الرجـاجيـل مايعـرفـون المنـاديـل .. والحريـم فيهـن عنصـريه بغيـضـه - نادي الهلال السعودي - شبكة الزعيم

Fahad Al Sudais · #1 30/04/2009, 06:03 PM

حيـــــــــاكم

والله يابعض الرجاجيل عندهم حركات مقرفه

صحيح انها تطلع منهم بدون قصد.. حركات لا اراديه

لكنها بالنهايه مقرفه

يعني تخيلوا جالسين بمجلس.. وكل واحد ماسك فنجاله

الا ابو الشباب حاط اصبعه في خشمه وخذ ياتنقيب عن البترول

وبعد ان يلقي القبض على تلك الكائنات اللطيفة

يبدأ شغل ( تطيير العصافير )

ما كأن العالم اخترعوا المناديل

والا يجيك الثاني

يطلع مفتاح السيارة من مخباته... وخذ ياتسليك في اذانه

يبدأ ( ينقث ) ويغرف ويمسح بالكنب

والثالث تلقاه في مرحلة ماقبل العاصفة

يبدأ يرفع راسه وينتّع على ورى

ثم يبدا العد التنازلي >> واحد اثنين ثلاثه اربعة بوووووووم

عطسة عنقودية طالعة من مفاعل بوشهر النووي

يعطسها في وسط المجلس وبين الجالسين وعلى البيالات والفناجيل وبدون اي قيود

ياخي اذا ماودك تقوم تاخذ منديل حط شماغك على الاقل

عاد كل اللي راح يهون........ يهووووووون عند ابو تغره

يعطيك اياها وانت تاكل... معزوفة موسيقية ولا احلى

تخليك تعاف الاكل وتجيك حومة كبد غير طبيعية

وهو عاااادي عنده وماسوى شي.... مبسوط ويتنقّش

والا تكون بالسيارة وواقف عند الاشارة

ويوقف جنبك ذاك الكاشخ وشماغه جديد ونظاره شمسية كاريرا

ويفتح الباب ويتفل بكل اريحيه وانت تطالع فيه حايمه كبدك

ياناس الله يرحم والديكم شوية ذوق لوجه الله تعالى
.
.
.
.

وبعض الحريم عندهن عنصريه الجاهلية الاولى

ليش اذا الوحده منهن أضنت وجابت مولود

اذا كان المولود بنت تشوف انواع الهدايا المحرزه واللي عليها الكلام

غوايش ذهب وخماخم ( مجاول وخروص بالقصمنجي )

والبعض يحط لها في مهادها 500 ريال او 1000 ريال

هذا طبعا غير الحركتاتات وصياني الحلى الفاخر والشوكولا

وباقات الورد والبالونات الفوشي اللي معلّقه على باب الغرفة

وتستمر العطايا والهبات الييين تكمل البنيّة ست شهور

لكن اذا كان المولود ولد

مايطلع من ذمتهن غير :

الله يجعله عبد(ن) صالح ومن حفظة القرآن

الله يرزقكم بره وتذوقون نفعه

ابد لا اله الا الله الخشم خشم ابوه والجبهه على امه

وبعد كل هالفلسفه...كلّن يقضب الباب ولا تشوف منهم ريال واحد

ندري انه ولد ولا يبي ذهب ولا غوايش... لكن ادفعوا حق التمايم على الاقل

مو بس ترزّون خششكم وتتفرجون وتطلعون... وش حيث البنت
.
.
.
.

رومانسيات صخراويات

دايم اشوفك في حلم وردي

انا وانتي فوق السحاب

فارشين لنا بساط من ورود

ما احد معنا

ماغير انا وانتي متقابلين نقشّم فصفص ونشرب شاهي

ريكيلمي · #2 30/04/2009, 06:08 PM

الله يوسع صدرك بالعافية

فعلاً كل ما ذكرته صحيح صايرة كثير في المجالس و الشوارع

ملاحظ شي موهبتك الرومانسية في تطور دائم

دمت بأجمل حال

Fahad Al Sudais · #3 30/04/2009, 06:20 PM

إقتباس

الرسالة الأصلية كتبت بواسطة ريكيلمي


	الله يوسع صدرك بالعافية فعلاً كل ما ذكرته صحيح صايرة كثير في المجالس و الشوارع ملاحظ شي موهبتك الرومانسية في تطور دائم دمت بأجمل حال

