#1  
قديم 02/09/2009, 04:29 AM
المجلس العام
تاريخ التسجيل: 28/04/2003
المكان: المجلس العام
مشاركات: 2,104
ico2 (( يوميات رمضانية " 11 " )) : المتألق ( leo messi )" كتبت انا اليوميّـه في حزة العصريّـه وارسلتها فوريّـه بضغطةٍ سحريّـه ...!!







فكرة - سندريلا الهلال
اعداد ومتابعة - الهنوووف
تصميم - عسيريه



لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات
وكل عام وانتم بخير

**][يوميات رمضانية 1430 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم .
. في سلسلة تحمل بين طياتها يوميات الأعضاء الرمضانية من كل عام ،
هذه السلسلة أنتم أهل بيتها ونحن ضيوفا في حضرتكم ،،،
+
+.........+
+
أهلا وسهلا بكم أحبتنا ..
ودعونا نرحب سوية بالمضيف "الحادي عشر"
العضو المتألق "leo messi ."
لكي يحكي لنا احداث يومه مع شهر رمضان المبارك ..




السلام عليكم ورحمة الله وبركاته .....

كل عام وانتم بخير ...!

طووووط عند الاشارة تكون الساعه الحادية عشرمساءً وتسع وخمسون دقيقه وتسع وخمسون ثانيه
في هاللحظات بدأ يومي وانا جاثم على مقود سيارتي
( في راس كبري الخليج ) وعينك ماتشوف الا السيارات والعالم شربكة بواري وراي وقدامي..!
كل واحد يبي يلفت انتباهي عشان اطلّعه باليوميات حقتي
<< تعرفون ربعنا يبون يشتهرون بأسرع الطرق

المهم اني ماطقيت لهم خبر واغلبهم مشوا بقى راعي عراوي ماغير يحدحدني على الصبّــات
وانا اللي انزّل القزاز واشب فيه واهدّده .. يا**** لو ماتوخّر
من طريقي والله لا ابطّـل انزل يومياتي ترا
المهم انها قفلت معه واشوفه يناظر فيني بحقد ثم قال كلمة وهو ماشي << كل ذا بسبّة هاليومية وعشان تعرفون اهميتي بس

مالكم بالطويله والخريط اللي فوق ..
المهم دق علي واحد من العيال وقال تعال البيت فيه واحدنصراوي نبي نكفر به
قبل السحور المهم رحت عنده وتكيت لين الساعه 2وثلث تقريباً
وماودي اسرد لكم اللي صار هناك من هوشه مع خوينا النصراوي
خوفي ادخل من بكره والقى الموقع محجوب
المهم رجعت البيت وتسحرت وطقيتها حنك مع اخوي عبدالله << اجل مع عبدالله

لين بعد صلاة الفجر وغطيتها نومه

طبعا قمت الساعه 9 ونص حالتي حاله وعيوني حمر ومتنفخه كنها عيون ضفدع
عاد أنا متعود بالايام قبل رمضان اول مااقوم الصبح
لزوم اشرب كأس والا كاسين مويا بارده
اشربهم قبل حتى اغسل وجهي لذلك تحصلني اقوم ( خرمان مويا )
مدري هي عادةً زينه والا شينه .
.. المهم طلعت الدوام .. وانا داخل للمكتب الا واشوف ذا الفلبيني الغثه
يعآطس عند باب المكتب يحترينا .. يالله صباح خير فلبيني ويعطس ..
وعلى هالصبح صاير وجهه كنه علك ( والله ان اول شيء طرا على بالي انفلونزا الخنازير )

