ألوو.. ممكن أهدي؟؟ - نادي الهلال السعودي - شبكة الزعيم

ProudToBeSaudi · #1 02/05/2009, 01:11 PM

بسم الله الرحمن الرحيم

صباحكم عسل.. للي يقرون الموضوع على الصبح..
و مساكم ورد .. للي يقرون موضوعي في أي وقت آخر..

أنا من زماااااااان ما نزلت موضوع هنا في المجلس العام عشان كذا أبغى ردود و تفاعل حتى لو مجاملة..

بس صدقوني أنا والله موجود هنا يوميا و أقرأ كل المواضيع لأني أعشق الزعيم و أعشق المجلس العام تحديداً

،، و لي ردوود و لكن قليلة جداًً..

<<< كل هذا خوف إنه ينزل موضوع و ما فيه أحد يرد على موضوعه..

المهم ،، أنا هنا لأنقل لكم حالة أو نوعية معينة من الناس غريبة جداً ، و أتمنى كل واحد يعطيني رأيه أو انطباعه ، و ايش نظرته للناس هذي ..

إليكم الموقف:

فجأة و أنا بسيارتي العزيزة جالس أبدل بين السيديات (CDs)،
واشتغل الراديو على قناة الإف إم (MBC fm) وشدتني الإتصالات اللي تجي على برنامج الطلبات اللي ما أعرف وش اسمه ،، المهم اسمعوا الإتصالات اللي سمعتها:

الإتصال الأول:

المتصلة: ألو..
المذيعة: أهلاً..
المتصلة: أنا على الهواء؟..

المذيعة: ايه انتي على الهواء،، مين معانا؟
المتصلة: معاك سارة..
المذيعة: من فين تكلمينا يا سارة؟
المتصلة: من الرياض..
المذيعة: يا هلا فيك يا سارة،،
المتصلة: ممكن أهدي؟
المذيعة: أكيد،، تفضلي..
المتصلة:أهدي أي أغنية لعبدالمجيد عبدالله لأمي و أبوي و كل صاحباتي اللي يسمعوني..
المذيعة:شكراً يا سارة على اتصالك و إن شاء الله يوصل إهدائك..

الإتصال الثاني:

المذيعة: معانا اتصال،، ألو..
المتصل: ألو،، مساء الخير..
المذيعة: مساء النور،، مين معانا؟
المتصل: ما عرفتيني؟

المذيعة: هههههههههههه ،، اعذرني والله ما عرفتك..
المتصل: معاك عبدالله من جدة..
المذيعة: يا هلا والله بأهل جدة كلهم..
المتصل: أنا أبغى أهدي بس لازم أعرف إيش الأغنية الجاية..
المذيعة: أغنية ويلاه لراشد الماجد..
المتصل: طيب،، أحب أهدي لكِ إنتي(يقصد المذيعة)

، و أحب أهدي لقروب حبايب و أهدي لحبيبي ماجد و أهدي لسارة و عبير و سلطان و أسير الرياض و قمر نجد و شلة الإستراحة و حبيبي الغالي على قلبي طارق و......و أهدي لطاقم البرنامج و كل من يسمعني الحين..
المذيعة: شكراً أخوي على اتصالك..

الإتصال الثالث:

المتصل: فيه رز و فيه أبو كاس..

سووووري هذا إعلان كنت أحسبه اتصال..

(آخر مررة سمعت الإف إم قبل عشرين ألف سنة كانت دعايتهم رز أبو كأس و إلى الحين و هي نفس الدعاية)..

طيب نجي لموضوعنا..

أنا هنا ما ألوم القناة لأنها لقت ناس تلعب عليهم و تاخذ منهم فلوووووووس..

و لا ألوم المذيع أو المذيعة لأنهم قالوا لها احنا راح نعطيك فلوس عشان تلعبين على هالناس و هذي شغلتك..

و لكن أنا أبي أعرف اللي يتصلون على هالبرامج ايش قصدهم بالإتصال؟

يعني لهالدرجة وصلت فيهم الفظاوة؟

طيب الإهداءات هذي معناتها إن فيه ناس جالسين يسمعون إهداءاتهم؟

و حتى هذي اللي تهدي لأمها و أبوها يعني انهم جالسين يسمعون الإذاعة؟

أو صاحبنا اللي يقول للمذيعة عرفتيني؟

هذا شكله كل يوم يتصل مرتين..

