والله جبتها عالجرح يا أبو عبدالله..

<<<< متزوج و عايش المشكلة..

المشكلة هنا مو من البنت من تربية الأهل..

يعني لما تزوجنا ما كانت تعرف أي شيء في الطبخ ، حتى القهوة ما تعرف كيف تسويها..

بس الحمد لله أنا زوجتي ودها تطبخ و تتعلم الطبخ بقد ما تقدر ، و بحكم خبرتي السابقة من طلعات البر و الكشتات لدي من مهارات الطبخ ما يكفي لجعل الوضع تحت السيطرة تماماً.

بس مع الوقت تعلمت الأشياء الأساسية و كل مرة تروح لأهلها تتعلم شيء جديد و طبخة جديدة..

و بعض الأيام تجي معاااي مسكات أقوم بمهمة الطبخ و أعيد ذكريات كبسات المخيم..

و أرجع و اقول المشكلة تبدأ من تربية الأهل..

يعني مو معقول إن البنت تتزوج و تروح بيت زوجها و هي ما تعرف تسوي ولا حاجة..

يعني الشاب ما راح يخطب و يتزوج عشان يشيل هم و ما يحصل شيء..
بيداوم و يتعب ، و يرجع من الدوام و يجيب معاه أكل ، و بعد كذا يطلع يوديها يمين ولا يسار ، و بعدين يجيب عشاء ولا يتعشى برا ، و بعدين يرجع بالليل تعبان و ينام . ما صار آدمي..

أنا ما أقول ما راح أجيب أكل من برا البيت و لا أقول ما راح ناكل برا البيت ، بالعكس أنا أحب تغيير الروتين ، بس كل شيء بحدود ، يعني كل يومين نجيب أكل من برا غداء أو عشاء ، و اليومين اللي بعدها نطلع نتعشى برا..
يعني في حدود المعقول..

<<<<< كأنك طولت ؟؟ يالله انقلع ..

حيوه

::

أنزمآن عنك


::

لا ..

طبعاً إذآ بتتفنقع .. ومنيب دآخله مطبخ .. ولانيب مغسله فـ مش مشكلتي يكفي
ديون المغسلة ومطعم الشواية اللي قبل الزواج

الحل الأول بقولهآ تبين نجيب شغاله ؟ إذا قالت إيه .. خلاص تصير المهمة
علي وأنا اللي أرجعها المطبخ بجيب شغاله أوزبكية يمديهم فتحوا الإستقدام من هنآك
أول ما تجي .. على طول سوي كبسة وغسلي ثوب وعاد بالإسلوب الخاص
تدخل الزوجه المطبخ وهي مغمضة وتطلب ترحيل الخآدمه

حل ثآني .. إذا بتقول ما أعرف أطبخ .. بقول الحل عندي أنا أوديك لأمي وتعلمك أصول الطبخ وإلا أشتري لها كتاب طبخات حق مريم مدري وش إسمها وحجر لها وإن قالت يدي تتحسس من الصابون ما أقدر أغسل .. أبشتري مغسلة أوتو الصابون فيها وماعليها إلا تحط الهدوم وتطلع تكوي

::

الله يرزقك الزوجه اللي تغسل وتطبخ وتكوي وتقوم بوآجبك وواجب البيت على أكمل وجه

::


سلآم

هلا وغلا ابو عبد الله وش ها الموضوع الزين

ذكرتني بقول الشاعر يوم راح يخطب :

رحت وامي لابواها .. نادى امهاو اخوها .. قال رحوا اسألوها .. هي ودها بالخشير ..

رجعوا وقالوا إيه .. ترى البنية تبيه .. ولها شروط عليه .. وإن طاع كل يصير ..

مها تبي كل صيف .. سفرة لديرة جنيف .. وقصر كبيرٍ منيف .. مفروش زل وحرير ..

وايضاً تبي خادمة .. حيث انها ناعمة .. صرخت ياظالمة .. هي تحسب اني وزير ..

إقتباس سؤال للرجال فقط : هل تتقبل رفض زوجتك دخول المطبخ لأسباب غير مقنعه .. أجب بنعم أو لا مع بيان الحلول التي ستتخذها في حال كانت اجابتك لا والتعليل اذا كانت اجابتك نعم

لا ثم لا ثم لا

الحلول اروح اتعشى بالمطعم واخليها بالبيت لين تطبخ
>>> من زمن عن علل يا ابو عبد الله

شكرا لك يالغالي

والله يا أنت حبيب يا أبوعبدالله
ما أدري إنت معرس أو لا!!.
ألحين طال عمرك البنت يوصل عمرها 23 ما تدل المطبخ ببيتهم
وإذا إنجبرت تدخله تسأل أمها أو الشغاله علشان توصفه لها!!.
ولو الرجاجيل يقدرون يبنون بيوت كان تلقى الزوجه ( الجديده ) ما تبغى مطبخ حولها ( تبي تستغل ) المكان وتحط لها منظر جمالي بالبيت ، أو جلسه!!.
البنت من الإبتدائي إلى ما تتخرج من الثانوية ما تعرف تسوي إلا ( كيكه ) لأن فيه حصه رسميه عندهم ( ما أدري وش إسمها ) أتوقع أشغال منزليه!!.
ما أذكر المسمى لكن ما خبرت إنهم يسوون إلا كيكه
12 سنه دراسه والبنت ما تعرف إلا تسوي كيكه!!.
وياليتها بعد ( تشيز كيك ) على الأقل يستفاد منها!!.
مثل ما إنجبرنا قبل الزواج بالفحص الطبي ، المفروض كل بنت بتتزوج معها شهادة أعمال منزليه
ما فيها شئ إن الحكومة تفتح المدارس بالصيف ، ويسوون دورات تأهيليه للبنات
أما تجلس طول عمرها تتسدح ببيتهم وأنا أدفع وأتدين علشان أخذها وأخر شئ أنتظر سنه تتعلم الطبخ ، ما صارت!!.
تدخل السوق تقول بنفسك والله من زين الأجسام
من التسدح والتبطح تلقى وحده عمرها ما وصل 20 وكرشتها ، كرشه وحده بالشهر الرابع!!.