مع السلام عليكم

وش اسوي يا ربي انط من فوق السطح اكسر قزاز المكتب
وانط على الشارع انتحر واموت اشق هدومي ترى بصيح

لا احسن شي افقع ام وجهه بقس اخليه عيونه الثنتين يسار
اشطب وجهه لين افتح طريق خريص كامل فيه
اقوله يرحم امك لا عاد تفكر تسوي نفسك تمون

<=== ترى اللي فوق هذي اللي يسمونها مقدمه

مختصر الموضوع !!

مرات الواحد ربي يبليه بصاحب او زميل عمل او احد من عيلته !!
فيه فضول او يعني ثقل دم شي عجيب ما يحترم الخصوصيات ابد ابد

اللي يصير معي انا شخصيا ... واحد زميل لي بالعمل تقريبا حالته المبدأية
من اول ما شفته وشخصته طلع معه انفصام شخصيه حاد الرجال هادي
جدا وما يحب يكون علاقات تحسه ما عنده شخصية قوية !! غير انه لو مديره
يقوله نط من فوق السطح يروح ينط على طول ولو الله كتب له عمر وما مات
يرجع لمديره يقوله تبغى انط مرة ثانيه

المهم خوينا هذا هو بالشركة من قبل ما اجي ... من يوم جيت انا ويوم شافني
اني ماني تبع مشاكل واحب اذب او يعني بشكل عام عرف اني كويس

بدا يحتك بزياده ودايم يسوي انه تكفى صير صقيقي كله ينبلع وعادي
مع انه سوالفه غبية واصلا ما يسولف الا اذا عنده شغل لكن اللي خلاني اكتب
الموضوع هو انه ملقووووووووووووووووووف

جوالاتي احطها عادة على المكتب جنبي ... كل فترة يعني اسبوع اسبوعين
اذا جاء عندي ما القى ابو الشباب بسيوني الا ماسك الجوال ويقلب امه تقليب
رسايل ... صور ... مقاطع صوت وفيديو ... خدمات ومميزات الجهاز ...
احسه يغيب اسبوعين ويجي يقول خلني اشيك وش عنده شي جديد

اقسم بالله انه يطلع شغلات من الجوال انا ما اعرف عنها او وين موجوده
مرة فتح مقطع فيديو ... انا اسمع الصوت وقامط ام العافيه اقول وش هالصوت
ما قد سمعته الله يستر لا يصير احد من البزران مصور فيديو بالبيت او استهبال
وينكب عشانا كنت بقوله وقتها تكفى تعال ادخل بدفتر العيله بس لا تفضح
اخر شي طلع مقطع مدري من متى واحد مرسله لي وقالي شوفه حلو وانا نسيته
والله

والقلق مرات اخواني الصغار يلعبون بالجوال ويصورون صور نوعا ما فضيحه
انا ما ادري عنها طبعا هو يدري عنها قبلي ومرة اخذ الجوال طول وهو جنبي
واقف يلعب فيه بعد شوي جا حطه قدامي قالي : " بص حضرتك ده بيتنا في مصر "
الدب فاتح Google Earth وقاعد يدور ويطمن على حارتهم وبيتهم من زود الفضاوة !!

مصر مين والناس نايمين يقلع بليسك وين وصلت وش هالميانه اللي تجي كل
اسبوع تقلب جوالي وتطقطق عليه وتسوي انك اخوي بالرضاعه

الغباء بالموضوع ... بعد ما يخلص لقافته طال عمره يجي بكل برود يفتح الكاميرا
ويقولي اوف 8 ميغا بيكسيل يلعن بليسك عشرين مرة سالتني هالسؤال

يعني يحاول يقنعني انه كل هالوقت قاعد يجرب الكاميرا ويحاول يعرف دقتها
وما ادري ايش ... ياخي طفشت دور تصريفه غيرها ...

