|
الى كل مؤيد للسينما ..الفرق بين السينما والتليفزيون ..للفائده تفضل السلام عليكم ورحمة الله وبركاته : ادري ان هالموضوع قد تمت الكتابه عنه سابقا ولكن للفائده حبيت اكرر الطرح : واقول وبالله التوفيق يكفي ان السينما بها منكرات مثل وجود الموسيقى والنساء والاختلاط بهم في الأفلام التي تعرض .. واليك سببين فقط من الاسباب التي تدعونا الى بغض السينما والحرص على عدم وجودها في بلادنا المسلمه المحافظه والفرق بينها وبين التيلفزيون : اولا / يكفي ان السينما مجاهره بالمعصيه والعكس منها المنكرات التي في التليفزيون فمن يشاهدها في بيته او في غرفته فهو ليس بمجاهر بالمعصيه بل متستر بمعصيته . ثانيا / ان في السينما اجتماع على معصيه وترغيب الناس لها ونشرها وتأثيرها يكون سهل على الجهلاء وعرضها واجتماع الناس عليها كأنه يوحي للمجتمع بأنه أمر عادي وليس مخالفا لشرع الله عز وجل . واليكم سماع الأغاني لنقيس عليها (مع تسليمنا قطعا بحرمتها شرعا) : هل سماع الأغاني وانا في سيارتي او غرفتي بصوت منخفض افضل ام انني اكون في مكان عام كالسوق او الشاطيء وغيرها ويكون صوت الأغاني عاليا ومجاهرا به ويترتب عليه مفسده كبيره ؟؟؟؟؟ اترك الاجابه الى كل عاقل لبيب .. وفق الله الجميع لما يحب ويرضى . |
مشكور على هذا الطرح الممتاز وترى حتى الذي يحدث باليوم الوطني مجاهره بالمعصيه |
جزاك الله خير من رأيي.. السينما باب شر يجب أن لا يفتح لأن السينما تجر إلى شرور غير شر الأفلام اللي الكل يعرفه.. وحنا مو ناقصين تفتح أبواب شر غير اللي موجوده و السينما ما يريدها إلا ناشر فتنه.. والله ييسر لنا الحق.. ـــــــــــــــــــــــــــــــــــــــــــــــــــــــــــــ حتى محلات الأغاني مجاهره بالمعصية... ودام انهم فتحوها ليش ما نفتح سينما..مهي كلها مجاهره.. ^^^^ إذا كانت المسألة كذا عز الله رحنا فيها..!! بكرى يجينا ناس يقولون خلونا نفتح (بارات)... زيها زي السينما و محلات الأغاني كلها فيها مجاهره.. ــــــــــــــــــــــــــــــــــــــــــــــــــــــــــــ ::تحياتي:: |
بغيت اكتب رد بس نسيت اللي كنت ابي اقوله ع العموم ما علينا زبدة الرد ع الموضوع نبي ونبي ونبي سينما بالسعوديه مافيها شيء:naughty: واللي ما يبي السينما مو شرط تجي وتسوي زحمه وهذا منكر وهذا مدري وشو خلاص ماتبي سينما اركد في بيتكم وخلك ع قنوات المجد :to: يالله باي:s3s: |
وعليكم الســلام ورحمـة الله وبركاته .. أولاً بخصوص السينما لست في صف المعارضين ولست في صف المؤيدين .. بمعنى فتحت عادي ، ما فتحت أيضـًا عادي .. كون السينما عندنا بتكون عليها رقابة شديدة مما سيجعلها كـ مُتابعة مسلل ( الحاج متولي ) على التلفزيون السعودي .. فـ المُسلسلات قـُـطّعت ، فـ كيف سيكون وضع الأفلام في السينما السعودية .. ندخل السينما لـ فيلم مدته نصف ساعة والباقي لقطات غير ( صالحة ) للعرض .. لا داعي لـ فتح السينما هنا ، فـ المُعارضين سيزيدون في المُعارضة .. والمؤيدين سيجدون شيء لا يُعجبهم من تقطيع يُقلص وقت المُتابعة إلى أقل من النصف .. أمّا المُجاهرة بالمعصية فـ هي موجودة لدينا حتى بلا سينما ، هدانا الله جميعًا .. إقتباس:
يعطيك العافيه .. |
جزاك الله خيرآ إقتباس:
|
^^ اجل وينهم عن فيديوات الشميسي :d هالباكستانيه والهنود ماخذين راحتهم لارقابه ولاهم يحزنون :d .. |
إقتباس:
هلا فيك اخوي ابراهيمفيتش وانا اوافقك على ماقلت . |
إقتباس:
حياك الله اخوي ابوسعود :smilie47: واشكرك على جميل تعقيبك وتفاعلك بارك الله فيك . |
إقتباس:
اسعدني مرورك وتعقيبك وانا اوافقك في بعض ماقلت ولكن اخالفك في قولك : كون السينما عندنا بتكون عليها رقابة شديدة مما سيجعلها كـ مُتابعة مسلل ( الحاج متولي ) على التلفزيون السعودي .. فـ المُسلسلات قـُـطّعت ، فـ كيف سيكون وضع الأفلام في السينما السعودية .. ندخل السينما لـ فيلم مدته نصف ساعة والباقي لقطات غير ( صالحة ) للعرض .. اخي هلالي القرعاء : صدقني حتى ولوكان فيها رقابه وتقطيع(سابقا في المسلسلات ولكن الان !! ) في البدايه صدقني فانها خطوات الشيطان وشيئا فشيئا مع الوقت لن يثبتوا على مبدأهم لأن ابليس حي مامات وسيعرضون ماهو اشد كما حصل في سينما البحرين في بداياتها والسينما هي الشراره الأولى لما بعدها فان حصلت فلا تسأل وش بيكون بعدها لك شكري وتقديري على تفاعلك واتمنى ان تقبل وجهة نظري بصدر رحب :rose: |
بلا نفاق السينما على الأقل أفضل من بلاوي كثيرة يسوونها الشباب واللي ماتلقاها الا عندنا بالسعودية بس والظاهر ان في ناس كثييييييييير فاهمة السينما غلط |
لو بتكلم عنها دينيا اكيد الحكم حرام :) بس من رايي الشخصي ماعندي مانع :d ياخي وش يسوي الواحد اذا صار اتصالهم بطيء ومايقدر يحمل افلام :d عموما لو بتكلم بتقومون علي ووشوي وبتطقووني ويمكن تكفروني فاحسن لي اسكت واتحفظ برايي لعمري :) وحبيت اقول شي للاسف كثير من الاعضاء يدعي المثالية وينافق ويعارض عليها ولا لو الود وده تفتح اليوم قبل بكرة :d وادري بيجي تهزيئ وكذا لذا ماراح اخوض في حوار نهايته سلبية ومالي بااك خير شر :d (f) |
إقتباس:
عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم اخوي القلب ومايهوى .. الله سبحانه وتعالى امرنا في كتابه الكريم بالتعاون على البر والتقوى وان نكون امة نأمر بالمعروف وننهى المنكر وان كان هناك بلاوي كثيره يسوونها الشباب يعني خلاص نسلم بالأمر الواقع ونخلي الشر يكبر وينتشر ماهو معقول هالكلام !! يعني لاقدر الله الواحد لو شاف ولده يسوي منكر قدامه يخليه ويبرر له الموقف!! لا بالعكس الصراع بين الحق والباطل موجود من خلق ادم عليه السلام ولن يتوقف النصح والأمر بالمعروف والنهي عن المنكر حتى تقوم الساعه. تحياتي لك اخوي وتقبل وجهة نظري بصدر رحب:rose: |
يعني ليش طيب هالتحقيط اللي مال امه داعي ؟ ياخي انا بالخبر ساكن لازم يعني ادفع 200 الى 300 ريال عشان اروح البحرين و اتفرج لي على فيلمين بالسينما و ارجع ليش ما ادفعها بديرتي ياخي السينما موجوده من سنة ..... ولا احد تكلم ياخي ليش نكابر و نقول ان السينما مجاهرة بالمعصية ممحمد عبده و خالد عبدالرحمن و الشلة المحترمة يسوون حفلات بجده و ابها ما في ابن امه فتح فمه و تكلم عن هالموضوع ليش لان راعي هالحفلات امير بكرة اذا كانت الشركةة المحتكرة للافلام صاحبها امير ما راح تقدر تتكلم بغض النظر عن انه حلال او حرام ياخي انا اشوف مسلسلات و اشوف افلام يا جماعه انا ما كفرت طيب انا احب اتفرج على افلام احسن من اني اصيع بالشوارع كل ما قلنا نبي شي قلنا حرام و ما يجوز ايه طيب الى متى الى متى ندفع فلوسنا برا و بعض هالناس اللي يتكلمون على السينما تشوفه اذا سافر دخل اهله سينما و في السعودية قام يتفلسف على راس الشعب يقوم مفتاح للفتنة ياخي روح شوف المزارع و الاستراحات و الشقق عشان تعرف الفتن على اصولها ما جات على سينما دام الوضع كذا حلال عليك يا بحرين فلوسي و فلوسي نص شباب السعودية اللي جاتكم من السينما و بلادي خليها على حرام و حلال بالسينما بديناها بالدشوش انها حرام و دخلت غصب عن الكل و مرورا بجوال الكاميرا و دخل غصبن عن الكل و مرورا بالانترنت و دخل غصبن عن الكل و اللحين السينما بتفتح عصبن عن الكل و بقياجة المرأة و غصبن عن الكل ما في شي يجي بالاكراه يا اخوان افتحوا سينما اللي يبي يشوف يشوف مو كل شي ما يجوز و حرام حلمة حرام هذي معناها انك خليت السينما زيها زي الزنا مو كل شي ينقال عنه حرام كلامي اللي قلته غير موجه لصاحب الموضوع و لكن بشكل عام تحياتي |
إقتباس:
صدقني ان اهل الخير في كل ماكان مايقصرون واكيد ان هالفيديوهات قد تم مناصحة اصحابها ومستحيل ان الناس ساكتين عن الوضع اللي حاصل بهالفيديوهات لأن شعبنا محافظ وفيه خير ولايرضى بالمنكر وفيه غيره على دينه وأتوقع ان اكثرهم من تحت لتحت يعني ( بالدس ) والعلم عند الله . شكري وتقديري لك واتمنى ان تتقبل تعقيبي بصدر رحب:rose: |
| الوقت المعتمد في المنتدى بتوقيت جرينتش +3.
الوقت الان » 02:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd