||| فيا مـــامــا دعي للصلح بــابـــا ||| - نادي الهلال السعودي - شبكة الزعيم

باسكن روبنز · #1 17/04/2009, 07:46 PM

بسم الله الرحمن الرحيم
السلام عليكم ورحمة الله وبركاته

{..صبحكم بالخير يا العمال العمالية

عطونا بنتكم الحلوة الجميلة

{ بـابا }
وحده من صديقاتي تقول لي انو مرة زوجها راح البنك وكان واقف باطابور
الا ويسمعون ذاك الرجال الي طول بعرض بشنبه وثوب وشماغ ينادي ابوه بابا وينك ؟ تعال

مادري وش يحس فيه وهو ينادي ابوه بـ بابا

بابا للدلوعين

.. بباه للراقين ثقافتهم فرنسية

.يبه .. ابوي ثقافتهم سعودية

الكثير منا يعتبر كلمة بابا كلمة فرنسية ( Papa )

لكنها كلمة عربية فقد ورد ف معجم اللسان في مادته الاولى ( مادة بأبأة )

وقالوا : بأبأ الصبيَّ أبوه إذا قال له : بابا

يقول د: حسان الطيان ( من علماء مجمع اللغة العربية )
كنت اعرف ان كلمة بابا عربية لكن اريد اثباتا من شعر العرب.
فوجدت ضالتي في العباس بن الاحنف شاعر الغزل

وكانتْ جارةً للحُو ***** رِ في الفردوس أحقابا
فأمسَتْ وهْيَ في الدنيا ***** وما تألفُ أترابا
لها لُعَبٌ مصفَّفَةٌ ***** تُلقبُهُنَّ ألقابا
تنادي كلّما رِيعت ***** مِن الغِرّةِ يا بابا

وكذلك وردت كلمة ماما وبابا في لامية ابن الوردي
أيا دادا حكت صِدغاكَ واوا ***** فـما أحلى ثناياكَ الـعذابا
لقد صدتْكَ أمُّكَ عن رضانا ***** فيا ماما دعي للصلح بابا

{ الجينز }
استخدم قبل 150 سنة في الخيام ومن ثم استخدمه عمال المناجم .
وقيل اول من استخدمه البحارة الايطاليين من جنوة ثم انتشر في العالم .
وىلآن لا يكاد يخلوا دولاب اي احد من الجنز سواء بوانطلين او تنانير او جاكيتات

او حتى ربطات شعر او احذية او حقائب

{الشوكولاته}
هي غذاء مصنع من بذور شجرة استوائية يطلق عليها اسم الكاكاو .

كلمة كاكاو مشتقة من كلمتين في لغة المايا الهندية وتعني العصير المر .
وكانت تستخدمها قبائل المايا في امريكا الجنوبية في صناعة الادوية لاعتقدهم ان قوتها خارقة
ويستخدمونها كعملة متداولة فمثلا قطعة القماش تساوي كذا حبة شوكولا
وكانوا يضيفون له الماء والفلفل الحار ويشربونه ساخناً .

ثم اخذتها عنهم قبائل الازتك واسمتها بحبوب التشوكلت وتاتي من كلمة
(تشوكو ) وهو صوت حبوب الشوكولا اثناء طحنها .

وبعد مجئ الإستعمار الأسباني اخذ هذه الشوكولا الى اوروبا
وهناك اضيف اليها السكر لتكون مشروب ذو نكهة رائعـة

هذه نافورة الشوكولا

ومن منكم لا يتذكر ماكنتووووش

وهذه مجموعة ثانية من الشوكولاتات

وهذه مجموعة مختارة تويكس مارس كيت كات بونتي مالتيسيرز

.... الخ

انا عن نفسي احب التويكس

وانتوا بتحبوا ايه

{ الشمواه }

قماش اصله من حيوان الشمواه يعيش في جبال الألب وبعض مناطق اوروبا ونيوزلاندا

وهو معرض لانقراض .من فصيلة الظباء يتميز بالخفة والرشاقة.
يستطيع الوقوف على قوائمه الاربع في رقعة لا تتجاوز مساحتها سطح ليرة معدني

ويصنع منه بعض الملابس والاحذية والحقائب

أما عن طريقة تنظيف الشمواه

يستخدم فيها قماش جاف .
وفيه هندي قال لاختي حطي عليها الزقة الشفافة وشيليها وتنظف

{البيبسي }

محبوب الجماهير

فيه واحد سلمكم الله اسمه ( كاليب براد هام ) يشتغل صيدلاني.
وبينما كان يحضر خلطات علاجية خلط شراب مع نكهة الفواكه مع الصودا
فظهر لنا هذا الشراب المنعش وسماه ( Pepci ) نسبة الى كلمة ( Dyspepsia )
ومعناها سؤ الهضم لانه برأيه انه يعالج سؤ الهضم .
بعدها بدأ بتأسيس مصنع ومن ثم انشأ فروع لهذا المصنع لكن مصنعه خسر مرتين اثناء الحربين العالميتين .

