بسم الله الرحمن الرحيم
مساء الخير \ صباح الخير .. على الناس الغير

والله كان ودي انزل عن الذكريات والنجاح << بس قلت النجاح الهنوووف أبخص مني فيه إذا نجحت تنزل ..
سبب الموضوع .....؟

هذا الله يسلمكم السالفه صارت البارح بعد مارديت على بريماكس في موضوع الأحلام وسكرت وجيت أبنام
الإاشوف ولدي ينور (الجوال )الساعة 2صباحاً >>> بس أمي ماتقول إلا ولدك من كثر الاهتمام فيه .. ياحبني لك بس
المهم 050000000000000000000 يتصل بك أنا مارديت بس أختي جمبي تقول ردي شوفي مين وش يبغى قلت لها لا مانيب راده رقم مااعرفه ولا متصل الساعة 2 بالله معروف من يكون وش يبغى >> وربي ناس فاضيه ..

الجوال تكنولوجيا حديثة مفيدة وضارة وحلوة وشينه وتقرب البعيد وتبعد القريب فيه الاستخدام السلبي والاستخدام الايجابي ......... وكل ابو شي تضاد فيها ...
وياما كان سبب رئيسي في بعض المشاكل ( الطلاق , الضياع , الابتزاز , وغيره ......)

أخاف تشوفون جواااال وماجوااال وتنقولونه
لاتنقولونه إلى منتدى الاتصالات لأنه لو نقلتموه مااستفدنا شي بالعكس بتجي ردود ..
هنا أفضل .......
موضوع الأحلام جتني مكرمه وعفو من أبومقبل ومانقل الموضوع <<<<
.................................................................................................... ...................................
إليكم ......
· أول ماطلعت جوال تعرفون انتم الواحد إذا عنده شي جديد يتمسك فيه ومايفكه إلا بعد طلعة روح فما بالكم إذا الشي المقصود (جوااال) المهم في رمضان كنت أسوي السحور مالنا >> متعوب على مالنا ذي .. الساعة 3 الإ والجوال يدق ورقم مااعرفه بس الرجه وما تسوي رديت برد واحد خايف الووووو وبالقوة تنسمع الو حقتي والصوت صوت تمساح الوو .. السلام عليكم .. أنا مارديت >> للحين في صدمه .
ردي ترى رد السلام واجب ( في الأمور هذا الدين مقطعهم ) ولاشي مني شوي شوي بديت افوق من الصدمة الإوصوت أغنيه .. استغفر الله بس ورمضان وأغاني .. واقفل الخط واجلس >> كل شي صار وهى واقفة . والله ياني ذاك اليوم قعدت ارتجف وشكلي شكل وحدة عندها مصيبة .>> الله لايعوده من يوم
وشوي إلا وتجي رساله ( ردي أنا ...... والله نيتي شريفه ) >> ياعمي روح قال ايش قال شريفة (ههه شريفه ولا منيرة ) من جد شر البليه مايضحك .
وانزل وأقول لبنت عمي وأختي عاد أختي من يوم ماشفتني قالت وشفيك وشصاير قلت يابنات كلمني واحد على وجيههم؟؟؟؟ بعدين قولي والله قلت والله ولابعد اسمه ... ويقول نيتي ... قال بنت عمي وأنت وش قلتِ قلت لها ماقلت شي قالت أخ يالتني عندك كان سبيته وقلت وش تبغى ومن ذاالكلام ...

· وهذه وحدة تقول مره جهاز أبوي (خربان)للعلم أبوها معاه الضغط ونتصل عليه وما يرد ونعيد الاتصال ونفس الحكاية وتقول وشوي يجي اتصال على تلفون جدتي (للعلم الجدة كبيرة في السن >>احلفي .. ومريضه ويالله يالله تقوم) تقول وترد إلا واحد اقل شي ينقال له (سخيف ) يقول أنا ولدك ... وارتفع الضغط علي وأنا في السوق ذالحين قالت يابوي لاتروح ابرسل أبوك يجيك قال لها لالا خليك منسدحه واخذي مخدتك ونامي ..وسكر وبعدين اتصل وعلى طول الجدة كل ... انت مين ,قال يووووه الصوت اللي قبل أحلى وسكرت في وجه ... هنا مااقدراقول الإ..... (لاتعليق )

