في ثورة الاحداث لاننس .. نواف بن سعد - نادي الهلال السعودي - شبكة الزعيم

مشجع معتدل · #1 25/04/2009, 08:45 AM

نفتقد في الفتره الماضيه .. وجه السعد .. الامير نواف بن سعد..

ونظرا لان الامير مع ابنه سعد في الولايات المتحده للعلاج
نسال الله ان يشفيه ويعافيه ويقر عين والديه به ..
لدي اقتراح اتمنى من يقرا ان يشارك في هذا الامر
يقول النبي صلى الله عليه و سلم : "داووا مرضاكم بالصدقة " حسنه الألباني في صحيح الجامع
فمن باب التكاتف بيننا نحن الجمهور الهلالي فلنطبق هذا الحديث مشاركة منا للامير الغالي
(( فلو تصدق عشرة الاف مشجع منا من يتصدق بريال و 10 و20و30و40 ،، وهكذا كل حسب استطاعته لاحد المحتاجين ووضع في نيته انها لشفاء ابن الامير نواف بن سعد فلنتخيل متوسط ما تصدقنا به 20ريال لاصبح لدينا 200 الف تم التصدق بها لاناس محتاجين وقد يصل عددهم 1000 محتاج اقل او اكثر لا يهم فربما يكون فيهم من هو مستجاب الدعوه ويدعوه دعوة مستجابه وستكون هذه الصدقه واجرها للكل وباذن الله عز وجل وتكون داوء وشفاء لابن الامير نواف بن سعد
ليعود باذن الله سالما غانما معافا لنشاهده كل يوم بيننا..
اتمنى ان نبدا من الان وقل لمن تصدقت عليه ادع هذا الدعاء (( اللهم اشف سعد))
اسال الله ان لا يحرمنا الاجر سواء من دعاء ومن تصدق ......
اسال الله ان يشفي ابن الامير نواف عاجلا غير اجل يارب

ذهبـ يا هلال · #2 25/04/2009, 11:31 AM

فديييت قلببه سمو الامير نواف بن سعد والله له شووووق وابتسامته تسعدنا
الله يشفي ابنه ويعافيه ويشفي مرضى المسلمين

يا جماعه الحمد الله عندنا اعضاء شرف نحطهم تاج على روسنا

بغض النظر عن ان سمو الامير نواف بن سعد انه امير وله مكانته
بس اني اشوفه بعيني امير باخلاقه وحنكته وطيبته وطريقة كلامه وهاذي الصفات الي فيه تكفيني اني اقول عنه انه قلبي دامه يحس فيني كشخص منشعب هلالي
ولا يهونون جميع الاعضاء كلهم فيه الخير والبركه

وابووسك على راسك يا اخوي مشجع معتدل على الموضوع

مشجع معتدل · #3 25/04/2009, 03:25 PM

مشكور يالغالي وهذا واجبنا مع بعض
فنحن قبل اي شي مسلمين ونتواصى بيننا بالخير

هلآلي20هلآلي · #4 25/04/2009, 03:37 PM

اقسم بالله اني مشتاق له وجه السعد

وتكلمت وسآلت عنه اكثر من مرهــــــ

الله يردهـ لنا ســـــــــآلم يــــــــــــــآرب

مشجع معتدل · #5 25/04/2009, 05:06 PM

امين يارب ونشوفه بجنب ابو فيصل في المدرج

&&& الصويلح &&& · #6 25/04/2009, 05:12 PM

نسال الله ان يشفيه ويعافيه ويقر عين والديه به ..

!أحلى قمر! · #7 25/04/2009, 05:20 PM

موضوعك قمة في الروعة0000
يافرحتي اني هلالية0000كل مواضيعكم فيها الخير
والي يزيد الاجر 0000يافرحتي لما اقراء مواضيع زي كذا
الله يديمها علينا نعمة0000ولا يحرمنا من اوجه الخير النافعة
والله الهلال كبير وجمهورة اكبر0000الحمد لله انه يسرني لحب الزعيم
ولا ابتلاني بنادي ثاني000000

S.A.F.O · #8 25/04/2009, 05:24 PM

اتمنى يتنازل عن المنصب دامه مشغول الله يشفي ولده ..!!

ويجي مكانه واحد ملسون ويتفرغ للدفاع عننا وعن قضايانا ..!!

سلمان للأزرق · #9 25/04/2009, 06:17 PM

وجه السعد ضالة هلالنا في هذه اللحظات العصيبه

عسى الله يشفى ولده ويشفى جميع مرضى المسلمين يا قادر يا كريم

اللهم اشفه وعافه وأعفو عنه يا كريم يا رحمان يا رحيم يا رب

مشجع معتدل · #10 25/04/2009, 08:37 PM

إقتباس

الرسالة الأصلية كتبت بواسطة &&& الصويلح &&&


	نسال الله ان يشفيه ويعافيه ويقر عين والديه به ..

امين يارب وشاكر لك مشاركتك

إقتباس

الرسالة الأصلية كتبت بواسطة !أحلى قمر!


	موضوعك قمة في الروعة0000 يافرحتي اني هلالية0000كل مواضيعكم فيها الخير والي يزيد الاجر 0000يافرحتي لما اقراء مواضيع زي كذا الله يديمها علينا نعمة0000ولا يحرمنا من اوجه الخير النافعة والله الهلال كبير وجمهورة اكبر0000الحمد لله انه يسرني لحب الزعيم ولا ابتلاني بنادي ثاني000000

هلا بك ياختي
وكل المسلمين كذا ان شاء الله

إقتباس

الرسالة الأصلية كتبت بواسطة S.A.F.O


	اتمنى يتنازل عن المنصب دامه مشغول الله يشفي ولده ..!! ويجي مكانه واحد ملسون ويتفرغ للدفاع عننا وعن قضايانا ..!!

هذا اللي همك واحد ملسون ما تضيع الانديه الا بالملسون
وخير دليل نادي النصر من عشر سنوات ما جاب الا بطوله وهم اكثر الناس حديثا ورد ومداخلات ما الجديد
الهلال حقق خلال العشر سنوات كثر بطولات النصر كلها وهم صامتون تركوا الحديث لغيرهم والذهب لنا
اما بالنسبه لترك الامير لمكانه لغيره اقول ما يتمنى هذا الشيء اي هلالي

إقتباس

الرسالة الأصلية كتبت بواسطة سلمان للأزرق


	وجه السعد ضالة هلالنا في هذه اللحظات العصيبه عسى الله يشفى ولده ويشفى جميع مرضى المسلمين يا قادر يا كريم اللهم اشفه وعافه وأعفو عنه يا كريم يا رحمان يا رحيم يا رب

امين يارب ومشكور يالغالي