أتمنى من كل واحد يقرأ الموضوع يعطيني رأيه في الموضوع..
و يمكن يكون الوضع طبيعي بس أنا ما اقتنعت بهالسالفة..

أشوفكم على خير...

I don‘t know · #2 02/05/2009, 01:26 PM

انا قبل كنت استغرب اقول هذولي معيدين دااايم ..؟

وماشاء الله اهداءات 24 ساعة ..؟ اذاعة ماعندهم اي شئ المفروض يسمونها اهداءات fm

واللي يرفع الضغط يجيك الواحد يتميلح عمره 21 على المذيعة وهي عبده عجوز وشينة وماشاف وجهها

وبالصباح ياعليهم مصااالة خصوصا المذيعة اذا جتك تسوي نفسها تنكت على الصباح

ولايفوتك يجيبون معلومات في الصباح بعض المرات نصب X نصب ويمكن يجيبون معلومات من 30 سنة

وفي النهاية: اهدي الموضوع لك انت ولخطيبتي اشواق واصحابي فهد وخالد ومحمد

شوكرن------->>

ProudToBeSaudi · #3 03/05/2009, 08:43 AM

إقتباس

الرسالة الأصلية كتبت بواسطة I don‘t know


	انا قبل كنت استغرب اقول هذولي معيدين دااايم ..؟ وماشاء الله اهداءات 24 ساعة ..؟ اذاعة ماعندهم اي شئ المفروض يسمونها اهداءات fm واللي يرفع الضغط يجيك الواحد يتميلح عمره 21 على المذيعة وهي عبده عجوز وشينة وماشاف وجهها وبالصباح ياعليهم مصااالة خصوصا المذيعة اذا جتك تسوي نفسها تنكت على الصباح ولايفوتك يجيبون معلومات في الصباح بعض المرات نصب X نصب ويمكن يجيبون معلومات من 30 سنة وفي النهاية: اهدي الموضوع لك انت ولخطيبتي اشواق واصحابي فهد وخالد ومحمد شوكرن------->>

مشكووور على مرورك

..

و مشكووور على الإهداء..

Al Suwalih 9 · #4 02/05/2009, 02:42 PM

^^^^^^^^^

صادق خخخخخخخخخخخخخخخخخخخخخ والمشكلة مسوين قروب مدري ليه هالقروب ومن يشارك فيه واللي يرفع الضغط اكثر هاللي يتصلون بصراحة الام بي سي طاح كرتها واحترق

وفيه اذاعات ثانية طالبة تصريح fm لكن ما بعد اعطوهم وباونوراما اول ما بدت كانت قوية لكن مصالة هالمذيعين مدري شتبي

اسمعو اذاعة الرياض او البرنامج الثاني اوسع صدر للحين يجيبون ابو حديجان

خالـ الشوق ـد · #5 02/05/2009, 06:20 PM

إقتباس

الرسالة الأصلية كتبت بواسطة Al Suwalih 9


	^^^^^^^^^ صادق خخخخخخخخخخخخخخخخخخخخخ والمشكلة مسوين قروب مدري ليه هالقروب ومن يشارك فيه واللي يرفع الضغط اكثر هاللي يتصلون بصراحة الام بي سي طاح كرتها واحترق وفيه اذاعات ثانية طالبة تصريح fm لكن ما بعد اعطوهم وباونوراما اول ما بدت كانت قوية لكن مصالة هالمذيعين مدري شتبي اسمعو اذاعة الرياض او البرنامج الثاني اوسع صدر للحين يجيبون ابو حديجان

هههههههههههه

سيم سيم نفر انت يسوي انا << اتحداكم لو فهمتوا شي

هع هع

يسلمو ع الموضوع خيوو

ولاعاد تطول الغيبة

ProudToBeSaudi · #6 03/05/2009, 10:23 AM

إقتباس

الرسالة الأصلية كتبت بواسطة خـــالــ الشوق ـــد


	هههههههههههه سيم سيم نفر انت يسوي انا << اتحداكم لو فهمتوا شي هع هع يسلمو ع الموضوع خيوو ولاعاد تطول الغيبة

الله يسلمك أخوي خالد..
شرفتني..

