انيستا بعد الاصابه الى اين مستوى عادي

ميسي اليوم ضايع

وبيدرو من زمان وانا اقول الولد ما يعرف يناول ويرفع بس تسديد

ام البقيه ادوا الي عليهم

الحكم اخطاء كثيره

بس الحكم مهب شماعه للتعادل

المستوى سي خاصة بالهجوم

بيب لازم يرجع حسابته خاصة في الاحتياط

على العموم الصدارة اخذنه

وتعادلنا مع فريق قوي على ملعبه

والفريق يعاني من الاصابات بالهجوم

هـآرد لك التعـآدل ياشبـآب .. بصـرآحة المستـوى لم يكـن بالصـورة المعهـودة
وذلك نتيـجة للإرهـآق الحآصـل للاعبيـن ..
اللاعبيـن جميـعاً وآضـح عليـهم الإرهـآق بشكـل كبيـر وخصـوصاً مفـآتيح اللعـب
( ميسـي - تشـآفي - انيستـآ ) ..

المبـآراه بشكـل عـآم أرى نتيجـتها جيـده خصـوصاً وأن مرمـآنا لاقـى تهـديد
في أكثـر من منـآسبة وكـدنا نخـرج بهـزيمه فالنقـطة ليسـت بالأمـر السـيء خآرج أرضنـآ ..

قـوارديولا كأني لمسـت من تبـديلاته أنه رآضٍ بالتعـآدل فهـو مرآعٍ لمـآ يعـآني
منـه الفـريق من إرهـآق وإصـآبات وخـرج من المبـآراه بأقـل الخسـآئر

هـآرد لك مـره ثـآنيه التعـآدل ولا تبتـئسوا ياإخـوان مـآزلنـآ متصـدرين

هاردلك..

مستوىى متذبذب اغلب اللاعبيـن كآآنو مو في الفورمهـ

بسبب فايروس الفيفـا

عالعـموم مازلنـا في الصدارهـ

وضروري الفـوز في الشامبيونز عالا قل معنويآآ

عبدالله عبدالرحمن

انا ماابخس حق فالنسيا بالعكس .. هذانا اقول هلكونا البطاريات .. نسبة لأداء اجنحتهم وأيضا على وجه الخصوص سيلفا ..

فالنسيا من الفرق الا نوعيتها مثل برشلونه .. فـ لا نستغرب من الا صار .. جننونا العام الماضي في ارضهم .. وهالسنه اليوم شفنا كيف نوعيتهم ..

لكن خلنا نحط في بالنا عدد اللاعبين الدوليين في برشلونه والا جايين من اسبوع الفيفا .. مقارنة بلاعبي فالنسيا الدوليين .. بالتالي مجاراتهم من البدايه راح يقلل من طاقتنا بالشوط الثاني .. وهنا الا اشوفه سبب لانتهاج هالاسلوب .. اللي نجح فيه قبل مع بعض الفرق .. لكن اليوم مانجح فيه ..

الفريق في بداية المباراه قام يغلط في التمريرات في الخلف .. هنا له علاقه بالضغط العالي الا فرضوه علينا .. لأنه نوعية لعيبتهم صعبه جدا .. مثل لاعبي اتلتكو مدريد ..

لكن برضو لو هم قربو لبعض وسرعو حركتهم ماصار هالشي .. مثلا ايضا كرة بابلو بالشوط الاول الا صدها فالديز .. كانت جايه من خطأ في التمرير من ميسي ..

الشوط الثاني الفريق تحسن بشكل كبير .. لكن الحمدلله على كل حال ..

اشوف النقطه شئ ممتاز جدا .. نسبة لظروف المباراه .. ولو انه الشئ كان فيه حظ .. لكن يهمني انه احنا طلعنا بشباك نظيفه .. نظافة الشباك هي الا تقوي عقلية الفريق وتخلي ثقته قويه بنفسه ..

إقتباس وضروري الفـوز في الشامبيونز عالا قل معنويآآ

اتفق معك اخوي لازم الفوز

إقتباس ميسي اليوم ضايع

حط مع ميسي مهاجم كبير زي ابرا او هنري ويلعب زين ميسي زين كم هجمه لبيدرو بس بيدرو ماعتده خبره و المدرب غريبه مادخل ابرا مع ان ابرا يقولون اصابته خفيفه ومهي متوقعه من بيب

السلآم عليكم

اشتقت لكم

هارد لكم التعادل ،

بالنسبه للمباراة اتوقع بيب خذ اللي يبيه منها بحسب مجريات الشوط الأول !!

فالنسيا بالشوط الأول كان ضاغطنا ولولا الله ثم براعة فالديس كان خرجنا بنتيجه كبيره الشوط الأول

توريه غريب جداً اليوم مع كيتا ، حسيت اننا نلعب بدون محاور .. ومن هنا بدأت المشكله ، سيلفا وبابلو هرنانديز مسوين مشاكل صراحه بالنص هذا اللي خلى التمريرات اغلبها خاطئة وافتكاك الكوره من جانب فالنسيا كان اكبر واستحواذهم اكبر !!

