في يومن من الادياز ........... وأنا متبطح في ربوع مزرعتنا استنشق الهواء العليل واشم رائحة الحبق والنعناع مع كل نسنسه ومع كل هوبيبة هواء ......
جلست احتري عبدالعال المزارع المخضرم الذي يستطيع خرف عشر نخلات في ساعتين من دون عناء او مشقّه فهو متعود على الكرف منذو نعومة مصابع رجليه عبدالعال الاشهب المغبر المصدّي اللي ثوبه يتكسر من زود اليباسه فيه ... اللي شعره تسنه ديرمه عالجها بزر ...
عبدالعال اللي ماقبلوه العسكريه عشانه مايعرف يسوي الثبات ( استعد استرح ) لأنه مايقدر يصفط يدينه من زود يباسة شعر اباطه
(( شعر اباطه = غابات استوائيه لها رائحه زكيه هذه الغابات توجد في المنحدر السفلي للكتف ولا يسمح بالصيد في تلك المناطق لصحتكم نمنع اقترابكم من المناطق المشبوهه
تنبيه : هذه الغابات الأستوائيه قابلة للاشتعال ويعتبر الدخول في تلك الغابات من سابع المستحيلات بسبب ( الأشعار الشائكه ) المحيطه بالأبط المركزي ...... رغم سهولة الوصول لتلك الأشعار بسبب اتساع كم ثوبه ))..(( كم ثوبه = هو الجزء الأكثر قراده في ثوبه وهو المحيط باليدين ))
جاني عبدالعال وانا جالس في العريش وقال ياعم انا عاوزك تروح معاي لمشوار قريب ...قلت اللي تامر به بس وين تبي توديني له ؟؟؟...
قال ياعم انتا فضي نفسك بعد ساعتين عاوز اوديك لمكان نقعد فيه على راحتنا .... قلت نعنبو بليسك وين حنا فيه ذا المزرعه بكبرها مافيها الا انا وانت وعنز امي منيره انكان الموضوع عن العنز وماتبي تجرح شعورها فمعك حق ... قال ياعم الموضوع مش عن عنز امك منيره .. اصل الموضوع عن العنز بتاعتي .....
الله واكبر ياعبدالعال صار عندك عنز من عقب الفراخ وكم قطو يتقامزون عليك عقب ماتتغدا ( فول وتميس ) الله من زين الغدا بعد ان تطور غداك صار ( تميس وفول ) الله يكرم النعمه بس ... بتصير عندك عنز لك الشرف ......... قال ياعم حتشوفها بعد ساعتين انتا خليك فاضي واحنا حنروح سوا ونشوفها ..... قلت ابد ان مافضيت لعبدالعال حبيب تسبدي من افضى له عقب ساعتين تعالي ونروح لها بس عسى المكان مهوب بعيد ؟؟...
قال ياعم المكان قريب بس على الله تكون العنز موقوده ........ المهم راح عبدالعال يتزبط ويتزبرق ويتكشخ ويبخبخ من ذا الاطياب وكل ريحة تقول انا اشين من الثانيه ( يتطيب بديتول يازين ريحته زيناااه )
ماصارت عنز ذا اللي بنروح لها وشهوله هالتزيّن ..... المهم جلست احتري هالساعتين تروح بفارغ الصبر وبفاضي الحماس .... انا ماقهرني الا ان هالصعيدي بيصير مثلي عنده عنزززز .... راحت هالساعتين وجاني قال ياعم العنز اللي بنروح لها هي " سعديه " خطيبتي ..... قلت افاااااااااااااا سعديه صارت عنز ماهقيتها منك ياعلعول ( لايفوتك الدلع بس )
قال ياعم سؤال يبطح نفسه انتا مش اغلى حاقه بحياتك عنز امك منيره ؟؟؟ قلت صح لسانك هي اغلى شي .... قال وانا سعديه اغلى حاقه بحياتي ومن كتر ماحبها اسميها عنز فيها حااااااقه ؟؟ """( ومـن الـحـب مـاتـعــنّز )""" ابد ياعلعول مافيها حاقه الله يوفق كل واحد بعنز مثل عنزك

