواع السب) عديت منها ب D او C ....لا تقولي A ؟

أنا جنتلمان والآجر على الله

..

إقتباس


	شرايك بالدكاتره التاليه اسمائهم: سعد الدين عمرو فتحي ستيت ( الله يذكره بالخير ) السحيباني ( لوووووووول) التويجري السر ( اللي بمعمل الباث )

ماعرفهم والله

..
أما د. التويجري أذا كنت تقصد عبدالحميد فنعم فيك وفيه

..

تحياتي لك ..

جنتلمان · #32 07/09/2002, 11:30 PM

الغالي الشلهوب 2000

إقتباس


	س1: مارأيك بنادي النثر ؟؟

جار القمر ..
ونادي الطفايه والعفريته

..

إقتباس


	س2: مارأيك بموقع الاخوين

موقع مميز على أنه جديد ويكفي أن تروكي التويجري المشرف العام ;) ..

إقتباس


	س3: قااارن بين منتدى الاخوين (من هنا الدخول) وبين منتدى شبكة الزعيم

أتوقع أنها مقارنه ظالمه للمنتديين

..
منتديات شبكة الزعيم تمثل زعيم آسيا ومنتديات الأخوين عامه وهذا مايلغي تميزها أبد أضافه للفارق بينهم من ناحية العمر الزمني فشبكة الزعيم لها أكثر من سنتين والآخوين توها جديده

..

إقتباس


	س4: اذا جاك واحد الساعة 2 باليل ورن الجرس .. وفتحت الباب .. وطلع حرامي ومسك وقال خل شبكة الزعيم باسمي والا ترى ابطلق الرصاص على خشمك آآ قصدي راسك وش تقوله ؟؟

أبقوله [ أنزلع ] الزعيم زعيم

وأتشهد

..

إقتباس


	س5: كم كف يجيك باليوم من بابا ؟؟

ما أقدر أحدد لك كم بالضبط بس وجهي صاير منشفه للوالد

..
والكذب خيبه فالكفوف اللي أكلها أقل من الكفوف اللي تاكلها أنت بأثنين

..

إقتباس


	س6: اذا فاز فريق البنات عليك .. تبي تنتحر .. والا تموت ؟؟

عشم أبليس بالجنه

..
وأبشرك تراهم أنسحبوا

الله يهديهم خمسة مدريد خربوا الشامبينز ليق بإنسحابهم تسببوا بخساير ماديه كبيره

..

إقتباس


	س7(بالفصحى) : اذا ذهبت الى البقالة .. ثم شريت خبزً ثم رجعت الى البيت .. ووجدت بابا ينتظرك عند الباب .. وعندما دخلت .. اذا به يصكك كفُ على خشتك .. وعندما سألته بانهداش آآ قصدي باندهاش .. لماذا صقعتني كفً يابابا؟؟!! فرد عليك هو بابسامة تكاد تششق خشته من الابتسامة وقال : امزح .. فتركته وسهجته .. وعندما ذهبت الى غرفتك وانت محمر الخدين من الكف .. وعندما هممت بتوليع الكمبيوتر "الحاسب الالي" وجدته منفقع .. ماهو شعورك في هذه اللحظة .. ؟؟

عادي تصير في أحسن العوائل

..
بس أول شي أسويه أبجي أفقع راسك لأنها بغت تصير حقيقه

..

إقتباس


	س8: ماهو شعورك .. والا اقول .. مايحتاج .. انت اول شي تفرغ للأجابة على الاسئلة السبع اللي راحت .. بعدين اصكك بالثامن

الله يحيك

..

إقتباس


	معليش ادري ان أسئلتي .. ترفع الضغط +السكر+الشاهي + النعناع +

+ الكمون + اليانسون + الزيتون

تحياتي لك ..