اشادة اعتز فيها من واحد رومنسي مخضرم

دوك -->

رواااان · #4 30/04/2009, 06:25 PM

ههههههههههههههههههههههههههههههههههههههه
وش بلااه موضوعك اليوم عليه بدايه خنفشااريه >>هع

حومت تسبدي خخخخخخخ

إقتباس


	اذا كان المولود بنت تشوف انواع الهدايا المحرزه واللي عليها الكلام

البنت مدللــه من المهد من قدنااا احم احم

إقتباس


	ندري انه ولد ولا يبي ذهب ولا غوايش... لكن ادفعوا حق التمايم على الاقل مو بس ترزّون خششكم وتتفرجون وتطلعون

خخخخخخخخخخخخخ

وش فيك معصب طيب أعصابك
لا مجال للمقارنه بين هدايانا وهداياكم هع هع

سوووري على الاطاله
ثانكس أخوي الصخره

Fahad Al Sudais · #5 30/04/2009, 06:30 PM

إقتباس

الرسالة الأصلية كتبت بواسطة رواااان


	ههههههههههههههههههههههههههههههههههههههه وش بلااه موضوعك اليوم عليه بدايه خنفشااريه >>هع حومت تسبدي خخخخخخخ البنت مدللــه من المهد من قدنااا احم احم خخخخخخخخخخخخخ وش فيك معصب طيب أعصابك لا مجال للمقارنه بين هدايانا وهداياكم هع هع سوووري على الاطاله ثانكس أخوي الصخره

بالنسبة للبداية.. مثلك خابره اليوم خميس وحبيت اسوي لكم ( فاتح شهية )

وهداياكم عنصريه صراحه

ولكمووووو << صوح كذا

دوتس -->

حـتـمآإويٍ · #6 30/04/2009, 06:13 PM

جمآٍل رومآٍنسيآتكُ غطتٍ علىآً فشلٍ آلموضوٍعٍ آلذريــٍعٍ ..!

موضوعٍ مآدريِ وش يبيِ يعنيٍ آتوقعٍ آنك تبي تعلمنٍآ آنك مآتسويٍ هآلحركآت ذيٍِ ..!

لأآ هنت وصدقتٍ كثيرهـٍ بمجآلسنٍآ ..!

Fahad Al Sudais · #7 30/04/2009, 06:23 PM

إقتباس

الرسالة الأصلية كتبت بواسطة حـتـمآإويٍ


	جمآٍل رومآٍنسيآتكُ غطتٍ علىآً فشلٍ آلموضوٍعٍ آلذريــٍعٍ ..! موضوعٍ مآدريِ وش يبيِ يعنيٍ آتوقعٍ آنك تبي تعلمنٍآ آنك مآتسويٍ هآلحركآت ذيٍِ ..! لأآ هنت وصدقتٍ كثيرهـٍ بمجآلسنٍآ ..!

الا انا اكثر واحد يسويها... خصوصا ( المتاغر )

ويازينه اذا كنت ماكل بصل

دوك -->

الـسـلـطـان · #8 30/04/2009, 06:34 PM

يا حي الله الصخرة

خل العالم تعبر عن مابداخلها

يعني اللي يبي يعطس يكتمها لين يطلع يعني

لا والله أعطس وما همني أحد

يقولون لو تكتم العطسة يأثر بالمخ ومدري وش بعد , أجل أعطس اصرف

أما سالفة اللي يفتح باب سيارته ويتفل

عاد هو شارع الحكومة , الحكومة الله يسلمها معطيه جميع الأريحيات للمواطن

انت وش حارق رزك

..

إقتباس

الرسالة الأصلية كتبت بواسطة حـتـمآإويٍ


	جمآٍل رومآٍنسيآتكُ غطتٍ علىآً فشلٍ آلموضوٍعٍ آلذريــٍعٍ ..! موضوعٍ مآدريِ وش يبيِ يعنيٍ آتوقعٍ آنك تبي تعلمنٍآ آنك مآتسويٍ هآلحركآت ذيٍِ ..!

لا تؤاخذه

ترى نسى ما يحط {

}

دوك --)

Fahad Al Sudais · #9 30/04/2009, 06:42 PM

إقتباس

الرسالة الأصلية كتبت بواسطة الـسـلـطـان


	يا حي الله الصخرة خل العالم تعبر عن مابداخلها يعني اللي يبي يعطس يكتمها لين يطلع يعني لا والله أعطس وما همني أحد يقولون لو تكتم العطسة يأثر بالمخ ومدري وش بعد , أجل أعطس اصرف أما سالفة اللي يفتح باب سيارته ويتفل عاد هو شارع الحكومة , الحكومة الله يسلمها معطيه جميع الأريحيات للمواطن انت وش حارق رزك ..

