بدينا يامرور الرياض .. بدينا ؟! [ مواقف + ماقبل الصيف ] - نادي الهلال السعودي - شبكة الزعيم

الـمـشـاغـب · #1 23/05/2009, 12:12 PM

إقتباس

الرسالة الأصلية كتبت بواسطة أبــو غــامــد


	هذا الموضوع .. عشان شيلت سلطان الثلاجة يوم الخميس

يا لبيه بس .. يا أبو غامد يا بعد كل من هو قايم وقاعد

قسم بالله يا هالمرور حقيييير .. ومدير المرور حقير بعد وأغلب رجال المرور حقيرين ..!
حسبي الله عليهم .. قسماً بالله أدعي على اللي يحط قوانين المرور المعقدة ( إلا إذا كان أمير أدعي له طبعاً بطول العمر )

والله العظيم حالة ما بعدها حالة .. وش هالاستقعاد؟ الله يعقد حياة كل رجل مرور عقد الأمور على مواطن مسكين ..!

بالله وش هالنظام؟ تتدبل المكافأة .. وين حنا عايشين فيه؟ هاللي حط هالنظام شكله كان فاقد وهو يفكر فيه ..!

تصدقون ان المرور حقق خلال 3 أشهر فقط ( 150 ) مليون ريال وأقاموا احتفالية بهذه المناسبة السعيدة ..!
يعني بالعربي الموضوع موضوع ( جباية ) ..! مو حفظ أمن المواطنين ..!
عليهم من الله ما يستحقون ..!

قبل كم أسبوع كنت رايح متأخر على الشباب وهم في الهافمون ولهم ساعتين ينتظروني ويتصلون ..!
المهم مسكت الخط وانا بالعزيزية وأنا بصراحة مسرع .. كان فيه رادار ..!!
عرفت اني باخذ مخالفة مثلي مثل اللي السيارات اللي معي ولا لي خلقهم ..
عطيتهم اوراقي وجنبت ولا سألتهم عن السرعة .. بس قلت بسرعة خلصوني انا مستعجل ..!
سجل السرعة 158 .. وقال لي قيمتها 500 ريال تسددها خلال شهر والا بتندبل إلى 900 ريال ..!
قلت كله واحد منب مسددها

<< قافلة معي وهو جاي يبشرني بالـ 500 الحقير

راح كملها قال ترى بعد شهر تصير 900 ريال وتتوقف 3 أيام بعد ما تسدد وتراجع مرور الشرقية ..
قلت : برضه منب مسدد .. ومشيت وبعدها دق علي ماجد في الوقت المناسب عشان يخفف علي

معقولة هالمخالفة 500 ريال .. وان ما سددت خلال شهر تندبل وأتوقف 3 أيام؟؟؟!!!

أنا ما أقول شي عن المخالفة أستاهلها .. لكن وشوله هالحقارة في تدبيل المخالفة وتحديدها بفترة زمنية يمكن الشخص ما يكون قادر على التسديد فيها؟ لا وبعد فيها توقيف ..!!
يا جعلهم يذوقون التوقيف والسجن ويذوقون طعم اللعانة اللي يذوقونها الشعب المسكين ..!
ما درينا ناكلها من الأسهم والا التجار والا المرور ...!! قاتلهم الله أنى يؤفكون ..!!

أبو غامد قهرني موضوعك .. فضفضت فيه ولا حبيت أتراجع أن اي كلمة في قلبي ..!
فإن رحت أنا في حديدة تكفى لا تنسى تجيب لي عيش وحلاوة وعصير مثل عصيركم ذاك

<< بيتوقف بيتوقف اما بالحاير والا بحجز المرور 3 ايام ما فيها كلام

أخوكم المعتقل :
المشاغب

عاشـ يـ 20ــاسرــــق · #2 23/05/2009, 12:27 PM

الله يعينك اخوي على المرور كثيره مخالفاتك

المفروض يعطونك بطاقه عضويه خصم اذا تكررت المخالفات < تخيل تصير والله مافيه امل

السمسار الهلالــي · #3 23/05/2009, 12:39 PM

أهلين وسهلين يبو غامد

القرار الجديد فعلاً غبي , يقولك المرور يطلع مبالغ خيالة كلها من جيوبنا حنا يالمواطنين المساكين , الله يعين ويصلح بس

. .!!
أعرف واحد معطينه مخالفة تفطيط 900 وما سددها تدبلت وصارت 1800

<-- والله جامدة , أدعو له بالله

ههههههههههههههه

//

هالموضوع ودّك كل عضو يدخل ويذب عليهم

. . !!

hilalemooot · #4 23/05/2009, 10:30 PM

السلام عليكم

يعطيك العافية ابو غامد

كنك داري اني اليوم مراجع مرور الجوف

.. صحيت الصبح عينت من الله خير رحت الصراف ابسدد مخالفاتي و رسوم تجديد الاستمارة عجزت .. قلت اروح مكتب خدمات اصرف لي .. رحت وبعد فرفرة على اربع مكاتب كلهم ما عندهم رصيد

لقيت مكتب سدد لي ورحت للمرور ..

انا : سلامو عليكم .. لو سمحت ابي اجدد استمارة سيارتي
هو : هات اوراقك .. انتظر شوي

وبعد انتظار لمدة ساعة ونص تقريباً

.. احمد الـ ..

انا : سم
هو : معليش راجعنا بكرة الكمبيوتر عطلان
انا : يبوي وراي خط
هو : رح لدومة (تبعد 40 كيلو عن سكاكا

) وبيخلصونك

وبكل بجاحة يجي واحد بعدي يبي يجدد إستمارته ويمشونه

! .. بس استاهل بيني وبينكم لقيت واحد من الجماعة يشتغل هناك قالي هات اسويها لك قلت لا مايحتاج

الله يصلح الحال بس .. يعطيك العافية ابو عابد غامد اختر اللي يعجبك

تجمعنا لأجل الزعيم · #5 24/05/2009, 01:16 AM

تعرفون نظام ساهر الذي كلف المرور بمبالغ ضخمة فلا بد من وجود بديل للتعويض القسائم المرورية هي الحل الانسب والاسرع

وجهت نظر ممكن تكون صحيحة ولا خاطئه

الهلالي الألماسي · #6 25/05/2009, 11:12 PM

إقتباس

الرسالة الأصلية كتبت بواسطة الـمـشـاغـب


	تصدقون ان المرور حقق خلال 3 أشهر فقط ( 150 ) مليون ريال وأقاموا احتفالية بهذه المناسبة السعيدة ..! يعني بالعربي الموضوع موضوع ( جباية ) ..! مو حفظ أمن المواطنين ..! عليهم من الله ما يستحقون ..!

اضيف على ذلك رفع قيمة الرخصه الى 400 ريال بدلا 75

والله شيء يقهر هالقطاع وبيزيد الكره الكره اكثر لهم

تحياتي لكم