من ناحيتي ان مايهمني الموضوع بكبره
بس الشباب يسافروون برا المملكه بسبب السينما ومايحتاج اكمل
يعني لو يسوون لهم سينما هنا ويلمونهم اصرف بدال البلاوي اللي تجينا من سفرات برا

حبيبي الموضوع كبرتوه وهو صغير
السينما زيها زي أي تجمع شبابي اللي ماأدري ليش المطاوعة يكرهون أي تجمع الشباب وكأنهم من (يأجوج ومأجوج)
ياخي لو بنغير المنكر بنرجع على الخيول والسيوف ومافي أي وسيلة من وسائل الترفية بحياتنا
ونعيش حياة الألفية الأولى بألفيتنا هذي
قبل 30 سنة كان في سينما ومسرح وكنا عايشين ومبسوطين وربك ماخسف فينا عشان سينما وأفلام!!!!!!!!!!!!!!!!
ولو استمرينا كان صرنا رواد للسينما والمسرح اللي ماطلع فيها الا مصر فقط
طيب مصر فيها سينما وفيها الأزهر الشريف
وعلى هالشي لازال الأزهر شامخ بالدين
وصدقني السينما بترجع زيها زي الدشوش وجوالات أبوكاميرا وغيرها الكثير
وماأستبعد بعد كم من سنه يطلعون المطاوعه فيلم يكون هادف ووقتها يعرفون
القيمة الحقيقية لهذا المجال اللي انفهم غلط

وانت ليش جزمت ان السينما كلها معاصي ومجاهره ووو وحكمت على التلفزيون بعد بإنه معاصي؟

منطق عجيب!

يااخي حنا مشكلنا في الفكره اللي انطبعت بروسنا ان السينما كلها قلة حيا !!

مب لازم نجيب السينما اللي بره ونعرضها هنا مثل ماتعرض في الخارج

المفروض يكون لنا شي خاص فينا مايكون فيه خروج عن تعاليم الدين ويتماشى مع اعراف وتقاليد المجتمع

المفروض يكون في توعيه وتثقيف بدل سياسة المنع هذي اللي ماجابت لنا اي فايده

واللي يبي الخراب للأسف موجود في كل مكان والوصول له اسهل من الوقوف في طوابير تذاكر السينما

تحياتي لك

طيب بكسر كلمتي مع انها ميب عادتي ولي بااك !

ليه الحين نظرتكم للسينما سلبية ؟

طيب ليه مافكرت اننا نسوي افلام سينمائية تثقيفية او اسلامية !

طيب تخيل معي لو عندنا سينما ونعرض افلام اسلامية مترجمة او مدبلجة للغات اخرى ويجون السياح الي موب من كثرهم بس فيه يعني وتفتح عيونهم عالاسلام ويغيرون نظرتهم ويمكن يسلمون !!

ليه حنى مانناظر الا للسلبيات ؟

^
^
لأننا مجتمع تعود على الشك وسوء الظن وكل الناس على خطأ وعلى ضلال وفي ناس سخرت نفسها لتقويم هالبشر!!

يارجال مجتمع غريب وغير صادق مع نفسه أبداً

إقتباس الرسالة الأصلية كتبت بواسطة كاسبر الهلالي بغيت اكتب رد بس نسيت اللي كنت ابي اقوله ع العموم ما علينا زبدة الرد ع الموضوع نبي ونبي ونبي سينما بالسعوديه مافيها شيء واللي ما يبي السينما مو شرط تجي وتسوي زحمه وهذا منكر وهذا مدري وشو خلاص ماتبي سينما اركد في بيتكم وخلك ع قنوات المجد يالله باي

أسأل الله العظيم رب العرش العظيم أن يهديك لطاعته ومحبته والعمل على




رضاه وجميع المسلمين ...أرجو أن تسمح لي وتجد لي العذر في الرد




البلاء يعم والخير يخص قال أنهلك وفينا الصالحون قال نعم :لأنهم لم يأمروا بالمعروف ولم ينهوا عن




المنكر ..الله سبحانه وتعالى خلقنا لعبادته فقط وكل الأمور المباحة نعملها حتى نتقوى




على العبادة السينماء لا أستطيع أن أفتي فيها ولكن مايعرض فيها هو المشكلة بالله عليك




وأنت تشاهد الأفلام والمسلسلات في بيتك أو في الإستراحة أو في دار السينماء هل تذكر الله



هل تصلى على النبي محمد صلى الله عليه وسلم ..أنت يمكن ضامن نفسك ولكن هل تضمن




غيرك من الحضور في إثارة الشهوات وإطلاق الزفرات بالله أين تفرغ هذه الطاقات ..



الأمر الأخر هذا الفلم يقال كلف كذا وكذا لماذا لم تجعل هذه الميزانية مع ميزانية تشجيع الأغاني




مع قيمة السيارات التي أهديت للفنانين والفنانات في مشروع يوظف فيه شباب البلد




وتكون الإستفادة كبيرة والدعاء يكون له بدل أن يكو ن عليه ...





