سالفة البنقالي اللي يبي يصير( علي بابا)بعدسنة!! - نادي الهلال السعودي - شبكة الزعيم

محمدالغفيلي · #1 09/04/2009, 11:52 AM

لا تستغربوا اخواني عنوان موضوعي
لكن حبيت انقل لكم الموضوع حرفيا
الأسم/سليمان
الجنسية/بنقالي
العمل/قهوجي عندذنا بالدوام
العمر/بين 20/23

يوم الأربعاء كنت مداوم وطفشان,قلت ياسليمان تعال وانا اخوك اجلس عندي,قلت خلني ادردش معه,واسئله وش سالفة مشاكل البنقالية عندنا.
المهم الرجال جا عندي,وسألته كم لك ياسليمان تشتغل بالسعودية؟
قال لي/سنة
طيب كم راتبك؟
هنا المصيبة(270ريال فقط)
قلت لا لا اكيد انك تمزح.
حلف واقسم باالله ان هذا هو الواقع!!
طيب هل تكفيك..
قال اسئل نفسك..
قلت:بلهجتي السعودية المهايطية(عاد تكفيك وش عندك اصلا انت ماكل شارب نايم على حساب الشركة اللي جايبتك)
وانا في داخلي متأكد وميقن انها ماتكفي حق 5 ايام ولكنها المكابرة هي اللي خلتني اجاوب عليه بجوابي السابق..
المهم قال لي سليمان:يا محمد مشكلتكم يا(سعوديين)تكذبون الكذبة وتصدقونها!!
رديت عليه:وشلون
قال انكم تجيبون العامل(وخاصة البنقالي والفيتنامي)وتعطونهم هالرواتب الخايسة,وتحسبون انهم راضين ومقتنعين فيها,وهي في الأساس لا تكفي.
قلت طيب وش اللي مصبركم!!
قال لي:انا عنا نفسي اذا الشركة ماراح تزود راتبي خلال سنةبأصير علي بابا(يعني حرامي)!!
انا صدمت هنا..
صادق ولا تمزح ياسليمان
قال لي انا والله صادق وهذا حال اغلب العمالة البنقالية,والسبب ظلمكم لنا وبالرواتب,ومعاملتكم السيئة!!
بعدها قام من عندي وطلع,وقعدت افكر كثير في كلامه!!
وبالنهاية اقتنعت 200% في كلامه.
والسبب اننا نفكر بسذاجة(نبي عامل يكرف,ويتعب,ونتكلم عليه,ولا يقول لنا لا بأي شئ وبمقابل مادي بخس جدا)
هل هذا منطق!!

صورة مع التحية الى وزير(القصص والروايات)
عفوا اقصد(وزير العمل)

ملاحظة/السالفة حقيقية,لكن صيغة الحوار اجتهاد مني
للتوضيح فقط

تحياتي

الزعيمة 3 · #2 09/04/2009, 12:00 PM

خـلك منـهم ..
ماينـفـع نحـطهـم ع الـراس لأن اذا اكـرمـت اللـئيم تمـرد ..!
الله يصبرنـآ عليهـم إن شالله .. ويكفينـآ شرهم

..

مرعب الأندية · #3 09/04/2009, 12:01 PM

هلا فيك اخووي

لكن وانا اخووك في عمال حقين فساد لكن في عمال ثانين حقين طيب واخلاق

لكن الرواتب يمكن تحرف اغلب العمال للفساد والخراب

شاكرلك موضووعك اخوي الحبيب

$عزوز الهلالي$ · #4 09/04/2009, 12:36 PM

هلا بك أخوي

من يدري قد تكون الرواتب هي السبب في تمردهم

أو يمكن تكون إحتقارنا لهم ومعاملتنا السيئة معهم هي السبب

الخرزه الزرقاء · #5 09/04/2009, 12:51 PM

الله يعينهم ويصبرهم ,<<<<<

<بجد هذا اللي مخليهم يسوون عندناجرائمهم.,,,

وتكثر ..,وبعدين .,نسألهم وش السبب.,,؛؛؛

ahmad051 · #6 09/04/2009, 05:24 PM

المفروض هذا حق القصص والروايات نسيت اسمه *_^

مايجيب اي بنقالي لانهم كلهم على نفس الطريق ...

وتحياتي لك

CR!S · #7 10/04/2009, 03:15 PM

حنا نعطيهم على قد اللي يشتغلونه ..

ولا بخسنا حقهم ..

قهوجي كم يبي راتبه؟

2000 ريال ؟!

وبعدين البنغاليه بالاخص معروفين بـ وصاخة شغلهم ..

ومشاكلهم كثييرهـ

الله يكفينا شرهم ..

سهل · #8 10/04/2009, 03:52 PM

يعني يا تزيدون راتبي .. يا اسرق !
إذا الوضع مش عاجبك ارجع لبلدك او اختر بلد اخر ..

لدينا عامل بنجلاديشي راتبه 300 ريال تصرف له كل مدري كم شهر !
ولكن تجده يقطع البصل للبوفيه الفلانيه ويكنس الشعر لدى الحلاق الفلاني
ثم يتجه لاحد الاسواق ويغسل كم سيارة ثم يعود لمقر عمله حاملاً معه
النقود فيصحى الصبح ويكمل ما تعلمه بالشارع على الموظفين
فتجده لا يطيع الا من يدهن سيره ولا يغسل سيارة الا بمقابل ووووو ..

هو هدف يرسمه هذا العامل البسيط من اجل العيش وبالمقابل شبابنا
في سبات عميق .. ينتظرون الوظيفة تأتي اليهم ..

مرحبا بك ايها الغفيلي المهايطي .. مع ان الغفالى مهايطيه خلقه

انت ما سمعت اللي يقول انت خبل وإلآ من الغفالى

أمزح ورب الكعبه

يسعدنا مشاركاتك وكنت سأدلو بدلوي بموضوع المهايط ولكن قدر الله وما شاء فعل

بريماكس · #9 10/04/2009, 04:00 PM

والله ثم والله ان العماله البنقاليه مظلومه لابعد الحدود

تدرون ليش ؟؟ قلي ليش ؟؟ قلي طيب ليش

=====> عجل علينا ولايكثر

اشوف ان البنقاليه مسلط عليهم الضوء اكثر من غيرهم ... !!
يعني تجد عامل من جنسيه اخرى يفعل اعظم مما يفعله البنقالي لكن كل شئ بتكتم اما البنقالي تقوم الدنياء وتقعد .. "مظلومين"

حتى من بلدنا فيه منهو اكثر خبثاً من البنقالي

ليش مانقول السعوديه فيه وفيه ؟؟

لاتنسون رواتبهم قليله جداً والتعامل معهم زفت مره مره وحتى تجده يجلس اكثر من شهر وهو ما استلم ولا قرش!! بالله ماهو مظلومين ؟؟؟؟

والسعودي يجيبلك كم بنقالي ويسرحهم اهم شئ يعطيه 200 ريال شهرياً ...

بالاخير اقول لا ضبطت الامور عندنا ضبطت امورهم هالبنقاليه المظلومين

كان الله في عونهم

محمدالغفيلي · #10 11/04/2009, 06:14 AM

الشكر موصول لجميع اخواني الكرام الأفاضل اللي شرفوني بردودهم
اما مشرفنا الحبيب(سهل) اعتبر تفاعلك مع موضوعي تاج على رأسي,لكم مني انت وجميع الأخوان كل الحب والتقدير,وبأذن الله مقالي القادم والذي سأسلطه على المرور لدينا,فيشرفني تواصلكم معي

تحياتي

صدى الامس · #11 11/04/2009, 12:41 PM

هلا والله محمدالغفيلي ..

المسألة مهيب بالراتب .. حتى لو عطيناهم خمسطعش الف بيلعبون بالبلد ومهوب متغير فيهم شي ..!
المسألة ان مافيه نظام يخليهم يمشون صح .. وضعنا فوضى × فوضى .!!
العامل متأكد انه مهما فعل ومهما سوى اكثر شي يبي يطوله تسفير بس !!
بالتالي يسوي اللي يبي يسرق بيديه ورجلينه وعقبها يحولها لديرته واللي يصير يصير !!
وعقب ما يحتاج قريشات مره ثانية يرجع بجواز جديد وتستمر السلسلة الاجرامية للعمالة !!
متى ما كان فيه نظام واضح وصريح ويمشي على الكل في هالبلد سواء من العمالة او كفيلهم اللي مسرحهم بالشوارع !!
صدقني وقتها تبي تشوف عاملكم يجي يتشحذكم يقول ابي اشتغل لو بـ 200 وراضي ..!

خال ابوي · #12 11/04/2009, 10:54 PM

دام السالفة فيها بنقالي .. صدّقني محد راح يستغرب من شي

ووالله ياخوك ما تدري عنهم

هو صحيح انه فيه بنقاليين حقّين شغل ويعجبونك (في بعض الأحيان)
وهذولا انا ما أعتقد ان كفيله راح يقصّر معه اذا ما لقى منه شر
اما اللي حالته كذا اتوقّع انه ما جا لهالشركة من الأساس الا عشان يصير علي بابا

(مخطط لها)

ما أقول الا الله يحمينا منهم
وكفيك شر خويّك

فـيـلـسـوف زمـانـه · #13 12/04/2009, 12:31 AM

في فرق بين الحــرامي وبين واحد يزنـي ولا يغتصب والعياذ بالله

لو يقول انه بيصير حرامي بقول معليييه راتبه ضعيف

لكن في بعضهم مايصرون حرامية لكن يغتصبون ويزنون ووووووو

c h i v u · #14 12/04/2009, 02:01 AM

واضح إنك على نياتك !
ولا عرفت البنقاليه زين .

إقتباس


	قال انكم تجيبون العامل(وخاصة البنقالي والفيتنامي)وتعطونهم هالرواتب الخايسة,وتحسبون انهم راضين ومقتنعين فيها,وهي في الأساس لا تكفي

مادام تدري إن راتبك كذا ليش تجي بالأساس !.

سنآيدي · #15 14/04/2009, 03:33 PM

من ناحيتي انا آشـوف كلام البنقآلي صحيح ميـة بالميـة

للآن عندنا نآس تشـوف الاجنـبي مثل الحشـرة ليـة طيب ؟؟

تراااهـ آنسآن مثلـك مثـلة وبعدين ممكن يكون مسـلم

آنا مرهـ من المرررآت كنت عنـد مخبـز وفية بنقآلي ينظـف بآلشآرع يشتغل بالبلدية
المهم جيت آنا وعطيتة بريآل خبـز الا ويجيني واحد من ورآي سعودي
يقول لا تعطية شـي هذولي ما يستآهلون شي هالكلاااب يحصلون آكثر من خمسة آلآف بالشهر

انا ما رديت عليـة مشيت وتركتة

المفـروض آقل آقل رآتب 1500 ريآل