حيا الله ابو غامد .. منور المجلس العام ( )

::

تبى الصدق عاد مروركم متفنن في تسجيل المخالفات ..

يناكم في اجازة الربيع ..

كنا في خط الرياض مكة ..

وعاد نمشي بالسيارة سرعه 120 كليومتر

الا وشويه يدامنا نقطة تفتيش .. وقفونا ع اليمين .. ويا واحد من الشراطوة اللي عندكم .. وقال عندكم مخالفة ..
سالهم ريلي مخالفة شو .. قال سرعه ..
المهم نزلو تحت يكملون السالفه .. عطى ورقة المخالفة .. وقال اذا طلبوها منك بعدين وانت طالع رايح الامارات
ادفعهاا .. طلعنا الحمدلله وما سالو عن المخالفة ..

اصبر بتيك سالفة المخالفة كيف سجلوها ..

يقولك هذا واحد .. سعودي يلبس كندورة وغترة وعقال ويوقف ع الشارع .. واي سيارة مسرعه .. ي
سجل رقمها .. ويتصل على طول عند نقطة التفتيش ويخبرهم انه في
سيارة نوعها ...... ورقمها ....... كانت مسرعه ..

يعني عندكم اساليب تحففففففففففففه في تسجيل المخالفات

وبس


::

ويعطيك العافية

خالفوني على الدايري وانا ماشي 123 وش تبيني اسوي؟

والعسكري يقول انه داخل الرياض ما يتعدى 110 بس قال اطلع برى ما تنزل عن 190 يعني حلال له حرام علينا؟

يابن الحلال والي مخالفاته تدبلت لين صارت فوق الثلاث الاف؟!
وسددتها والى يومك فيه مخالفات تنزل مدري من وين تجي
كلها تظليل سرعه تظليل سرعه
سالفة الدفتر هم صدق مطالبين فيه
لكن ماتوقع ياخذون عليه مكافأة ..!

إقتباس قولك هذا واحد .. سعودي يلبس كندورة وغترة وعقال ويوقف ع الشارع

لا عاد يلبس كندوره ؟! احلفي
والكندوره هذي يلبسها بالليل ولا النهار
يازين كلامنا

مخالفاتي الى يومكم تتدبل احد عنده واسطه؟!

العساكر مشكلتهم مشكله

يكرهونك انك تسووق

بس حــلوه اللي يخلص الدفتر ياخذ اجازه


العــضو ســراب مسجل من 2001 والحين حنا 2009 واول مشاركه بموضوعكـ

^
^

عبودي بس موذي .. قوم عن الاسهم ..

يا بلد الوليد افهمها وهي طايره ..

يعني لازم تمسكها عليه ..

اللي اقصده انه هو شرطي .. بس مب لابس زي الشرطه يالذكي
عشان ما نتحسبه انه شرطي .. وانخفف السرعه ..

يمكن انتو متعودين عليهم .. لكن احنا لا ما عرفنااا الا يوم فكرنا انه كيف خالفنا وما فيه رادارات في الطريق ..
بعدين مشينا شوي يدام .. وشفنا واحد ثاني بعد .. فعرفنا انه هذا شرطي بعد ..

::

يا حبك للمشاكل يا بلد الوليد ..

س سؤال :



الحين احنا شرطتكم مخالفينا ... ويوم طلعنا من حدودكم ما طلبو الورقة .. مالت المخالفه ..
اذا رديناا السعوديه .. بنلقى المخالفة دبل .. ؟؟ !!!


::

اللي يقول منو يسدد مخالفاتي .. اقوله تم ..



>>> كل حد شافه قال فلوس الزهبه .. ترى مب فلوس الزهبه فلوس شي ثاني

والله لو يخلوني جان سددت مخالفات الاعضاء والله اني صادقه وربي

هلا بوغامد ، يعطيك العافية ..
ما حصل لي مواقف كثيرة مع المرور خصوصاً ان مالي سنة وانا وراء المقود ..
/،

إقتباس وهل تتوقعون صحة ان العسكري يحصل إجازة إذا خلص الدفتر ؟!

هو من ناحية اجازة ياخذ اجازة ، وبصراحة انا اقول كلمة يقولها لي ابن عمي وصديقي وقلب دفاع المجلس العام ( شموخ الشيوخ ) ..
وهي ان العسكري لو يطبق النظام بحذافيره كل يوم ياخذ له اجازة يومين ..

إقتباس معقولة هالمخالفة 500 ريال .. وان ما سددت خلال شهر تندبل وأتوقف 3 أيام؟؟؟!!!

اسمه الحد الأعلى لاتفضحنا

إقتباس أعرف واحد معطينه مخالفة تفطيط 900

أما عاد تفطيط
عساه يوم فطط كان محترف تفطيط ..
لان الواحد احياناً يفطط وهو من جنبها وياكل على وجهه ، وكله بسبة التفطيط
خخخخخخخخخخخخخ ..

