والله كان ودي انزل عن الذكريات والنجاح << بس قلت النجاح الهنوووف أبخص مني فيه إذا نجحت تنزل ..
سبب الموضوع .....؟

هذا الله يسلمكم السالفه صارت البارح بعد مارديت على بريماكس في موضوع الأحلام وسكرت وجيت أبنام
الإاشوف ولدي ينور (الجوال )الساعة 2صباحاً >>> بس أمي ماتقول إلا ولدك من كثر الاهتمام فيه .. ياحبني لك بس
المهم 050000000000000000000 يتصل بك أنا مارديت بس أختي جمبي تقول ردي شوفي مين وش يبغى قلت لها لا مانيب راده رقم مااعرفه ولا متصل الساعة 2 بالله معروف من يكون وش يبغى >> وربي ناس فاضيه ..

الجوال تكنولوجيا حديثة مفيدة وضارة وحلوة وشينه وتقرب البعيد وتبعد القريب فيه الاستخدام السلبي والاستخدام الايجابي ......... وكل ابو شي تضاد فيها ...
وياما كان سبب رئيسي في بعض المشاكل ( الطلاق , الضياع , الابتزاز , وغيره ......)

أخاف تشوفون جواااال وماجوااال وتنقولونه
لاتنقولونه إلى منتدى الاتصالات لأنه لو نقلتموه مااستفدنا شي بالعكس بتجي ردود ..
هنا أفضل .......
موضوع الأحلام جتني مكرمه وعفو من أبومقبل ومانقل الموضوع <<<<
.................................................................................................... ...................................
إليكم ......
· أول ماطلعت جوال تعرفون انتم الواحد إذا عنده شي جديد يتمسك فيه ومايفكه إلا بعد طلعة روح فما بالكم إذا الشي المقصود (جوااال) المهم في رمضان كنت أسوي السحور مالنا >> متعوب على مالنا ذي .. الساعة 3 الإ والجوال يدق ورقم مااعرفه بس الرجه وما تسوي رديت برد واحد خايف الووووو وبالقوة تنسمع الو حقتي والصوت صوت تمساح الوو .. السلام عليكم .. أنا مارديت >> للحين في صدمه .
ردي ترى رد السلام واجب ( في الأمور هذا الدين مقطعهم ) ولاشي مني شوي شوي بديت افوق من الصدمة الإوصوت أغنيه .. استغفر الله بس ورمضان وأغاني .. واقفل الخط واجلس >> كل شي صار وهى واقفة . والله ياني ذاك اليوم قعدت ارتجف وشكلي شكل وحدة عندها مصيبة .>> الله لايعوده من يوم
وشوي إلا وتجي رساله ( ردي أنا ...... والله نيتي شريفه ) >> ياعمي روح قال ايش قال شريفة (ههه شريفه ولا منيرة ) من جد شر البليه مايضحك .
وانزل وأقول لبنت عمي وأختي عاد أختي من يوم ماشفتني قالت وشفيك وشصاير قلت يابنات كلمني واحد على وجيههم؟؟؟؟ بعدين قولي والله قلت والله ولابعد اسمه ... ويقول نيتي ... قال بنت عمي وأنت وش قلتِ قلت لها ماقلت شي قالت أخ يالتني عندك كان سبيته وقلت وش تبغى ومن ذاالكلام ...

· وهذه وحدة تقول مره جهاز أبوي (خربان)للعلم أبوها معاه الضغط ونتصل عليه وما يرد ونعيد الاتصال ونفس الحكاية وتقول وشوي يجي اتصال على تلفون جدتي (للعلم الجدة كبيرة في السن >>احلفي .. ومريضه ويالله يالله تقوم) تقول وترد إلا واحد اقل شي ينقال له (سخيف ) يقول أنا ولدك ... وارتفع الضغط علي وأنا في السوق ذالحين قالت يابوي لاتروح ابرسل أبوك يجيك قال لها لالا خليك منسدحه واخذي مخدتك ونامي ..وسكر وبعدين اتصل وعلى طول الجدة كل ... انت مين ,قال يووووه الصوت اللي قبل أحلى وسكرت في وجه ... هنا مااقدراقول الإ..... (لاتعليق )

