#1  
قديم 13/09/2009, 04:24 AM
المجلس العام
تاريخ التسجيل: 28/04/2003
المكان: المجلس العام
مشاركات: 2,104
ico8 ((يوميات رمضانية "22" )) المتميز ( Blue Sun )--(واحدث الدروس في "فن الترويع" )...!!!





فكرة - سندريلا الهلال
اعداد ومتابعة - الهنوووف
تصميم - عسيريه

لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير

**][يوميات رمضانية 1430 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام
هذه السلسلة أنتم أهل بيتها ونحن ضيوفا في حضرتكم ،،،
+
+.........+
+
أهلا وسهلا بكم أحبتنا ..
ودعونا نرحب سوية بالمضيف " الثاني والعشرون "
المتميز" Blue Sun.- "
لك يحكي لنا احداث يومه مع شهر رمضان المبارك ..



بسم الله الرحمن الرحيم ..
السلام عليكم ورحمة الله وبركاته ..
بداية استغل هالفرصة واسمحو لي اتفلسف عليكم شوي ..
اليوم هو 22 من رمضان يعني ما بقى على نهاية رمضان الا 7 ايام اذا استثنينا اليوم هذا لانه صار امس ..
ياليت نستغلها احسن استغلال لان ما في احد يضمن يعيش لرمضان الجاي ..
واذكركم بافضل دعاء يقال في العشر الاواخر وليلة القدر وهو ..
(( اللهم انك عفو تحب العفو فاعف عنا ))
ولولا فضله لما وصى به الرسول صلى الله عليه وسلم عائشة رضوان الله عليها عندما سألته :
" يا رسول الله أرأيت إن وافقت ليلة القدر ما أدعو قال
(( تقولين اللهم إنك عفو تحب العفو فاعف عني )) "


نبدأ على بركة الله ..
الساعة 12 وانا وخويي رايحين للسوق ناخذ اغراض وهدايا للعيد ..
وصلنا السوق كان زحمة جدا , تنقلنا بين المحلات واشترينا كم غرض ..
لو احلف لكم ان ذاك الوقت مافي ولا انثى ببيتها من كثر اللي شفتهم بالسوق
وما اخفيكم ان اغلب البنات بالسوق كان لبسهم وحركاتهم تشكك انك برمضان ..

بعد ما تجرح صيامنا وتخدش حيائنا شوي ..
قررنا الخروج من السوق ماله داعي صيامنا وتعبنا بـ 21 يوم يروح بليلة وحده ..
وكانت الخطة اننا نروح نصلي بجامع الدخيل عند الشيخ ياسر الدوسري ..
لكن كانت الساعة 2 تقريبا والوقت متاخر جدا ..
لذلك تعدلت الخطة شوي وقررنا نتسحر , لكن اختلفنا على نوع السحور ..

لان خويي حالف ما يتسحر الا بروستد من الطازج , وانا رافض ..
لانه قبل اسبوعين متسحرين بروستد الطازج ..
واليوم الثاني الساعة 10 الصباح متصل علي ومصحيني من احلى نومه يقول "سويتها" .. !!
قلت له وش سويت الله لا يفضحنا .. قال " لا يروح فكرك بعيد قمت عطشان وافطرت" ..

يقول قمت الساعة 9 وانا بموت من العطش حاولت اصارخ على اخواني حتى اقول لهم وصيتي ما طلع اي صوت , الاحبال الصوتيه جفت ..
وطحت من السرير وقمت ازحف للمطبخ ,
ويوم وصلت للمطبخ وانا اشوف روحي بسقف المطبخ واشرب ويوم تطيح روحي علي ..
قلت له للاسف عذر اقبح من ذنب ..
وعطيته ذيك المحاضرة اللي من قوتها شك انه خرج من الملة ..
المهم ما علينا من اللي فوق .. قررنا ان يكون سحورنا كودو
واتجهنا على اقرب كودو .. ووجبتين كودو دجاج يحبها قلبك ..

وبعد ان تناولنا طعام السحور توجهنا الى المنزل عنـ..
<< سلامات وش تحس به ..

وبعد ما تسحرنا وصلني للبيت تقريبا الساعة 3ونص << ايه خلك كذا ..
واتفقنا انه يمرني الساعة 9 ونص صباحا اروح معه لانه بيسوي فحص زواج .. << باركوا له وعقبال لي ..


