:: النقل المباشر :: لمباراة المجلس العام & العالميه :: - صفحة رقم 18 - نادي الهلال السعودي - شبكة الزعيم

الهلالي دائماً · #256 08/05/2009, 01:44 PM

بسم الله الرحمن الرحيم ..

بيان توضيحي ..

بـ الأمس كم كنا كسرنا رؤسهموا *** واليوم ويح اليوم قد فازو ..

طبعاً امس ما كنت في الفورمة وما كان لي خلق ارد بس اليوم الحمد لله صحصحت ..

اولا :
احب اشكر الشباب اللي حضروا للمباراة من المجلس العام

وخاصة وليد والمشاغب والقيصر واول العنقود
اللي جاوا من الشرقية

الى الرياض و كذلك الغالي هلالي الشماسية اللي جاء من القصيم

..
واشكر بعد حبيب الكل الغدير الازق

واعتقد انه كان لقاءه هو و اول العنقود والصخرة احد المكاسب المهمه في هذه المباراة ..واشكر الغالي الكلاسيكي على دعمه القوي

واشكر كل جميع اعضاء المجلس اللي حضروا و اللي ما قصروا رغم بعد الملعب وتأخر الوقت ..

ثانيا:
فريق المجلس لعب المباراة وهو ناقص أكثر من 8 لاعبين

وخمسه منهم اعتذروا قبل المباراة بنص ساعة ..
السمسار الهلالي جاء المعلب وجاه اتصال ضروري وظرف خاص وراح , مدريدي عاشق سامي اعتذر لظرف خاص
ريان 999 وابو قحط ومحمد اعتذروا قبل المباراة بنص ساعة ... عز الهلال ما جاء

وانا ماكان ودي اذكر اسماء لاني عذرهم .. لكن ذكرتهم للي وده يتاكد يسألهم

غير كذا متعب نمر 15 وناكاتا اعتذروا قبل المباراة بيوم خاصة ان المباراة ما تاكدت الا يوم الثلاثاء !!
يعني الفريق كان ناقص 8 لاعبين !! اعتقد هذا النقص لو كان عند فريق ثاني كان ما حضر الملعب اصلاً ..
لكن مثل ماقالوا المجلس بمن حضر ..

ولان الفريق المقابل العالمية قررنا نلعب معهم بالاعضاء الحاضرين اللي ما قصروا وكانوا بالعفل في مستوى المباراة
وكذلك دخلنا اعضاء الشرف وهذا يدل على ان المباراة ماتهمنا ابد ابد يعني تخيلوا الهلال في مباراة ...
يجيب سامي (المشاغب ) والثنيان ( انا ) والتيماوي( ابو ميار ) ويلعبهم مباراة وهم من سنين ما طقو كوره
اعتقد ان هذا دليل على ان هذا دليل على ان المباراة غير مهمه البته .. ولو كن الفريق المقابل جيد
كان على ها النقص وهذه الظروف فاز بالعشرة ..

بعدين اكثر شي ضحكني في العالمية حركة تغيير الحارس هههههههههههههههههههههههههههـ

من جد احس عندهم عقده من المجلس العام

ويبون يسون اي شي مثير ويسمعون بالاكشن هههههههههههههههههههـ
واللي قهرني في الموضوع

اني داخل المعلب مالي نيه العب بس كنت ابي اسولف مع ابراهيم

ومدافعهم الخاين جورج بيست

(جورج بيست مفروض يلعب معنا وتمرن معنا الاسبوع الماضي لكن اخذوه العالمية !!) حتى اني جالس اقول لهم وش رايكم نفتح شات ..

والمشكلة انهم مو مصدقين ان الفريق اللي يلعب من المجلس كل شوي يجيني واحد من اعضاء العالمية ويقول وش يوزر هذا !! وهذا عضو وهذا من الشبكة !! وانت جايب اعضاء من برا الشبكة وهذ دليل على انهم منبهرين بمستوى نجوم المجلس اللي ما قدروا يواجهونهم الا بالعنف الكروي

عاد ياهم ما خذين مقلب بفريقهم اللي لو كانت ظروف فريقنا احسن شوي عطيناهم خمسة ثانية

وهذا كوم وحركة تغيير الكراسي كوم ثاني ههههههههههههههههههههههههههههـ والا يا ابو ميار

على العموم ماعلينا هذا اللي حبيت اقوله .. والف مبروك للعالمية هذا الفوز ويستاهلون وفريقهم تطور

وواضح ان لهم استفادو من اللقاءات والهزائم والدروس السابقة ومن خبرة فريق المجلس العام

وكذلك هم يعدون العدة لهذه المبارة من 3 شهور

واحنا قبلهم بيومين

وهم لهم فترة يلعبون مع بعض ويتضح ذلك من خلال الانسجام كما انهم يملكون احتياطي لا يقل عن الاساسي ..

واشكر الغالي مستر قول على هذه المباراة وكل الحبايب اعضاء العالمية وشكر خاص للحبيب احمد( هلالي موت) اللي تشرفنا بحضوره

و اقول كبار والله يا نجوم المجلس .. وشكرا لكم جميعا ..

وشكر خاص للاخ ياسر (الهلالي الثقفي )اللي حضر وجاب تورته اهداء للمجلس العام ...

دمتم برعاية الله ,,,