يعطيييييك العااافيه

انا بصراحه ضد هذه الموضه الغريبة بس احس الشباب بهذه الفترة من العمر يبغووون يلفتون النظر باي وسيله وهذا له اسباب ؟؟

انا بصراحه اعرف كثير متجهيين لهذه الموضه بس مو بيدي الا اني انصحهم والله يهدييييييهم يااااارب

هههههههههههههههههههههههههههههههههههههههه اللي ضحكني كلمة "في جميع مراحلهم" ،



طيب أتكلم عن "التكدش" أو "التكديش" ، والله أنا معارض لهذي الظاهرة وأحس إنها تعطي صورة مغايرة عن الشباب السعودي الأصيل "عيال الديرة" ،، ياخخخخخخخخي اللي برا يحسون انا مدري وشو يعني خلاص نسينا أصولنا ، ينعن بس .



والله شي يقهر ، وانا اذا شفت واحد "مكدش" ، أتجاهله لأني أدري إن هدفه "لفت أنظاري" خوووخ أوخص ياأنظارك .



المهم أنا مااحب الكدش ، وهي سابقاً كانت ميزة لشباب فئة معينة من مجتمعنا ، لكن للأسف الشديد ألحين نشوف شباب فئة أوخرى من المجتمع وللأسف الشديد أبدوا تأثر سلبي لهذه الظاهرة .






شكراَ لك اختي ، تقبلوا مروري

أقسم بالله أصحآب الكدش هذول تلقى فيهم طيبة عند البعض
ومآ يحب يضايق أحد
وفيه برنآمج والله نآسي وين شفته العريفي يتكلم عنهم ويقول بعضهم نآس حبوبين
<~.. ماني كدش هآآ
بس هـ الموضة يمكن تكون حُب التميز أو حُب تغيير المظهر أو حتى البحث عن الزينة
بس على فكرة أتكلم عن الكدش الي متر بس
أقصد ألي شعرهم قصير مو مبالغ فيه
ومثل ما قالوا أهم شي النظآفة