وكانت دعايه مصنعه تقوم على ( منعش - مقوي - مهضم )

وهذا اعلان عن البيبسي قبل 40 سنة

بختم موضوعي بصورة للبيبسي القديم

الى اللقاء يا حلووين

وان شاء الله هالموضوع ينال اعجابكم

مانعطيكم بنتنا الا بألف ومية **
بنكسر ابوابكم والشيخ بوابكم وهذه عروستنا

..}

!!هلالي الرس!! · #2 17/04/2009, 07:49 PM

لي عوده..

..!>>ادري تكرهون الكلمه بس شويات وحاي *ــ*>>حتى الحاء عجاز اعدلهـا

()()()()(((((((((((((((((((((()))))))))))))))((((((((((((()))))))))))(((((((((((()

باكـ

إقتباس


	{..صبحكم بالخير يا العمال العمالية عطونا بنتكم الحلوة الجميلة

أخبرهـا بنتكم الحلـوهـ والزينه

مادري جميله ولا زينه بس انتم يالبنات ابخص

إقتباس


	وحده من صديقاتي تقول لي انو مرة زوجها راح البنك وكان واقف باطابور الا ويسمعون ذاك الرجال الي طول بعرض بشنبه وثوب وشماغ ينادي ابوه بابا وينك ؟ تعال مادري وش يحس فيه وهو ينادي ابوه بـ بابا بابا للدلوعين .. بباه للراقين ثقافتهم فرنسية .يبه .. ابوي ثقافتهم سعودية

هي الصراحـه مالهـا داعي لاصرت كبير تقول بابا يعني تخيل معرس وعندك عيال وتقول لأبوك بابا>>لاتمصخها بزوود

بس انا كنت اقولهـا لين بلغـت الـ14 من عمـري بعدين تغيرت الى يبه ليه مادري

يمكن كنت فرنسي سابق بعدين صرت سعودي

إقتباس


	يقول د: حسان الطيان ( من علماء مجمع اللغة العربية ) كنت اعرف ان كلمة بابا عربية لكن اريد اثباتا من شعر العرب. فوجدت ضالتي في العباس بن الاحنف شاعر الغزل

إقتباس


	وىلآن لا يكاد يخلوا دولاب اي احد من الجنز سواء بوانطلين او تنانير او جاكيتات

عـاد تصدقين والله مايخقلك عندي الجنـز أبـد أبـد

إقتباس


	(تشوكو )

تكفـي الكلمـه

إقتباس


	وفيه هندي قال لاختي حطي عليها الزقة الشفافة وشيليها وتنظف

حلوووووووهـ

إقتباس


	{البيبسي } محبوب الجماهير

واللـه أنـا ضدك لأنـي من النـاس الي يكرهوون الببسي

بس يموتون بالحمضيات وباقي المشروبات الغازيه

عاد مادري ليه اشبه الببسي والسفن بالـهلال والنصـر

إقتباس


	الى اللقاء يا حلووين وان شاء الله هالموضوع ينال اعجابكم

نـال أعجابنـا ونص واللـه يعطيكـ العافيه ياباسكن موضوع ملكـي

وأن شاء الله المرور حاز ع رضـاكـ

!!هلالي الرس!!

القيصر رهيب · #3 17/04/2009, 08:00 PM

يا هلا والله بأهل الحسا

بالنسبة للجنز معلوماتي مختلفة عن معلوماتك

اللي أعرفه إن أول ما لبسوهـ الامريكان حيث كانوا يشتغلون بالتنجيم في الصحراء
وبعدين مدري شصار عليهم وأظطروا يقطعون خيامهم ويسوون منها سراويل

وبذلكـ صار الجنز بنطلونا

شكرا عالمعلومات باسكن روبنز

عقد الياسمين · #4 17/04/2009, 08:06 PM

ما قلتي لنا مين الي يلعبون

تراني معك

على طاري الـ بابا , يقولون اصلاً ان هذي الكلمة هي أول كلمة نطقها الإنسان في حياته يعني لما كان طفل صغير لأنها سهلة جداً .. وسبحان الله مافي لغة مافيها حرف الـ ب !

