الرجـاجيـل مايعـرفـون المنـاديـل .. والحريـم فيهـن عنصـريه بغيـضـه - نادي الهلال السعودي - شبكة الزعيم

Fahad Al Sudais · #1 30/04/2009, 06:03 PM

حيـــــــــاكم

والله يابعض الرجاجيل عندهم حركات مقرفه

صحيح انها تطلع منهم بدون قصد.. حركات لا اراديه

لكنها بالنهايه مقرفه

يعني تخيلوا جالسين بمجلس.. وكل واحد ماسك فنجاله

الا ابو الشباب حاط اصبعه في خشمه وخذ ياتنقيب عن البترول

وبعد ان يلقي القبض على تلك الكائنات اللطيفة

يبدأ شغل ( تطيير العصافير )

ما كأن العالم اخترعوا المناديل

والا يجيك الثاني

يطلع مفتاح السيارة من مخباته... وخذ ياتسليك في اذانه

يبدأ ( ينقث ) ويغرف ويمسح بالكنب

والثالث تلقاه في مرحلة ماقبل العاصفة

يبدأ يرفع راسه وينتّع على ورى

ثم يبدا العد التنازلي >> واحد اثنين ثلاثه اربعة بوووووووم

عطسة عنقودية طالعة من مفاعل بوشهر النووي

يعطسها في وسط المجلس وبين الجالسين وعلى البيالات والفناجيل وبدون اي قيود

ياخي اذا ماودك تقوم تاخذ منديل حط شماغك على الاقل

عاد كل اللي راح يهون........ يهووووووون عند ابو تغره

يعطيك اياها وانت تاكل... معزوفة موسيقية ولا احلى

تخليك تعاف الاكل وتجيك حومة كبد غير طبيعية

وهو عاااادي عنده وماسوى شي.... مبسوط ويتنقّش

والا تكون بالسيارة وواقف عند الاشارة

ويوقف جنبك ذاك الكاشخ وشماغه جديد ونظاره شمسية كاريرا

ويفتح الباب ويتفل بكل اريحيه وانت تطالع فيه حايمه كبدك

ياناس الله يرحم والديكم شوية ذوق لوجه الله تعالى
.
.
.
.

وبعض الحريم عندهن عنصريه الجاهلية الاولى

ليش اذا الوحده منهن أضنت وجابت مولود

اذا كان المولود بنت تشوف انواع الهدايا المحرزه واللي عليها الكلام

غوايش ذهب وخماخم ( مجاول وخروص بالقصمنجي )

والبعض يحط لها في مهادها 500 ريال او 1000 ريال

هذا طبعا غير الحركتاتات وصياني الحلى الفاخر والشوكولا

وباقات الورد والبالونات الفوشي اللي معلّقه على باب الغرفة

وتستمر العطايا والهبات الييين تكمل البنيّة ست شهور

لكن اذا كان المولود ولد

مايطلع من ذمتهن غير :

الله يجعله عبد(ن) صالح ومن حفظة القرآن

الله يرزقكم بره وتذوقون نفعه

ابد لا اله الا الله الخشم خشم ابوه والجبهه على امه

وبعد كل هالفلسفه...كلّن يقضب الباب ولا تشوف منهم ريال واحد

ندري انه ولد ولا يبي ذهب ولا غوايش... لكن ادفعوا حق التمايم على الاقل

مو بس ترزّون خششكم وتتفرجون وتطلعون... وش حيث البنت
.
.
.
.

رومانسيات صخراويات

دايم اشوفك في حلم وردي

انا وانتي فوق السحاب

فارشين لنا بساط من ورود

ما احد معنا

ماغير انا وانتي متقابلين نقشّم فصفص ونشرب شاهي

ريكيلمي · #2 30/04/2009, 06:08 PM

الله يوسع صدرك بالعافية

فعلاً كل ما ذكرته صحيح صايرة كثير في المجالس و الشوارع

ملاحظ شي موهبتك الرومانسية في تطور دائم

دمت بأجمل حال

حـتـمآإويٍ · #3 30/04/2009, 06:13 PM

جمآٍل رومآٍنسيآتكُ غطتٍ علىآً فشلٍ آلموضوٍعٍ آلذريــٍعٍ ..!

موضوعٍ مآدريِ وش يبيِ يعنيٍ آتوقعٍ آنك تبي تعلمنٍآ آنك مآتسويٍ هآلحركآت ذيٍِ ..!