المهم طمرنا وركبنا في موتر عبدالعال ونيت من الطراز النااادر ... يوجد به دركسون وقير ومرتبه للسواق فقط لاغير ...... انا جالس على حديد وكل شوي ارفع راسي اشوف وين بنروح له ووين وصلنا والله من المسامير تحتي وكلما جا مطب نقص مسمار (( مدري وين تروح له هالمسامير " انا بريء ")) حالي في هالسياره كحال طفل ترضعه عجوز ماقد ارضعت من اربعين سنه قيسو مدى الحموضه والتفاعلات اللي صايرتن لي بهالسيارهL قعدت اتلفت في هالسياره " من ضيقت الصدر" ليني اشوف المسجل استاااااانست وانبسطت قلت فيه شي بيوسع صدورنا ويطربنا قلت لعبدالعال شغل هالمسجل قال ياعم " ده مايشتغلشي الا على الريل بلاير وانا لسا ماعملتش داون لود للبرنامج ده ... يعني مش حنئدر نسمع ايتها حاقه النهارده " (( ابد مشالله عليه الكذب يسار وهو يمين نعنبو بليسه صدز لين قالو مصري ))
.. مازلنا في الطريق بنروح لعنز عبدالعال قصصصصصدي حبيبة وخطيبة عبدالعال " سعديه " المهم من طريق في طريق ومن داعوس في داعوس ومن سكه في سكه لقيت ابوابً منصكه رحت للطايف قالو في مكه قولو للغالي قولوله...."" وين رحنا اخذنا الطرب ""....
المهم نرجع ونقول قعدنا في هالونيت حول الساعه لين وصلنا بالسلامه وصلنا لمكان مدري هو في الكره الارضيه ولا الصعيد (( لان الصعيد كوكب مليء بالكائنات الغريبه مثل عبدالعال وشرواه .... شرواي الطيب )) .. نزلنا في هالمكان اللي مليااااااااان عبدالعال كلللللللهم مثله وشرواه اللي عمامته صفرا واللي عمامته خضرا واللي عمامته حمرا (( يقولون هالمسيكين ابو عمامه حمرا كان يمشي في طريق العليا يوم الفالنتاين ومسكوه الهيئه ))..( اقول يقولون ).. وشفت الهريدي والعمده وشيخ الخفر وشيخ المخفر (( شيخ الخفر يفرق عن شيخ المخفر ... شيخ الخفر مثل الدوريات وشيخ المخفر مثل المرور يعني الاول لون عمامته زرقا والثاني لون عمامته خضرا)) ويقولون فيه خطه فرعونيه يخلون لون عماماتهم وحده ويصير (( شيخ شامل )) .....
توني نازل من الونيت لين ذا اللي يطق ظهري ويقول بصوت خفيييييييف " درعااااااوي " ... انا قعدت اسمي على نفسي لايصير ذا من اهل الارض ولا اني واهم ولا شي محد يعرفني في هالمكان الا عبدالعال منهو ذا اللي يطق ظهري ويقول " درعاااااااوي " ؟؟؟( الكذب خيبه والله اني باغي اصيح ) قلت ياولد مابدهاش لازم اعرف منهو ذا اللي وراي ...... وبإلتفاته خاطفه وسرعة بديهه تكنبست للوراء قليلا ... واشوف ذا اللي قاعد في صندوق الونيت الملقوف ماغير " دحيم الأقرع " ولد جيراننا ..... قلت له وش اللي مخليك تركب في الونيت يامدير شركة ( م ع ر م ) (( شركة م ع ر م = ملاقيف عيال الرياض المتحده ))... قال ابد والله مريت عليك بالمزرعه ابي اسلم عليك لقيتك انت وعبدالعال راكبين السياره ... مابي احرجكم واقول تراي ابروح معكم من باب الذوق والادب اني اركب وانا ساكت ... قلت له الله يديم عليك الذوق يبو ذوق .... قال لي يادرعاوي وش عندكم جايين فيذا انت وعبدالعال الدعوا كلهم صعايده عسى ماشر ؟؟ ..... قلت له يرحم امك يبو ذوق خلك ساكت وامش معي ....... جاني عبدالعال قال ياعم احنا حنخش البيت ده اصل المأذون جاي من بدري ... قلت يالله مشينا لانصيف على الجماعه .....
دخلنا المجلس لين الصعايده مالينه سلمنا عليهم واحد واحد همن قعدنا جمب المأذون .. قال المأذون يالله كل واحد يمسك يد الثاني (( انا فرحت حسبت انهم بيلعبون فتاحي ياورده سكري ياورده ... مبطي مالعبتها )) كل واحد مسك يد اللي بجمبه قال يالله حطو فوق يدينكم مناديل وخلونا نقرا الفاتحه ... عقب ماقرينا الفاتحه " دحيم الاقرع " من زود الحرص قرا سورة الاخلاص عقب الفاتحه ... المهم قال " ابو سعديه " يالله ياعبدالعال تعال سلم على سعديه ..... ( عبدالعال قام يتنافض ويتحقرص في مكانه همن نغزني ذيك النغزه اللي خلتني اذكر غداي قبل سبع سنين ) نغزني وقال ياااااااعم ... قلت عمت عينك يالاشهب وش تبي ؟؟ ... قال تعال معاااااي اصل انا مكسوف قوي ... قلت له ..." ياروحي ياللي مستحي ".... من ذا اللي بتدخل عليها عاد خطيبتك وام قردوك فالمستقبل ليش تستحي منها ؟؟؟.... قال ياعم انا عاوزك تخش معاي اصل انا كتبت قصيده في سعديه وعاوزك تسمعها ... قلت يارجال ابروح معك بس مهوب عشان قصيدتك ابروح اشوف سعديه هاللي صاجنا فيها ......
دخلنا لين سعديه قاعده على جمب ومتغطيه (( نعنبو القهر يوم جيت تغطت )) قال عبدالعال لسعديه اسمعي القصيده اللي كتبتها فيك من زمان وكملتها النهارده بمناسبة كتب الكتاب


حـبيـتك ياسعديـه مـن قلبي وانـا مـاقلـتـلـكيـشـي ### قـلت للـدرعـاوي عـن الحب القـديـم


وعن النار اللي حرقت محصول قلبي ومانطفتشي ### مابقيش غير الورود والعليا والنسيم

ومـنسـاش الـناصـريـه والجـراديـه والشـميـشـي ### وماتهونشي البديعه والغدير والنظيم

والـيـوم كـتـب كـتـابنا والـعـزوبيـه مـاتـنفـعـشـي ### سبناها للدرعاوي اللي مايحبش الحريم

وانا احـــبـك يــاسـعـديــه ومـاتــســألـيـنـيـــشـي ### قـد ايــش بــحــبــك بــحــبـك كتر البهيم

واحــــبـــك لـو تـــمـوتــي بــقـلـبـي تـعــيــشــي ###وتــســكــني في جـنيــنه مـليــانه برسـيم

وانا احـبـك وامـوت فـيـك يـارب كيــف ولـيـشـي ### انـا مـش عـارف العـارف ربـنـا العـليـم



وسلامتك ياسعديه وسلامة اللي بيسمع
صح لسانك ياعبدالعال على قصيدة العمر وعقبال ماتجيبون لنا قرود صغار يشبهون لك ولاتهون ام القرود قصصصصصدي ام العيال سعديه ..... قال عبدالعال ماعلى بدنك مزواد (( يقصد ماعلى بدنك زود يعني صح بدنك ))
جا وقت العشا قالو لنا اقلطو تعشوا..... رحنا ثلاثتنا انا وعبدالعال ودحيم الاقرع ولد جيراننا رحنا بنغسل قبل العشا " ولأول مره " نغسل يدينا قبل العشا على بالنا برستيج ولا مهيب نظافتن فينا ...... المهم وحنا قاعدين نغسل نغزني دحيم الاقرع قال درعاااااوي ناظر يدين عبدالعال وش كبرها كبراااااه ........ بصراحه انا اول مره ادقق في يدين عبدالعال اكتشفت انها مهيب كبيره وبس مشالله ومليانه مويه بعد صايره كنها مسبح ...... والله وتطقني الشهوه ودي اسبح قلت لدحيم الاقرع فيك شدة سباحه ؟؟ قال والله مهيب شينه بس وين بنسبح فيه .... قلت نعنبو بليسك ناظر يدين عبدالعال وش كبرها تكفينا نسبح فيها ... هاه نطب ؟؟؟ ...... قال لي المشكله ماعرف اسبح فالغويط ( الغويط = العميق ) ( العميق = بين إصبعين السبابه والابهام ) ...... قلت له ماعليك خلك حول الخاتم ومنتب غارق ..... والله ونتفصخ ومابقا علينا الا صراويل السنه متشققه ركبها " لزوم السباحه " (( يقولك اذا جيت بتسبح ومامعك مايوه ألبس لك صروال سنه وشقق ركبها ان كانها مابعد تشققت لأن الحكمه من تشقيق ركبها هو سهولة السباحه وتعمل عمل الزعانف الجمبيه ..... قل ايه بس )) ... قعدنا نسبح بس المشكله ماطبيت محيفره ( محيفره = الطبه هذي حاز عليها السباح العالمي سعيدان فالنكوف على الميداليه الذهبيه الاولمبيه لثلاث اعوام متواريه )..