ProudToBeSaudi · #7 03/05/2009, 08:46 AM

إقتباس

الرسالة الأصلية كتبت بواسطة Al Suwalih 9


	^^^^^^^^^ صادق خخخخخخخخخخخخخخخخخخخخخ والمشكلة مسوين قروب مدري ليه هالقروب ومن يشارك فيه واللي يرفع الضغط اكثر هاللي يتصلون بصراحة الام بي سي طاح كرتها واحترق وفيه اذاعات ثانية طالبة تصريح fm لكن ما بعد اعطوهم وباونوراما اول ما بدت كانت قوية لكن مصالة هالمذيعين مدري شتبي اسمعو اذاعة الرياض او البرنامج الثاني اوسع صدر للحين يجيبون ابو حديجان

أبو حديجااان..

من زمااااااااااان عنه..

يشرفني مرورك..

الـــــــــــوان · #8 02/05/2009, 04:46 PM

هههههههههههههههههه من جد والله نااس غريبه
ساعات اشك ان الام بي سي هي اللي تسوي هالاتصالات مع ناس متفقه معاهم
عشان مايخرب سوق الاذاعه ههههههههههههههههههه

من جد يعني فيه احد بيقوم الصبح ويتصل ع 700 عشان يهدي امه ولاصديقه !!
لويرسل لهم الاغنيه وسائط ارخص وافضل لانه مضمون بيسمعون خخخخ

مشكووورر خيوو

موضوع ظريف

ProudToBeSaudi · #9 03/05/2009, 08:50 AM

إقتباس

الرسالة الأصلية كتبت بواسطة الـــــــــــوان


	هههههههههههههههههه من جد والله نااس غريبه ساعات اشك ان الام بي سي هي اللي تسوي هالاتصالات مع ناس متفقه معاهم عشان مايخرب سوق الاذاعه ههههههههههههههههههه من جد يعني فيه احد بيقوم الصبح ويتصل ع 700 عشان يهدي امه ولاصديقه !! لويرسل لهم الاغنيه وسائط ارخص وافضل لانه مضمون بيسمعون خخخخ مشكووورر خيوو موضوع ظريف

ههههههههههههههههههه
والله انك صادق..

العفوو خيوووو..

الشكرلك انت..

عاشق ســـــ9ـــــامي · #10 02/05/2009, 04:58 PM

لا وعندهم برنامج يعطيك اللغز وبعدها بشوي يعطونك الجواب ويقلون ارسل اسمك والاجابه هلى الرقم الفلاني ...... وهذا يدل انهم نصابين وبقوه .... ويعطيك العافية

ProudToBeSaudi · #11 03/05/2009, 08:52 AM

إقتباس

الرسالة الأصلية كتبت بواسطة عاشق ســـــ9ـــــامي


	لا وعندهم برنامج يعطيك اللغز وبعدها بشوي يعطونك الجواب ويقلون ارسل اسمك والاجابه هلى الرقم الفلاني ...... وهذا يدل انهم نصابين وبقوه .... ويعطيك العافية

سلمت يمينك..
كل الشكر..