شمــوخ · #33 08/09/2002, 01:12 AM

شكرا ي د . جنتلمان
وعقبال ما تعالجنا ان شاء الله وتصير احد خدااام بلدك واهلك ووطنك
((((وش رايك فيني اصلح علاقات عامه في وزاره الداخليه )))

خربوووووط · #34 08/09/2002, 11:54 AM

أخوي جنتلمان 00000
السلاااام

عرفناك من خلال الحرب على البنات 000 والآن بعد انسحاب البنات الموفق 00

هل سيختفي ماجد ؟؟؟

مارأيك بإنسحاب بالبنات وعمل مسابقه خاصه بهن 00 رغم انهن من أنشأ المسابقةالأولى ؟؟

ما رأيك باسم المسابقة التي أطلق عليه ( حرب 000) ؟

وتقبل تحياتي

؟؟؟

هلالي الجوف · #35 08/09/2002, 02:16 PM

أهلين أخوي جنتلمان ..
وهذي الساعه المبروكة اللي نشوفك مغتز قدامنا ونقوم نشوت فيك

صار كورة ماصار ضيف

احس من هالكلام اني خليتك مهم .. وشرايك ؟
عاد منهو هالمشرف المنسم اللي رشحك علشان تصير الضيف ههههههه

نبدأ بالأسئلة

وش توقعك لمباراة الليلة ؟
انجز قل النتيجة .. قبل لا تنتهي المباراة .. ترى بخصم منك ثلاث درجتين اذا جاوبت بعد نهاية المباراة

بما انك من اعضاء فريق العيال بلعبة التحدي ..
وش رايك باللعبة ؟
وش رايك بأعضائها ؟
ووش رايك بالحكم ؟
برأيك تشوف انها خرجت عن مسارها اللي كانوا البنات يفكرون فيه والا هذي النتيجة المتوقعة ؟
لو خيروك البنات الاستمرار باللعبة أو انهائها .. وش تختار ؟

لو قالولك عطنا ثلاث اسماء علشان نضمها للجنة الاستشارية من تختار ؟
لو قالولك عطنا ثلاث اسماء علشان نضمها للإشراف من تختار ؟
لو قالولك عطنا ثلاث اسماء علشان نضمها لإدارة الموقع من تختار ؟

وين يشوف جنتلمان نفسه بمنتديات الشبكة ؟ يعني اي منتدى ترتاح فيه اكثر ؟ لأني اشوفك بكل منتديات الشبكة مشالله عليك وعيني عليك بارده

لونك مقصر شوي بمنتدى العالمية

نفس السؤال اللي فوق لكن بصيغة ثانية ..
رتب المنتديات التالية حسب الأفضلية لديك :
منتدى المجلس العام - العالمية - الجمهور - المنتخب - الكمبيوتر والانترنت - الثقافة الاسلامية - الاتصالات - الالعاب الالكترونية - الاشراف <<== يؤيؤ نسيت .. هذا حامض على بوزك تطبه

لو تم اختيارك للجنة الاخبارية وين تشوف نفسك .. بالتحليل والتقديم والا بنقل المباريات .

ماذا تقول بالأسامي هذي :
ابوسليمان - البارق - حبي تيماوي - الغريب - مخاوي البطولات - جاج - العوام - القلب الأزرق - الشاشة - الغانم - وردة الابداع - المملكة - باواوا - نجمة الابداع - الاعصار - هلالي الجوف - الفيروسة الزرقاء - الملكة - الهلالية وللأبد - سليمان - شموخ - الكنز نواف - ابو الذهب

متى تحس بالراحه .. وانت وحداني والا وانت مع الأهل والا وانت مع اخوياك ؟ وليه ؟

وشو افضل مكان تحبه وتزوره دايم بالرياض ؟

وش خلاك تروح لكلية الطب ؟ تبي تعلمنا انك شاطر يعني ;)

أمنيتك بالحياة ؟

اذكر موقف طريف حدث لك .

اذكر موقف محرج .

اذكر موقف مأساوي .

