♨ مائـدة رمضـان 1430 هـ ♨ .. المتميزة ( حتى ظلالي هلالي ) من ( الريـاض ) .. تأخذنا في رحلة الى عالم ( المرقـوق ) !! - صفحة رقم 3 - نادي الهلال السعودي - شبكة الزعيم

هلالي من ارض اليمن · #31 02/09/2009, 12:31 PM

تحية طيبة لأختنا المتميزة : حتى ظلالي هلالي

عمل جميل واعداد رائع وطبق مميز وجهد لا يسعنا سوى تقديم جزيل شكرنا وتقديرنا

احسنت صنعا بارك الله فيك

والله يعطيك العافية

برايفت : جرى تصحيح الخطأ المطبعي

الـمـشـاغـب · #32 02/09/2009, 04:35 PM

بالله شايفين على جبهتي مكتوب : " ب ن ق ا ل ي " ؟
والا شايفين شعري يقطّر زيت دابر أملا؟

تبون تضحكون علينا أن هذا من طبخ حتى ظلالي؟
لا يا حبايبي العبوا غيرها ..
هذي البنت توها نونو .. يعني ما بعد تقدر تسوي شي غير حلا المارس

وبعدين هذي وش جابها الرياض؟ أخبر انها من سكان بريدة

متى تمت عملية الانتقال؟

على العموم شكراً حتحوتة .. وشكراً المستشارين ..

زاد الجوع بعد ما شفنا الموضوع

الهنوووف · #33 02/09/2009, 06:42 PM

هلا بــ ام مرقوق

المرقوق من الاكلات الشعبيه اللذيذه اكلها اوقات واوقات لا مثل المراصيع

مدري وش اقول
اعنبوا بليسك انا ماطبخت مرقوق تجين انت تتفلسفين

قال ايش قال مرقوق

وسمحنا لك تحتكين بالرياض حتى يعم الامن بالمجلس

\

/
عوافي حتحتوته على التصويــــــــــــــ

ـــــــــــــــر

وتسلم يد اميمتك

سوري لو تطامرين بيدك ورجلك ماصدقت انك مسويته

خلك الكيك اصرف

عوافي لـ طارق

على الاعداد وزين ماخترت

الهنوووف

كانت

هنا

ورحلت

متلثمة بالشماغ · #34 02/09/2009, 11:16 PM

اهلين بحت حت

انا موب مصدقة انكـ مسويه مرقوق

انا كم مره اسويه وكالعاده افشل مع مرتبة الشرف

لانه يبغاله ترتيب و دقه بالعجين وماادري وشو

بس الحمدلله الاطباق الثانية شاطرة فيها

يعني بنت سنعة موب مثلكـ يالفالحة << هع هع

قولي ميميتكـ لثومه تقول لكـ مشكورة عالمرقوق ياالبي

والله يعطيكم العافية يالاستشاريين

حتى ظلالي هلالي · #35 02/09/2009, 11:25 PM

سؤال بريء يسدح نفسهـ

الحين ممكن اعرف من الي (ممقلبكم)

وقايل لكم من الاساس انهـ انا الي مسويتهـ ..!

انا نفسي بغيت احسبي انا مسويتهـ وانا ما ادري

متلثمة بالشماغ · #36 02/09/2009, 11:26 PM

^^^^^^^^^^^

لان كل عضو مطلوب منه انه يسوي طبق رمضاني

واكيد الاستشاري طلب منه اعداد الطبق موب من امه هع هع

اجابة بريئة تسدح تفسها بنفسها خخخخخخخ

بنوتة**هادية^_^ · #37 03/09/2009, 12:17 AM

انا ماعرفته الا من جارتنا ..

مره وحده ذقته...
طعمه عادي

<<عجبني

جربت امي

تسوي بس مازبط

<<<< لاحظوا قلت امي مو انا ..

حت حت تسلم يدين مامتك يابطله..

يعطيكم العافيه..

<<كل واحد له ورده لا تتخاصمو

الكلاسيكي · #38 03/09/2009, 05:59 AM

وعليكم السلام ورحمة الله وبركاته . .

اهلاً وسهلاً بك حتى ظلالي ..

شي طيب ان البنات يعرفون مقادير المرقوق

وانا من الناس المحبين للمرقوق . . وشكله النهائي رائع ..

الف شكر لك .. ولطارق .. ولكل من ساهم في اخراج هذا الموضوع ..
دمتم بخير

هلالي معالي · #39 03/09/2009, 08:56 AM

يا لبى المرقوق

وه بص

خصوصا مرقوق جدتي

اكلت صحنين و شبعت و مع ذلك حولت للصحن الثالث

يعطيكم العافيه لكن ما نسيتي اللحم من المقادير؟

موب المفروح اللحم العآدي

سلآم

Hictar · #40 03/09/2009, 07:13 PM

ما زلت وسأستمر أنا والقصمان في جدال

على إني رابي بينهم وعارفهم عز المعرفة

على أي أساس حكمتي يا ميمتي بأن المرقوق ما ينوكل إلا بالليل

على إن القصيم بنجد - إلا إني أعتبرهم يعيشون بمنطقة لحالهم خارج نجد

لأنهم يألفون من روسهم وينسبون كل شئ لهم

أشوى بعد ما قلتي إن المرقوق أكله قصيميه

على إني ما أحب المرقوق - بس أهلي يحطونه على الغداء
أنا من محبي المطازيز

ورا ما طززتي يا ميمتي - أبي أشوف مطازيز القصمان.
لأن المعلومات اللي جتني عن مطازيزهم تختلف عن مطازيز جميع أهل نجد

حتى ظلالي هلالي · #41 03/09/2009, 07:56 PM

^
ياليل ابو القصمان

كل ماطق عود بعود قلتو القصمان

تصدق يوم عن يوم احس انهم من كوكب ثاني

يابيي الحين اي طبخهـ تختلف من بيت لبيت ومن عائلهـ لعائلهـ

وش عاد من ديرهـ لديرهـ

وأولها القهوة

مو كل قهاوي الناس زي بعضها

إقتباس


	ماظنتي فيه احد ياكلها غداء

قلت ماظن

يعني ماجزمت اكيد وبصمت بالعشرهـ انها عشاء وبس

وبصراحه من الردود اشوف فيه ناس كثير يتغدونهـ

اما الي اشوفهـ انا من وعيت على الدنيا يوكل عشاء

هذا الي شفته انا بنفسي وعلى هالاساس بنيت قناعه داخليه انه عشاء

شـــذى · #42 03/09/2009, 09:50 PM

الله يعطيك العافية ياحتحت

عز الله إنك سنعة سوات المرقوق أبد مو سهلة

الفرق بينا وبينكم إن بعد ما يقارب اللحم والخضار على الاستواء
ناخذ من مرق اللحم والخضار ونحطه بقدر ثاني
ونحط فيه العجين عشان مع تحريك العجين
ما تتقطع الخضار وبعد مايستوي العجين نقلبها في قدر اللحم والخضار
تجلس مع بعض 5 دقايق ع النار ونفرغها
وعندنا ياكلونه بوجبة غداء

بالرغم من المنظر المشهي إلا إني لا يمكن أكل المرقوق والمطازيز + العصيدة

مدري احسها كومة عجين تلبد بالبطن ومو بسهولة تنهضم

<< بهدوء اطلعي برا

لكن تعالي دوريني عند القرصان

فتك بعافية وسلمت الايادي

هلالي من أرض اليمن

ربي يعطيك ألف عافية على هالفعاليات الرمضانية الرائعة .