يعطيك العافيه

إقتباس الرسالة الأصلية كتبت بواسطة شغل مخك شوي .. بالنسبة للي قال ان الكدش جديد علينا أف بس عليك ياابو الشباب وين راح تكديش ماجد عبدالله الصور القديمة له والمباريات تشهد بعدين ترى التكديش على مستوى اللاعبين السعوديين بمختلف الأندية قديم جدا كنت انا والوالد الله يرحمه نختلف بالآراء حول هالنقطة ماجد مكدش اول؟ الله يهداك يبه ،حتى صالح النعيمة جته فترة كدش على خفيف وماناسبه وخلاهـ لا ماجد عبدالله اول ولا تزعل كلهم مكدشين بس اول من بدأها الأمير ممدوح بن عبدالعزيز يوم كان يلعب بالنصر لا هذيك "قراعيط " شعرهـ ماهو ناعم ونسى يحلقه وشوش يوم ركض وعرق ماهو تكديش،لاتغلط على عيال عبدالعزيز ثمن ارنعك! ياسلام عشانه أمير ماكدش وعشانك هلالي صالح ماكدش ، وصار ماجد المكدش الوحيد!ثمن آكل ترنيعة.الله يوسع له قبرهـ لاتظنون اني نصراوي لاوالله بس ماجد غير وسامي غير ، علامات فارقة بالرياضة السعودية ماينكرها إلا جاحد حتى صالح له بصمة ماننكرها<< ولو انه خربها بقناة ابوظبي و دبي بعد ،لكن سامي وماجد السمن يعلى ولا يعلى عليه ماجد سجل هدًف سوى انجازات وجاب كوؤس للمنتخب وهو مكدش << انا يامحاكيكم ايام المراهقات زمان كدشت <<الحين يالله حسن الختام ايام تكديش ماجد كان هنالك نادي يدعى النصر<< لو اني من خبيلان بدال هالتصريحات اخلي كل اللاعبين يكيشون ياكود احد يصير تكديشه مثل ماجد ويهز المرمى فالمكدش ماهو كائن غريب او وسخ مايتروش << لكنه حريه شخصية ماتعتدي على حرية الآخرين << شعرهـ وهو حر فيه، وين المشكلة !لا سبب زحمة مرورية ولا ازمة اقتصادية مااقصد بهالرد اكون ضد التيار << لكن اكبر منك بسنة اعلم منك بيوم والله لو النت متوفر لي بشكل مستمر مثلكم بدال هالردود المسخرة سويت دراسة عن التكديش وعلاقته بالزمن الذهبي للكورة السعودية واخذت جولة على الأندية ايام زمان هلال اهلي اتحاد نصر شباب ،، والخليج والعالم العربي والعالمي اولهم مارادونا وبيليه"على مااظن ان ماخانتني الذاكرة" كلهم مكدشين اصبروا بس علي ان شاءالله انزلكم موضوع التكديش والتهديف وشفوا عدد اللاعبين المكدشين كم رفعوا من الكوؤس<<هذا بالكورة بس مارحنا للمكدشين بالرياضة الآخرى مصارعة تنس طائرة,الخ وشوفوا ان ماتسابقت صحفنا الرياضية عليهم، خصوصا ان كتاباتهم صارت ماصخة كلها تعصب وشحن وحشو واسفنج مشبع بالأحتقان من تعصره صردك التكديش بالعالم الرياضي قديم جدا اقدم من اصحاب الردود والشامبو والحلاق الباكستاني ولما تجي مقابلة مع كديش سبحان فاهمين انجازاتهم ودورهم الرياضي <<هالكلام موثق ماهو من مخيخي فديو ومقابلات تلفزيونية وصحفية صلاح الغيدان في 99 عرض حلقة عن الكدش وكان بعضهم " ليس الكل " شباب ناجح بدراسته و جامعي بأحسن التخصصات يعني ليت قبل مانتقد ظاهرة ندرسها اول نبحث عنها ونشوف اللي مارسوا هالظاهرة هل كانوا حثالة مجتمع او ناجحين ، طبعا ماابرر ان الشباب حاليا َيكدشون خصوصا سبق لي وكدشت قبل 20 سنة واعرف زين نظرة المجتمع الآن للمكدش تغيرت عن اول حتى اللاعبين بطلوا يكدشون،" الحرية الشخصية كانت متاحة بشكل اكبر زمان "محدن نزلوا موضوع وقالوا ماجد المكدش الفاشل أو بيليه كيف يتروش ، او ماردوانا عندهـ نقص ، خليتوا كل المكدشين اجمع مرضى نفسيين وعقدة نقص وماادري وش بعد؟ ياخوان اذا ماردوانا وبيليه وماجد وقبلهم ولد عبدالعزيز مرضى نفسيين بروح اكدش من بكرا غديني اسوي ربع اللي سووهـ وانجح بحياتي مثلهم ، عقبها خذوا راحتكم واكتبوا من هنا لبكرا "صبر"فاشل ومايتروش ومريض نفسي وعقد نقص ، بالأخير مو مهم الشوشة اللي فوق رأسي " او قشعتي " المهم رأسي تحتها وش سوى؟ بأدورلكم صورتي وأنا مكدش اسمراني كالح وفوقها قشعة هذا زينها . الذوق حرية شخصية ومسألة بحتة تماما لك حرية تنتقد وتضحك لكن مالك ابدا حرية انك تقدح بشخص لمجرد شوشته ماعجبتك ، وتصفق لشخص آخر له نفس الشوشة لأن تهديفه ولعبه عجبك !هاذي أزداوجية ونفاق وعدم اتزان وبعدين تعالوا أشهر المكدشات شاكيرا وميريام فارس وماتسمعون صيحاتنا بالمقاهي لاتثنى العود ومال برقصهن على رأي خوينا معارك"يابعد حيي يالتكديش اللبناني اللي ماهو تكديش ربعنا اللي يزودهـا عن اول بكثير " يقصد حنا كنا نكدش بس عاد ماهو بالأمتار الخيالية هاذي مثل الصور المعروضة ! بالنهاية الموضوع اشاعة تنتشر بالمنتدى تفيد أن كحيلان " صبر " مكدش ! خارج الهواش" قصدي النقاش" منبع الفن 24 أهلاوي بحت من فوق أرض وتحت سماء جدة العروس يامرحبا ااااااالف ولا يسدن يااخي انت ظاهرة صحية في الرياضة السعودية صار عندي امل يوم شفتك يتحقق الحلم يتجمع هلالها ونصرها واتحادها واهلاويها وشبابها واتفاقها كل الفرق في قسم بمنتدي رياضي ما ، قسم بس صغير نسميه "صوت الفرق الآخرى ,,بعيدا ً عن الأحتقان" نجلس نتناقش نتهاوش نتشاتم نتقاضب الكيبورد نتفق نختلف لكن يجمعنا بويت "قسم صغير" كل واحد يجي متحمس ويغسل كل اللي بقلبه بهالمنتدى وقتها بس بيخف الأحتقان لأن الكل بيتجمع بالقسم وبتصير زحمة نتية الناس محتقنة بالشوارع لأن النصر مايقبل هلالي يسجل ويقول رأيه والهلال بالمثل والأتحاد والأهلي وهلم مجرى لكن لو كل نادي فتح بمنتداهـ الطويل العريض قسم صغير للأصوات الآخرى الأعضاء تجاوبوا و وافقوا على النقاش معهم ،بنلاقي الكل مسنترين فيه واكيد بيكون مشحون ويبي انظمة تتعلق بالألفاظ لكن بيكون ظاهرة صحية! والله انت رجَال شجاع جدا بتكون قدوة لي ولغيري انَا نسير على نفس النهج