والله احس بعد كذا من طفش تصريفاته بيصير ياخذه يلعب فيه نص ساعه
بعدين يرجعه يقول اوف يا حرام شكله طاح منك الخدش هذا ما كان موجود المرة
الماضيه يا ابن الـ &*%$###** روقني فكني اكره هالنوعية ياخي احترم
خصوصية الناس

انا والله مرات جوال اختي او اخوي اتردد قبل ما ادخل واسالهم عادة هذا لو مسكت
جوالهم ... كيف واحد ما تمون عليه

اللي خلاني اكتب هالموضوع انه توه الحين مشى من عندي بعد ما فصفص ام الجهاز
وانا جنبه اقول يا رب الله يستر لا يصير شي خاص ... وكل شوي اقول متى بيرجعه
لا واحد يناديه يسولف معه ويروح له وهو يمشي بجهازي ويرجع جنبي يكمل
طقطقه عليه اخر شي بكل برود فتح الكام قالي ايه ده 8 ميغا بيكسل

كنت بقوله وانت خليت فيها بكسيل قولي ايه ده مش جايب حاجه جديده
من اسبوعين ... قولي ايه ده الموبايل بتاعك شكله وقع من يومين .. قولي
ايه ده رسايلك مش حلوه هاوشني ليش خلصت كل مراحل الالعاب بالجوال
وطفشت تبي مراحل جديده والقلق يوم حطه عندي لقيته مفتوح على صفحة
الجوجل ماب وربي طفشت منه ما ابي اكمل لاني لو اخذت راحتي
فيه بيتشفر موضوعي عارف مجلسكم زي نظام السعودية الاولى

<=== لازم يذب

ما يستفاد من الموضوع :

1- وش تنصحوني اسوي معه !!

2- فيه احد يعاني من ناس مثل هالعينات !!

3- لا احد يحط جوالاته قدام الناس للرايح والجاي <=== قول لنفسك

4- لا تخاوي دلوخ .

5- تحسون اني اسمع بشي اسمه ما يستفاد من الموضوع وما اعرف وش هو

شكرا لكم وربي كتبت عشان افضفض واطلع حرتي منه الغبي

سي يو

وعليكم السلام ورحمة الله وبركاته
صراحة أهنيك ،
سجلت دخول من مقري في العمل عشان بسسسس أعقّب على موضوعك <== يعلمكم أنه متوظف بالصيف ،
الحــل بسيط يا حالمي ،
حط رمز قفل للجوال وخله يفصفصه لين يقول بس ،
لكن ما أضمن لك أنه يطفي جوالك ويقشع البطارية ويحط السيريل نمبر بذاك الموقع حق الأجهزة ويفك رمز القفل خخخ
وعندك حل ثاني ،
قدم استقالتك وتعال اشتغل سكرتير عندي

يـ الله حيـه

شـف هـ النـوعـيـات متـواجـدهـ وبـكثـرهـ !! انـا كـنت اعـانـي من نفـس مشـكلـتك الي هـي خـويـك يصيـر ملـقـوف والا يـبي يصـير صـديقـك غصـب !!

يـعني اقولك يـدق عـلي ويقـول فيصل اطـلع تـراني عـند البـاب !! اقـولـه وش عـندك !! يـقول بـشوف المـبـارات مـعك !! حسـبي الله علـيك وش ذي الوقـاحـه !! طـيب استـأذن !! انا طبـعاً قـلطته قـهوه شـاهي ويـوم خـلصت المـبارات قلـت ان شاء الله بيظف وجـهه الحـين قـعد !! والله مـاطـلع الا 2 !!

عـقبها نـفس المـشكـله نهـائي الأبطال دق عـلي قـال انا عـند البـاب بـشوف المـبارات عـندك ،، قـلتـله عـندي اخويـاي رح مقـهى وسكـرتـها بـوجـهه !! والى يـومك هـذا مـادق عـلي يـعني يـابعدي هـ الأشكـال ماينـفع مـعهم التـلميح !! زبـدله وهـو نفـسه مـاراح يـصير لـه وجـه يـقابـلك

موضوع خفـيف ورهـيب

كان هنا لسه هنا والا مشيت !! <==== سخييييف

لا تلومني اثر علي هالدلخ اللي عندي والقلب لك يخسى هو

حبيب قلبي اول شي اللي اعرفه انك زي اسمي واسطه يعني

بالنسبة لقفل الجوال المشكلة جوالي سوني اريكسون ... وعجزت احاول فيه
شلون ينحط له قفل ما عرفت انا مشكلتي بالجوالات اللي اخق مع شكله اجيبه
بعدين احاول اعرفه مميزاته اول شي ... بعدها اسحب عليه خلاص يصير
ارسال واستقبال وكبر راسك نادر اصلا اني ارسل منه واستقبل وكذا !!

انا منتظره يطفش يقول هذا زبون مو كويس ما يجيب شغلات جديده بس
الى الحين ناشب

وانا ما احب القفل قلق كل ما ابغى الجهاز احط قفل ... بس والله لو اعرف شلون
كان احطه بالدوام بس يقلع بليسه بيجيني انفصام شخصية

بالنسبة لموضوع اصير السوكراتير حقك ما انصحك تتهور بهالقرار لان
لو جيت انا بصير مديرك بعدين احد يصح له يصير مدير وعنده سكرتير
ويجيب رجال فكر زين قبل قرارك هذا ... اذا ملزم كلمني اقدم استقالتي

منور

ريكيلمي نفسي ازبد له واكثر من مرة تواقحت مع ناس وما فرقو معي
بس هذا اقولك شخصيته ضعيفه ... يعني اذا ابغى ازبد له لازم ابدا اول شي
اوصله انه يع ما احبك ... بعدين نوصل لمرحلة كش عليك ... بعدها اقوله
تراك نشبه وانا اكرهك يله خلنا نصير اعداء ... بيصيح شوي ومدري وش
يصير بعدين

والمشكلة ليت جواله شي الواحد يستاهل تقلب فيه اصلا لو اخذته بيسحب
علي لانه بيكون متاكد اني ما رح اعرف استخدمه ... جواله ممكن تستخدمه
ملعقة اكل ... مشبك غسيل .... وقت الشحن اذا صار حار اكوي فيه ملابسك
اخر شي تقدر تستخدمه جوال

جد والله مضايقني بقووووووة ... بنفس الوقت زي هالنوع من الشخصية ما تتوقع
منها ردة فعل معينه ... يعني والله من اول افكر بموقف انهي فيه الموضوع كله
بس الى الحين ما عرفت دواه بس له يوم ان شاء الله


مواصل من عام الفيل اسمحلي اضحك اول شي على البرايفت

خخخخخخخخخخخخخخخخخخخخ

خلاص ضحكت يله برد عليك الحين استعد

موضوع القفل قلت لك حاولت مررررة اسويه بس ما عرفت !!
نظامه غير النوكيا الظاهر !! غير كذا يمكن جد ما تصدق اني الى الحين
اخلاق وبريء ومؤدب ماني راضي اجرح مشاعره بس صدقني
الشخص غامض جدا بالنسبة لي وماني متوقع ردة فعله ايش بتكون !!

بس صدقني كل زفلت وله مقاول يفرشه انا اوريك فيه بيجي
يوم اكون متهيض واحس اني قوي الشتيمة وافقع ام وجهه

شكرا للجميع على المرور

ياحبيلك بس تخليه يقلب بالجوال وانت تتفرج

ازين شي ازبدله واكرشه وخذ جوالك منه او ..... خذ جواله وقلب فيه

ههههههههههههه وربي اقرى وميت ضحك اتخيلك نحيف وهو دب وخايف منة ههههههههه

إقتباس فأحسن حل - تحط رمز القفل بالجوال وترتاح وإذا قالك إفتحه قله آسف فيه أمور خاصه

ههههههههه ذهي ماتمشي علية بيقول خاص اية ياعمي دنا حافز قوالك كله....


اذا تبي نصيحتي وهالكلام مجرب وربي سويتها بواحد بالاستراحة مو بالدوام ..

اشتر جوال ابو 100 كشاف اهم شي بدون كاميرا عشان ما يلاقي ولا بكسل ولا ارخص نوع ولو مستخدم عادي ولا تنظفة خلة وسخان.. ووقت دوامك حط شريحتك فيه ولا تخزن الا رقمة بسسسسسسسسسسسس ولا تبقي بالوارد الا رسايلة ولا تبقي بالسجل الا مكالماتة ووقتها اوعدك انة رح يطفش نهائيا لانة بيصير مايشوف الا تقرير عن ازعاجة..

ههههههههههههههه اذا تبية يفصل حط صورته خلفية..