دخلت البيت واذلف مباشرة لغرفتي مو ناقص صجة وازعاج ..
لان كل اخواني وخواتي جايين هم وبزارينهم عندنا من بداية رمضان لذلك انسى طعم النوم والراحة في البيت ..
وتابعت شوي من مسلسل بيني وبينك وبداية مصالة طاش ثم بدات دورية الماء بالبيت ..
طبعا هالعادة في بيتنا من زمان .. مدري تعرفونها ولا لا ..
كل بزارين البيت يطوفون الغرف كلها ومعهم مويا ..
ومافي غرفة ما يمرونها يعنى انس تروح عليك نومة وما تشرب ..

رحت اصلي وبعد الصلاة رجعت اشوف التلفزيون مع اخواني وبقية الشلة الى الساعة 7 صباحا ..
وطلعت الغرفة وبغيت اخذ غفوة بس خفت تروح علي نومة واسحب على خويي وبعدين يكنسل زواجه بسببي .. والله ما درى عنك ..

لذلك فتحت النت وقريت كم موضوع ورديت عليهم الى الساعة 8 واذا مو مصدقين ادخلوا ملفي الشخصي وشوفوا الردود ..
وبعدها لا اراديا غفيت شوي وصحيت وتذكرت موعد خويي .. واناظر الوقت الا الساعة 10ونص ..

واشوف الجوال الا فيه رسالة من خويي يقول "صاحي ؟"..
اتصلت عليه قلت له اكيد صاحي انتظرك تمرني .. قال : "بدري انت ووجهك الرسالة من ساعتين مرسلها .. وانا الحين بالمستشفى وبعد دقايق بدخل اسوي الفحص" ..

قلت طيب ليه ما اتصلت قال : "خفت تكون نايم وازعجك بالاتصال ".. قلت زين ما سويت .. << ماله خوي ..
ونص ساعة وانا اكلمه طبعا هو مرتبك وقلت هذي فرصتي واعطيه من هالسوالف ..

اعرف فلان خطب وسوى فحص زواج وما تطابقت النتايج والغوا الزواج .
.. وفلان جهز كل شئ بس يوم فحص طلع فيه امراض وبلاوي ورفضوه ..
ما خليت طريقة من طرق الترويع الا استخدمتها ..
ومن هالكلام حتى جا موعده وانهينا الاتصال وهو تافل العافية ..

الله يـوفقه و ييـسـر أمـره و يتمم له بـخير .. ولاتنسونه من الدعاء ..
وعقبال ما نفرح فيكم كلكم يارب.. العزوبية بس ..
المتزوجين يحمدون ربهم ويقضبون ارضهم ..


ورجعت اكمل غفوتي وما صحيت الا الساعة 4ونص
ولحقت اتابع نهاية مسلسل ام البنات وانقهرت شوي .. وبعدها تابعت برنامج رائع جدا جدا على قناة الوطن للشيخ نبيل العوضي ..
وبعدها جلست اسولف مع الوالدة وشوي هستره مع البزارين الى اذان المغرب ..

طبعا نظامنا فطور وعشا سوا لاني متعود ما تنفتح شهيتي الا اذا السفرة مليانة من اولها لاخرها ..
والمشكلة اني ما ااكل الا 3 حبات تمر و5 حبات سمبوسة والسلطة وبس ..

بعد الصلاة جلست اتابع طاش وبيني وبينك مع اخواني وبقية الشلة اللي جلست معهم بعد الفجر ..
وبعدها صليت العشاء وما تيسر من التراويح ورجعت احضر لكتابة اليومية ..
والساعة 10 زارونا ضيوف جلست معهم الى الساعة 11
واستاذنت وطلعت الغرفة حتى اكمل كتابة اليوميات ..
واعذروني على الاطالة ..


نهاية اشكر لكم رحابة صدركم وطولة بالكم علي وربي يسعدكم دنيا واخره ..
واخص بالشكر الهنوووف على اتاحة الفرصة لي لاشارككم يومي ..
وكذلك على جهودها الجلية بالمجلس الله يعطيها الصحة والقوة ..
وما انسى اشكر صاحبة الفكرة سندريلا , والمصممة عسيرية

ويعطيكم ربي الف عافية ..
ودمتم بخير ,,


كل الشكر
لـ المتميز **][ " Blue Sun"♥][ **

وانتظرونا غداَ
مع صاحب القلم المعطا ريكيلمي .-



أرق التحايا وأطيبها من
مشرفي واستشاري
المجلس العام
  #2  
قديم 13/09/2009, 04:25 AM
الصورة الرمزية الخاصة بـ وليد القحطاني
موقوف
تاريخ التسجيل: 20/04/2007
المكان: الظهران
مشاركات: 9,507
حيا الله فهد

ماشاء الله يوم جميل ..
اجل تضاربتوا عشام سحور ؟
جعله بالعافية إن شاء الله ..