<< ودك يطلع فيه واتفشل

**

الجينز , مو مرة أحبه بس البسه في البيت ! لأنه عملي .

**

الله شهيتيني بالتشوكليت .. لحظة اتصل اطلب

أنا أحب الجالكسي مووووت والكت كات الطويل حق الـ one finger

**

الشمواه.. فخامة !

**
البيبسي .. !

حرام عليك يا باسكن ما لقيتي الا هذا الشيء تحطيه في موضوعك الجميل

! وعلى فكرة ترى البيبسي الدايت أخطر من العادي

, لأن السكر اللي فيه يكون سكر مُصنع فـ ما يأثر على الجسم بنفس الوقت لكن مع تراكمه في
داخل الجسم يؤدي بعد كذا لمشاكل صحية ممكن توصل لحد السرطان عافنا الله وإياكم .

**

عزيزتي .. ما قصرتي بـ موضوعك الرايق ..
تقبلي شكري ,

شوق الكويت · #5 17/04/2009, 09:51 PM

هلا وغلا باسكن روبنز

موضووعج خطييير من كل النواحي

اما من سالفه البابا انا اكره البنت اذا قالتها اشلون بعد الرجال

احس مافي رجوله اذا قالها ياحلو بس (يبه) تحسين فيها دفاشه اشوي

والجينز انا يمكن عندي 25 بنطلون جينز وتنوره جينز و3 جاكيت ومدري كم جنطه (شنطه ) بس انا دايم البس جينز حق كل مكان بالبيت ولا بالجامعه ولا اي مكان لانه مريح والله

اما الشوكولاته

غرااامي والله اذا مر يوم بدونه احس بكآبه والله وكل الانواع احبها عدا الباونتي الوحيد اللي ليلحين ماحبيته والله

والماكنتوش ياوييلي خاصه البنفسجي

والبيبسي اموت فيه بس ماحب العادي لازم دايت احس طعمه حلو وتشوفين الاكل كله دهون والبيبسي دايت يعني رجيم

بس كثرته سببتلي مشاكل بالعظام وبديت اخفف منه والله واتجهت للقهوه

وآسفه عالإطاله حبيبتي

تقبلي مروري اختج شوق الكويت

إيقاع المطر · #6 18/04/2009, 12:30 AM

إقتباس

الرسالة الأصلية كتبت بواسطة باسكن روبنز


	السلام عليكم ورحمة الله وبركاته

وعليكم السلام ورحمة الله وبركاته

إقتباس


	{..صبحكم بالخير يا العمال العمالية عطونا بنتكم الحلوة الجميلة

ايييييييه يازمن يا قدمها كنت ازعل اذا ما اختاروني اول وحده وابطل العب

إقتباس

ياحلو ضحكتها تجنن

إقتباس


	{ بـابا }

هذي النقطه بالذات لا تعليق

ما تقول لابوها بابا ابد

إقتباس


	{ الجينز } استخدم قبل 150 سنة في الخيام ومن ثم استخدمه عمال المناجم . وقيل اول من استخدمه البحارة الايطاليين من جنوة ثم انتشر في العالم . وىلآن لا يكاد يخلوا دولاب اي احد من الجنز سواء بوانطلين او تنانير او جاكيتات او حتى ربطات شعر او احذية او حقائب

الجينز

ما اقدر اطلع من السوق وانا ما جبت جينزجديد

إقتباس


	{الشوكولاته}

وه بس يالشوكلااا

ما يعدل مزاجي غيرها

إقتباس


	كلمة كاكاو مشتقة من كلمتين في لغة المايا الهندية وتعني العصير المر . وكانت تستخدمها قبائل المايا في امريكا الجنوبية في صناعة الادوية لاعتقدهم ان قوتها خارقة ويستخدمونها كعملة متداولة فمثلا قطعة القماش تساوي كذا حبة شوكولا وكانوا يضيفون له الماء والفلفل الحار ويشربونه ساخناً .