لأآ هنت وصدقتٍ كثيرهـٍ بمجآلسنٍآ ..!

فهد الهلالي 2002 · #4 30/04/2009, 06:18 PM

قبل ما ارد على موضوعك وش قصت شعار موبايلي حاطينه جنب اسمي كل ماشاركت تطلع باي حق يحطونه بدون مايطلبون الاذن مني اطالب بحفظ حقوقي واعطائي 5% من الارباح لاستغلاهم اسمي
..........................................
بالنسبه لموضوع اقولك

سلامات يخوي ماتوصل لكذا

اجل الرجال ينقر خشمه قدام الرياجيل << محد يسويه الا اذا هو وصخ او نقص وعععععععععععع

وبالنسبه للحريم اختلف معك ان الولد مايعطونه شيي اتفق معك ان البنت يعطونها اكثر لان البنت يعطونها غوايش وذهب وفلوس اما الولد بس فلوس

Fahad Al Sudais · #5 30/04/2009, 06:20 PM

إقتباس

الرسالة الأصلية كتبت بواسطة ريكيلمي


	الله يوسع صدرك بالعافية فعلاً كل ما ذكرته صحيح صايرة كثير في المجالس و الشوارع ملاحظ شي موهبتك الرومانسية في تطور دائم دمت بأجمل حال

اشادة اعتز فيها من واحد رومنسي مخضرم

دوك -->

Fahad Al Sudais · #6 30/04/2009, 06:23 PM

إقتباس

الرسالة الأصلية كتبت بواسطة حـتـمآإويٍ


	جمآٍل رومآٍنسيآتكُ غطتٍ علىآً فشلٍ آلموضوٍعٍ آلذريــٍعٍ ..! موضوعٍ مآدريِ وش يبيِ يعنيٍ آتوقعٍ آنك تبي تعلمنٍآ آنك مآتسويٍ هآلحركآت ذيٍِ ..! لأآ هنت وصدقتٍ كثيرهـٍ بمجآلسنٍآ ..!

الا انا اكثر واحد يسويها... خصوصا ( المتاغر )

ويازينه اذا كنت ماكل بصل

دوك -->

"-_الهلال_-" · #7 30/04/2009, 06:23 PM

شكرا جزيلا على الرومانسيات الرائعة
وأتمنى لو تتخصص فيها افضل
مع العلم ان كل مواضيعك رائعة

ولكن التخصص احلى

Fahad Al Sudais · #8 30/04/2009, 06:24 PM

إقتباس

الرسالة الأصلية كتبت بواسطة فهد الهلالي 2002


	قبل ما ارد على موضوع ك وش قصت شعار موبايلي حطاينه جنب اسمي كل ماشاركت تطلع جنبي باي حق يحطونه بدون بدون ماطيلون الاذن مني اطالب بحفظ الحقوق .......................................... بالنسبه لموضوع اقولك سلامات يخوي ماتوصل لكذا اجل الرجال ينقر خشمه قدام الرياجيل << محد يسويه الا اذا هو وصخ او نقص وعععععععععععع وبالنسبه للحريم اختلف معك ان الولد مايعطونه شيي اتفق معك ان البنت يعطونها اكثر لان البنت يعطونها غوايش وذهب وفلوس اما الولد بس فلوس

بالنسبة لموبايلي يستغلون نجوميتك يالسمي

وبالنسبة للموضوع.. الله يسلمك ويعدّي عنك

دوك -->

رواااان · #9 30/04/2009, 06:25 PM

ههههههههههههههههههههههههههههههههههههههه
وش بلااه موضوعك اليوم عليه بدايه خنفشااريه >>هع

حومت تسبدي خخخخخخخ

إقتباس


	اذا كان المولود بنت تشوف انواع الهدايا المحرزه واللي عليها الكلام

البنت مدللــه من المهد من قدنااا احم احم

إقتباس


	ندري انه ولد ولا يبي ذهب ولا غوايش... لكن ادفعوا حق التمايم على الاقل مو بس ترزّون خششكم وتتفرجون وتطلعون