شكراً لك وللأسششاريين

سلام

اخر تعديل كان بواسطة » وليد القحطاني في يوم » 13/09/2009 عند الساعة » 07:18 AM
  #3  
قديم 13/09/2009, 04:36 AM
الصورة الرمزية الخاصة بـ ‏Mr.RęLǻҗ
زعيــم نشيــط
تاريخ التسجيل: 14/04/2009
المكان: ! . . ( × " in your Heart "
مشاركات: 769
حجججججججز حجججججججز
حجججججججز حجججججججز
حجججججججز حجججججججز
حجججججججز حجججججججز
حجججججججز حجججججججز
حجججججججز حجججججججز
حجججججججز حجججججججز
حجججججججز حجججججججز
حجججججججز حجججججججز
حجججججججز حجججججججز
حجججججججز حجججججججز
حجججججججز حجججججججز

الين ما اروق = $
  #4  
قديم 13/09/2009, 04:56 AM
الصورة الرمزية الخاصة بـ мя.ħάίţħάм
زعيــم مميــز
تاريخ التسجيل: 31/07/2007
المكان: يآربٌ .. منْ لي غيركٌ
مشاركات: 8,721
إقتباس
ثم بدات دورية الماء بالبيت ..



أما دورية ماء ..

أنا تبي الصدق تخييلت الموقف ماء ماء ماء

يوم أكثر من رائع ومبروك لخويك ومنه المال ومنها العيال >> جاب شي جديد

مشكور اخوي وبالتوفيق لك
  #5  
قديم 13/09/2009, 05:02 AM
زعيــم نشيــط
تاريخ التسجيل: 11/03/2008
المكان: أبحث عن مكان الكل فيه شفاف
مشاركات: 945
يوووم جميل

على شوية رعب

ويكفي إنك ذكرتنا بالدعاء حق ليلة القدر

الله يذكرك الشهادة يارب

شكرا لكل من كان خلف الموضوع
  #6  
قديم 13/09/2009, 05:15 AM
الصورة الرمزية الخاصة بـ AHMAD.10
زعيــم مميــز
تاريخ التسجيل: 19/08/2006
المكان: الخَبَرْ نَفْــٍسِ الخَبَــٌـٍـرٍ (L)
مشاركات: 2,986
برب ’

_____________________________

بآك’

أحسسسن شيء انكم طلعتوا من السوق , اي والله انهم يشككونك انك بـ رمضآن
و يقولي واحد عن قصه امس بالسوق .. و انا شفت بعيني بالكورنيش بـ فجرية رمضآن شيء ما يتصدّق

الله يستر بس .

و لا عاد تجيب طاري كودو

و يعطيك العآفيه

باك2’

نسيت عن دورية المآء
حنآ لآ أول مآ نسمع الله و أكبر .. يشن هجوم علىا البرادهـ ما تسمع الا ركيض

بس خلص

اخر تعديل كان بواسطة » AHMAD.10 في يوم » 13/09/2009 عند الساعة » 05:41 AM
  #7  
قديم 13/09/2009, 05:22 AM
زعيــم نشيــط
تاريخ التسجيل: 17/08/2007
المكان: الله يرحمك يا فيصل :(
مشاركات: 574
سلاميشووو

الله الله انا كنت معاه الله < وش عنده دنحي

اقول تسوي دعاية انت لـ كودو تسب الطازج انه يجيب الضماء

يومن جميل ؟؟؟ الا اقول ما تعزمني

الله العليم الله < وش يبي القصبي

سلام لكل حاظر وغايب
  #8  
قديم 13/09/2009, 05:34 AM
الصورة الرمزية الخاصة بـ ع ـشقهــا هـلالـي
زعيــم مميــز
تاريخ التسجيل: 18/11/2007
مشاركات: 4,522
مبرووك لـ صآحبك بس حرآآآم آخذت فيه ذنب هع بالتوفيق له
وعقبآلك يآرب .. سيـآآ
  #9  
قديم 13/09/2009, 05:41 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544


وعليكم السلام ورحمه الله وبركاته

هلاوالله بك اخوي فهد (كما يقال )

الله يجعلنا ممكن ادرك و قام ايمانا واحتسابا في ليله القدر
وجزاك الله خير ( واللهم انك عفو تحب العفو فـ اعفو عنا )
(اليوم قاريته بالمسجد )
واي احد يقرا ردي ياليت يشركني معاه بـ دعاءه هالايام
تراني اوخيتكم :$

بخصوص معشر النساء قسم مو صاحين كل ماروح مكان زحمه
بـ رمضان استوعب ان الناس كثار بجد ماشاء الله تبارك الله
بكل سوق الاقي زحمه غير طبيعيه ولارحت مكان ثاني الاقي نفس الشي مدري هم يتبعوني او بكل مكان كذا

وش دوريه الماء عاده جديده والا بس بيتكم
ماسويت خير بهالضعيف الله يوفقه ويسعده وعقبالكم يارب
ذكرتني مره مدري مين قال راسي مصدع وجلسو هالحريم
يجيبون قصص الي ماتت والي مدري ايش قمت اوسوس حتى انا
\

/
يعطيك العافيه ع هاليوميات
والف شكر لك ع قبول المشاركه
وش بعد
ايه الله يزوجك عاجلا غير اجل ويسعدك
وبس
\
/
بانتظار الاستاذ والي يحب يساعد الناس( مدري وش يسمونه )
ريكيلمي
الهنوووف

كانت

هنا

ورحلت

  #10  
قديم 13/09/2009, 05:41 AM
زعيــم مميــز
تاريخ التسجيل: 29/06/2008
المكان: الظهران
مشاركات: 1,969
إقتباس
كل بزارين البيت يطوفون الغرف كلها ومعهم مويا ..
ومافي غرفة ما يمرونها يعنى انس تروح عليك نومة وما تشرب ..

تحمد ربك

انا مايجيبون لي ماء الا بعد ملعنة وتهديد


..............


الفال لك ان شاء الله

والعزوبيه مهيب مطوله




...
  #11  
قديم 13/09/2009, 05:47 AM
روماوي مميز
تاريخ التسجيل: 23/06/2006
المكان: Il Romanista
مشاركات: 6,048
يوميات رائعة ..
و أعجبني فيها فكرة دورية الماء , موية بااارد مويا مويا ..
كل الشكر لك أخي ..
  #12  
قديم 13/09/2009, 06:04 AM
زعيــم مميــز
تاريخ التسجيل: 14/12/2006
المكان: وش دخل ابوك
مشاركات: 4,234
هلا وغلا فهد..

اعجبتني فكرة دورية الماء...تذكرني بـ مويه بارد مويه بارد..
شكلك تحب السحبات مثلي..

فهد..
الله يعطيك العافيه..

هنووو..

الله يقويك ويسعدك..






سلاااااااااااااااااااااااااااااااااااااااام
  #13  
قديم 13/09/2009, 07:23 AM
الصورة الرمزية الخاصة بـ M A R C E L L O
زعيــم متألــق
تاريخ التسجيل: 01/01/2009
المكان: https://twitter.com/#!/iSvic8
مشاركات: 1,235
يوم رائع بلو سن وجميل

بانتظار اياد ( ريكي )
  #14  
قديم 13/09/2009, 08:05 AM
الصورة الرمزية الخاصة بـ ḾŎĤǍṀẠḊ
زعيــم مميــز
تاريخ التسجيل: 15/11/2007
المكان: هنآك ^_^ !
مشاركات: 4,419
مشاء الله يوم جميل
اما الاسواق صراحه مع الاسف بعض البنات الله يهديهم اذا شفتهن اقول وين اخوانهن

والله العظيم بالعبايه فتنه اكثر من انها تفصخها استغفر الله بس
والله الحمد لله اهلي رحت معهم السوق كم مره العصريه والسوق حليو بس مره رحت حياه مول الساعه 11 والله ما صدقت الي شفته

الله يستر علينا وعلى اخواتنا

واما فكره المويه والله شي لاني دايم تروح علي نومه واقعد يومي كله ساكت هههههههههههه
  #15  
قديم 13/09/2009, 08:37 AM
زعيــم مميــز
تاريخ التسجيل: 21/04/2005
المكان: حتى ظلي له مهآبه
مشاركات: 9,440
يا هلا والله فهيدان

يومك تحسه رسمي من جد

مثلك أنت وزلفك الطويل

حلوة دورية الماء اللي تصير عندكم ذي

حنا اقعد زاعق للبزر الين يعطيك وجه وإذا جاب لك مويه على الاقامه زين

شكرا فهيدان الرسمي
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:21 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube