..:][لابس جنز ((انت مو رجال))..:][:.. - نادي الهلال السعودي - شبكة الزعيم

مشعل911 · #1 07/10/2009, 04:19 AM

السلام عليكم ورحمة الله وبركاته

كيف الحال

والله الواحد يشتاق وخصوصا اذا قعد حول الاسبوع مادخل النت

بسس ((حياة اتعس))

المهم انا ابختصر الموضوع

يعني لبسنا جنز كفرنا

لبسنا ثوب اسلمنا

والله مشكلة..!

يعني تروح للصلاة يجيك واحد يقولك تصلي بالجنز

يعني هل هو محرم

او فيه شي من المحرمات
علشان يقولون احترم المسجد

يعني اذا لبسنا جنز صرنا عيال شوارع ؟

طبعا كل هذا باستثناء اللي يلبس طيحني فــ ما ألوم من يطرده من المسجد

تدرون هالموضوع وش ذكرني

ذكرنا بـ أحد مواسم خواطر الظاهر اللي قبل هذا الموسم

يوم قال احمد الشقيري: <<ذهبت الى الولايات المتحده الامريكيه فـ وجدت احد الامريكان المسلمين لابس الثوب وفوق راسه عمامه
وعندما ساله احمد الشقيري اجابه الامريكي
بانه مسلم ويجب لبس هذا اللبس
فـ اجابه احمد الشقيري بانه لايلزم المظهر
الاهم الظاهر والاسلام لم يشترط لبس الثوب والعمامه >>

يعني الى هذي الدرجه يتم اللعب بعقول الناس

نرجع لمحور الحديث
((لابس جنز مو رجال ))

بصراحه تستفزني هالعباره وبقووه

يعني الثوب انا الحمدلله البسه
ولكن اذا لبست جنز ينظرون الناس اليك وكانك ذابح واحد

طيب اللي يلبسون الثوب هل كلهم رجال ؟

انا يمديني اثبت لكم هالكلام

بصراحه شي غريب في عقولكم

انتم شفتوا احداث الخبر في اليوم الوطني

شوفوا صورها وتناظرون ان نسبة 80 الى 90 %
لابسين ثياب وشمغ

((( لا اذا هم لابسين ثياب وشمغ رجال))

واذكر مره قررنا انا واخوياي في احد الايام
اننا نلبس جنز مادامها اخر الايام ومابقى شي عالاختبارات
((اسبوع المراجعه ))

ولبسنا انا واخوياي وفيه ناس لابسه كثير بعد

المهم المدير مسكني انا لحالي مدري ليش

المهم يقولي ماتستحي لابس كذا

طبعاً عطيته ركبه وسويت نفسي اني اهتديت

اقسم بالله الناس يحسسونك انك مرتد اذا لبست جنز

مشكله والله مشكله

الحين علشان اكون منصف وما اكون ظلمت احد

بنروح للي يلبسون طيحني والخ...

طيب

الحين حبيبي ياشاطر

اولا ليش مسوي بنفسك كذا

يعني بالله وش المعنى
لاتقول لي ستايل ولا الموديل
خخخخ

والله مشكله

في احد الاشخاص
وهو قريب مني وعزيز علي

قالي انه يعرف واحد يلبس طيحني

طبعا هو مبتعث في امريكا

طبعا البطل هذا من اصحاب البشره البيضاء
مر من جانب حي مشهور باصحاب البشره السوداء
((النقز ))