في حديث أن من علامات الساعة أن المنكر يصبح معروف والمعروف يصبح منكر ..




أرجوك لا تكن ممن يسعى لهذا الأمر ولتكن تسليتك فيما أباحه الله ..




ولا تنسى حديث أن النظر بريد الزنا ..اللهم أحفظ جميع شباب المسلمين آميين ...






الله يوفق صاحب الموضوع ويسعده في الدنيا والآخرة ويجعل أيامه مباركه ...وأسفة على الإطالة ..

بالنسبة للي يقول انها مو حرام
لكن انها بدايه الحرام صح لان يكون فيه اختلاط انا مااقول شيء عن السنما
يعني بالله ان لو حطوا عندنا شيء ماصدقوا ولعبو في حسبته
هناك في البجرين كلن محترم نفسه لانه موب في ديرته
عندنا للاسف شعب شبه متخلف يعني مايصلح معهم شيء
وعندنا تشدد ديني مايصلح لنا شيء
يعني عندنا ناريين التشدد والتخلف
يعني لو يسدونه من اول يكون افضل
لانها بتفتح مجالات كثيييييييييييره
يعني خلونا زي اول وبس
مااحب شيء يجي يخرب الوضع
وشكرا

إقتباس ولو استمرينا كان صرنا رواد للسينما والمسرح اللي ماطلع فيها الا مصر فقط

والحمدلله أننا انقطعنا عنها ،
بئست المفخرة كانت ستكون .

/،

إقتباس المفروض يكون لنا شي خاص فينا مايكون فيه خروج عن تعاليم الدين ويتماشى مع اعراف وتقاليد المجتمع

ودنا يعني ما ودنا ؟
لكن إحنا إلى الآن ( فاشلين ) بمرتبة الشرف في الإنتاج التلفزيوني ،
تبينا نوصل لمرحلة الإبداع بالإنتاج السينمائي ؟
سؤال عام ، وجاوب عنه بينك وبين نفسك ،
لان الاجابة أياً كانت لن تفيدني في شيء ،
تعتقد أن السينما سيعرض فيها برامج دينية ؟
وأفلام وثائقية ؟
وسرد تاريخي للصحاري الذهبية ؟
أو هل من الممكن فعل ذلك حتى ؟

إقتباس طيب ليه مافكرت اننا نسوي افلام سينمائية تثقيفية او اسلامية !

وضررها أكبر من نفعها .


/،


بالنهاية ..
موضوع السينما أُشبِع طرحاً ،
( ونقاشنا لا يودي ولا يجيب )،
وكالعادة ، من يؤيد السينما حججه واهية ومردودة عليه .
ووش بعد .. بس نشوفكم على خير في مركز الملك فهد الثقافي مع عرض سينمائي لسرد قصص الأنبياء

يانااااااااااس ياهوووه
المقاطع الشريط الرقابي يفكنا منها
اغاني شوفوا حفلات جده
اختلاط يوم رجال يوم نساء
واللي يقول بارات يسمحلي اقوله انه متخــلف
لاننا السعوديين مانبي لاخمر ولا هم يحزنون وحنا مانبي مراقص ولا نوادي ليله والعياذ بالله
ياناس مانبي كلام وراعين نبي نناقش زي العالم والناس

إقتباس الرسالة الأصلية كتبت بواسطة القلب ومايهوى حبيبي الموضوع كبرتوه وهو صغير السينما زيها زي أي تجمع شبابي اللي ماأدري ليش المطاوعة يكرهون أي تجمع الشباب وكأنهم من (يأجوج ومأجوج) ياخي لو بنغير المنكر بنرجع على الخيول والسيوف ومافي أي وسيلة من وسائل الترفية بحياتنا ونعيش حياة الألفية الأولى بألفيتنا هذي قبل 30 سنة كان في سينما ومسرح وكنا عايشين ومبسوطين وربك ماخسف فينا عشان سينما وأفلام!!!!!!!!!!!!!!!! ولو استمرينا كان صرنا رواد للسينما والمسرح اللي ماطلع فيها الا مصر فقط طيب مصر فيها سينما وفيها الأزهر الشريف وعلى هالشي لازال الأزهر شامخ بالدين وصدقني السينما بترجع زيها زي الدشوش وجوالات أبوكاميرا وغيرها الكثير وماأستبعد بعد كم من سنه يطلعون المطاوعه فيلم يكون هادف ووقتها يعرفون القيمة الحقيقية لهذا المجال اللي انفهم غلط

اخوي القلب ومايهوى ..

قلت:

لو بنغير المنكر بنرجع على الخيول والسيوف ومافيه اي وسيله من وسائل الترفيه بحياتنا وبنعيش حياة الألفيه الأولى !!!

عجيب كلامك وكبير صدقني ..