خخخخخخخخخخخخخ

وش فيك معصب طيب أعصابك
لا مجال للمقارنه بين هدايانا وهداياكم هع هع

سوووري على الاطاله
ثانكس أخوي الصخره

Fahad Al Sudais · #10 30/04/2009, 06:26 PM

إقتباس

الرسالة الأصلية كتبت بواسطة "-_الهلال_-"


	شكرا جزيلا على الرومانسيات الرائعة وأتمنى لو تتخصص فيها افضل مع العلم ان كل مواضيعك رائعة ولكن التخصص احلى

وشلون يعني اتخصص فيها ... افتح محل خياط رومنسي

وانت احلى واحلى وبالصراحة احلى

دوك -->

"-_الهلال_-" · #11 30/04/2009, 06:28 PM

إقتباس

الرسالة الأصلية كتبت بواسطة الـصـخـرة


	وشلون يعني اتخصص فيها ... افتح محل خياط رومنسي وانت احلى واحلى وبالصراحة احلى دوك -->

لا من جد ليش ما تتخصص في هالمواضيع ( الرومانسيات )

واذا على الحلاوة انت أحلى أكيد

Fahad Al Sudais · #12 30/04/2009, 06:30 PM

إقتباس

الرسالة الأصلية كتبت بواسطة رواااان


	ههههههههههههههههههههههههههههههههههههههه وش بلااه موضوعك اليوم عليه بدايه خنفشااريه >>هع حومت تسبدي خخخخخخخ البنت مدللــه من المهد من قدنااا احم احم خخخخخخخخخخخخخ وش فيك معصب طيب أعصابك لا مجال للمقارنه بين هدايانا وهداياكم هع هع سوووري على الاطاله ثانكس أخوي الصخره

بالنسبة للبداية.. مثلك خابره اليوم خميس وحبيت اسوي لكم ( فاتح شهية )

وهداياكم عنصريه صراحه

ولكمووووو << صوح كذا

دوتس -->

الـسـلـطـان · #13 30/04/2009, 06:34 PM

يا حي الله الصخرة

خل العالم تعبر عن مابداخلها

يعني اللي يبي يعطس يكتمها لين يطلع يعني

لا والله أعطس وما همني أحد

يقولون لو تكتم العطسة يأثر بالمخ ومدري وش بعد , أجل أعطس اصرف

أما سالفة اللي يفتح باب سيارته ويتفل

عاد هو شارع الحكومة , الحكومة الله يسلمها معطيه جميع الأريحيات للمواطن

انت وش حارق رزك

..

إقتباس

الرسالة الأصلية كتبت بواسطة حـتـمآإويٍ


	جمآٍل رومآٍنسيآتكُ غطتٍ علىآً فشلٍ آلموضوٍعٍ آلذريــٍعٍ ..! موضوعٍ مآدريِ وش يبيِ يعنيٍ آتوقعٍ آنك تبي تعلمنٍآ آنك مآتسويٍ هآلحركآت ذيٍِ ..!

لا تؤاخذه

ترى نسى ما يحط {

}

دوك --)

Fahad Al Sudais · #14 30/04/2009, 06:37 PM

إقتباس

الرسالة الأصلية كتبت بواسطة "-_الهلال_-"


	لا من جد ليش ما تتخصص في هالمواضيع ( الرومانسيات ) واذا على الحلاوة انت أحلى أكيد

وانت احلى وانا احلى وكلنا حلوييييين

وش رايك نقلبها محل حلواني اخوان

وبالنسبة للرومانسيات.. راح اجمعها وانزلها بديوان.. واتوقع انه يكسر السوق

Fahad Al Sudais · #15 30/04/2009, 06:42 PM

إقتباس

الرسالة الأصلية كتبت بواسطة الـسـلـطـان


	يا حي الله الصخرة خل العالم تعبر عن مابداخلها يعني اللي يبي يعطس يكتمها لين يطلع يعني لا والله أعطس وما همني أحد يقولون لو تكتم العطسة يأثر بالمخ ومدري وش بعد , أجل أعطس اصرف أما سالفة اللي يفتح باب سيارته ويتفل عاد هو شارع الحكومة , الحكومة الله يسلمها معطيه جميع الأريحيات للمواطن انت وش حارق رزك ..

ياهلا والله بالشين

خلاص بصرك.. اعطس بس لاتصير حولي

اجل شارع الحكومه

خلاص اجل يوميا باجيب ( زبالتي ) تكرمون واكبها عند الاشارة قدام السيارات

دوك -->