شاشا شاشا.. شاشا شاشا.. والسعودي هو الباشا... ( هـنـا الـقـاهـرة ) - صفحة رقم 5 - نادي الهلال السعودي - شبكة الزعيم

Fahad Al Sudais · #1 18/08/2009, 08:59 PM

إقتباس

الرسالة الأصلية كتبت بواسطة فـيـلـسـوف زمـانـه


	هل تنصـح السـفر مع العائلـة ؟؟ هل فيـه مضايقات للعائلات ؟؟ ولا اقصد با المضايقات الشحاذه وانما با الاخلاق المراهقين

المراهقين اللي انت خابر منتب لاقيهم بحديقة الحيوانات والقناطر الخيرية

بتلقاهم في أماكن ثانية حقّت ( حارش مارش ) .... علشان كذا ارقد وآمن ورح انت والعائلة وانبسطوا

sowaid · #2 18/08/2009, 03:53 PM

الحمد لله على السلامه
وكييييييييف ام الدنيييييييا
يسرقون الكحل من العيييييين ماتبيهم يبون بخشيش
على العموم رحله ممتعه

لاعدمنااااااااااااااااكـ

Mr.GoaL · #3 18/08/2009, 03:58 PM

هلا بالصخره

القاهره عيبها الوحيد سكانها , اذا رحت وانت ماتعرفهم تقول وش هالشعب اللي نصهم حراميه والنص الثاني شحاذين

لكن اذا رحت للقاهره وانت تعرف احد هناك يضبطك بكل شئ حتى الاسعار يعلمك فيها قبل تروح , والحمدلله في كل مره اروح هناك عندي صديق مصري (انترنت بلس ) ومايمر علي مثل الاشكال اللي مرت عليك

واجازة سعيده ولو ان انك مريت القلعه مثل ابومقبل كان بتنبسط اكثر

خصوصا لما تسمع المرشدين المصريين وهو ينصبون على الخواجات

R D H · #4 18/08/2009, 10:13 PM

السلام عليكم ورحمة الله وبركاته

هلابك أبو صالح .. حمدلله على السلامه ..

بالبدايه بعطيك نصيحه لوجه الله ..

وش تبي بمصر ؟!

ياخي يوم واحد في ( شمال ) سوريا .. يسوى شهر بالقاهره ..

من خلال تجربة هالصيف بسوريا وتجربة الصيف الماضي بمصر ..

سوريا أجمل وأنظف بمراااااحل ..

خاصة القاهره بمصر .. الجو حر جداً .. نفسيات الناس مخيسه .. أول مايعرفون أنك سعودي أو حتى جاي من السعوديه يخربون بيتك ..

كل شي بالبقشيش ..

أنا القاهره ماحبيتها ابد ابد .. لكن اللي من جد حبيتها واللي اتمنى ازور مصر مره أخرى علشانها .. هي الاسكندريه ..

مدينة روعه مره ..

بالنسبه لسوريا .. نصيحتي تسافرها وتروح الشمال .. في جروبات سياحيه رخيصه مره مره ونظيفه .. وتمر بك على مناطق ترد الروح ..

هذا بالنسبة لنصيحتي .

أما بالنسبة لتعامل المصريين معك كسائح ..

لما سافرت مصر الصيف الماضي كنت أحاول قدر الإمكان أني ما أظهر اني جاي من السعوديه ..

وهالشي مب صعب لأن شكلي يساعد على ذلك . وانت عارف شكلي ..

فتلقاني اتعامل مع اللي بالمطعم او غيره بهدوء .. واتكلم مصري وشكلي مساعد على هالشي .. علشان مايعرف اني جاي من السعوديه وياكلني ..

لكن والله اكثر من مره رغم كل هذا .. ألقاه يسألني / حضرتك جاي من السعوديه ؟

يلعن أبو شكلك وش دراك ؟! وش فيني شي يدل اني جاي من السعوديه .. يعني وش لازم اسوي علشان ابعد هالشي عني ..

ومع ذلك .. يعرفون ..

أنا مره ركبت تاكسي أبيه يوصلني من المتحف لمصر الجديده .. وانا بالتاكسي شغلت الجوال حقي على اغنيه خليجيه لراشد .. وحطيت السماعات على اساس اسمع بلحالي ..

لكن شكلي ماحطيت السماعات زين .. وكان الصوت عالي وطالع من الجوال ..

طول الطريق وانا ماشي احسب اني اسمع بلحالي . واثره السواق المصري جنبي سمع كل الاغاني الخليجيه اللي شغلتها ..

وتأكد مليون بالميه اني جاي من السعوديه ..

اكتشفت هالشي لما عطاني رقم فلكي بالحساب لما وصلت .. يقولي الحساب 40 جنيه ..

قلتله ويييييييييين 40 جنيه .. هيا 20 جنيه بس .. وعطيته ياها ومشيت ..

بالنسبه لموقف الاهرامات .. تعرضت لواحد مثله بالظبط ..

بس لأني أبيضاني شوي ما قالوا 500 جنيه .. قالوا 200 بالأول ..

رفضت تماما لين ماخلاها 80 جنيه ..

والمشكله أنهم ثرثارين .. يتكلمون يتكلمون وكأنهم اصحاب حق ..

بس بشكل عام .. لو احد سواقين التاكسي سألني / انت منين ياباشا ؟!

علطول اقوله : من العريش ..

العريش هذه مدينه على الحدود المصريه الفلسطينيه .. واغلب سكانها فلسطينيين .. يعني فيه امل يصدق ..

قبل لا أختم اسمع هالسالفه ..

هذا واحد قريبي مقيم وعايش بمصر .. هو شكله بالنظارات كنه خواجه ..

مره كان جاي لمطار القاهره من خارج مصر .. يوم نزل جاه واحد من العمال ومسك العربه حقته .

المهم خلاه يدف العربه وهو ساكت خويي ماتكلم ..

وهم ماشيين مر عامل ثاني وقال للعامل اللي يدف العربه حقت خوينا : ها اخبارك ايه ؟!

قال العامل : سيبني ياعم خليني اشوف رزقي من الخروف ده .

طبعا هم يتكلمون كذا على اساس خويي خواجه اجنبي مايفهم عربي ..

خويي ظله ساكت ماتكلم .. لين ماوصلوا سيارة التاكسي .. حملوا الشنط ..

بعدها جا العامل يطلب الحساب .. يحسب بياخد دولارات ..

إلا ويقوله خويي : أنا خروف يا إبن الجزمه ؟! انصرف مافي ولا قرش

طبعا طاح وجه العامل ومشى بدون ماياخذ شي .

عالعموم اكرر واعيد نصيحتي .. سوريا سوريا وبس ..

مناطق طبيعيه تخليك تسعبل .. أراضي خضراء تقول لابها وتنومه .. ريحوا واستريحوا ..

اكل نظيف .. مشاوي تخليك تدوخ .. يكفيك مقبلاتهم ..

انصحك بقوه تروحها الصيف الجاي .. ياويل حالي انا ..

يعطيك العافيه أبو صالح .. فمان الله

Sir.M93b · #5 18/08/2009, 11:50 PM

ايه والله مالك غنى عن السعوديه