17/06/2009, 11:12 AM
|
| زعيــم فعــال | | تاريخ التسجيل: 01/06/2008 المكان: الملقا
مشاركات: 287
| |
|
أنتشار مرض أنفلونزا البعارين في العالم !! وإعلانه وباء عالمي في القرن الجديد ..
السلام عليكم ..
شطحة ..
كل يوم طالعين لنا بمرض جديد وبشحطه جديده وبمرض جديد فمن أفلونزا الطيور إلى أنفلونزا الخنازير والقصه وما فيها أن شركات الأدويه تنتج عقاير كثيره منها وتبحل في تصريفها وتقعد تهلس هلسه وتصدقها والموضه الحين مرض أفلونزا
....... لا وبعد من قوي الكذبه يوثقونها بأسم خرافي H1N1 أخاف بكره نسمع خبر مرض H2O ....
في هذا الزمن كلش يصير وحنا وراهم لا بعد ما أختاروا مرض أنفلونزا الطيور الأ وهم يدرون أن عندنا دجاج ,مساكين
تجار الدجاج الداجن اللذي ذبحوا دجاجهم إجباراّ
ومسكينه جدتي اللي مربيه لها عشة دجاج وصدقت كذبتهم وراحت تقضي عليهن وكأن لسان حالها يقول :
دجاجتي يا دجاجتي ~~~~ فقدك وفقدت بيضكي
لا حمامتي ولا عصفوري ~~~~ يعوض غيابكي (( أموت يا الحب ))
صدقناهم وشيرينا دواهم اللي هم باحلينبه وعوضوا خسايرهم على حسبنا ..
الهلسه الثانيه ..
أنفلونزا الخنازير بالله عليكم وش دخلنا في الخنازير حتى جدتي ما عندها خنازير أنا خفت يقولون أنفونزا الديرهم ثمن عاد يضيق صدر جدتي مره !!
هالمره عاد عاد قالوا أوووووهــــ ما عندهم خنازير وشلون نوصل المرض لهم قعدوا يفكرون ثمن يفكرون راحوا رشوا رئيس منظمة الصحة العالمية وقالوا له أعترف أنه وباء عالمي في القرن 21 ..
ماش حسوا أنهم ما قدروا يصرفون الأدويه المصنوعه بكميات كبيره يا ليل ما أطولك قعدوا يرددون لكن فيهم واحد جهنمي قال أي واحد يسافر إلى المشرق بخوا الطياره اللي هم فيها بالمرض وخلوه يوصلهم ..
بأسئلكم سؤال : ليه ما نلقي مرض في طياره جايه من غير أمريكا ؟ ليه ما نلقى طياره جايه من بريطانيا ولا ألمانيا
مثلا ؟
يله جابوا ليه ساكتين أحسن أنكم تورطتوا ..
ليه هم يهلسون باللهجة السديراويه (( يكذب )) وليس ولهامسون .. وحنا ما نستخدم عقولنا (( فكره ))
وطلع مرض أنفلونزا البعارين ونصور لنا كم بعير ميت في الصمان له شهور ومنتفخ ومعفن ونقول جاكم يا الغرب أنفلونزا البعارين ونقعد نعلب حليب الخلفات في علب صغيره ونقولهم هذ هو الدواء ونظرب في سعره خلونا نتجر ولو مره على حسابهم !!
بس بصراحة حيرني وشلون نرسل لهم المرض في أنفلونزا البعارين .. يله كل واحد يعطيني أقتراح ؟؟
ونعلن أنه وباء عالمي في القرن الجديد بأعتراف أحد ملاك الأبل مثلا فحناس بن رجلاس ونرمز له بالرمز P1 PM1 أختصار الرمز (( البعير الأول بعير مريض ))
اهااااااااااااااااا
بالله عيكم يصدقونا ولا لا ؟
أنا أقول يصدقونا ويلحقونا ويترجونا عشان نحلب لهم الأبل ونغلفه لهم وبيمشي سوقنا ونتدل عليهم... بس عاد هم ذكياء ثمن عاد يحاولون يقلودن الدواء حقنا .. ونروح بكره ونعلن أن هنالك دواء مشغوش مصنع في مكان مجهول ليس عليه ختم (( البعير الأول بعير مريض ))
بس عاد منهو منا بياخذ براءه الأختراع أحس أننا بنتهاوش حالنا كذا دائما أيها العرب أتفقنا على أن لا نتفق ..
قبل ما نبدأ العمل نتهاوش ليه دائما حنا كذا ..
فرفشه قصدي هلوسه بعد الأختبارات الجامعية ..
تقبل تحياتي / AL-MOGBEL
اخر تعديل كان بواسطة » al-mogbel في يوم » 18/06/2009 عند الساعة » 12:18 PM |
الوضع العادي