اما فلفل حار

إقتباس


	ومن منكم لا يتذكر ماكنتووووش

على كثر حبي للشوكليت ما قدرت احب الماكنتوش مدري وش يعجبكم فيها

إقتباس


	وهذه مجموعة مختارة تويكس مارس كيت كات بونتي مالتيسيرز .... الخ انا عن نفسي احب التويكس وانتوا بتحبوا ايه

كيت كات

مالتسيزر

إقتباس

زمااااان عن البيبسي
اسمه مشتق من الانزيم الذي يساعد في عمليه الهضم (الببسين)الموجود في معده الانسان
سمعت قبل 3 سنين انهم يستخدمون ماده البيبسين الهاضمه المستخلص من معدة الخنزير

لانه اقوى من الببسين الموجود في معده الانسان
من بعدها كرهته وقاطعته بلا رجعه
و ادمنت السفن اب

إقتباس


	الى اللقاء يا حلووين وان شاء الله هالموضوع ينال اعجابكم

الله يعطيك العافية على الموضوع الخفيف والممتع

شدوي ازرق · #7 18/04/2009, 01:20 AM

ماشاء الله تبارك الله ببدا لك من الاخير بصراحة موضوعك رهيييييييييييييييييييييييييييييب رهيب بجد

المهم
بالنسبة لموضوع اللي يقول بابا فهذا عندنا في ديرتنا نعتبره بكل بساطه ( خكري )

ولا يمت للرجوله بصله فما بالك اذا كان كبير عاد الله يسترههههههههههههههههههههههههههههههه

بالنسبة للشوكو فانا احب المارس

لا تقولون ليه؟؟؟ (اذواق)
اما الباونتي ذا ماهو داخل مزاجي مادري ليه

اما البيبسي وما ادراك مالبيبسي فصراحه له اوقات لكن ما احب اكثر منه واحب الببسي اللي علبه قزاز مدري ليه احس له طعم غييييير ولكني افضل الكوكاكولا

عليه خصوصا مع البروست ومشتقاته خخخخخخخخخخخخ

الف شكر على هيك موضوع

نـــــــ15ــــــمر · #8 18/04/2009, 02:56 AM

احلى ما سويتي

انك

ما كتبتي

جنز

ولا قلتي

شكلاطه

وبالنسبه للشاموه الاي مدري كيف سميتيه

يضيق الصدر

من يو وانا صغير و جتني عقده منه امي شرت جزمه الله يكرمك كانت شاموه المهم كانت اول لبسه في العيد

وكاشخ فيها المهم عاد ومطرت

وراح الجزمه وكان لونها اخضر بعد

المهم راح فيها

ومن بدها جتني عقده

وشريت وحده قريب فيها شوي ساموه بس من الطرف الي قدام والطرف الي ورى وانعمت مالها اسبوع :@

ادر الرد شطه لكن هذا مافي الخاطر

تشــــــــــــاز

بريماكس · #9 18/04/2009, 04:27 AM

هلا بالغاليه باسكن روبنز ..!!

باسكن قبل لا ارد ابقولك سالفه .. بوقته جيتي على بالي لكن ذيك الفتره كنتي منقطعه عنا

!!

بس اللحين ابا اقوله .. اذا تسمحيلي

!!

مره كنت بطريق وقاعد اقلب بالاشرطه وطحت على شريط لداعيه من اول ماشريت السياره وهو ماتحرك

لاهين بماجد المهندس وابونايف

المهم قاعده اسمع وقاعد يتكلم عن هدايته الداعيه اللي يتكلم ..عاد يذكر من المواقف المضحكه يقول مره حضرت مخيم دعوي ومعي شيخ يوم خلصنا من اللقاء قالي الشيخ نبي نمر باسكن روبنز

يقول قلت قدااااااااام يقول الا يروح لباسكن روبنز يوم وقف ونزلوا قال هذا هو ؟ قال الشيخ ايه ليه ؟؟

قال على بالي فلبيني يبي يسلم هههههههههههههههههههههههههههههههههههههههههههه

!!

باسكن انا مقصر بالردود على مواضيعك لكني هالمره فيني النوم بس حبيت ارحب فيك واذكر هالسالفه قبل لا انساه

!!

لي عوده غداً ان شاء الله ..

إقتباس

الرسالة الأصلية كتبت بواسطة نـــــــ15ــــــمر


	ادر الرد شطه لكن هذا مافي الخاطر تشــــــــــــاز

وليد القحطاني · #10 18/04/2009, 04:49 AM

هلا وغلا باسكن صاحة الالوان الغريبة

بخصوص كلمة بابا , والله عيال خالتي يقولون بابا
واحنا نقول بابا بعد

يعني مو عيب او ان السالفة سالفة دلع !
السالفة من شب على شئ شاب عليه

بخصوص الجنز ..
انا من يوم ماعرت الدنيا وانا اكره الجنز , دائماً ثوب شماغ وبس

احس اني في ضيقة اذا لبسته , وماتقدر تجلس !
ادري تقولون اني بدوي وطعس ومن هالكلام

لكن والله فيه ناس الثوب والشماغ عليهم طالع احلى من الجنز , وناس الجنز طالع عليهم احلى من الثوب والشماغ

البيبسي

البيبسي ما أدانيه في عيشة الله ..
الحمضيات افضل واطلق شئ , صح كلها غازات بس الطعم احلى

وأيضاً لانستغني عن هيلستون " رمان "

موضوع خفيف ورائع اختي باسكن
ولاعاد تقطعين فجأة كذا

دمتي بود ويعطيك الف عافية

بيبسي وسنكرس · #11 18/04/2009, 08:43 AM

.. وعليكم السلام ورحمة الله وبركاته ..

