مــدخل..
ابغي اعرف وش شعورك لو نجيلك خاطبين
....... طالبين القرب منّك يا منى القلب وهله
وابغي اعرف وش جوابك لو يجونك سائلين
....... جالك البارح (عريس) نرفضه أو نقبله؟
وابغي اعرف لا طبعنا كرتنا وش تأمرين؟
....... أكتبه كلّه قصايد والا اكتب أمثله
وان بدا الحفل افترضنا وين ودّك تجلسين؟
....... فوق رمش العين والا في مكان(ن) أجهله؟
وان لفن امّي وأمّك وطلبن منّك تجين
....... تمسكين بإيد رجلك وسط زحمه مذهله!
ما أضنّك تقبلين وما أضنّك ترفضين
....... (بس) قولي كيف وضعك قبل أخر مرحله ؟

* * *

مســــــــائكم / صبـــاحكم ...ســــــــــــكر

النظره الشرعيه حق لكل شاب وفتاه مقبلين على الزواج والكل يعرف أنها جائزه شرعا ووصى الرسول علية

الصلاه السلام أصحابه بهآ روى مسلم في صحيحه عَنْ أَبِي هُرَيْرَةَ – رضي الله عنه - قَالَ : كُنْتُ عِنْدَ النَّبِيِّ

صَلَّى اللَّه عَلَيْهِ وَسَلَّمَ ، فَأَتَاهُ رَجُلٌ فَأَخْبَرَهُ أَنَّهُ تَزَوَّجَ امْرَأَةً مِنَ الْأَنْصَارِ ، فَقَالَ لَهُ رَسُولُ اللَّهِ صَلَّى اللَّه عَلَيْهِ

وَسَلَّمَ : ( أَنَظَرْتَ إِلَيْهَا ، قَالَ : لَا قَالَ ، فَاذْهَبْ فَانْظُرْ إِلَيْهَا فَإِنَّ فِي أَعْيُنِ الْأَنْصَارِ شَيْئًا )

لما فيها من الحكم الكثيره وعشان كل واحد يشوف الثاني يعني النظره مو مقتصره بس على الشاب لآن البت بعد

يهمها تشوف الرجل اللي راح يكون شريكـ حياتها يمكن أهي بعد مايعجبهآ..

أما الشاب اذا عجبته قال أتفقنا .. واذا ما عجبته قال مافي نصيب ..

بس للأسف بعض العادات والتقاليد ترفض النظره الشرعيه مع أنهآ في دينهم ويعتبرونهاآ عيب ويدخلون فيها

الشرف والعرض و..و.. يعني أناآ أشوف أن النظره مهمه لنجاح الزواج بعد توفيق الله طبعآ مو اذا تزوجو

كل واحد ينصدم في الثاني ..


* هل تؤيد/ ين العادات والتقاليد التي ترفض النظره الشرعيه ؟

* اذا تقدم لآختكـ شاب صاحب دين وخلق هل تقبل أن ينظر اليها نظره شرعيه؟


دمتم في حفظ الرحمن ..


لآتدققون وآجد لآني أول مره أكتب موضوع بعرق جبيني

* هل تؤيد/ ين العادات والتقاليد التي ترفض النظره الشرعيه ؟

لا .. بالعكس هذي من رخص الدين .


* اذا تقدم لآختكـ شاب صاحب دين وخلق هل تقبل أن ينظر اليها نظره شرعيه؟

نفس السؤال الأول ,, الدين أرخص هالشئ لكن مابي أجاوب على السؤال ..
تحيتي .