· وهذي وحده مو مسألة تخاف بس تقول أول مااسمع صوت رجال بالعامية( اتلخبط وارتبك) تقول حتى يوم اكلم صحباتي ويردون أخوانها ماأحب اتلخبط . وتقول دق علي واحد(السالفه باختصار) ..على لسانها
قال . الو جوال نوف .قلت لا قال الإ و سكرت وشوي يتصل يقول أنت اتصلتي وكان جوالي مقفل
لا مااتصلت الإ ...... وسكرت وشوي يتصل بس مونفس الرقم تدرون وش طلع (ابن اللذين البديل لجوالها) عاد هنا وضحت الصورة وكل شوي يتصل مره أرد وأنا ساكته ومره ماارد ومره رفض و........ومره وأنا نايمه ويدق ماشافت مين ورديت الو إلا نفس الصوت ماقدرت أقول الإ (الله يأخذك ولا يوفقك الناس نايمين) وسكرت ويتصل ويرسل تصبحين على خير نكمل برنامجنا بكره واليوم اللي بعده نفس الحكايه بس ماكنت نايمه بس والله من يوم شفت اتصاله وأنا ارتجف وأقول بردانه غطوني أختي تقول مافي برد وما صارت ترى خليه يتصل لين يقول بس.......... واستمر يتصل لمدة شهرين تقريباً وأنا كله ماارد وإلا أرد وأنا ساكته اشوف وش النهاية بس للاسف ( أغاني . وتهديد ردي والا وزعت رقمك ..)
بالله لو أنها مو وحده ماتفهم وصار عليها ؟؟؟؟؟؟؟؟؟؟؟؟
واللي يضحك في القصة انه في العيد أول واحد يهنيها غير أهلها بالعيد الساعة سبعه....

· وهذه وحده عكس اللي فوق تقول أختي اتصل عليها واحد الو .. السلام .. أختي معاك البديل لرقم جوالي ممكن تبعينه لي .. تقول قالت أختي لا الناس عرفتني بذا الرقم .. طيب شكراً ..
شوفوا الفرق بين الناس الذوق والناس ...... (شتااااااان)

· وهذي تقول رايحين زواج الإ وجوال أختي يدق عاد أختي موسوسة وشكاكة وخوافه المهم ألو .. الإ وذاك الهندي الو ... نعم ,, الهندي أنا في هب أنته .. تقول ماسمع إلا القطار ’’ ويتصل ’’وتقول وإحنا مع أبوي وسبحان الله أختها من النوع اللي إذا اتزوجوا يستحون من الأب وتقول وتعطي أبوها الجوال وشوي تصيح أبوي هذا واحد أزعجني رد عليه وتقول وأبوي يرد يا......... ويسكر وتقول يوم وصلنا القاعة إلا والحبيب يتصل وتقول عمتي ردت الو ... الهندي أنا في هب انته كتير وتقول ملغى الإ أنت واحد قليل الأدب و كل ........

والكثير من القصص ............
لكن :
ü إلى متى ؟
ü وش الاستفادة من هالازعاج ؟
ü هل الألفاظ كل ......ويا .....وغيرها أسلوب حضاري ؟
ü وش الحل بوجهة نظرك / نظركِ .؟
لااحد يقول تغير الرقم أنا أقدر مثلاً أغيره غيري مايقدر .. بس تدرون وين المشكلة من البطاقات بدون أسماء ولا إذا جيت تبغى تعرف اسم المزعج من الاتصالات يقولون قدم بلاغ للشرطة ويرفعون لنا تقرير ونشوف ......
ü وهل صح يسجلون الأصوات لأنه وحدة تقول يسجلون المكالمة ويرسلونها مقاطع بلوتوث مثل
( مكالمة القصيميه )

.................................................................................................... ..........................