طاااار بعدها النوم اللي براسي المهم ( الفلبيني ذا اقلق والدينا يبي اجازة )
ومدير الشركة ومديرالانتاج بالمصنع يقولون صرفوووه الفترة ذي مافيه بديل لين بعد رمضان
المهم ويدخل ابو فلبن ويتكي عند مكتبي
.. ويشرح لي وضعه وانه يبي يسافر لأن ظروفه صعبه وان اجازته مستحقه من 5 شهور وللحين ماراح..
انا تورطّت فيه كل شوي يعطس ( عاد عطسته ) مدري وش تبي ودي اضحك عليها
وودي انحاش من المكتب لين يجي مدير شئون الموظفين ونشوف له تصريفه ..
المهم قلت ياولد مالك حل الا تخليه يروح يتكّي على الكراسي اللي بأخر المكتب
وهناك يعطس على راحته قلت : سيريليو ( هذا اسمه ) ودك العطسه والزكام تروح عنك ؟
ناظرني مايدري وش اقول ( قلت رفيق شف .. يبغا .. هذا .. آآآتت سوووو آآآآتت سووو .. روووح .
. قال ايه قلت قم قامت عصبك هناك على هذيك الكراسي لأن
المكيف هنا يصك بوجهك فأكيد بتزيد العطسه

.. حسيت انه عرف اني خائف لا انعدي المهم انه قام وقال كلمتين مافهمت منهم شيء بس الظاهر انها سبََه ...!
المهم بعدها جاء مدير شئون الموظفين وحولنا ابو فلبن للمعقب يتفاهم معه ....!

تكيّت بعدها لين بعد صلاة الظهر ..
الا والله ويطقني ابو ابو ابو ابو الشوق ( لـ رينـاااد ) ابي اسمع صوتها وهي تصيح وادق على امها قلت وين رنووده ؟؟؟ قالت نايمه ..
قلت اجل صحيّها ( واقرصي لي اذنها )عشان تصيح



طبعاً تعرفون صوت القطار؟؟ زين اجـل



وشسمه ايييه وش كنا نقول عن كبري الخليج
<< رجاءً لحد يقارنّيببو بدر اللي في باب الحارة عشان مااقلب عليه

المهم قعدت لين الساعه 3 تقريبا واطلع البيت لين بعد العصر وكنت ناوي ادقها نوووومه
( لأني كنت مرتّـب اموري بروح الاستراحه اجتماع اعضاء المجلس )
وبكمل اليوميه بعد ماارجع من هناك عشان اكتب لكم وش صار
لكن تغير الجدول بعد صدور الامر السامي من الوالد بمرافقتي له لمحافظة الخرج
لغرض جلب ناقتين ( خلفات ) مع البزر او البزقه حقهم اللي يقاله حاشي

لذلك :

كتبت انا اليوميّـه في حزة العصريّـه قُبيل المغربيّـه والبيتزا الشهيّـه
والسمبوسه المقليّـه ومعهم بعد خليّـه وارسلتها فوريّـه
بضغطةٍ سحريّـه من اصابع ايديّـه المتعصقلاتٍ فيّـه
كنهن طرف زوليّـه هذي هي اليوميّـه ياللي تبي اليوميّـه
<< خل عنك انت وياه كيف السجع بس؟


اعتذر عن التكملة لأني يمكن اتأخر بالخرج ولانيب راجع الا بعد السحور
وشييينه بعد ماتعبّت الاستشاريين معي وتحديداً الهنوووف اسحب على اليوميه لين بكره
عشان كذا راح تتوقف اليوميه هنا << شكلكم تقولون ازيّــــن



ونعد السادة النظـارة العرب بجزء ثاني السنه الجايه ان شاء الله


قبل لا انسى ...
كلمة شكر ولو انها قليلة بحق الاستشاريين والمشرفين على المجهود الكبير اللي يقومون فيه
من اجل المجلس ...! والله يجزاهم عنا كل خير يارب .. وجعلهم ووالديهم للجنه .. ومن يقرأ ..!

حبيب الشعب كان هنا .. ودز للخــرج



كل الشكر
للمتميز **][ "leo messi "♥][ **
وربي يحفظ لك البنوتة

وانتظرونا غداَ
مع العضوة المتميزة - وجــدان .-


أرق التحايا وأطيبها من
مشرفي واستشاري
المجلس العام


.
  #2  
قديم 02/09/2009, 04:34 AM
زعيــم نشيــط
تاريخ التسجيل: 08/09/2008
المكان: من رحلت ( طفلتك ) حنت كثير
مشاركات: 642
.

