بسم الله الرحمن الرحيم

الـسلام عليكم ورحمة الله وبركاته

فـي البدايه شكر خاص لمجلس ادارة شبكة الزعيم بتعين الغالي عبدالله " أبـو غـامـد " مشرف على هذا القسم الاكثر من رائع ولكن بما انه كان مهمل من الاداره ولكن حاليا القسم سيشهد ابداع منقطع النظير , بقيادة الغالي ابو غامد والله يوفقه , وبالمناسبه حبيت أبارك لـه وأهديه هالموضوع البسيط .

طـبعا أكيد أكثركم سمع عن قرية او شعيب او نفود الشعوزيه بمدينة القصيم وقت ماجاء القصيم أمطار " لعلها تتكرر ان شاء الله " طبعا كان هناك تجمع للماء في بقعه كبيره من العوشزيه وصار منتجع بحير للاهالي القصيم طبعا صارت هناك مهرجانات وامسيات شعريه وو , حتى اني شاهدت قوارب ودبابات بحريه وقلت شكلي رايح الشرقيه .؟؟ ,, طبعا ماكان عندي نيه أنزل صور بالقسم لكن بعد ماشفت ان المشرف ابو غامد قلت بدعمه لو باإيش لانه غالي وعزيز والله .

بعد ماوصلنا حنا حوالي الـ 6 أنفار .. هذا واحد من الشباب مسوي فيها رومانسيه .. طبعا لقطه حلوه وتشوفون مساحة المويه الي وين ماشالله




هنا لقطه أخرى لـ العوشزيه وتلاحظون المويه كـ لون نص كتابتي حاليا , ولو تشوفونه بالحقيقه ياأحبه والله بحر بمعنى الكلمه .



هذي صـوره اخرى ولقطه رائعه ..



هنا أيضا لقطه أخرى وتلاحظون زي المخيم الصغير بالجانب الايسر طبعا هذا سوق شعبي يٌعرض فيه كل شئ مأكولات ...الخ وكلها كبائن صغيره رائعه .. طبعا تشوفون اربعة أشخاص جنب بعض هذولا ربعي .


طبعا هالصوره اللي بتجي انا اقول انها ثاني أجمل صوره اخذتها لـ العوشزيه روعه والله ,.



طبعا هذه الصوره شوفو الدباب البحري بجانب الشاطئي .. وتلاحظون أيضا ان فيه طريق يودي للجهه الثانيه اللي هي جهة الطعوس وهذاك المكان رائع لكن للاسف
الطريق سيد واحد وزحمه بمعنى الكلمه .



هنا تلاحظون الجهه اللي قلت لكم عليها " الطعوس " وتلاحظون بعد آثآر الطعوس
معروفين كـ قصمان حنا نحب التطعيس ’ يالبيه يالقصيم بس .



هذي أجمل صوره اللي قلت لكم عليها مدري أحس انها ماهي زينه لكن برأي حلوه .



وهنا لحظة غروب الشمس من جهه أخرى .



وهنا لقطه مثل وجه اللي مصورها " قسم بالله ماهو انا " .. هذا واحد مسوي نفسه فوتوغرافي زيي بس ماقدر طبعا انا اللي لابس ثوب كوحلي مدري عنابي عل اليمين .






وهنا تقبلو تحياتي وأعذروني على جودة الصور لانها من تصوير N70 وباإذن الله عما قريب بشتري كاميرا وكل اسبوع بشغلكم ..

اخوكم محمد الحربي

الله الله الله يابوحميد والله رووووعه هالصوره بالذااات


مشكور الله يعطيك العافيه


وعقبال ماتشتري كانون 1d وتصير تنزل ابداعاتك هنا




تحياتي لك

إقتباس ياهلا بيك والله يعز مقدارك وينك يبو .. بدري توك تشارك تغطية روعة .. لمنطقة جميلة .. وفق وقت خيااااال الله يعيد علينا السيول .. اللهم آمين تثبيت الموضوع .. أقل مايستحقه موضوعك .. ولاعاد تقطع

هلا يادب ..

الله يخليك يابو غامد ماقصرت , وان شاء الله نوافيكم من جديد .

إقتباس الله الله الله يابوحميد والله رووووعه هالصوره بالذااات مشكور الله يعطيك العافيه وعقبال ماتشتري كانون 1d وتصير تنزل ابداعاتك هنا تحياتي لك

لاهنت عل المرور .. باإذن الله قريب
وان شاء الله مانقصر معكم والموضوع الجاي اهداء لك ..

إقتباس اهللللليين الا اقوول وراكم لابسين شتوي لايصير عندكم برد بس ذكرتني بايام الشباب كان البرد مايروح ابد << صح يالشايب يعطيك العافيه

يع نايف هنا

خلك باترافيان احسن لك ..

لاهنت عل المرور نايف , والصور هذي وقت الشتاء .

هذي الصورة خياااال من جد احلى صورة

يعطيك العافيه

إقتباس ياهلا و الله محمد تغطية رائعة جدا منك يالغالي .. تشكرات و الله ما قصرت .. و هذي هي الصورة الأفضل برأيي وشوف كيف تجري المياهـ بكشل طفيف .. ^_*

حياك الله ياغالي ..
ومنورنا وربي ..

إقتباس هذي الصورة خياااال من جد احلى صورة يعطيك العافيه

يعافيك الباري ..

مشكور الله يعطيك العافيه


وعقبال ماتشتري كانون وتصير تنزل ابداعاتك هنا

مشكووووووووور تسلـــــــــــــــــــــــــــــــــم .. .. مشــكور

الصور ما تطلع

..................

الصور ما تطلع

..................

ابو حميد هلا وغلا بك يالغالي ( قلب)

والله يعطيك العافية ..

بس ترى الصور بح

دمت بخير ,,,

إقتباس ان شاء الله بكره ارفعها لكم , ..

بكرة بعد بكرة اللي بعدهـ .. تيك يور تايم ..