· وهذي وحده مو مسألة تخاف بس تقول أول مااسمع صوت رجال بالعامية( اتلخبط وارتبك) تقول حتى يوم اكلم صحباتي ويردون أخوانها ماأحب اتلخبط . وتقول دق علي واحد(السالفه باختصار) ..على لسانها
قال . الو جوال نوف .قلت لا قال الإ و سكرت وشوي يتصل يقول أنت اتصلتي وكان جوالي مقفل
لا مااتصلت الإ ...... وسكرت وشوي يتصل بس مونفس الرقم تدرون وش طلع (ابن اللذين البديل لجوالها) عاد هنا وضحت الصورة وكل شوي يتصل مره أرد وأنا ساكته ومره ماارد ومره رفض و........ومره وأنا نايمه ويدق ماشافت مين ورديت الو إلا نفس الصوت ماقدرت أقول الإ (الله يأخذك ولا يوفقك الناس نايمين) وسكرت ويتصل ويرسل تصبحين على خير نكمل برنامجنا بكره واليوم اللي بعده نفس الحكايه بس ماكنت نايمه بس والله من يوم شفت اتصاله وأنا ارتجف وأقول بردانه غطوني أختي تقول مافي برد وما صارت ترى خليه يتصل لين يقول بس.......... واستمر يتصل لمدة شهرين تقريباً وأنا كله ماارد وإلا أرد وأنا ساكته اشوف وش النهاية بس للاسف ( أغاني . وتهديد ردي والا وزعت رقمك ..)
بالله لو أنها مو وحده ماتفهم وصار عليها ؟؟؟؟؟؟؟؟؟؟؟؟
واللي يضحك في القصة انه في العيد أول واحد يهنيها غير أهلها بالعيد الساعة سبعه....

· وهذه وحده عكس اللي فوق تقول أختي اتصل عليها واحد الو .. السلام .. أختي معاك البديل لرقم جوالي ممكن تبعينه لي .. تقول قالت أختي لا الناس عرفتني بذا الرقم .. طيب شكراً ..
شوفوا الفرق بين الناس الذوق والناس ...... (شتااااااان)

· وهذي تقول رايحين زواج الإ وجوال أختي يدق عاد أختي موسوسة وشكاكة وخوافه المهم ألو .. الإ وذاك الهندي الو ... نعم ,, الهندي أنا في هب أنته .. تقول ماسمع إلا القطار ’’ ويتصل ’’وتقول وإحنا مع أبوي وسبحان الله أختها من النوع اللي إذا اتزوجوا يستحون من الأب وتقول وتعطي أبوها الجوال وشوي تصيح أبوي هذا واحد أزعجني رد عليه وتقول وأبوي يرد يا......... ويسكر وتقول يوم وصلنا القاعة إلا والحبيب يتصل وتقول عمتي ردت الو ... الهندي أنا في هب انته كتير وتقول ملغى الإ أنت واحد قليل الأدب و كل ........

والكثير من القصص ............
لكن :
ü إلى متى ؟
ü وش الاستفادة من هالازعاج ؟
ü هل الألفاظ كل ......ويا .....وغيرها أسلوب حضاري ؟
ü وش الحل بوجهة نظرك / نظركِ .؟
لااحد يقول تغير الرقم أنا أقدر مثلاً أغيره غيري مايقدر .. بس تدرون وين المشكلة من البطاقات بدون أسماء ولا إذا جيت تبغى تعرف اسم المزعج من الاتصالات يقولون قدم بلاغ للشرطة ويرفعون لنا تقرير ونشوف ......
ü وهل صح يسجلون الأصوات لأنه وحدة تقول يسجلون المكالمة ويرسلونها مقاطع بلوتوث مثل
( مكالمة القصيميه )

.................................................................................................... ..........................

همسه........لكل مزعج !!
اتق الله
هل ترضاها لأختك ..؟ <<< كني أشوف المشاغب يصارخ لالالالالالا تقولين ترضاها لأختك ..
وبالنهاية الموضوع طويل بس شسوي القهر ومايسوي... وأشياء نفسي اتكلم عنها بس اللي قلته كفايه
والموضوع منكم وإليكم ...وأتمنى يحوز على الرضا منكم ...

اهلن وسهلن متابعه بجنون
بعدين ليييييه بجنون
لييييييييييه ؟؟؟
لييييييييييييييييه ؟؟
لييييييييييييييييييييييييييه ؟
<<
نفس يوزري بجنون

عاد تبين الصج يوم شفت تو يوزرك فز قلبي
نكي
حبيبة البي الموضوع قريت بدايته ووقفت
افصلي بين الأسطر ولي عودة بأذن الله

بداية الموضوع حسيت انك لحستي مخي

أعتقد أن الطريقه المثلى للتخلص من الارقام المزعجة هي عدم الرد عليها .. وان تكرر الاتصال تعطين الجوال احد افراد اسرتك من الرجال سواء اخوك أو والدك ليرد وينتهي الامر .. فمن يسمع ان المتلقي صوت رجولي وهو يبحث عن صوت آخر لن يعاود الاتصال مرة اخرى ..

متابعه بجنون

الله يعطيك العافيه

إقتباس الرسالة الأصلية كتبت بواسطة مطيع الهميمي بداية الموضوع حسيت انك لحستي مخي أعتقد أن الطريقه المثلى للتخلص من الارقام المزعجة هي عدم الرد عليها .. وان تكرر الاتصال تعطين الجوال احد افراد اسرتك من الرجال سواء اخوك أو والدك ليرد وينتهي الامر .. فمن يسمع ان المتلقي صوت رجولي وهو يبحث عن صوت آخر لن يعاود الاتصال مرة اخرى .. متابعه بجنون الله يعطيك العافيه

ليش لحست مخك .....
أخوي عدم الرد حل مو كافي . وبالنسبه تعطي الجوال الوالد لانها ماعندها أخوان وشلون وهو بالقوة طلع لها جوال علشان الجامعة عندهم البنت تأخذ جوال إذا اتزوجت قبل الزواج لا ,وبرضوه القصة اللي رد ابوها وبعد مدة كلم مرة ثانيه لانه خلاص عرف من المرة الإولى ان الجوال لها ....
شاكرة ومقدرة مرورك ....

إقتباس الرسالة الأصلية كتبت بواسطة فنون هلاليه بجنون اهلن وسهلن متابعه بجنون بعدين ليييييه بجنون لييييييييييه ؟؟؟ لييييييييييييييييه ؟؟ لييييييييييييييييييييييييييه ؟ << نفس يوزري بجنون عاد تبين الصج يوم شفت تو يوزرك فز قلبي نكي حبيبة البي الموضوع قريت بدايته ووقفت افصلي بين الأسطر ولي عودة بأذن الله

أهلن فيج منوره موضوعي ...
اما ليه نفس يوزرك لاني أحبج ...
فصلت بين الأسطر ياليت أشوفج ثاني مره هنيه ......

8
8
فنون ، ولكم باك

//

مسّاك الله بالخير متابعة بجنووون
مواضيعك بطله والله ـ توسّع الصدر ، ماننحرمش دووم

//

على طاري الأرقام المزعجة ، ولد خالتي عمره ست سنوات بس عليه صوت فحولي تقولين صوت أبو عشرين سنه ،مريِّحنا بس يقول آلووو ، ماعاد نشوف الرقم المزعج يدق مره ثانيه

//

كامساميدا ع الموضوع

< وش يحس فيه ذا هههههههههههههه ! .

إقتباس الرسالة الأصلية كتبت بواسطة ربطـه و شبـاصه 8 8 فنون ، ولكم باك // مسّاك الله بالخير متابعة بجنووون مواضيعك بطله والله ـ توسّع الصدر ، ماننحرمش دووم // على طاري الأرقام المزعجة ، ولد خالتي عمره ست سنوات بس عليه صوت فحولي تقولين صوت أبو عشرين سنه ،مريِّحنا بس يقول آلووو ، ماعاد نشوف الرقم المزعج يدق مره ثانيه // كامساميدا ع الموضوع < وش يحس فيه ذا هههههههههههههه ! .

أهنن بربطة وشباصة
مساك الله بالنور والرضا ..........
والله البطل طلتك الدائمة ..
خلاص نوقع العقد ونأخذ ولد خالتك عندنا وشرايتس ....
شكراً على الرد

إقتباس الرسالة الأصلية كتبت بواسطة الضحى حياك ربي موضوع مهم ولكن الحل سهل بأذن الله في الليل ضعيه على الصامت والأرقام التي غير مسجله عندك لا تردين عليها يمل ولا يدق مرة أخرى .. قبل سنتين في رمضان أرسلت لزميلتي التي نقلت من مدرستنا رسالة دعاء وتهنئة برمضان وبعد العيد وجدت 12 مكالمة منها في الليل لأنه على الصامت والله أصابني الخوف هي زميلة فقط وليست صديقة كيف تتصل في الليل و12مرة وأتصلت عليها ورد شخص صوته كأنه خكري وعنده أصوات تعجبت وقلت لوسمحت أين أم فلانة قال :ها وشو منهي قلت زميلتي بنت فلان وصار يستهبل وشو منهي ...وسكرت الخط وأستمر يدق وأنا لاأرد لمدة أسبوع دوام موظفين يدق كل شوي ولا أرد ... وبحثت عن رقم منزلها عند الزميلات ا وأتصلت عليها وسالتها عن جوالها مع من ؟؟؟قالت : يوه سرق مني في نهاية رمضان وبلغنا عنه الأتصالات ولا أعلم عنه شيء ..أخبرتها بما صار ولم تهتم كثير ...المهم لم يعد يتصل .....اللهم أهدي الجميع ... ترى خفت الاتصالات الآن مافيه مضايقات كثيرة بل شبه أنعدمت ....

الضحى ......
أسعدني مرورك .. وماخفت الاتصالات الله يفكنا منهم ...
شكراً لك ....

إقتباس الرسالة الأصلية كتبت بواسطة مواصل من عام 1413هـ فيه وأنا خالتس خدمه موجود هالخدمه ما عرفتها إلا من كم شهر صحيح إني ( متكفل بجميع الإتصالات ، وكلها على ظهري ) بس إفتكيت من ناس ما أبيهم. فبما إنتس طالبة ( وطفرانه ) إذا بغيتي أحد تعرفينه يتصل عليتس إرسلي له call me وإفتحي الجوال وإستقبليها وبعدين إرجعي لخدمه موجود

هلا والله بأختي أمي .....
أمي تسلم عليك وتقول اشرحي لبنيتي خدمة موجود كود انها تفتك لانها تسمع فيها وماتعرفلها .......>>أحب ذالفيس ..
شاكرة ومقدرة مرورك ياخالتي ......

8

السلام عليكم ،
خدمة موجود زي ماقال مواصل
ترسلين رسالة قصيرة تحتوي على رمز الخدمة :1600 إلى الرقم 902
رقم الخدمة : 4000

برب ، أذاكر < !

إقتباس الرسالة الأصلية كتبت بواسطة مواصل من عام 1413هـ أول شئ : عدلي كلمه ( خالتي ) علشان ما أدفنتس بهالمنتدى الطريقة : على ما أتذكرها وياليت أحد يعدل وراي ، لأني ألخبط بين ( 902 ) و ( 907 ) أتوع إن 902 للجوال. ترسلين رساله ( ما أدري كم الرقم ) لأني نسيته وبعدين يرسلون لتس رساله التفعيل تروحين للضبط وتضغطين على تحويل المكالمات وحطي رقم 4000 هنا يتحول جوالتس. اللي يقرأ ردي ياليت يكمل الفراغات اللي تركتها وأعيد وأكرر ( شيلي كلمه خالتي )

أوووووووووه جبتي العيد يامتابعة وانتِ ماتدرين
والله اني شكيت انه تقصد ( خالتس أخو أمي ومو خالتسِ أخت أمتس )
آسفه .. ولاتتهور توني عضوه جديدة حرام عليك , سامحني خالي آخر مرة << وشرايك
ياااارب تكون راضي علينا خالو