تعبـت أسـامـح الأيـام

ندور وكل مافي ذا الوجود وذا الحياة يدور

حيـاه نعيشها هذا عرف قصده .. وذا غادي

نحاول في الأماني ويتكرر كل يوم الدور

سبـاق نهايته مابين باكي وآخرٍ شادي

عسى ربـي يهوّن عبرةٍ بالخاطر المكسور

لها عامين مسجونه مابين العين وفوادي

يجضّ القلب منها جضّة اللي بالمنى مجبور

سبايب سجنها من خوف عدواني وحسّادي

تعبت أسامـح الأيـام واقول الزمـن معذور

تعبت أشربها سكر .. حظي المتعوس وانكادي

على نفسي كذبت وعشت في كذب الأماني شهور

وعايشـت الأمانـي .. لين ذقت الغبن وسهـادي

وبدا ميلاد قلبـي من عرفـتك بالبها والنور

وتباهيت بطـلايع طـلـّتك في يوم ميلادي

هـو اليوم الوحيد اللي ترك فيني وفـا وشعور

وهـو اليوم الوحيد اللي حرمني روعة أعيادي

وفـاق القلب من حلمٍ تنثّر وآخره مبتور

على صوت الحقيقه والفـلاح يصيح وينادي

ورجعـت لخالـقٍ يجعـل نهـاياتنا فنـا وقبور

وطلبت العفو من وجه الكريم المشرق البادي


كلمات : غريبة الدار

[sound]http://\\Pc11\e\منوعات1\نوال[/sound]