همسه........لكل مزعج !!
اتق الله
هل ترضاها لأختك ..؟ <<< كني أشوف المشاغب يصارخ لالالالالالا تقولين ترضاها لأختك ..
وبالنهاية الموضوع طويل بس شسوي القهر ومايسوي... وأشياء نفسي اتكلم عنها بس اللي قلته كفايه
والموضوع منكم وإليكم ...وأتمنى يحوز على الرضا منكم ...

هلا با أختي متابعه ..
انا اول ماطلعت جوال من الفضاوه قلت خلني ابدق خراص على كذا رقم ..!
جهازي مافيه الا خمسة ارقام اختي وثلاثه من اخواني وولد جيراننا وودي اكلم بس كل اللي معي بالموبايل دايم اشوفهم وكل وقت يعني مال منهم وش ابي فيهم ادق عليهم
طبعاً ايام المراهقة يعني بصف اول ثانوي تقريباً
مره من المرات دقيت على رقم 0500 والباقي ماتغير .. سلام .. ردت على بنوته صغيرونه قعدت اسولف كنت وقتها صغير واول مره اكلم بنت ماعرفه حدي مستانس خخخخخخخخخخخخخخخخ
قعدت اسولف .. مدري الا بعد فتره دقيت صار مقطوع
بعده مادقيت على احد ماعرفه وتندمت اشد الندم اني دقيت عليه هالبنت => نصاب
الرقم مر عليه اكثر من سنوات بس الى اللحين ببالي واعرفه والله بس ماقد دقيت عليه
من المواقف صاحبي دق على رقم نفس رقم صديقه بس مختلف بآخر رقم عاجبه الرقم دق عليه وردت عليه حرمه .. كلمه باحترام ساله عن الرقم و و وقالت مو للبيع .. قال شكراً.
ومدري الا ياخذ الجوال رجال ويرد عليه ويقعد يلعن فيه ويسب ولاعمرك تدق و و و . ..
بعد كم يوم دق عليه رقم غريب .. رد عليه .. صارت الحرمه
رد عليه وتسلم ومدري ايش .. قال من معي ؟
قالت انا اللي كلمتني تبغى الرقم
يقول قلت امري ؟ قالت عادي ابغى اسولف معك .. يقول جلسنا اسبوعين وهي تكلمني ..!
تدق عليه باوقات غريبه الصباح و و .. يقول فكرت قلت وش نهايته معي هذيطفشت منه قلت وش تبين انتي اللحين ؟ قالت ابي اكون معاك .. قال انا مابيك طسي
يقول طفشت منه صراحه .. المهم قلت رجاء تدقين على الرقم .!
يقول مدريت الا بنت اللذينا عطت زوجه رقمي وقالت انه ازعجن و و و
يقول وصلت الاماره و واتهمت اني مزعجه وانا والله مادقيت عليه .. يقول والله مابي اخرب بيت ولا كان خليتهم يشوفون الاتصالات ومين اللي يكلم الثاني
انتهت السالفه على سجن كم يوم وتعهد ومدري ايش..

انا اشوف ان البنت الرقم اللي ماتعرفه ترد عليه لاول مره فقط ..
لانه ممكن احد محتاجه ظروري ورقمه جديد .. ردي عليه .. اذا هو يستهبل طنشي ولاتردين بعده .!


من القصص المؤثره اللي سمعته باحد الاشرطه ..
فيه شاب يدق على ارقام مايعرفه يدور صيده .. دق مره بآخر الليل الا بالصدفه كانت حرمه كبيره بالسن تعبانه ..!
ازعجه باتصالاته .. رديت عليه وقعد يستهبل قالت الله يجعل اللي خلاني اسهر يسهرك ..!
تقصد السرطان .. وسبحان الله بلاه الله بالسرطان .. وعلى ماعتقد بشريط الحب عذاب هالقصه هذي .
مشكوره كتير كتير على الموضوع يامتابعه وماشاء الله عليك وقت بسيط واثبتي وجودك بالمجلس