( الاعوم المتواريه = اللي ورا بعض ) ..... المهم عقب ماخلصت من السباحه في يدين عبدالعال وتعشيت معهم قعدت لي حول الربع ساعه ادور على دحيم الاقرع مدري وين راح الظهر انه عقب السباحه كله البرد وراح يركب الونيت يحترينا نجي .... المهم زلبته " كالعاده " وقعدت اسولف انا وهالصعايده ... قال عبدالعال ياعم عاوزين نمشي ... قلت له الخبر عندك مهوب عندي .... قال لاوالله ماعنديش خبر عن ايتها حاقه ... قلت اقول ياعلعول لايكثر بس ويالله ضف عفشك خلنا نسري معاد بقا شي على نومتك .. وانا الزم ماعلي راحتك يا أشهب مخلوق تبحلقت فيه عيناي ( ياروحي يالفصحى )
قال ايوه بس استناني في السياره مع دحيم الأأرع اصل انا عاوز اجلس مع سعديه عشر دقايق ... قلت يحق لك يالاشهب من قدك خطيبتك رح الله يهنيك ويرزقنا من زوايد فضله ..... المهم انقلعت غير مأسوف علي للسيارة بس يوم وصلت للسياره وفتحت الباب ... انصصصدمت بأني مالقيت دحيم الاقرع ... وين راااااح ؟؟....... قلت يمكن انه في صندوق الونيت " كالعاده " ..... شفت الصندوق مااااالقيته وين راااااح ...... قلت اكيـــــد هالملقوف طاح له في شي يتلقف عليه " كالعاده طبعاً " ... سألت كل الصعايده عنه قالو ماشفناهشي (( ماشفناهشي = ماشفناه + شي ... والـ شي اعرابها حرف زائد في محل رفع الصعايده )) قعدنا نحوس وندوس في كل البيت مالقينا وين ذلف وين طسسس ماندري عنه ..... انا بصراحه خفت عليه بس قلت اكيد عبدالعال عنده خبر ولا شي ..... طمرت ابروح للغرفه اللي فيها عبدالعال وسعديه .. توني ابفتح عليهم الباب ... ليني اسمع صوت سعديه تصارخ وتصايح ....... قلت اكيـــــد ذا الصعيدي اللي ماقد شاف خير سوّا فالبنت شي ..... فتحت عليهم الباب ليني اشوف سعديه تأشر على عبدالعال وتصارخ .......... تدرون ليـــــــش ؟؟؟؟؟؟؟؟؟؟؟؟؟؟؟؟؟؟؟؟
؟

؟

؟

؟

؟

؟

؟

؟

؟

؟

؟

؟

؟

؟

؟

؟

؟

؟

؟

؟

عقب ماسبحنا دحيم الاقرع صار ناشب في خاتم عبدالعال



رهام الملاك