بويول بالشوط الأول عنده اخطاء وماقدم المطلوب ، ابيدال موسمه الأول مع البارسا كان ممتاز ، بعد كذا صغر على الشمال ، لاعب غريب جداً ماافتك ولا كوره اليوم وحتى بالتشتييت من جنبها

الفيس كان جيد نوعاً ما .. بيكييه والله مبدع هالآدمي ممتاز جداً ، فيه كوره اخطأ في افتكاكها بويول ، وغطى مكان بويول فيها هالكوره كانت كفيله بثلاث نقاط لفالنسيا .. ماننحرمش يالناقه

تشافي ونقطة انك اذا وقفته بيتوقف البارسا كامل من مباراة ألميريا إلى مباراة اليوم 70% هالنقطه اشوف انها ناجحه ، هل هو انخفاض مستوى تشافي والمستوى الهجومي عموماً ؟ او الرقابه اللصيقه لتشـافي خلت مستوى البارسا الهجومي ينخفض ؟ .. ألف علامة استفهام على هالنقطه

انييستا اجتهد ، ميسي مرهق ، بيدرو تائه ، بويان توه راجع من اصابه ولا اقدر احكم عليه

خلصنا من اللاعبين .. بوسكيتس ساحب عليه قاصد



..

بيب ، انا ماادري وش كان يقصد بالحركه اللي سواها ، ايبرا عندك بالدكه ،
هل هو مصاب ؟ طيب ليش ضميته
هل هو ضامّه عشان يشتت تفكير إيميري ؟
يبي يريّحه للأبطال ؟
اندفاع فالنسيا بالشوط الأول وخشونتهم أثرت على رأي بيب في اشراكه لإيبرا ؟

انا اميل إلى انه ضمّه عشان يشتت تفكير ايميري ، نفس ماسوّا ايميري مع فييا !!

بغضّ النظر عن هالنقطه ، اعجبتني واقعية بيب في المباراة ، انا ماخذ في بالي فكرة ان بيب دائماً مغامر ، بس اليوم اثبت لي واقعيته بأمانه ، لعب على نقطه وحده تضمن له الصداره ، لأنه مايبي يخسرها بدري

شكراً

إقتباس بغضّ النظر عن هالنقطه ، اعجبتني واقعية بيب في المباراة ، انا ماخذ في بالي فكرة ان بيب دائماً مغامر ، بس اليوم اثبت لي واقعيته بأمانه ، لعب على نقطه وحده تضمن له الصداره ، لأنه مايبي يخسرها بدري

كلام سليــم

.....................

هاردلك على التعادل
نقطة ليست بالسيئة لانك تلعب مع فريق قوي وعلى ارضة
بيب واضح انة كان يبغى التعادل
حنا طماعين نبغى الفريق يفوز دايم مستحيل
اهم شي ان الفريق ماخسر

إقتباس حتى لو خسر ميسي كره - كرتين - ثلاث ... اقول هنا وين دور التغطيه لاي خطأ ممكن يحصل في الامام وخصوصا من مهاجم لان خلفه خط وسط وخط المحور وخط الدفاع ولو حصلت من محور ممكن نقول كان في منطقة الدفاع وما يمدي احد يصلح الغلطه

موعلى حسب وين يخسرو الكوره يالغالي .. هي شغلة تمركز وتحرك .. اذا قطعه من هالفريق قل ادائها .. كل الفريق يتغير شكله .. هنا عيوب الضغط العالي الا عندنا ..

يعني .. مثلا .. ميسي لما غلط في تمرير الكره .. وين راحت ؟ .. في الجهه الا تركها بيكي .. مباشرة .. هنا مسألة سوء تركيز من الممرر والمتلقي الا اظن كان تشافي ..

اذا نخسر الكوره في اماكن غلط راح نتعب .. لأنه فريقنا قوته بالكوره .. نفس الشئ فالنسيا .. قوتهم بالكوره والارتداد السريع .. وهم من خيرة اندية اسبانيا في هالاسلوب ..

أيضا طريقة فالنسيا .. انت تحط في بالك تنبآت وافكار حول طريقة الخصم .. لكن لما مايلعب بماتا على الطرف ولا يلعب بزيغيتش قلب هجوم .. ويلعب بماتيو الا جسمه جسم ثلاجه سمك .. هالشئ ممكن يؤثر على بداية الفريق في المباراه .. لين ما تقرأ الا صاير صح .. وهنا اشوف بيب ماقرا المباراه مثل العالم الا بعد يمكن 25 دقيقه .. والا قبلها كنا نسوي اغلاط كثيره ..

اشوف الشوط الثاني كان مغاير عن الشوط الأول .. وتصلحت فيه اخطاء كثيره كنا نقوم بها بالشوط الأول .. على الرغم من استمرار الفرص المتاحه لهم .. لكن سوينا شغل افضل بالكره وحرمناهم منها لفترات عديده .. وعملنا خطوره على مرماهم ..

إقتباس ويلعب بماتيو الا جسمه جسم ثلاجه سمك ..

تعادل غير عادل


ومعوضين المباريات الجاية

والاهم الى الحين حنا في الصدارهـ :)