خخخخخخخخخخخخخخخخخخخخخخخخ

اما سالفة الحزام يضايقني وفيه حبل اربط نفسي فيه

هههههههههههههههههههههههههههههههههههههههههه


اما بخصوص المرور بتتعب معهم وياكثر المواقف

وتسلم

السلام عليكم

يعطيك العافية ابو غامد كنك داري اني اليوم مراجع مرور الجوف .. صحيت الصبح عينت من الله خير رحت الصراف ابسدد مخالفاتي و رسوم تجديد الاستمارة عجزت .. قلت اروح مكتب خدمات اصرف لي .. رحت وبعد فرفرة على اربع مكاتب كلهم ما عندهم رصيد لقيت مكتب سدد لي ورحت للمرور ..

انا : سلامو عليكم .. لو سمحت ابي اجدد استمارة سيارتي
هو : هات اوراقك .. انتظر شوي

وبعد انتظار لمدة ساعة ونص تقريباً .. احمد الـ ..

انا : سم
هو : معليش راجعنا بكرة الكمبيوتر عطلان
انا : يبوي وراي خط
هو : رح لدومة (تبعد 40 كيلو عن سكاكا ) وبيخلصونك

وبكل بجاحة يجي واحد بعدي يبي يجدد إستمارته ويمشونه ! .. بس استاهل بيني وبينكم لقيت واحد من الجماعة يشتغل هناك قالي هات اسويها لك قلت لا مايحتاج

الله يصلح الحال بس .. يعطيك العافية ابو عابد غامد اختر اللي يعجبك

اللي أكلوها الشعب


العسكري على طووول يبي يخلص الدفتر عشان ياخذ أجازة


آمحق بسسسسسس


المشكلة أطلبه تكفى تكفى ويرفض ابن الذينـــآ

لآويوم قلبتها معاه مزوووووح وفرفشة دبّل المخالفة وحط مخالفتين

قال ايش قال التلفظ على العسكري !!!!!!!!!

شف يالغالي
مسألة انه فيه كم حبة من العساكر عندكم متفاهمين وراعين دردشه
احمدوا ربكم
البلا من اللي ماعنده الا الحنوسه مافيه تفاهم
" هات رخصتك" << بفتح الصاد وتسكين التاء
و"اشخط له قسيمه "

يعني احمدوا ربكم عندكم ناس عندهم شوية عقل

بس تصدق أن لها ميزه بعض المرات ان اللي عندنا "جحلط"
مره واحد من العيال يقول مظلل وماشي
ويوقفني العسكري يقول ليش مضلل
قال خوينا "هذي مهب تضليله هذي عاكس مضاد للأشعه"
العسكري ماوده يقول وش هذا ما أعرفه
لذلك اضطر انه يقول " اييييه عاكس .. آسفين أجل خذ رخصتك "

والمواقف كثيره لكن يبيلها شوي تبهير

وأهنيك على الموضوع "يالخبل " << من باب المدح



ســـــاري
يرحم أمك مسجل من عام 2001 وهذي أول مشاركه لك
كبيـــــــــــــر يابو غامد