موضوع رايق ممتع..

بخصوص بابا وماما اعرف وحدة ما تقول ماما وبابا من الاحراج وما تقول يمه ويبه ..
صارت تقول ماه باه

نافورة الشوكلاتة..

انا ادوخ عند السنكرس مع البيبسي اول ما يجي من البقالة

<< تسوي دعاية ليوزره

قد جربتي تشربين قهوة باصبع تويكس

<< صدق محاويق بس يا هو طعم

إقتباس


	بنكسر ابوابكم والشيخ بوابكم وهذه عروستنا

وفي رواية أخرى.. ننزل على دياركم ونكسر ابوابكم وهذي عروستنا

باسكن روبنز.. الله يعطيك العافية..

أختك,,

.

أبو ميار · #12 18/04/2009, 04:18 PM

ما نعطيكم هيّه إلا بألف وميه ..
ننزل على دياركم
ونكسر ابوابكم
وهذي عروستنا

وبس

أغنيها لبنتي ميار الله يخليها لي

لي عودة بعد الحجز ..

Blue Sun · #13 18/04/2009, 05:13 PM

هلا وغلا باسكن روبنز ..

< مو لك للقمر اللي باول الموضوع

< ما يقلد احد ..

ما شاء الله موضوع من كل بحر قطرة ..

اتخيل شكلي ادخل على ابوي بالمجلس واقول له بابا .. ما ادري وش بيصير فيني ..

الا على طاري الجينز ..

من يومي بالثانوي وانا اروح فيه المدرسة وبعدها الكلية والحين الوظيفة ..

الشماغ والعقال ما اطيقهم وانجبر البسهم بالمناسبات والاعياد ..

اما الشكولاته مافي غيره سنكرس ..

والبيبسي صار لي 5 سنين ما شربته ..

الله يخلي السفن اب وبقية الشلة ..

يعطيك ربي الف عافية باسكن روبنز على الموضوع ,,

ابو طـــــلال · #14 19/04/2009, 06:56 AM

ماشاء الله على الحلوين ..
قبل كل شي هي مرتبطه

الله يخليها لأهلها

بس .. باقي موضوعك عادي

7
7
7
7
7
7
7
7
7
7
7
هو مو عادي عادي .. بس حلاوة هالبنت غطت على كل شي ..

الشوكلاته انا مره اكلته ( الطبيعي ) منعش .. وغالي .. ولذيذ .. وفيه محل يبيع الشوكولاته بثمرتها .. كان مسوي جناح في هايبربنده ..

السنيكرس لعبتي ..

ويعطيك العافية على الموضوع الجميل ..

بس هذي لمين ؟7
7

قالبوووش هالخشيشه

الله يحفظها ..

مَاهِينُورْ · #15 19/04/2009, 08:03 AM

●●
●●

وعليكم السلام ورحمة الله وبركاته
باسكن روبنز
هلآ وغلا

صبحتس الله بالخير

ما شاء الله موضوع راائع

افتتحيه بصورة البنّية ما شاء الله الله يحفظها ويخليها لأهلها

●●

{ بـابا }
يقول بابا عمره فوق عشرين .. وانا يبه من يوم ربي خلقني

أبوي مااتخيل اني بقول بابا حتى لو مزح

مدري وش بتكون ردة فعله

لكن أمي أقولها: يمه أو أومّي~> حجازية

أو يامو أو إمي

~> تأثير باب الحارة

لكن لو أقولها ماما مستحيل ترد علي !!

مدري ليش ؟

●●

{الشوكولاته}
سبحان الله
مانقدر نزرعها عندنا

~> لو تزرع عندنا بنشتغل فلاحين

بالنسبة لأي الأصناف أحب
السنكرس

●●

باسكن روبنز
موضوع أبشرتس نال إعجابي

مايجي منك إلا الزين

كل فقرة أحلا من الثانية ومليئة بالمعلومات الجميلة

الله يعطيتس العافية أبلا باسكن

●●