هلا وغلا

والله بالعكس النظره الشرعيه جداا مهمه

وتحدد مصير الواحد المقبل عالزواج

لكن مع الأسـف بعض الناس ترفض هالشيء

وفي الاخيررر الضحايا الزوجان

إقتباس * هل تؤيد/ ين العادات والتقاليد التي ترفض النظره الشرعيه ؟

طبعا لا لان مثل ماقلت انها تحدد مصير اللي بيتزوج او اللي بتتزوج

اما يبون بعض او لا

لان صعبه ومو معقول انهم يشوفون بعض ليله زواجهم

إقتباس * اذا تقدم لآختكـ شاب صاحب دين وخلق هل تقبل أن ينظر اليها نظره شرعيه؟

دام الدين والشرع حلل هالشيء مااشوف ان فيها شيء ان الواحد يناظر نظره شرعيه

شـكرا لك عالموضوع

هلاليــة وش ذا الأبيات جازت لي مــرة

هل تؤيد/ ين العادات والتقاليد التي ترفض النظره الشرعيه ؟

و الله صراحــة ما ايدها و هــذا شي ربي حلله و ابــاحه للطرفين
و يا كثر ما نسمع عن مشاكل و زيجات فاشلة بسبب هذا الموضوع

و بعدين ما رايح فيها إلا الزوج المسكين البنت ممكن تشوفــه من الشباك
او من اي مكان أما هو يخلف الله عليه لين ليلة الملكة و بعضهم لين ليلة الزواج

هلالية تسلمين على الموضوع

إقتباس اذا تزوجوكل واحد ينصدم في الثاني ..

ليه كل واحد ينصدم البنت اكيد بتصير شآيفه الولد يا صوره او اي شي ثاني

الولد هو اللي بينصدم وانا اشوف ان النظره الشريعه تخدم الولد أكثر من البنت

أسآسآ البنت اذا دخلت بالنظره الشريعه بتصيرمستحيه و منزله رآسهآ وما فيه امل تعطي الولد نظره وحده
< هذا على كلآم اخوياي المتزوجين

ومن ناحية اذا تقدم احد على اختي أكيد يحقله النظرة الشريعه اجل يتزوج وحده ما يدري وشي !

يعطيك العافيه

والله انا انسان صراحة ماحب لا عاداتكم ولا تقاليدكم >>مسوي اسباني

علينا عادات وتقاليد من جنبها ولا تستاهل الاحترام مع احترامي للاشخاص

يجونك يتفلسفون فالدين واذا شفتي عاداتهم تلاقينهم من جنبها طيب صحح وضعك اول شي

وانا مايرفع ضغطي الا اللي يكون من عمري ويتبع هالعادات والتقاليد اللي قبل بكيفهم

وكانوا مجبورين عليها بس الحين الكل متعلم وش اللي يجبرك على انك تستمر بالخطا ...!!

وبالنسبة لسؤالك الاول بكل تأكيد لا

وسؤالك الثاني انا مايهمني عنه اي شي دامني قبلت فيه خلاص يشوفها وتشوفه

تحياتي

اهلين هلالية
صباح الورد قلبي
النظره الشرعيه مو حرام استغرب من الناس اللي تمنعها
ذاك اليوم بنقاش مع خويتي قالت لي لا ما يصير يشوفها
البنت اذا عجبت امه واخته يوصفوها له واذا عجبته المواصفات يوافق _> سياره مو بنت
وقالت لي عشان الولد اذا شافها وماعجبته يروح يقول لشباب ديرته مي حلوة ومحد يتزوجها
ولا يقولو شافها فلان وما تزوجها اكيد مي حلوة وتعنس البنت
تفكيرهم عجيب استغفر الله


غير كدا النظره الشرعيه مو بس الشاب يشوفها هي كمان تبغى تشوفه يمكن ماترتاح له مايعجبها .!

إقتباس * اذا تقدم لآختكـ شاب صاحب دين وخلق هل تقبل أن ينظر اليها نظره شرعيه؟

مو بكيف اخويه اصلا وبالنسبه لبابا موافق طبعا



موضوع خفيف يعطيك العافيه ياحلوة



تحياتيـ
عاشقة الزعيم15

إقتباس - بس بالجانب الثاني فيه ناس فالينها بزياده الله يصلحهم اعرف وحده قبل لا تتزوج شافها زوجها , جاهم اليوم الثاني واستاذن من أمها وطلع للبنت بغرفتها يبي يعطيها هديه !!