طبعا جوالك الثاني لاتقولة الا كلمتين بس لانة رح يسالك عنة اكيد .. قلة طفشت منة وعطيتة للسواق وخذيت جوالة خلة يموت من القهر عشان يتمنى انة سواق عندكم..خخخخخخخخخ

***

هلا بالدحمي ..
أشوف المجلس منور أثاريك موجود << تراها مجاملة
كثير من الناس ملاقيف , لكن مثل هذا ما لقيت , من جد علة على قلبك
الله يعينك , لكن عندي حل كويس جدا , و إن شاء الله بتسفيد منه
حط الجوال فيه رمز سري و قله إذا جبت الرمز صح أبعطيك الجهاز
هو أصلا ما يقدر يجيبه وقله إنك منتب فاتحة علشان ياخذ الجوال له


عاد عطني رأيك بالفكرة


***

السلام عليكم ..

اسمع يآ صقيقـي ..

نصيحتي لك ،،
ازبدله بس على خفيف.. يعني إذا قعدتوا تسولفون انت و إياه ، حآول توضح له إنك ما تحب احد يشوف خصوصياتك ، و عطه سالفه من نسخ الخيال من رأسك ..

ولا خذ معك جوال ثاني ، وإذا مسك جوالك وبدى يقلب ، اتصل على رقمك .. و حآول تطلع ريحته !!

ولا تقدر ما تعطيه وجه .. وخل علاقتك معه رسميه مرره .. وكل ما حاول يكلمك اشغل نفسك بأي شيء ..

آخر حل ،، إنك تزبد له !!
إذا ما نفعت ولا طريقة .. لأنه معك في العمل ، يعني كل يوم بتشوفه ، وصعبه تزبد له .. وهو على كلامك شخصيته ضعيفه ..

حيه الدحمي ...

انا شفت ملاقيف بهالبلد بس مصري ما قد شفت صراحة .. عشان كذا حالتك صعبه
--
اعاني نفس مشكلتك .. فيه واحد اعرفه .. غصب بيصير خويي اذا بغى يسلم يخبز ام ام ظهري .. عاد تشوف وجهي قاد حاذى الأرض تقل نعامة ، تعرف بيطق الميانه

صرت ازبدها بوجهه وصرت جدي اكثر ..

قسم بالله صرت اكره اطق ميانه مع واحد من هالآدمي ، الا بعد فحص شخصيته

ما قد سمعت اللي يقول انزع الجذور من الأطراف

شوي شوي سكر جوالك اذا اخذه خذه منه بالقوة ، سيم سيم لابك ..

وبعدين اذا شفته اقبل عليك قله مشغول او صرفه ولا تكلمه ولا تقربه ..

الله يعينك ،، واذا كانت حالته مستعصية نادني تراني قوي

اشوفك على خير ..

يا هلا فيك أخونا الهلالي 11


مثل ما تفضلوا الأخوان وقالوا حط ( رمز قفل ! )
وثاني شيء خل جوالك بجيبك .. : )

وبعدين لا قط وجهه كالعادة لا تعطيه وجه وخذ الجوال منه وقل ( تسمح لي آخذه بعد إذنك يعني )


وسلامتك

الخصوصية

بمفهومها العام مهضوم حقها في مجتمعاتنا

تحس ان اذا ما خليت الواحد يآخذ راحته في اغراضك في اسئلته بيقول عنك متكبر وشايف نفسك

بقول لك قصة ما ادري تقرب لموضوعك والا لأ بس من زمان ودي اقولها

مرة واقف عند صراف طبعا الصراف في غرفة زجاجية

دخل واحد يصرف .. وأنا انتظرته برا ابيه يخلص عشان ادخل اسحب دراهم

المهم جا واحد تعطيه حول الخمسين سنه

قالي تفضل قلت له خل الرجال يخلص قال يارجال ادخل بس
قلت هذا شي خاص ما يصير ندخل قال الله واكبر لو ان رصيده مليون
ودخل على الرجال ووقف جنبه لين خلص شغله

ياخي ليه كذا .. ليه اللقافه وعدم احترام خصوصية الآخرين

الهلالي 11

اشكرك لأنك سمحت لي اشاركك الفضفضة

وخويك عطه العين الحمراء بس بأسلوب

ع ـــندنا وعندك خير .......
آنا مآحب آحد يمسك ولا يفتش في آغر اضي الخاصه ومن ضمنهآ الجوآل لإني مو حاطه رمز قفل ........ وكل شيء عندي مآيردني إلا الملاحظات ..
بس الله يسلمني متخذه سياسه يويله وياسوآد ليله اللي يمسك الجوآل بدون مايستآذن من معآليه ..