صباحك سكر

كل شيء جائز أخوي


و أنا ضيف جديد على مدينة الرياض , لسى سنة أولى .
بس الأكيد
إن بيننا عسكر يبي يصيرون وطنين بحق ويقولون الحقيقة


إذا طلع كلامك صحيح فضروري هالفترة نتنقل بسيارات الأجرب بدل السيارات الخاصة


لك الود

الحمدلله ع السلامه تورمت عيوني من القرايه والسالفه بسيطه كله مخالفه وتدبل عليك اخر الشهر اذا ماسددت ههههههههههه

إقتباس اتوقع ان ارى بكرة تفتيش .. على مخرج 9 ربما .. ومخرج 10 ايضاً .. وكلهم للي جايين من الجامعة

اومــآ عـآد لــو يحطــون تفتيــش ع مخــرج 9 كـآن قمـة القهـــر
كــونــي اجــي فيــهـ لـ اتجنــب طـريــق الملــكـ عبداللـهـ اللــي كلــهـ تفـآتيــش
اللــهـ يعيـــن

اخيراً تنازلت وكتبت موضوع هنا
بنام الحين واذا فضيت برجع ارد
برب

مااقول الا الله يعين على مرور الرياض
وبس

لاعدمنااااااكـ

اللي يعجبني إن معك لغة إنجليزية

أبرد عليك لكن مو اللحين لأني مو رايق ..

شف الساعة كم ..

........................................................

اللحين رايق لأني بالدوام ولازم أضيّع الوقت بشيء يفيد مع إن موضوعك الوقت اللي راح أرد فيه راح يكون مضيعة للوقت ..

لكن كلّه علشانك يالدب

بالنسبة للمرور فعلاقتي معه أشبه بعلاقة القط والفار ..

اّكر سالفة صارت لي بالبكيرية أيام المراهقه والله لا يعيدها من سالفة ..

كان معي لومينا وتعرف اللومينا دفع خلفي وتعطيك بالمديور عند الإشارات تزحف فيك على كيف كيفك ..

مرة بعد المغرب وقبل مباراة السعودية وإيران بالتحديد في تصفيات كأس العالم 2002م كنت أجهّز سيارتي للتشجيع والحركات بعد المباراة ..

فطلعت من البيت وأروح عند الإشارة اللي يفحطون فيها الشباب بعد المباريات وأجلس أجرب وآزن السيارة علشان ما أضرب رصيف وأصير مضحكة للكل ..

المهم أجي عند الإشارة وأديور بكل سهولة ومجرد ما أديور أدعس على البنزين بكل قوة وتفتر السيارة على كيفك ..

الأولى ما ضبطت والثانية نص ونص والثالثة أوكي .. وحفظت الوزنية ..

وأروح أتمشى شوي قبل ما يأذن العشاء ..

المهم وقفت عند بقالة أبشتري فصفص وببسي .. وأول ما طلعت أشوف دورية عند السيارة ..

قلت يالله صباح خير أدري مالها دخل ..

المهم جاء عندي اللي بالدورية وقال الرخصة والاستمارة وأقول أنا خير موقف غلط ؟؟ والا مضلل ؟؟ مع إني واقف صح ولاني مضلل بس مسوي بريء

المهم عطيته الرخصة والاستمارة وقال ألحقني للمركز وركب معي عسكري ..

ويو م دخلت المركز وأقابل الضابط قال أنت تفحط وأنا اللي أقوله لا ما سويت شيء وخويكم كذاب قال أنا اللي شايفك وبلّغت عنك وجاب لي أدلة ما أقدر إني أنفيها ..

عاد أنا قلت أبستخدم الذكاء المؤقت وأقول للضابط أمي بالسوق واللحين أذن العشاء لازم أروح أجيبها وأخاف يجيها شيء ..

مع إن أمي بالبيت .. قال كلّم واحد من أهلك قلت كلّهم ما يسوقون وأبوي مسافر قال أجل رح وتجي هنا على طول وأوراقك عندنا ..

طلعت من هنا وللبيت علشان ألحق على المباراة وأسحب على الضابط ..

وأجلس أسبوع وأنا ما غير مطارد مع الدوريات حتى إنهم مرة طقوا باب البيت يسألون عنّي

وبعد أن يأسوا من الإمساك بي راحوا للبحث الجنائي اللي بدورهم كلّموا أبوي وقالوا له السالفة وجاء أبوي وقال لازم تروّح تودي السيارة اللحين لا أتوطى ببطنك

قلت أنا تامر على الرقبه يبه والا هم ما يستاهلون من يحشمهم

وأروّح أودي السيارة ويلعني الضابط ويوم سألني ليش ما رجعت قلت نسيت .. حرام أنسى

المهم قال حجز السيارة شهر .. قلت لو تبي شهرين ..

المهم بعده بيومين رحت عند واحد من الشباب أشوف مباراة للهلال .. وأتفاجأ إن الضابط يدخل للاستراحة وأستغربت أحسبه يبيني ..

وقلت السيارة وعندكم وش تبي بعد ..

قال خويي لا هذا مسيّر علينا ..

وأجلس أتابع المباراة وأتفاعل مع كل هجمه .. وبعد المباراة سألني أنت للحد هذا متعصب للهلال قلت وأكثر ولو إني مو خايف إنك تحجزني كان سمعت كلام ثاني ..

المهم بدأ يدردش معي بالكلام .. وعن الهلال وتفاجأ من المعلومات اللي عندي وقال : بكرى مرّ على بالمكتب ..

قلت لا يصير تبي تحجزني قال مرّ أنت وما عليك ..

رحت له بكرى وأول ما دخلت عطاني مفتاح سيارتي وقال تستاهل لأنك هلالي

وطلعت السيارة .. يعني مثل هالشخص طلّع سيارة واحد متهور علشانه هلالي .. صدق من قال إن الهلال نادي الحكومه >> بينجلد ..

أدري طولت ولكن والله يا عندي قصص كثيرة عن المرور .. لكن هذي تكفي ..

وإذا تبي أكثر أعلّمك فيها أنا وأنت بالعطاوي

جهاز المرور يبغاله اعادة تأهيل

إقتباس الرسالة الأصلية كتبت بواسطة أبــو غــامــد هذا الموضوع .. عشان شيلت سلطان الثلاجة يوم الخميس

يا لبيه بس .. يا أبو غامد يا بعد كل من هو قايم وقاعد

قسم بالله يا هالمرور حقيييير .. ومدير المرور حقير بعد وأغلب رجال المرور حقيرين ..!
حسبي الله عليهم .. قسماً بالله أدعي على اللي يحط قوانين المرور المعقدة ( إلا إذا كان أمير أدعي له طبعاً بطول العمر )

والله العظيم حالة ما بعدها حالة .. وش هالاستقعاد؟ الله يعقد حياة كل رجل مرور عقد الأمور على مواطن مسكين ..!

بالله وش هالنظام؟ تتدبل المكافأة .. وين حنا عايشين فيه؟ هاللي حط هالنظام شكله كان فاقد وهو يفكر فيه ..!

تصدقون ان المرور حقق خلال 3 أشهر فقط ( 150 ) مليون ريال وأقاموا احتفالية بهذه المناسبة السعيدة ..!
يعني بالعربي الموضوع موضوع ( جباية ) ..! مو حفظ أمن المواطنين ..!
عليهم من الله ما يستحقون ..!

قبل كم أسبوع كنت رايح متأخر على الشباب وهم في الهافمون ولهم ساعتين ينتظروني ويتصلون ..!
المهم مسكت الخط وانا بالعزيزية وأنا بصراحة مسرع .. كان فيه رادار ..!!
عرفت اني باخذ مخالفة مثلي مثل اللي السيارات اللي معي ولا لي خلقهم ..
عطيتهم اوراقي وجنبت ولا سألتهم عن السرعة .. بس قلت بسرعة خلصوني انا مستعجل ..!
سجل السرعة 158 .. وقال لي قيمتها 500 ريال تسددها خلال شهر والا بتندبل إلى 900 ريال ..!
قلت كله واحد منب مسددها << قافلة معي وهو جاي يبشرني بالـ 500 الحقير
راح كملها قال ترى بعد شهر تصير 900 ريال وتتوقف 3 أيام بعد ما تسدد وتراجع مرور الشرقية ..
قلت : برضه منب مسدد .. ومشيت وبعدها دق علي ماجد في الوقت المناسب عشان يخفف علي

معقولة هالمخالفة 500 ريال .. وان ما سددت خلال شهر تندبل وأتوقف 3 أيام؟؟؟!!!

أنا ما أقول شي عن المخالفة أستاهلها .. لكن وشوله هالحقارة في تدبيل المخالفة وتحديدها بفترة زمنية يمكن الشخص ما يكون قادر على التسديد فيها؟ لا وبعد فيها توقيف ..!!
يا جعلهم يذوقون التوقيف والسجن ويذوقون طعم اللعانة اللي يذوقونها الشعب المسكين ..!
ما درينا ناكلها من الأسهم والا التجار والا المرور ...!! قاتلهم الله أنى يؤفكون ..!!


أبو غامد قهرني موضوعك .. فضفضت فيه ولا حبيت أتراجع أن اي كلمة في قلبي ..!
فإن رحت أنا في حديدة تكفى لا تنسى تجيب لي عيش وحلاوة وعصير مثل عصيركم ذاك
<< بيتوقف بيتوقف اما بالحاير والا بحجز المرور 3 ايام ما فيها كلام


أخوكم المعتقل :
المشاغب

الله يعينك اخوي على المرور كثيره مخالفاتك

المفروض يعطونك بطاقه عضويه خصم اذا تكررت المخالفات < تخيل تصير والله مافيه امل