إقتباس الرسالة الأصلية كتبت بواسطة أبو ميار اللي يعجبني إن معك لغة إنجليزية أبرد عليك لكن مو اللحين لأني مو رايق .. شف الساعة كم .. ........................................................ اللحين رايق لأني بالدوام ولازم أضيّع الوقت بشيء يفيد مع إن موضوعك الوقت اللي راح أرد فيه راح يكون مضيعة للوقت .. لكن كلّه علشانك يالدب بالنسبة للمرور فعلاقتي معه أشبه بعلاقة القط والفار .. اّكر سالفة صارت لي بالبكيرية أيام المراهقه والله لا يعيدها من سالفة .. كان معي لومينا وتعرف اللومينا دفع خلفي وتعطيك بالمديور عند الإشارات تزحف فيك على كيف كيفك .. مرة بعد المغرب وقبل مباراة السعودية وإيران بالتحديد في تصفيات كأس العالم 2002م كنت أجهّز سيارتي للتشجيع والحركات بعد المباراة .. فطلعت من البيت وأروح عند الإشارة اللي يفحطون فيها الشباب بعد المباريات وأجلس أجرب وآزن السيارة علشان ما أضرب رصيف وأصير مضحكة للكل .. المهم أجي عند الإشارة وأديور بكل سهولة ومجرد ما أديور أدعس على البنزين بكل قوة وتفتر السيارة على كيفك .. الأولى ما ضبطت والثانية نص ونص والثالثة أوكي .. وحفظت الوزنية .. وأروح أتمشى شوي قبل ما يأذن العشاء .. المهم وقفت عند بقالة أبشتري فصفص وببسي .. وأول ما طلعت أشوف دورية عند السيارة .. قلت يالله صباح خير أدري مالها دخل .. المهم جاء عندي اللي بالدورية وقال الرخصة والاستمارة وأقول أنا خير موقف غلط ؟؟ والا مضلل ؟؟ مع إني واقف صح ولاني مضلل بس مسوي بريء المهم عطيته الرخصة والاستمارة وقال ألحقني للمركز وركب معي عسكري .. ويو م دخلت المركز وأقابل الضابط قال أنت تفحط وأنا اللي أقوله لا ما سويت شيء وخويكم كذاب قال أنا اللي شايفك وبلّغت عنك وجاب لي أدلة ما أقدر إني أنفيها .. عاد أنا قلت أبستخدم الذكاء المؤقت وأقول للضابط أمي بالسوق واللحين أذن العشاء لازم أروح أجيبها وأخاف يجيها شيء .. مع إن أمي بالبيت .. قال كلّم واحد من أهلك قلت كلّهم ما يسوقون وأبوي مسافر قال أجل رح وتجي هنا على طول وأوراقك عندنا .. طلعت من هنا وللبيت علشان ألحق على المباراة وأسحب على الضابط .. وأجلس أسبوع وأنا ما غير مطارد مع الدوريات حتى إنهم مرة طقوا باب البيت يسألون عنّي وبعد أن يأسوا من الإمساك بي راحوا للبحث الجنائي اللي بدورهم كلّموا أبوي وقالوا له السالفة وجاء أبوي وقال لازم تروّح تودي السيارة اللحين لا أتوطى ببطنك قلت أنا تامر على الرقبه يبه والا هم ما يستاهلون من يحشمهم وأروّح أودي السيارة ويلعني الضابط ويوم سألني ليش ما رجعت قلت نسيت .. حرام أنسى المهم قال حجز السيارة شهر .. قلت لو تبي شهرين .. المهم بعده بيومين رحت عند واحد من الشباب أشوف مباراة للهلال .. وأتفاجأ إن الضابط يدخل للاستراحة وأستغربت أحسبه يبيني .. وقلت السيارة وعندكم وش تبي بعد .. قال خويي لا هذا مسيّر علينا .. وأجلس أتابع المباراة وأتفاعل مع كل هجمه .. وبعد المباراة سألني أنت للحد هذا متعصب للهلال قلت وأكثر ولو إني مو خايف إنك تحجزني كان سمعت كلام ثاني .. المهم بدأ يدردش معي بالكلام .. وعن الهلال وتفاجأ من المعلومات اللي عندي وقال : بكرى مرّ على بالمكتب .. قلت لا يصير تبي تحجزني قال مرّ أنت وما عليك .. رحت له بكرى وأول ما دخلت عطاني مفتاح سيارتي وقال تستاهل لأنك هلالي وطلعت السيارة .. يعني مثل هالشخص طلّع سيارة واحد متهور علشانه هلالي .. صدق من قال إن الهلال نادي الحكومه >> بينجلد .. أدري طولت ولكن والله يا عندي قصص كثيرة عن المرور .. لكن هذي تكفي .. وإذا تبي أكثر أعلّمك فيها أنا وأنت بالعطاوي

أبو ميار

قسم بالله ان اللي يقرا موقفك يعرف ان العقل نعمه
ياخي قسم منتب صاحي
بس والله انك رهيب
يامعقد الحكومه انت << هـج

السلام عليكم
شدني موضوع المرور واسترجع بي الذاكره الى اجازة المدارس
اللي مدتها اسبوع اعتقد .. حصل لي موقف طريف شوي.
كنت طالع من الرياض لشرقيه وبعد ما وقفت في نقطه تفتيش خريص
تفاجأت بالعسكري يطلب اوراقي ,, ؟؟ فلما سالته عن السبب قال .
انت مظلل ؟!
قلت له بلباقه : انتم وش يهمكم في طريق السفر غير السرعه ( كمرور ) لان التظليل ممنوع بقوه داخل المدينه
بس ممكن في السفر الواحد يضطر يحطه بسبب الشمس والغبار احيانا ..الشي الثاني السرعه والتجاوزات هي
الخطر الاكبر في طريق السفر .. مو التظليل .. والا عشان السرعه فيها تعب شوي لانها تحتاج دوريه تندس ورصد
وبلاغات ووجع راس .. اما التظليل اقوى تكيه في الصندقه ولا تعب ولا شي
المهم بعد ربع ساعه انتظار عطاني ثلاث مخالفات .
1- عدم ربط حزام
2- التظليل
3- السرعه ..
وقال بالحرف الواحد .. خل الفلسفه تنفعك

مشكور على الطرح الجميل ..

إقتباس الرسالة الأصلية كتبت بواسطة الطارووق المهم بعد ربع ساعه انتظار عطاني ثلاث مخالفات . 1- عدم ربط حزام 2- التظليل 3- السرعه .. وقال بالحرف الواحد .. خل الفلسفه تنفعك .

كان الله في عونك يالغالي من الظلم والاجحاف ان يقوم بتحرير 3 مخالفات في وقت واحد
وهو اذا بغى يمشيك كان مشاك ولا وقفك مثل ابو غامد بعضهم من اسلوبه تحس انه ماعنده شهاده ابتدائي
ياشين الواسطه اللي تخلي الواحد يترزز على خلق الله ويشوفك بنص عين

ابو غـــامــد مبروك الاشراف