اذا الله رزقك بولد انشالله وش راح تسميه .. واذا بنت وش تسميها ؟

مثلك الأعلى بالحياة ؟

وشي الدولة اللي تتمنى زيارتها ؟

تحس بالراحه وانت تشتغل على النت وعندك أحد ؟ والا تنقهر زيي ؟

وش أحلى ذكرياتك بطفولتك ؟

وش اكثر شي اعجبك بالشبكة ؟

وش يضايقك بالشبكة ومنتدياتها ؟

ومنهو العضو بالمنتدى اللي تمنيت شوفته وشفته ؟

ومنهو العضو بالمنتدى اللي تمنيت شوفته ولا شفته ؟

وش هواياتك غير الأنترنت ؟

ووش أكلتك المفضلة ؟ ووشو مشروبك المفضل ؟

منهو :
قلب الشبكة النابض ؟
ملح منتدى المجلس العام ؟
ملحة

منتدى المجلس العام ؟
أنشط عضو بالمنتديات ؟
عضو اختفى عن الشبكة ؟
وعضو تتوقع انه راح يختفي عن الشبكة زي غيره ؟
عضو تتابع مواضيعه بمنتدى الجمهور ؟
عضو تتابع مواضيعه بمنتدى المجلس ؟
عضو تتابع مواضيعه بمنتدى العالمية ؟
عضو تتابع مواضيعه بمنتدى الملاحظات ؟

وشو السؤال اللي انتظرته وماجا لهالحين ؟

ومنهو العضو اللي توقعت تشوف اسئلته وماسألك لهالحين ؟

ومن تتوقع ضيف المجلس القادم ؟

ومنهو اللي تتمنى انه يجي بعدك ؟ وليه ؟

وش نظرتك المستقبلية لشبكة الزعيم ؟

ووش نظرتك المستقبلية للنت بالمملكة عموماً ؟

وش تفسيرك لمعاني الأشكال التالية :

;)
:p

:sad:

تقبل تحياتي

جنتلمان · #36 08/09/2002, 03:18 PM

الغالي شموخ ..

حياك الله يابعدي ولاشكر على خبزة صاموليه

..

إقتباس


	وعقبال ما تعالجنا ان شاء الله وتصير احد خدااام بلدك واهلك ووطنك

كل شي بحقه ياحبيبي مافيه شي ببلاش ذا الأيام

..

تحياتي لك ..

الغالي خربوووووط ..

إقتباس


	هل سيختفي ماجد ؟؟؟

فال الله ولافالك بسم الله علي

ماجد كان متواجد قبل الحرب وبعدها الأ إذا تعرضت للأغتيال من بعض الناس الله يكفينا شرهم

إقتباس


	مارأيك بإنسحاب بالبنات وعمل مسابقه خاصه بهن 00 رغم انهن من أنشأ المسابقةالأولى ؟؟

يارجال ماحولك أحد

..
أنا قلتها قبل ماتبدأ المسابقه أن البنات كالعاده يحبون يسون زحمة والشارع فاضي

إقتباس


	ما رأيك باسم المسابقة التي أطلق عليه ( حرب 000) ؟

مسابقه حلوه بين أخوان والهدف منها البحث عن المعلومه لكن للأسف خصمنا ماكان قدنا وفي النهايه صرنا نلاعب أنفسنا اللهم ياكافي

..

تحياتي لك ..

جنتلمان · #37 08/09/2002, 03:44 PM

الغالي هلالي الجوف ..
حياالله ولد الجوف هذي والله الساعه المجلوده اللي سألتني فيها

..
فيه سؤال يقرقع في قلبي من اللي مسلطك علي وقال لك كفخة بالإسئله أالييين يقول ياعفو الله

؟؟! ..

إقتباس


	وش توقعك لمباراة الليلة ؟

مباراة بين زعيم ونادي الطفايه

..
وأن شاء الله شباب الهلال بيقدمون اللي عليهم والباقي على رب العالمين ..
وأنا أتوقع الفوز هلالي بفارق هدفين

..

إقتباس


	وش رايك باللعبة ؟

لعبه حلووووه ولو أنه تخللها بعض الذبابين الزرقاء اللي مال أمها داعي ;)

..