بالله ؟

وش يحس فيه؟

هههههههههههههههههههههههههههههههههههههههههههههههههه

قسم انه فله وبايعها
فاهم النظرة غلط ولا مستعجل الرجال ما ينلام
مايعطوني واحد زيه؟


لا جد وش يحس يومنه يسوي كذا؟

يعني أعجبته عجز يصبر لين يملك ويعطيها هديه؟

خخخخخخخخخخخخخخخخخخخخخخخخخخخخخخخخخخ



النظرة لابد منها في بعض الخطـب

اما لكان الشخص واثق! وهي واثقه من خيآرهآ ووجدت الرآحة بدون نظرة!

تكفي!

اما مثلا غريب وهو وده ومش مرتاح وهي كذلك هنا لابد!

بالنسبة للسؤال أأيدهآ وكثير في حال تفك ازمه

اما واحد جاي يتفرج ويمشي لا

* هل تؤيد/ ين العادات والتقاليد التي ترفض النظره الشرعيه ؟
اذا ربي محلله ليش نرفض .!! اجل اخذ وحده على عماها واتوهق فيها عاد من حين البنات
تجي غثا وشيفه لاماتفقنا على كذا

* اذا تقدم لآختكـ شاب صاحب دين وخلق هل تقبل أن ينظر اليها نظره شرعيه؟
سواء صاحب دين او موصاحب دين هو متقدم ع الزواج وهالشي من حقه

إقتباس الرسالة الأصلية كتبت بواسطة control 20 أسآسآ البنت اذا دخلت بالنظره الشريعه بتصيرمستحيه و منزله رآسهآ وما فيه امل تعطي الولد نظره وحده

إقتباس الرسالة الأصلية كتبت بواسطة هلالية والعز عنواني مــدخل.. * هل تؤيد/ ين العادات والتقاليد التي ترفض النظره الشرعيه ؟ اكيد لا شي من الدين ليه اهتم بالعادات والتقاليد * اذا تقدم لآختكـ شاب صاحب دين وخلق هل تقبل أن ينظر اليها نظره شرعيه؟ على حسب الشخص يستاهل او ما يستاهل في بعضهم الله يهديه يعني نظره شرعيه يخش يشوف بنات خلق الله ويمشي ويقول لفلان ولعلان لآتدققون وآجد لآني أول مره أكتب موضوع بعرق جبيني

_____________________________________________

لي ساعة أبي أعدل المحرر عيا عاد بكيفه.

شخصيا ما أكتفيت بالنظره الشرعية يوم الخطبة

أولا قايلن لأمي تقول لأمها تجيب لي عصير لجل اشوف قوامها
القوام شيء مهم وش الفايده فيس وبالاخير هيكل عظمي
طبعا لو تفلسفت وسوت مستحية وجيت الغرفه الي بشوفها فيها وهي جالسه أحرجتها وقلت روحي جيبي موية

طبعا هذا حق من حقوقي لأنها هي شايفتني ومفصلتني تفصيل وانا والله من حقي اعرف كل شيء فيها قبل الزواج وهذا حلله لنا الشرع وما فيه عيب في ذلك.
من جهة سؤالك الثاني عن الاخت.

خواتي كلهن الي تزوجوا كلهن شافوهم أزواجهم نظره شرعية وهذا أقل حق من حقوقهم

خارج النص لأي خاطب جديد.

وقت النظره الشرعيه لو عجبتك البنيه وهي جالسه خلها تقوم تجيب لك أي شيء وركز في عرقوبها(كعبها ) والله يوفقك<----------------------- الي يبي يعرف المقصد حاظرين

ترا النصيحة جديه