مــدخل..
ابغي اعرف وش شعورك لو نجيلك خاطبين
....... طالبين القرب منّك يا منى القلب وهله
وابغي اعرف وش جوابك لو يجونك سائلين
....... جالك البارح (عريس) نرفضه أو نقبله؟
وابغي اعرف لا طبعنا كرتنا وش تأمرين؟
....... أكتبه كلّه قصايد والا اكتب أمثله
وان بدا الحفل افترضنا وين ودّك تجلسين؟
....... فوق رمش العين والا في مكان(ن) أجهله؟
وان لفن امّي وأمّك وطلبن منّك تجين
....... تمسكين بإيد رجلك وسط زحمه مذهله!
ما أضنّك تقبلين وما أضنّك ترفضين
....... (بس) قولي كيف وضعك قبل أخر مرحله ؟

* * *

مســــــــائكم / صبـــاحكم ...ســــــــــــكر

النظره الشرعيه حق لكل شاب وفتاه مقبلين على الزواج والكل يعرف أنها جائزه شرعا ووصى الرسول علية

الصلاه السلام أصحابه بهآ روى مسلم في صحيحه عَنْ أَبِي هُرَيْرَةَ – رضي الله عنه - قَالَ : كُنْتُ عِنْدَ النَّبِيِّ

صَلَّى اللَّه عَلَيْهِ وَسَلَّمَ ، فَأَتَاهُ رَجُلٌ فَأَخْبَرَهُ أَنَّهُ تَزَوَّجَ امْرَأَةً مِنَ الْأَنْصَارِ ، فَقَالَ لَهُ رَسُولُ اللَّهِ صَلَّى اللَّه عَلَيْهِ

وَسَلَّمَ : ( أَنَظَرْتَ إِلَيْهَا ، قَالَ : لَا قَالَ ، فَاذْهَبْ فَانْظُرْ إِلَيْهَا فَإِنَّ فِي أَعْيُنِ الْأَنْصَارِ شَيْئًا )

لما فيها من الحكم الكثيره وعشان كل واحد يشوف الثاني يعني النظره مو مقتصره بس على الشاب لآن البت بعد

يهمها تشوف الرجل اللي راح يكون شريكـ حياتها يمكن أهي بعد مايعجبهآ..

أما الشاب اذا عجبته قال أتفقنا .. واذا ما عجبته قال مافي نصيب ..

بس للأسف بعض العادات والتقاليد ترفض النظره الشرعيه مع أنهآ في دينهم ويعتبرونهاآ عيب ويدخلون فيها

الشرف والعرض و..و.. يعني أناآ أشوف أن النظره مهمه لنجاح الزواج بعد توفيق الله طبعآ مو اذا تزوجو

كل واحد ينصدم في الثاني ..


* هل تؤيد/ ين العادات والتقاليد التي ترفض النظره الشرعيه ؟

* اذا تقدم لآختكـ شاب صاحب دين وخلق هل تقبل أن ينظر اليها نظره شرعيه؟


دمتم في حفظ الرحمن ..


لآتدققون وآجد لآني أول مره أكتب موضوع بعرق جبيني

* هل تؤيد/ ين العادات والتقاليد التي ترفض النظره الشرعيه ؟

لا .. بالعكس هذي من رخص الدين .


* اذا تقدم لآختكـ شاب صاحب دين وخلق هل تقبل أن ينظر اليها نظره شرعيه؟

نفس السؤال الأول ,, الدين أرخص هالشئ لكن مابي أجاوب على السؤال ..
تحيتي .

هلا وغلا

والله بالعكس النظره الشرعيه جداا مهمه

وتحدد مصير الواحد المقبل عالزواج

لكن مع الأسـف بعض الناس ترفض هالشيء

وفي الاخيررر الضحايا الزوجان

إقتباس * هل تؤيد/ ين العادات والتقاليد التي ترفض النظره الشرعيه ؟

طبعا لا لان مثل ماقلت انها تحدد مصير اللي بيتزوج او اللي بتتزوج

اما يبون بعض او لا

لان صعبه ومو معقول انهم يشوفون بعض ليله زواجهم

إقتباس * اذا تقدم لآختكـ شاب صاحب دين وخلق هل تقبل أن ينظر اليها نظره شرعيه؟

دام الدين والشرع حلل هالشيء مااشوف ان فيها شيء ان الواحد يناظر نظره شرعيه

شـكرا لك عالموضوع

هلاليــة وش ذا الأبيات جازت لي مــرة

هل تؤيد/ ين العادات والتقاليد التي ترفض النظره الشرعيه ؟

و الله صراحــة ما ايدها و هــذا شي ربي حلله و ابــاحه للطرفين
و يا كثر ما نسمع عن مشاكل و زيجات فاشلة بسبب هذا الموضوع

و بعدين ما رايح فيها إلا الزوج المسكين البنت ممكن تشوفــه من الشباك
او من اي مكان أما هو يخلف الله عليه لين ليلة الملكة و بعضهم لين ليلة الزواج

هلالية تسلمين على الموضوع

إقتباس - بس بالجانب الثاني فيه ناس فالينها بزياده الله يصلحهم اعرف وحده قبل لا تتزوج شافها زوجها , جاهم اليوم الثاني واستاذن من أمها وطلع للبنت بغرفتها يبي يعطيها هديه !!

بالله ؟

وش يحس فيه؟

هههههههههههههههههههههههههههههههههههههههههههههههههه

قسم انه فله وبايعها
فاهم النظرة غلط ولا مستعجل الرجال ما ينلام
مايعطوني واحد زيه؟


لا جد وش يحس يومنه يسوي كذا؟

يعني أعجبته عجز يصبر لين يملك ويعطيها هديه؟

خخخخخخخخخخخخخخخخخخخخخخخخخخخخخخخخخخ



النظرة لابد منها في بعض الخطـب

اما لكان الشخص واثق! وهي واثقه من خيآرهآ ووجدت الرآحة بدون نظرة!

تكفي!

اما مثلا غريب وهو وده ومش مرتاح وهي كذلك هنا لابد!

بالنسبة للسؤال أأيدهآ وكثير في حال تفك ازمه

اما واحد جاي يتفرج ويمشي لا

إقتباس اذا تزوجوكل واحد ينصدم في الثاني ..

ليه كل واحد ينصدم البنت اكيد بتصير شآيفه الولد يا صوره او اي شي ثاني

الولد هو اللي بينصدم وانا اشوف ان النظره الشريعه تخدم الولد أكثر من البنت

أسآسآ البنت اذا دخلت بالنظره الشريعه بتصيرمستحيه و منزله رآسهآ وما فيه امل تعطي الولد نظره وحده
< هذا على كلآم اخوياي المتزوجين

ومن ناحية اذا تقدم احد على اختي أكيد يحقله النظرة الشريعه اجل يتزوج وحده ما يدري وشي !

يعطيك العافيه

إقتباس الرسالة الأصلية كتبت بواسطة control 20 أسآسآ البنت اذا دخلت بالنظره الشريعه بتصيرمستحيه و منزله رآسهآ وما فيه امل تعطي الولد نظره وحده

لي ساعة أبي أعدل المحرر عيا عاد بكيفه.

شخصيا ما أكتفيت بالنظره الشرعية يوم الخطبة

أولا قايلن لأمي تقول لأمها تجيب لي عصير لجل اشوف قوامها
القوام شيء مهم وش الفايده فيس وبالاخير هيكل عظمي
طبعا لو تفلسفت وسوت مستحية وجيت الغرفه الي بشوفها فيها وهي جالسه أحرجتها وقلت روحي جيبي موية

طبعا هذا حق من حقوقي لأنها هي شايفتني ومفصلتني تفصيل وانا والله من حقي اعرف كل شيء فيها قبل الزواج وهذا حلله لنا الشرع وما فيه عيب في ذلك.
من جهة سؤالك الثاني عن الاخت.

خواتي كلهن الي تزوجوا كلهن شافوهم أزواجهم نظره شرعية وهذا أقل حق من حقوقهم

خارج النص لأي خاطب جديد.

وقت النظره الشرعيه لو عجبتك البنيه وهي جالسه خلها تقوم تجيب لك أي شيء وركز في عرقوبها(كعبها ) والله يوفقك<----------------------- الي يبي يعرف المقصد حاظرين

ترا النصيحة جديه

إقتباس الرسالة الأصلية كتبت بواسطة alhilali15 لكترة الاستفسارات التي وردتني عن مسألة العرقوب أنا بقول استشارتي مقابل متين ريال للشرح العام وخمسمية للشرح الخاص

شف طال عمرك



دوك 500 اشرح وارسل على الخاص

طبعاً بالنسبه للموضوع مثل ماذكر الأعضآء , ولا رآح أزيد على كلآمهم
بس بعلق على كلآم حبيب الكل alhilali15
لأني أشوفك متحمس تشرح عرقوب ومدري وشو , شوي وتقول يآخذون بعض أسبوع يجربون نفسهم وبعدهآ يقررون
أنا أذكر وآحد من المدرسيين كآن يتكلم عن هالنقطه كآن يقول ..
الأن أنت يالوآحد لمآ تشوف خآلتك ولا عمتك تلقهآ موب حلوه ومتزوجه وآحد حلو ! بتقول كيف هذآ مآخذهآ
والعكس صحيح لو خآلتك فيهآ الجمآل وزوجهآ شين بتقول كيف خالتي موآفقه عليه !!
المسئله أن من النظره الشرعيه الله سبحآنه يزرع المحبه والموده من النظره هذي
يعني يآalhilali15 تلقى مثلاً بنت أختك تقول في نفسهآ زوجة خآلي وشلون موآفقه تتزوج هالشين
هذي من حكمة الله سبحآنه ’ [ ترآ هذآ كلام المدرس لا أحد يسئلني ويحرجني ]
هذآ الكلام غير أن كل وآحد وذوقه .

بعدين اللي بيتزوج لايدقق , الله يرحمهآ يآ وآئل كفوري مقعد , بعدين حتى لوتتزوج شينه أحتسب الأجر

أذكر مره قآعد وعندي أبوي وأنآظر مسلسل مدري برنآمج , المهم طلعت وحده مزيونه
ألتفت علي أبوي وقآل : يآشين العجله وأنا أبوك
[ العجله = الأستعجآل , أو السرعه في أمر مآ ]

c.u

إيـــه أكيد
يعني لايمكنني أني بشوف زوجتي بعد مااتزوجها
لازم قبلها الشوفه ((الشرعيهـ)) هي أكيد بتكون أنواع التميلح





ودامه شي شرعي يعني محد يمديهـ يكثر هرج ويقول عيبـ وحرام ع كيفهـ