إقتباس


	وش رايك بأعضائها ؟

أغلب الاعضاء كانوا متفهمين لقوانينها الا بعض الناس اللي ماعندهم الا [ رأيي يمشي على الكل والجميع ] !!!
لكن على جنتلمان معصي

..

إقتباس


	ووش رايك بالحكم ؟

أشين مافي اللعبه حكمها

..
ياشييييخ كان غثيث ولياقته صفر ودايم يهدد لاعبين فريقي بالاحمر وكله لعيون الجنس النمرود

..

إقتباس


	برأيك تشوف انها خرجت عن مسارها اللي كانوا البنات يفكرون فيه والا هذي النتيجة المتوقعة ؟

البنات طبقوا خطة [ خلينا ننحاش قبل السلقه ماياكل عفشنا

] ..
ورضوا غصب عنهم ان اللعبه تنتهي 6/2 من باب العمش ولا العمى

..

إقتباس


	لو خيروك البنات الاستمرار باللعبة أو انهائها .. وش تختار ؟

أكيد أبستمر لأن قبلت التحدي في البدايه ولازم أكمله للنهايه ولأنني ما أقبل الخساره وأحب أكون قد كلمتي ..

إقتباس


	لو قالولك عطنا ثلاث اسماء علشان نضمها للجنة الاستشارية من تختار ؟

عارف الهلالي .. أبو ريمان .. منادي ..

إقتباس


	لو قالولك عطنا ثلاث اسماء علشان نضمها للإشراف من تختار ؟

الوليد .. الصوت الهلالي .. نجمة الابداع ..

إقتباس


	لو قالولك عطنا ثلاث اسماء علشان نضمها لإدارة الموقع من تختار ؟

ياقاهرهم ياسامي .. العوام .. الغانم ;) ..

إقتباس


	وين يشوف جنتلمان نفسه بمنتديات الشبكة ؟ يعني اي منتدى ترتاح فيه اكثر ؟ لأني اشوفك بكل منتديات الشبكة مشالله عليك وعيني عليك بارده لونك مقصر شوي بمنتدى العالمية

في منتدى الأشراف

..

إقتباس


	منتدى المجلس العام - العالمية - الجمهور - المنتخب - الكمبيوتر والانترنت - الثقافة الاسلامية - الاتصالات - الالعاب الالكترونية - الاشراف

1/ منتدى الاشراف بلامنازع

..
كلهم عيون في رأس الشبكه

..

[ يتبع

]

نجمة الإبداع · #38 08/09/2002, 03:54 PM

الأخ الكريم : جنتلمان

تحية طيبة ....

* رحلتك في الانترنت متى بدأت ؟؟ وماذا استفدت منها ؟؟

* عضويتك في شبكة الزعيم ماذا استفدت منها وماذا اخذت منك ؟؟

* اين يجد جنتلمان نفسه؟؟؟

* الحياة كما تعلم تئن بالاوجاع والمناظر المؤلمه فمتى يتألم جنتلمان ؟؟؟؟

* الحياة عبارة عن محطات ما هي المحطة التي تتمنى ان لا يغادرها جنتلمان ؟؟؟

* الاماني لا تقف عند حد معين ما هي الامنيات التي لم تتحقق حتى الآن لجنتلمان ؟؟

والشكر لك

جنتلمان · #39 08/09/2002, 06:13 PM

تابع الأجابه على أسئلة كولينا الجوف ..

إقتباس


	لو تم اختيارك للجنة الاخبارية وين تشوف نفسك .. بالتحليل والتقديم والا بنقل المباريات .

أنا رجال ما أنفع لا لذي ولا لذيك

لأني مانيب جدي أبداً الشئ اللي الوحيد اللي أفلح فيه أفق ذا الخشه وأقعد أضحك

..

إقتباس


	ماذا تقول بالأسامي هذي : ابوسليمان - البارق - حبي تيماوي - الغريب - مخاوي البطولات - جاج - العوام - القلب الأزرق - الشاشة - الغانم - وردة الابداع - المملكة - باواوا - نجمة الابداع - الاعصار - هلالي الجوف - الفيروسة الزرقاء - الملكة - الهلالية وللأبد - سليمان - شموخ - الكنز نواف - ابو الذهب

أبوسليمان : رجال ونعم فيه أحس أنه ينفع يصير أبو

..
البارق : ذا يخوف معه واسطه مانيب قايل فيه شي

..
حبي تيماوي : أييييييه اللي يذكر التيماوي بالخير

هذا الشئ الوحيد الباقي من ريحته

الغريب : أسم على مسمى ..
مخاوي البطولات : ماعمري قريت له رد أو موضوع الا في منتدى الملاحظات والأقتراحات

جاج : بسم الله علينا راعي المسّاوي

أخاف يسوي لي [ تشششش أححححح

] ..
العوام : عاشق هلالي كبييييير فخر لنا كجمهور هلالي وجود مثله بيننا

..
القلب الأزرق : اللي أعرفه أنه غايب وما أقول غير الله يرجعه بالسلامه ..
الشاشه : ما أعرفها !!
الغانم : شبيهي

وردة الأبداع : الله يفك أسرها من أبوها ويشفي أخوها من اللي فيه ..
المملكة : قلب الأسد وعسى المانع خير ..
باواوا : أبو التماسيح والنعم فيه ولو أنه ملزق أم كشه [ شاكيرا ] فيني

بس يالله مسموح ..
نجمة الأبداع : أسم كبير في شبكة الزعيم ..
الاعصار: ما أحب أتكلم في السياسه

هلالي الجوف : كولينا زمانه

الفيروسه الزرقاء : أخت عزيزه ولو أن عليها حركات نص كم بعض الاحيان من وين متعلمتها مدري

الملكه: أحب أشكرها على مسابقتها لأنها عرفتني برجاجيل

الهلاليه وللابد : أعقل المهابيل

سليمان : السلمي أخو عزيز وغالي ..
شموخ : زعيييييييييييط

الكنز نواف : عاقل وفاهم

ابو الذهب : يعجبني أسلوبه ..

إقتباس


	متى تحس بالراحه .. وانت وحداني والا وانت مع الأهل والا وانت مع اخوياك ؟ وليه ؟

مع الأهل لأن مالي غنى عنهم بتاتاً البته

إقتباس


	وشو افضل مكان تحبه وتزوره دايم بالرياض ؟

مافيه مكان

كلوووووشي عوائل

معك عائله حياك الله مامعك أقضب الباب من غير مطرود

..

إقتباس


	وش خلاك تروح لكلية الطب ؟ تبي تعلمنا انك شاطر يعني

لا والله أنا ماكنت ميولي للطب أبداً بس بعد ماشاورت الأهل ولقيت خاطرهم فيه قلت مافيه داعي أكسر بخاطرهم وخصوصاً نسبتي ساعدتني ..
;) <<--- والغمزه ذي لاعد تتعودها

إقتباس


	أمنيتك بالحياة ؟

أعرس

إقتباس


	اذكر موقف طريف حدث لك .

كنت واقف عند الاشاره بأمان الله الا وذيك الطراره تطق علي الدريشه عاد قلت لنفسي ياولد خلك كريم وعطها عشره ريال

انا كنت في ذاك اليوم لابس ثوبين واحد فيه عشره والثاني خمسميه

أنا أحسب اللي انا لابسه هو ثوب العشره وأفتح لها الدريشه بلغة الواثق وأعطيها 500 أحسبها 10

ويوم رحت البيت وشفت ثوبي الثاني لقيت العشره وعرفت ان الطراره طارت بالخمسميه

إقتباس


	اذكر موقف محرج .

