هلا وغلا ..

فيه عدة إحتمالات للشيء اللي يصير لك وهو إن فيه أحد موصّل كلام له عنك غير صحيح ..

وعلشان تعرف منهو هذا الشخص ..
أعرف منهم أقرب أخوياه اللحين واللي كان أثناء علاقتكم مع بعض علاقته عاديه مع خويك ..

يالغالي الأمور هذي مرينا فيها كثير وكانت تسبب لنا أرق وتفكير نضحك عليه بالوقت الحالي ..

لكن أنا أبقولك الحل اللي كنّا نستخدمه وهو أسلوب المكاتبة يعني خذ لك ورقة وأكتب فيها كل اللي بقلبك ووصلّها له بأي طريقة ..

حطّها بسيارته .. عطها واحد من أخوانه الصغار .. أرسلها مع أحد ..
عطها عامل يوصلها له

أكثر من حل .. وصدقني إذا كانت نيتك طيبة وقلبك صادق إن علاقتكم بترجع إن شاء الله مثل ما كانت ويمكن أحسن ..

شكراً لك ..

والله ياخوك انت ماقصرت معه
سويت الللي عليك وزود
لكن شكله المشكله منه هو
الله يرجعكم لبعض على خير

إقتباس الرسالة الأصلية كتبت بواسطة أحلا هلاليه هلا بك اخووي والله مواقف تحسد عليها انا براي انك تجلس معاه وتتفاهم تقوله وش اللي مزعله وش اللي مضايقه.. بكذا انت تعرف وش لك وش عليك والله اكره شي ان صديقك يصد عنك بدون سبب

صدقت و الله لكن فيه اشياء مالها دآعي اذكرهآ هنآ يعني تقدر تقول اني عرفت وش السبب بس ما اقدر اقول وشهو السبب

شآكر لك مروركـ

إقتباس الرسالة الأصلية كتبت بواسطة Hilalih 4ever الحل سهل وبدون تعقيد رح له وكلمه وشف ليش ابو الشباب مايرد ويطنش واذا فرضا قال سمعت من احد انك قايل عني كذا ولا كذا <<هذي حركاتهم دائما لاتقول ايه وتسلك له لان هذا موسبب يعني معليش عشرة 10 سنين تروح في قيل وقال والله ذا معليش شغل مبزره المهم مانسبق الاحداث ونظلم الشخص رح شف وش عنده بعدين تعال قل لنا <<لاتصدق امزح واذا صار الشخص موب كفو صداقته اتركه واسحب عليه ...

من جد و الله 10 سنين تروح مثل الهوا بس المهم عرفت السبب و ابلقا حل للسالفه

تسلم اخوي على المرور

إقتباس الرسالة الأصلية كتبت بواسطة أبو ميار هلا وغلا .. فيه عدة إحتمالات للشيء اللي يصير لك وهو إن فيه أحد موصّل كلام له عنك غير صحيح .. وعلشان تعرف منهو هذا الشخص .. أعرف منهم أقرب أخوياه اللحين واللي كان أثناء علاقتكم مع بعض علاقته عاديه مع خويك .. يالغالي الأمور هذي مرينا فيها كثير وكانت تسبب لنا أرق وتفكير نضحك عليه بالوقت الحالي .. لكن أنا أبقولك الحل اللي كنّا نستخدمه وهو أسلوب المكاتبة يعني خذ لك ورقة وأكتب فيها كل اللي بقلبك ووصلّها له بأي طريقة .. حطّها بسيارته .. عطها واحد من أخوانه الصغار .. أرسلها مع أحد .. عطها عامل يوصلها له أكثر من حل .. وصدقني إذا كانت نيتك طيبة وقلبك صادق إن علاقتكم بترجع إن شاء الله مثل ما كانت ويمكن أحسن .. شكراً لك ..

هلا و غلا و مرحبا بابو ميار

نورت الصفحه بوجودك ولا يهينون باقي الاعضاء

انت قد مريتها فيه يخوي بس انا الحين في ريعان الشباب على ما قالو تو عمري 17 سنهـ

بس ان شاء الله خالص من هالسالفه قريب لأني اكتشفت اشياء من نآس مآ توقعتهم زي كذا بصراحه

إقتباس الرسالة الأصلية كتبت بواسطة sowaid والله ياخوك انت ماقصرت معه سويت الللي عليك وزود لكن شكله المشكله منه هو الله يرجعكم لبعض على خير

لا المشكله موب منه هو طلعت اكبر و الله بس خلها على الله
القالها حل زي ما لقيت للي قبلها

منور الصفحه اخوي

معليش اخوي توك ما شفت شي ما اقول الا الله يعين
نعيب زماننا والعيب فينا... الناس تغيرت.

انا على الاقل اشوى منك مالي معه الى 3 سنوات .ً,
واحس الرجال بدا يثقل
بس طبقت مقولة :
من عافنا عفناه لو كان غالي

انا انصحك تروح تسحبه على جنب وخله يفهمك السالفه .,
واذا رفض طيق المقوله الي فوق ...

ياشين كذا

بس اكيد فيه احد موصل له كلام غلط لانه حاسدكم على صداقتكم....!

وفي هالزمن مافيه احد توثق أن صداقته تستمر معك لانهم من تالي يخاوونك عشان

المصلحه او عشان امور ثانيه..

لكن مالك حل الا انك تروح وتكلمه وتزبد له وتطلع اللي في قلبك كله عشان ماعاد

تفكر في هالموضوع..

بالتوفيق

إقتباس الرسالة الأصلية كتبت بواسطة بدر2020 معليش اخوي توك ما شفت شي ما اقول الا الله يعين نعيب زماننا والعيب فينا... الناس تغيرت.

صح لسانك و تسلم على المرور

إقتباس الرسالة الأصلية كتبت بواسطة عيون ياسـ20ــر ياشين كذا بس اكيد فيه احد موصل له كلام غلط لانه حاسدكم على صداقتكم....! وفي هالزمن مافيه احد توثق أن صداقته تستمر معك لانهم من تالي يخاوونك عشان المصلحه او عشان امور ثانيه.. لكن مالك حل الا انك تروح وتكلمه وتزبد له وتطلع اللي في قلبك كله عشان ماعاد تفكر في هالموضوع.. بالتوفيق

كلامك صحيح 100% هذا الي صآر و عرفت وش قاله و كل شي بس المشكله معرف منهو الي قاله

رح له و قل له



مآ نيب ميت لو تخليت عني // آكيد أبلقى لي من الناس غيرك