09/04/2009, 11:52 AM
|
زعيــم متواصــل | | تاريخ التسجيل: 21/12/2008
مشاركات: 62
| |
سالفة البنقالي اللي يبي يصير( علي بابا)بعدسنة!! لا تستغربوا اخواني عنوان موضوعي
لكن حبيت انقل لكم الموضوع حرفيا الأسم/سليمان
الجنسية/بنقالي
العمل/قهوجي عندذنا بالدوام
العمر/بين 20/23
يوم الأربعاء كنت مداوم وطفشان,قلت ياسليمان تعال وانا اخوك اجلس عندي,قلت خلني ادردش معه,واسئله وش سالفة مشاكل البنقالية عندنا.
المهم الرجال جا عندي,وسألته كم لك ياسليمان تشتغل بالسعودية؟
قال لي/سنة
طيب كم راتبك؟
هنا المصيبة(270ريال فقط)
قلت لا لا اكيد انك تمزح.
حلف واقسم باالله ان هذا هو الواقع!!
طيب هل تكفيك..
قال اسئل نفسك..
قلت:بلهجتي السعودية المهايطية(عاد تكفيك وش عندك اصلا انت ماكل شارب نايم على حساب الشركة اللي جايبتك)
وانا في داخلي متأكد وميقن انها ماتكفي حق 5 ايام ولكنها المكابرة هي اللي خلتني اجاوب عليه بجوابي السابق..
المهم قال لي سليمان:يا محمد مشكلتكم يا(سعوديين)تكذبون الكذبة وتصدقونها!!
رديت عليه:وشلون
قال انكم تجيبون العامل(وخاصة البنقالي والفيتنامي)وتعطونهم هالرواتب الخايسة,وتحسبون انهم راضين ومقتنعين فيها,وهي في الأساس لا تكفي.
قلت طيب وش اللي مصبركم!!
قال لي:انا عنا نفسي اذا الشركة ماراح تزود راتبي خلال سنةبأصير علي بابا(يعني حرامي)!!
انا صدمت هنا..
صادق ولا تمزح ياسليمان
قال لي انا والله صادق وهذا حال اغلب العمالة البنقالية,والسبب ظلمكم لنا وبالرواتب,ومعاملتكم السيئة!!
بعدها قام من عندي وطلع,وقعدت افكر كثير في كلامه!!
وبالنهاية اقتنعت 200% في كلامه.
والسبب اننا نفكر بسذاجة(نبي عامل يكرف,ويتعب,ونتكلم عليه,ولا يقول لنا لا بأي شئ وبمقابل مادي بخس جدا)
هل هذا منطق!!
صورة مع التحية الى وزير(القصص والروايات)
عفوا اقصد(وزير العمل)
ملاحظة/السالفة حقيقية,لكن صيغة الحوار اجتهاد مني
للتوضيح فقط
تحياتي |