وشافوه وهو لابس طيحني

ويقول لي مارده الا المستشفى ومن بعدها رجع للرياض

خل ينفعه الموديل

ههههههههههههههههه

وانا اشوف الناس مستنكرين من الهيئة والشرطة
انهم يمسكون اصحاب الكدش خاصه

طبعا حبيت اوضح نقطه الناس مو فاهمتها

الناس يقولون اول ابوي وجدي كانوا كذا كدش وماحد قالهم شي

طيب اخوي انت تعرف ليش يمسكون الكدش
اكيد الجواب لانهم كدش
وهذا غلط

الحين تلقا نسبة 99,9%
من الكدش لازم يلبس طيحني
ولا مايصلح

الا من عافاه الله

علشان كذا يمسكون الكدش

اتمنى رسالتي وصلت

*الاسئلة النقاشيه

1/ هل كل من لبس جينز خكري ؟
2/هل كل من لبس ثوب رجال ؟
3/ مارأيك بالموضوع ؟

اتمنى المناقشه بهدوء

كاجوال · #2 07/10/2009, 04:28 AM

وينك منزمان
هذي النظرة السائدة شئت ام ابيت وانا معك
وبالعكس تلقى واحد لابس جنز ارجل من اللي لابس ثوب

مشعل911 · #3 07/10/2009, 04:31 AM

إقتباس


	وينك منزمان هذي النظرة السائدة شئت ام ابيت وانا معك وبالعكس تلقى واحد لابس جنز ارجل من اللي لابس ثوب

الف شكر لك اخوي
وكنت اتمنى انك ترد عالاسئله النقاشيه
عالعموم احلى مرور

كيف والله اصلح شاعر >>>فالي المليون

هلالي وبمزاجي · #4 07/10/2009, 04:35 AM

مو كل من لبس جنز صار خكري <<< ياقدمك
ولا كل من لبس ثوب صار رجال
اكثر الشباب في الوقت هذا يلبسون جنز او برمودا
والثوب مايلبس الا بالدراسة والدوام والمناسبات الرسمية بعد وصلاة الجمعة والعيد بس
انا هذا نظامي صراحة طفشت من الثوب
بس فيه ناس ينظرون بنظرة دونية لمن يلبس جنز والحمدلله هم قلة
نصيحة
لكن اهم شي لاتلبس طيحني بالاماكن العامة

مشكور على الموضوع

مشعل911 · #5 07/10/2009, 04:38 AM

إقتباس


	مو كل من لبس جنز صار خكري <<< ياقدمك ولا كل من لبس ثوب صار رجال اكثر الشباب في الوقت هذا يلبسون جنز او برمودا والثوب مايلبس الا بالدراسة والدوام والمناسبات الرسمية بعد وصلاة الجمعة والعيد بس انا هذا نظامي صراحة طفشت من الثوب بس فيه ناس ينظرون بنظرة دونية لمن يلبس جنز والحمدلله هم قلة نصيحة لكن اهم شي لاتلبس طيحني بالاماكن العامة مشكور على الموضوع

اولا مشكور عالمرور اخوي

وانا يعني زي ماذكرت الاوقات صلاة الجمعه والعيد والمناسبات الخ..

ولكن انت قلت لاتلبس طيحني بالاماكن العامه

انا مالبس طيحني لا بالاماكن العام ولا بالبيت

لاني مالبسه خير شر

بندر الهلباني · #6 07/10/2009, 04:54 AM

الجينز لبسه مو جريمه , ولا حرام

بس انا مع اللي يلبسون شي يليق فيهم , ومايرسم الجسم

بس بعض ناس الله لايوريك .. اذا جاء يبي يصير كشخه

يجب عاليها واطيها

لكن انا ضد طيحني

واستصغر كل اللي يلبوسه , لانه في تقليل من رجولة الشخص

والتشبه بـ ......

إقتباس


	1/ هل كل من لبس جينز خكري ؟

لا , وماعليك من كل اللي ينقال , لازم تكون عند الانسان قناعه وثقه

إقتباس


	2/هل كل من لبس ثوب رجال ؟

عمر المظهر ماكان مثل الجوهر

إقتباس


	3/ مارأيك بالموضوع ؟

موضوع حلو , وخصوصا انه خالي من الفصحى

::

:

::

:

مشعل911 · #7 07/10/2009, 05:14 AM

مشكووورين عالمرور

وحياكم الله

غلا الزعيم · #8 07/10/2009, 05:37 AM

ملينا من كثرة مناقشة هالموضوع بالمجلس

AlaSmRI · #9 07/10/2009, 05:43 AM

الجينز يعتبر عملي اكثر من الثوب ,,

فآأضي آنا كل يوم اكوي في الثوب

,,
برضو استخدمه بحكم عملى في المستشفى ..يعني تعودت عليه آكثر من الثوب

بالنسبه لي ماعرف الثوب الا اوقآت المناسبآت فقط ,,

يمكن لآنكم في الرياض السآئد عندكم الثوب والشماغ ^^^ مادري ليه ؟؟
عشآن كذآ تعانون هذي المعاناه ,,

تحيآتي للكل ,,

هلالي معالي · #10 07/10/2009, 05:54 AM

مع ان المواضيع الي كذا رآحت موضتها لكن بشآرك

يخوي من جدك تروح للمسجد بجنز؟

يعني هي مهيب حرام لكن لا تليق

هذي نقطه

و النقطه الثانيه الرسول لعن المتشبهين بالفسقه و الفجره و الجنز و طقته

هي اللبس الاصلي للفسقه و الفجره طيب ليه الامريكآن ما يلبسون ثيآب و شمغ و عقال و حركتآت مثلنا

يعني حنا الي نتشبه فيهم و هم وش؟ فسقه فجره

تحيآتي

2HILALY0 · #11 07/10/2009, 06:00 AM

1/ هل كل من لبس جينز خكري ؟ ( لا طبعااا وش هالتفكير الغبي
2/هل كل من لبس ثوب رجال ؟ و الله في ناس يلبسوون جينز ارجل بالف مره من الي يلبسوون ثيااب
3/ مارأيك بالموضوع ؟ 10 على 10

هلالي عمراني · #12 07/10/2009, 06:57 AM

إقتباس

الرسالة الأصلية كتبت بواسطة مشعل911


	1/ هل كل من لبس جينز خكري ؟

لآ

إقتباس

الرسالة الأصلية كتبت بواسطة مشعل911


	2/هل كل من لبس ثوب رجال ؟

لآ

إقتباس

الرسالة الأصلية كتبت بواسطة مشعل911


	3/ مارأيك بالموضوع ؟

اح ــسه طــآلع من قــلب

وأحب اقولكـ ..

يآكثر الي يلبسون جنزر ورجال

وياكثر الي يلبسون ثياب وخ ــَ كر

**غلا** · #13 07/10/2009, 09:14 AM

1/ هل كل من لبس جينز خكري ؟
على حسب نوع الجنز اللي يلبس سكيني وإلا لازق وبمعنى آخر ضيق هذا خكري واللي جنزه عادي مثل الخلق والناس رجـــال
وسيد الرقاله

2/هل كل من لبس ثوب رجال ؟
لا

3/ مارأيك بالموضوع ؟
الموضوع أنا بتفلسف فيه
الجنز بصراحه له اوقات يعني مب كل وقت بنلبس يعني مسجد مدرسه ماينلبس فيها الجنز

أنت معترض على ذا الفكره طيب تخيل شكلك رايح لزواج إلا المعرس لابس جنز وماعليه من أحد
أكيد أنت بتستحقره وهذي نظرة الأغلبيه للجنز في المسجد
محد بيقول لك شيء إذا لبست الجنز في الطلعات العاديه مثل البحروإلا الإستراحه......الخ
لكل مقام مقال >> مدري وش جابها

المهم يعطيك العافيه

elclassico · #14 07/10/2009, 11:23 AM

1/ هل كل من لبس جينز خكري ؟
لااااااا
2/هل كل من لبس ثوب رجال ؟
لا ... المظهر لا يعبر عن الجوهر

3/ مارأيك بالموضوع ؟

اكثر من رآآآئع .. تشكر عليه

حكيم زمـاني · #15 07/10/2009, 11:40 AM

لبس الثوب والشماغ يعتبر من النخوة

يعني لو تروح لمحكمة بتشهد وانت لابس جنز يطردونك