ياأخي الأصل في المسلم هو انكار المنكر وان يكون مثل القرون المفضله وفي مقدمتها عهد الرسول صلى الله عليه وسلم فما أجملها حياتهم كلها نقاء وصفاء وياليت زماننا مثل زمانهم زمان الخيول والسيوف مادم انهم مرضين رب العالمين وعرفوا الهدف من خلقهم الا وهو عبادة الله عز وجل ..

يعني خلاص راح زمانهم نستسلم ونقبل الفساد والمنكرات الله يرحمنا برحمته ..

لا وتقول :
مافيه اي وسيله من وسائل الترفيه بحياتنا!!

لابارك الله في وسيلة الترفيه التي تغضب رب العالمين ..



الأصل في حياة المسلم السوي المسقيم على امر الله واكرر واقول ان الأصل في حياته ان تكون كلها في رضا الله حتى في المباحات ولكن للأسف كثرة تعودنا على مشاهدة المنكرات وسماعها من اغاني وصور نساء في المسلسلات والأفلام والأغاني والمتبرجات في كل مكان للأسف بدأت تقسو قلوبنا واصبحنا نرى المعروف منكرا والمنكر معروف للأسف الا من رحم الله ..

والله ثم والله اني مقصر في جنب الله( واتمنى ان احقق العبوديه والتقوى على اصولها) ولكن المسلم يغار على دين الله ولا يرضى بالمنكر وخاصه انتشاره والمجاهره به

إقتباس الرسالة الأصلية كتبت بواسطة هـــ الشماسيةـــلالي سامي صعب يتكرر لكـ الثواب والأجر من الله , الحين من ينصح ويقول كلمة الحق ويذكركم بالحلال والحرام يصبح منافقًا ومعقدًا ومن الأفضل له أن ينطوي في بيتهم عند قنوات المجد وكله في سبيل أن يبحث أناس هداني الله وإياهم عن حريتهم الشخصية ! الحرية الشخصية نسمع بهذه الكلمة ونرددها دون التحسيب والتفكير بمعناها وبمقتضاها أو حتى بمغزى من يرددها , الا يقول لي أولئيكـ : مالفرق بينها أي الكلمة وبين من نادوا بحصر الدين في المسجد ؟! ياهؤلاء : نحن مسلمون لنا دين وله تعاليم تقنن حياتنا وتحدد لنا ضوابط , وترسم لنا منهجًا في كل تعاملاتنا , وأتاحت لنا حرية التصرف بما هو مباح ,, أسأل الله للجميع الهداية , وأن يرينا الحق حقًا ويرزقنا اتباعه ,, 000000

هلا فيك اخوي هلالي الشماسيه..

اوافقك في كلامك فالحريه التي على حساب ديننا وشرعنا لسنا بحاجه لها اطلاقا فلناا ضوابط وقوانين ومنهج في شرعنا الاسلامي نفتخر بها ..

الله يرحمنا برحمته والله اننا مقصرين..

اسأل الله لي وللجميع الهدايه وأن يرينا الحق حقا ويرزقنا اتباعه والباطل باطلا ويرزقنا اجتنابه انه على كل شيء قدير .

إقتباس الرسالة الأصلية كتبت بواسطة F.C.H في نقطة لـ صاحب الموضوع أكتشفت انك ما تعقب الا على الردود المؤيده لـ طرحك وفكرك .. اما الفئة الثاني واللي هي مؤيده للـسينما قاعد تتجاهلها . عالعموم موضوع السينما موضوع تافه وماكبره الا فئة من المتشددين واخذ ابعاد وسوا غسيل مخ للبعض الظاهر . اوجه كلمة لهؤلاء اذا انتم خايفين مره وشادين حيلكم في الحلال اوالحرام عساك عالقوة . واول شي امنعه الجنادرية لان فيه اغاني وموسيقى وهذا اكيد محرم شرعاً ولا يكون وجود ولاة الأمر يتغير الموضوع . امنع حفلات جدة وابها وغيرها . امنعوا مقاهي المعسل لان المعسل حرام وبرضو في تلفزيونات واغاني وهيصه . وقفت على السينما ..الحين ..؟ ع العموم بتدخل السينما وبدايتها بتكون بـ يد أمير وبكذا ماراح نسمع ولا كلمه .

هلا فيك اخوي ..

شف وانا اخوك صدقني بعض الردود وخاصه المكابرين في ردودهم وهم من المؤيدين للسينما وتم الرد على بعضهم وتوضيح الامر له ولكن بدون فائده ؟؟ يعني وش اسوي لهم افهمهم غصب! يكفي وجهات النظر اللي انا اطرحها وليس شرطا بأن اكثر الرد واوضح لمن عاند وكابر ويكفي ان الفكره ووجهة النظر وصلت لهم ولهم الخيار فيما بعد ..

واما ان كان موضوع السينما تافه بنظرك بصراحه ما ادري كيف ارد عليك ولكن ردودي السابقه تكفي بالرد على تعقيبك بمجمله ..

كلامك واقعي والله يفكنا من العلمانيين وسمومهم