ياهلا والله بالشين

خلاص بصرك.. اعطس بس لاتصير حولي

اجل شارع الحكومه

خلاص اجل يوميا باجيب ( زبالتي ) تكرمون واكبها عند الاشارة قدام السيارات

دوك -->

آنسه هلالية · #10 30/04/2009, 11:24 PM

ياااني اسحب ع موااضيعك افتحهاا واقرااء رومانسيااتك واصكر بس

ايه بعد ماتقضي من الفصفص ليتك ما تنسى انت وياها علك اكسترا او ذيك الي تغير

ريحه الفم او مدري وش تسوي بس ترجع فمك وه بس

وماعليك من الي مسوي فاهم كلش

تميــــ100ــه · #11 30/04/2009, 11:48 PM

الله يفقع بطنك مثل مافقعت بطني

قريت اول مقطع من الموضوع بصوت عاااااالي عند خواتي جاهم اغماء ووحده انهيار عصبي

وانا اعيد واعيد وازود من عندي لين صرت لحالي

هههههههههههههههههههههههههههههههههههههههههه
هههههههههههههههههههههههههههه

هذا ابو مفتاح السياره يجنن جايب حركه جديده

فالها هاذا المفتاح كله جراثيم شلون السياره والدركسون

هالوصخين اخذو اجري

طيب عندي لك اقتراح انت خل معك مناديل لك ولغيرك

والله انا اسوي كذا اجيب معي مناديل كثير اي احد يبي منديل يقولي

موب علشانهم علشان الجو الي انا فيه يكون نظيف

يعطيك العافيه ع الموضوع الي يوسع الصدرررر

الخُبز أَرزي · #12 01/05/2009, 01:10 AM

ربطه وشباصه ,,

..بالطبع الآراء تختلف وتتعدّد. المهم تكون آراء إيجابيّة..وتفيد الكاتب والقارئ ,,,

هلالي من ارض اليمن ,,

أختيار الكلمات أو المفردات تختلف من شخص لآخر! وقد أكون لحظتها متسرّعاً في كتاباتها!
تحدثت أو أنتقدت الجزء الأوّل فقط لو دققّتْ..أمّا الشذرة الأخرى فأتفق معه ,,

حماكما الله.. وبارك الله في خطواتِ المُشِرفين

لصخرةِ نجد شكُر آخر على تقّبلِ الرأي,,

SMSM good · #13 01/05/2009, 01:54 AM

ههههههههههههههههههههههههههههه

الله يقطع ابليسك مع انه ماسوالي شي

لا وانا وياوي اخويا

ايوالله انك صادق كل الشغلات ذي عندنا بالمجالس

وشكلك امس عندكم عزيمه وانت تقلط الرجال
اما موضوع الحريم والمولود ايوالله انك صادق
امسك السالفه انا جان اخت هالايام مولوده جديده
ماشاء الله تشوف الهدايا والقروش (الدراهم) الخمس ميه والي ميه
والي الهاي هاي الف الفين ماشاء الله الوالد شارك الراجحي بمشاريعه
من القروش (الدراهم)

لا ونسيت اطقم ذهب
ويازينك انت ورومنسياتك اما تنقيم فصفص وشرب شااهي

هذا الي يصلحلنا من هالرومنسيات الي تبرد البدن كاملا

اخوك
ابومالك

كلنا هلاليين · #14 01/05/2009, 08:13 AM

الموضوع بأأأأأيخ....

.........................................................................

فهد الهلالي 2002 · #15 30/04/2009, 06:18 PM

قبل ما ارد على موضوعك وش قصت شعار موبايلي حاطينه جنب اسمي كل ماشاركت تطلع باي حق يحطونه بدون مايطلبون الاذن مني اطالب بحفظ حقوقي واعطائي 5% من الارباح لاستغلاهم اسمي
..........................................
بالنسبه لموضوع اقولك

سلامات يخوي ماتوصل لكذا

اجل الرجال ينقر خشمه قدام الرياجيل << محد يسويه الا اذا هو وصخ او نقص وعععععععععععع

وبالنسبه للحريم اختلف معك ان الولد مايعطونه شيي اتفق معك ان البنت يعطونها اكثر لان البنت يعطونها غوايش وذهب وفلوس اما الولد بس فلوس