.

يوميات حلوه وخفيفه .’

الله يخليلك رنوده وتشوفها عروس ان شاء الله

إقتباس
كتبت انا اليوميّـه في حزة العصريّـه قُبيل المغربيّـه والبيتزا الشهيّـه
والسمبوسه المقليّـه ومعهم بعد خليّـه وارسلتها فوريّـه
بضغطةٍ سحريّـه من اصابع ايديّـه المتعصقلاتٍ فيّـه
كنهن طرف زوليّـه هذي هي اليوميّـه ياللي تبي اليوميّـه
<< خل عنك انت وياه كيف السجع بس؟

ههههههههههههههههههههههههههههههه


الله يوسع صدرك بالعافيه ..

بـ إنتظآر وجدآن

شكراً هنو وشكراً لمشرفي واستشاري المجلس العام

سيآآ

.

.

.

اخر تعديل كان بواسطة » رنـــــد في يوم » 02/09/2009 عند الساعة » 03:59 PM
  #3  
قديم 02/09/2009, 04:36 AM
الصورة الرمزية الخاصة بـ شوق الكويت
زعيــم مميــز
تاريخ التسجيل: 04/07/2008
المكان: KUWAIT
مشاركات: 5,948



يوميات حلوه ومميزه ميسي ونتمنى لكم الاستمتاع بالاستراحه باجتماع اعضاء المجلس

وبما انك ذكرت مجهود المشرفين والاستشاريين من جد يستحقون كل الشكر على مجهودهم الراائع بالمجلس
  #4  
قديم 02/09/2009, 04:44 AM
زعيــم نشيــط
تاريخ التسجيل: 23/03/2008
المكان: زحمة حكي | منّي .. لي !
مشاركات: 630
إقتباس
كتبت انا اليوميّـه في حزة العصريّـه قُبيل المغربيّـه والبيتزا الشهيّـه
والسمبوسه المقليّـه ومعهم بعد خليّـه وارسلتها فوريّـه
بضغطةٍ سحريّـه من اصابع ايديّـه المتعصقلاتٍ فيّـه
كنهن طرف زوليّـه هذي هي اليوميّـه ياللي تبي اليوميّـه
<< خل عنك انت وياه كيف السجع بس؟


سقا الله أيامتس يا إيناس خانوم
هههههههههه وينك تسمعين السجع !


أسعدك الله وأراح قلبك ~
وأقر عينيك بصلآح رينآد وبرهآ ~

  #5  
قديم 02/09/2009, 05:09 AM
الصورة الرمزية الخاصة بـ SunStyle
مشرف سابق في منتدى الإبداعات الهلاليه
تاريخ التسجيل: 05/10/2006
مشاركات: 2,097
السلام عليكم و رحمة الله و بركاته
صباح الخير = )
مرحبا ليو ميسي وشلونك وش أخبارك
- يوميات رائعة و مميزة مثل صاحبها
الله يخلي لك ريناد و يحفظها
شكرا هنو


  #6  
قديم 02/09/2009, 05:15 AM
زعيــم مميــز
تاريخ التسجيل: 23/12/2006
المكان: المجلس العام
مشاركات: 2,495
هلا وغلا ابو ريناد ..

المفروض ما يكتبون يومية المفروض يكتبون ظهرية او عصرية بس ..
ما اقول الا الله يخلي لك ريناد ويصلحها ويرزقك برها ,,
بالنسبة لاجتماع المجلس خيرها بغيرها والجايات اكثر ان شاء الله ..
بلاك باللي رايح لهم بالطريق وما شفت الا الايرباق ناشب بجبهتي مدري من وين طلع ..

يعطيك ربي الف عافية على اليومية المختصرة ..