واحد من أخوياي كويتي وجاء للرياض المهم أستمر الكرم معي

وأعزمه على العشاء الرجال عيا بس لزمت عليه ونروح أنا وياه لمطعم الريف اللبناني ونتعشى يوم جيت أبحاسب أدور بوكي وبطاقتي الصراف مالقيتها

صرت ناسيها في البيت

قسماً بالله في ذيك اللحظه تمنيت ان الارض تنشق وتبلعني

إقتباس


	اذكر موقف مأساوي .

حادث شفته من البدايه كان بين جمس وكورلا وكرسيدا في عز الظهر وللاسف كل السيارات شبت وأحترق من فيها والكورلا كان فيها 4 أطفال أكبرهم عمر 12 سنه مع سواق

.. كان فيه محطه قريبه من مكان الحادث جبنا من عندهم 9 طفايات لكن ما اشتغلت ولا وحده

على أنهم مختبرينها أمس لكن قدرة الله فوق كل شي ..

إقتباس


	اذا الله رزقك بولد انشالله وش راح تسميه .. واذا بنت وش تسميها ؟

خلني أعرس أول

أذا ولد فهو على أسم الوالد الله يطول في عمره وأذا بنت على أسم الوالده الله يحفظها ..

إقتباس


	مثلك الأعلى بالحياة ؟

أسامه بن لادن

..
<----- مهوب عاقل ذا ألييين تجي أمريكا تصفقه

..

إقتباس


	وشي الدولة اللي تتمنى زيارتها ؟

جزر الواق واق عناد في أبو ثمامه

إقتباس


	تحس بالراحه وانت تشتغل على النت وعندك أحد ؟ والا تنقهر زيي ؟

أنا أشتغل في السليييييم

مهوب مثلك ;)
علشان كذا ماتفرق عندي أحد والا ماعندي أحد كلووووووو واحد

إقتباس


	وش أحلى ذكرياتك بطفولتك ؟

أولى أبتدائي مرحله ما انساها طول عمري ..

إقتباس


	وش اكثر شي اعجبك بالشبكة ؟

الآيات والأحاديث الموجوده في كل قسم بالمنتديات ..
والآيه هذي اللي كتبت قبل كتابة الرد [ تذكر قول الله عز وجل { ما يلفظ من قول إلا لديه رقيب عتيد } ]

إقتباس


	وش يضايقك بالشبكة ومنتدياتها ؟

أحنا شفنا ذا اليومين مشاكل من الاعضاء بسبب حذف مواضيعهم ..
لو أرسلت رساله لكل عضو من المشرف اللي حذف الموضوع يوضح فيها أسباب الحذف أحسن ..

[ يتبع

]

قسماً بالله ياهلالي الجوف تعبت خاف الله فيني

Abu saad 66 · #40 09/09/2002, 05:20 PM

هلا والله وغلا مجوووودي هلا بقاهرهم ;)

مافي داعي اباركلك الفوز .. لانه هذا شي اقل من عادي .. وكان متوقع ..

ما عاد بقى سؤال يخوي محد سئلك اياه .. واا اعترف اني جيت مـتاخر مره

لكن ..بسئلك وللمره الثانيه ..

اختارلي غير اسم غير الاسم هذا

والسؤال الثاني ..

وش كان شعورك يوم دخلت المنتدى ولقيت موضوع المقابله ؟؟

واسف اذا كان السؤال مكرر ..

لحظه باقي سؤال .

ابي توقيع ....

<=== يمشي ويطر تواقيع

اوكي تبي التفاصيل .. اذا تقابلنا على الما سنجر ..

<=== ماعنده وقت

التنين · #41 09/09/2002, 09:51 PM

:p السلام عليكم ورحمه الله وبركاته :p

كيف الحال وش الاخبار عساك طيب

جاك التنين

س1 :انت خفيف دم

س2 : انت الحين قد تهاوشت بالمدرسه

( التنين بالهواش ما يحتاج

)

س3 قد اخذت تعهد بالمدرسه

قد رحت الفيصليه والمملكه ...

اجااابه صريحه

انت وشلون دريت عن شبكه الزعيم

انت قد حبيت وحده ؟ مستمر معها ولا تهاوشتوا

الســـــــــؤال الاهم

وش رايك بمشاراكاتي

التنين · #42 09/09/2002, 10:38 PM

السلام عليكم وورحمه اللله وبركاته

انا رجعت وعندي لك كم سؤال

افففففففف غثه

انت وشرايك بارييل شارون

الدب ماغيره بو :p كرشه:p

وش احسن فلم شفته

انت وش تفضل الافلام الاكشن

بكس ...ضربه مع الوجه

ولا:sad: الرومانسيه والشاعريه والعاطفيه:sad:

معليش اتفلسف

انت بالله عليك وش رايك باسمي اتحدى اسامي المنتدى كلها

واثق

ملقوووووووووووووووف كم فاتوره الجوال الشهرين ذولا

وش احسن فيلم عربي

احسن مطرب

احسن مطربه

عييييييييييييب

والسلام خير الختام

معليش ترا انا مو ملقفوف ابدا ..بس المره المره هذ ي عنااااد

المملكة · #43 10/09/2002, 12:16 AM

هلا بجنتلمان ‍‍‍‍‍‍‍‍؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

توني جايه ........ وما أدري وش الأسئله ؟؟؟؟؟؟؟؟ لكن أنا أسألك ..........

س / ليش تكتب بخط كبير دايم ؟؟؟؟ أنت ما تشوف ؟؟؟؟؟؟؟؟؟ لا تقول علشانا .. هذي مردوده عليك ؟؟

س / تقول انك في كلية الطب ....... يوم دخلت التشريح أول مرة ما دخت ؟؟؟؟؟؟؟؟؟؟؟؟؟؟؟؟؟؟؟؟

س/ وش اسم امك اللي عرفت لك يوم قالت ( يا مصلك ) ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ دعابه

مني مهيب من امك لان امك صادقه هي ادرى ؟؟ >>>>>>> وبس ؛؛؛؛؛؛؛؛؛؛؛؛؛؛؛

شمــوخ · #44 10/09/2002, 01:17 PM

إقتباس


	إقتباس من مشاركة جنتلمان حادث شفته من البدايه كان بين جمس وكورلا وكرسيدا في عز الظهر وللاسف كل السيارات شبت وأحترق من فيها والكورلا كان فيها 4 أطفال أكبرهم عمر 12 سنه مع سواق .. كان فيه محطه قريبه من مكان الحادث جبنا من عندهم 9 طفايات لكن ما اشتغلت ولا وحده على أنهم مختبرينها أمس لكن قدرة الله فوق كل شي .. . [/SIZE] [/COLOR]

تعال ي جنتل

شكلك تقصد الحادي اللي كان في السويدي ..صح
انا كنت هناك ...
حادث شنيع ما قدر استحمله مشيت عنه

الـــــعــنود · #45 12/09/2002, 12:21 AM

أولااااااااا..ياهلا وياااامرحبا في ضيفنا خفيف الدم جنتلمان...

ابشر باشخلك بالاسئله..

...

شخبارك؟؟..

يالله استلم ياصاح..

1-من يكون جنتلمان..؟؟

2-ماهو شعورك لو فازوا البنات على الشباب..؟؟

3-ماتفعل في المواقف التاليه.؟؟

..

أ-صادفت الفيروسه الزرقاء بالشارع.؟

ب-زرلقت وطحت قدام الملكه..؟؟

ج-لوارسلولك رساله انهم عينوك مدير الاداره(حلم ابليس بالجنه

..).؟

د- دعمك بوذهب في سياره الجاكوار..؟؟

ه-تعرف على شموووخ..وقم بس قم..وسليمان..في الكليه..؟؟

م-مرضت ودكتورك طلع جاج..؟؟

4-ماذا تعنيلك هذي الاسماء..((المملكه -نجمه الابداع- العنود)..؟؟

امممممممممممممممممممممممم

الاسئله كثيره بس مااحب اطولها وهي قصيره وماخلوا شي باقي الاعضاء كفوا ووفوا بالاسئله..

وسامحني على القصووووور