القيصر رهيب · #12 02/05/2009, 06:01 PM

ما أدري يا أخي أحس إني بتهاوش معك

انت يا أخوي نقدت قناة كاملة علشان برنامج 4 ساعات فقط

لا تحسب إني من الدلوخ اللي يدقون لكن أنت تقعد تهاوش القناة

عشان بوه دلوخ يتصلون عليهم

طيب هذا اللي تبيه القناة تبي ربح مادي و ما ضربت احد

على يده قالت له اتصل علينا

بعدين الهدف من البرنامج مو بس الاهداءات الهدف إنك تطلب

أغنية تبي تسمعها يعني هذا السبب يمكن يكون مقنع لما تكون بالسياره

وبخاطرك تسمع اغنية ممكن تدق عليهم و تطلبها

و على فكرة ترى رقمهم مو 700 رقمهم دولي من دبي الظاهر

وبعدين ترى عندهم برامج جيدهـ مثل برنامج كانوا يحطونه في السابق

اسمه من المسؤول هذا للناس و مشاكل الناس مع البلدية أو الوزارات أو

أي شي زي كذا و ممكن إنهم يستضيفون المسؤول عن المشكلة و يناقشونه

ليش ما يصير كذا ليش تحقرون المواطن يعني يحاولون تعديل الوضع وأشوف

هذا من واجبهم كإعلام أيضا فيه برنامج ليلة خميس كان يستضيف شعراء و فنانين

ممكن تسمع شاعرك أو فنانك المفضل فيه وبإمكانك تسأله أيضا

وفيه عندهم برامج مسابقات فيها أسئلة ثقافية و تاريخية ممكن تستفيد منه معلومات

و الصراحة يكفي إنهم في رمضان و يوم عرفة ما يجيبون أغاني مو زي إذاعة الرياض

وإذاعة جدهـ في نهار رمضان وجايبين أغاني

اللي يشوفني أدافع عن القناة يحسب إنها لي

ما أدري والله ليش أخذتني الحميه مع هالقناة لكن الصراحة إني

ما أشوفها بالسوء اللي انت تشوفها فيه

وبس

ProudToBeSaudi · #13 03/05/2009, 08:58 AM

إقتباس

الرسالة الأصلية كتبت بواسطة القيصر رهيب


	ما أدري يا أخي أحس إني بتهاوش معك انت يا أخوي نقدت قناة كاملة علشان برنامج 4 ساعات فقط لا تحسب إني من الدلوخ اللي يدقون لكن أنت تقعد تهاوش القناة عشان بوه دلوخ يتصلون عليهم طيب هذا اللي تبيه القناة تبي ربح مادي و ما ضربت احد على يده قالت له اتصل علينا بعدين الهدف من البرنامج مو بس الاهداءات الهدف إنك تطلب أغنية تبي تسمعها يعني هذا السبب يمكن يكون مقنع لما تكون بالسياره وبخاطرك تسمع اغنية ممكن تدق عليهم و تطلبها و على فكرة ترى رقمهم مو 700 رقمهم دولي من دبي الظاهر وبعدين ترى عندهم برامج جيدهـ مثل برنامج كانوا يحطونه في السابق اسمه من المسؤول هذا للناس و مشاكل الناس مع البلدية أو الوزارات أو أي شي زي كذا و ممكن إنهم يستضيفون المسؤول عن المشكلة و يناقشونه ليش ما يصير كذا ليش تحقرون المواطن يعني يحاولون تعديل الوضع وأشوف هذا من واجبهم كإعلام أيضا فيه برنامج ليلة خميس كان يستضيف شعراء و فنانين ممكن تسمع شاعرك أو فنانك المفضل فيه وبإمكانك تسأله أيضا وفيه عندهم برامج مسابقات فيها أسئلة ثقافية و تاريخية ممكن تستفيد منه معلومات و الصراحة يكفي إنهم في رمضان و يوم عرفة ما يجيبون أغاني مو زي إذاعة الرياض وإذاعة جدهـ في نهار رمضان وجايبين أغاني اللي يشوفني أدافع عن القناة يحسب إنها لي ما أدري والله ليش أخذتني الحميه مع هالقناة لكن الصراحة إني ما أشوفها بالسوء اللي انت تشوفها فيه وبس

أنا بعد أحس إني بتهاوش معك..

أخوي قيصر انت لو رجعت للموضوع بتحصل إني كاتب :

((أنا ما ألوم القناة لأنها لقت ناس تلعب عليهم و تأخذ منهم فلوس..
و لا ألوم المذيعين لأن هذي شغلتهم..
و إنما ألوم الناس اللي تتصل..))

و تبي الصدق أنا أتمنى القناة هذي لي عشان ألعب على الناس و آخذ فلوسهم..

كل الشكر لك أخوي القيصر رهيب على مروورك..
شرفتني

"-_الهلال_-" · #14 02/05/2009, 06:07 PM

انا اللي استغرب منه انه اسمع ناس يكلمون يومي ويرسلون رسايل يومي

يعني لهالدرجة الفاتورة ما تغلى عليهم ؟؟؟؟

ProudToBeSaudi · #15 03/05/2009, 10:22 AM

إقتباس

الرسالة الأصلية كتبت بواسطة "-_الهلال_-"


	انا اللي استغرب منه انه اسمع ناس يكلمون يومي ويرسلون رسايل يومي يعني لهالدرجة الفاتورة ما تغلى عليهم ؟؟؟؟

أخوي.. قول الناس هذي ما تهمها الفلوس..
بس الغريبة وصلوا لهالدرجة من الفظاوة؟؟

كل الشكر..