الهنوووف وبقية الشلة .. يعطيكم ربي الف عافية على مجهودكم بالمجلس ,,
  #7  
قديم 02/09/2009, 05:39 AM
زعيــم مميــز
تاريخ التسجيل: 29/01/2009
المكان: الريآض
مشاركات: 2,785
ولآك يا ميت اهلين و صهلين


و الله يوميات حليوه و خفيفه و مضحكه تصلح تنحط مسلسل رمضاني بدال بيني و بينك

إقتباس
<< رجاءً لحد يقارنّيببو بدر اللي في باب الحارة عشان مااقلب عليه

هنا قعدت من 3 الى 5 دقايق و انا اضحك

تحياتي لك و ترجع من الخرج بسلامه

  #8  
قديم 02/09/2009, 05:51 AM
الصورة الرمزية الخاصة بـ حتى ظلالي هلالي
زعيــم مميــز
تاريخ التسجيل: 03/01/2007
المكان: { .. مسآفر في سما النسيان ~
مشاركات: 2,502
هلا والله اي والله حي الله لعيونك اي والله
اهليييييييييييين بالعقيد

اهلا اهلا ابو ريناد << القلب للبنوتهـ مو لك الحين تشوفني المدام واروح في خبر كانَ

وش هاليوم مدري النص يوم

احسن شي فيهـ صوت القيطار
تتوقع قد سمعهـ سلطان والا للحين بدري

الله يخلي لك رنودهـ ويحميها يارب
ويرزقك وامها برها

إقتباس
الرسالة الأصلية كتبت بواسطة كَلْ اَلْـ حَ ـيَاةْ
سقا الله أيامتس يا إيناس خانوم

إقتباس
الرسالة الأصلية كتبت بواسطة كَلْ اَلْـ حَ ـيَاةْ
هههههههههه وينك تسمعين السجع !




ههههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههههههههههه
والله اني بشتاق لها

هي وجدار افندي مدري وحش
الي لو تضمكـ لو على خفيف تشهدي بس والله يرحمكـ


هنو
المشرفين
والاستشاريين

عساكم على القوة .. والله يحرم وجيهكم عن النار يارب
  #9  
قديم 02/09/2009, 05:51 AM
الصورة الرمزية الخاصة بـ мя.ħάίţħάм
زعيــم مميــز
تاريخ التسجيل: 31/07/2007
المكان: يآربٌ .. منْ لي غيركٌ
مشاركات: 8,721
أجا يعاطس الله يحوم تسبدهـ

ليو ميسي يوميات رايقة وتشكرر عليها ..


إقتباس
فكرة - سندريلا الهلال
اعداد ومتابعة - الهنوووف

تصميم - عسيريه

ما قصرتوا والله ..
ألف شكر لكم ع المجهودات الراقية
بالتوفيق


هيثمـ .. ْ ْ ْ }
  #10  
قديم 02/09/2009, 06:20 AM
الصورة الرمزية الخاصة بـ هلالي من ارض اليمن
مشرف منتدى المجلس العام
تاريخ التسجيل: 02/08/2005
المكان: بين الحلم والأسوار !
مشاركات: 13,589
هلا وغلا بعريسنا ابو ريناد

يقولون : ان العريس يحمل هذه الصفة الى ان يرزق بمولوده البكر ولكن من يوم زواجك الميمون حتى اللحظه لم تتح لنا فرصة مناداتك بالعريس .. فحقا لنا القول : حيى الله عريس المجلس

شاهدت صورة ابنتك يحفظها ربي ويبارك فيها من خلال مشاركة لحبيبنا العريس الجديد : سلطان .. وما قولنا الا ما شاء الله تبارك الله ،،،

ولكن هنالك سؤال ( طمر ) الآن أمامي وهو يخاصم ولسان حاله : كيف عريس وتناديه ابو ريناد المهم لا يهمك يا صديقي فقد قلت له : انقلع قلع الله ابليسك .. سؤال جاني مثل الجني يطامر

يعطيك الف عافيه وترجع بالسلامة وفي انتظار الجزء الثاني

في حفظ الله ورعايته



يحفظك ربي يا الهنوووف .. وصدقا جزيل الشكر والتقدير لأحبتنا المشرفين والاستشاريين
  #11  
قديم 02/09/2009, 06:33 AM
زعيــم نشيــط
تاريخ التسجيل: 08/09/2008
المكان: الريـــــاض ( قلب احمر )
مشاركات: 813
اهلن اهلن ابو رينااد

الله يخلي لك ريناااد ويرزقها الزوج الصااالح

و طمنا عن الفلبيني حقكم هو فيه انفلونزا خنازير ولا لا

يوميات سريعه و حلووه

شكرا << هذي لرينااد مو لك
  #12  
قديم 02/09/2009, 06:42 AM
الصورة الرمزية الخاصة بـ Meme
زعيــم مميــز
تاريخ التسجيل: 03/08/2008
المكان: بيتي
مشاركات: 8,476
يوم رائع ووصف أروع والله يحفظلك ريناد <<على فكرها اسمهاحلو بس جا ابن الحلال بشرط عليه اسمي بنتي ريناد هع هع

اليوم حالفه ما ارد لين اقراها عساي الحق عالصفحه الأولى


شكرا مشرفي واستشاري المجلس

اختكم ميمي
  #13  
قديم 02/09/2009, 06:44 AM
الصورة الرمزية الخاصة بـ R D H
زعيــم مميــز
تاريخ التسجيل: 10/11/2005
المكان: ماوراء الكلاويس :D
مشاركات: 1,791
السلام عليكم ورحمة الله وبركاته


حياك الله يا يسلم .


الله يهديك انت وسلطان .. واحد تزوج وسحب علينا ويقولنا بيجي الاستراحه وكل شوي يتذكر شي ويرجع لين طفش وما جا ابد .

وانت تقول جاي وللاسف كان ودي اشوفك لكن مالناش نصيب واهم شي شفنا وجيه الشباب الطيبه اللي حضروا ويعطيهم العافيه جميعا كانت جمعه حلوه مره .

الجايات اكثر عالعموم .


يعطيك العافيه .. والله يخلي لك ريناد وتتربى بعزك




شكراً هنوف ..
  #14  
قديم 02/09/2009, 06:55 AM
الصورة الرمزية الخاصة بـ ع ـشقهــا هـلالـي
زعيــم مميــز
تاريخ التسجيل: 18/11/2007
مشاركات: 4,522
يوميـآت منتـآزه جدن جدن ..
يآحلو رنوده آجل قطـآر هع هع ..
آلله يحفظهـآ لكم ..
شكيت بلحظه آنك شآعر هع هع ..
يسلمـوو خيـوو ..
  #15  
قديم 02/09/2009, 07:04 AM
الصورة الرمزية الخاصة بـ الهنوووف
عضو استشاري للمجلس العام
وعضو تحرير مجلة الزعيم
تاريخ التسجيل: 18/01/2005
المكان: زاوية ارى الناس ولايروني
مشاركات: 11,544
Icon26



اهلا بـ ابوريناد


والله ارحم الموظفين احس مافي وقت تنامون
ع طاري الفلبيني الظاهر كلنا نوسوس
سواقنا جاي من مكه ومافحص وركبنا معاه واجلس اسحب بعبايتي من كل جهه علشان لايطلع مني شي وتنتقل العدوى

اهم شي صوت القطار تعيش وتاكل غيرها بلاك منت مسكتها لاصاحت

\

/
يعطيك العافيه خيوو ع هاليوميات
واحيي فيك شعور مدري وشسمه (يعني الي يوفي بوعده باصعب الظروف)
الله يخلي لك رنوده وتشوفها عروسه
احس اننا اقلقناك بـ ريناد
شكلك تقول الله لايعيد هذاك اليوم الي علمتهم باسمها

بانتظار وجدانو


الهنوووف

كانت

هنا

ورحلت
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:52 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2019, Jelsoft Enterprises Ltd

Google Plus   Facebook  twitter  youtube