حياك الله حبيبي شغل مخك شوي
يشرفني التواجد بين أخواني وأخواتي أعضاء منتديات الزعيم وبالنسبة للفكرة أنشاء قسم خاص موجود قسم بجميع الأندية السعودية في منتديات جمهور الأمبراطور وكل رابطة يرأسها مشجع من نفس النادي (ذحين يقولوا هاه هذا جاي يسوي دعاية هنا) هههههههههههههههههه..
ألف شكر أخوي مرة أخرى ..
دمت بأجمل حال

أنا أقول إن هذي حرية شخصية،، ولكن بحدوود..
يعني بعض الأحيان يكون الشكل مقرف أو يدل على عدم النظافة..

و (أحيانا) لما يكون الشعر كثيف و بحدود يعطي شكل جميل،،
قلت أحيانا،،

ههههههههههههههههههههههههههههههههههه
انا ما ادري وش يحس به اللي يسويها ... توزن راسه صح !!! ... ولا تخليه يفكر احسن !!!!
الله لا يبلانا بس ... ما نبي نتهزا ومن بكرة وحنا كدش

صحيح الواحد يبحث عن التميز ... سواء بعلمه ولا بعمله ... بس مو كذا

انا بصراحة اعتبر اللي يسويها من اجل لفت الانتباه ... انه شخص ناقص
ويجب ان يبحث عن سبب النقصان في نفسه ... لانها اذا تازمت ..فلتت

واذا كان بس مع الناس ... مع الخيل يا شقراء ... فهذا امعة ... وهو خصيم نفسه
مرض مستعصي ... ولكن علاجه سهل ... ويعتمد على الشخص نفسه

وفي النهاية لو تبحثين عن طريقة انتشار القصة هاذي .. راح تحصلينه واحد كان ضايع سنين
وطلع على الدنيا طفران ... ولا كان معه حق الحلاقة .. جابوا معه مقابلة
كان يشرح وضعه الصعب اللي عايشه ... لكن اللي شافوه ولا فهموا وش يقول
يحسبون انه مشهور ... وهاذي القصة اللي مسويها زادت شهرته

ومن هنا بدت الاختراعات الغبية ...


ارجع اقول ... الله لا يبلانا

مشكورة اختي نسج على الموضوع الحلو ... وتقبلي مروري الشاطح
>>> توني واصل من السفر ... وما اقدر اجمع <<<

وتقبلي مروري

إقتباس الرسالة الأصلية كتبت بواسطة خـــالــ الشوق ـــد ههههههههههههههههههههههههههههههههههه انا ما ادري وش يحس به اللي يسويها ... توزن راسه صح !!! ... ولا تخليه يفكر احسن !!!! الله لا يبلانا بس ... ما نبي نتهزا ومن بكرة وحنا كدش صحيح الواحد يبحث عن التميز ... سواء بعلمه ولا بعمله ... بس مو كذا انا بصراحة اعتبر اللي يسويها من اجل لفت الانتباه ... انه شخص ناقص ويجب ان يبحث عن سبب النقصان في نفسه ... لانها اذا تازمت ..فلتت واذا كان بس مع الناس ... مع الخيل يا شقراء ... فهذا امعة ... وهو خصيم نفسه مرض مستعصي ... ولكن علاجه سهل ... ويعتمد على الشخص نفسه وفي النهاية لو تبحثين عن طريقة انتشار القصة هاذي .. راح تحصلينه واحد كان ضايع سنين وطلع على الدنيا طفران ... ولا كان معه حق الحلاقة .. جابوا معه مقابلة كان يشرح وضعه الصعب اللي عايشه ... لكن اللي شافوه ولا فهموا وش يقول يحسبون انه مشهور ... وهاذي القصة اللي مسويها زادت شهرته ومن هنا بدت الاختراعات الغبية ... ارجع اقول ... الله لا يبلانا مشكورة اختي نسج على الموضوع الحلو ... وتقبلي مروري الشاطح >>> توني واصل من السفر ... وما اقدر اجمع <<< وتقبلي مروري

هـذا أكبـر مثـآل للـي كنـت أتحـدث عنهـم الفئـة الـي تناقـض هذا الشيء مع العلـم أنهـ ليـس حـرام

والمفـروض ناخذهـ من اجـدادنـا لكـن عنـدك فئـة يعنـي الـي يصلـع هذا عاقـل والـي يكـدش هذا ناقـص عقليـاً

ومتخلـف ولا يعـرف شـيء بالدنيـا !؟

سؤال الحيـن ياخـي الرجـال يبـي يربـي شعرهـ عشـان يلفـت أنتباهـ أنـت وش عليكـ .؟

يعنـي صراحـة مجتمعنـا للأسـف الـي يبغاهـ يسـويهـ ياخـي ماوقفـت الا على هالشاب المسكين

ياخي الكـدش مو حـرام ياخـي رح للأشيـاء الي حرمهـا الشرع ونزلت ادلة مو الي حرمها المجمتع او قصدي فئة من المجتمع

رح مثلاً عنـد الدخـان تسبب بأمراض وطيـدة في مجتمعنـا

رح مثلاً للأغـاني الـي أكثـر من نصف المجتمـع الأن يسمعهـا

مو تـروح لـي للأشيـاء عاديـة ولا حرمهـا المجتمع وتقعـد تقـولي كم كلمة على كم شعـرة !!؟؟


أستغـرب يعنـي الحيـن ماهمنـا في المجتمع الا هالكـدش شف التفكيـر الراقـي!!

خلاصـة المـوضوع !!

واحـد يبـي يلفـت نـظر في شعرهـ الي معارض وش عليهـ !؟

وواحد ناقـص عقلياً دائـم في المسـجد ومكـدش هل هو ناقص عقلياً

تطويـل الشعـر مو حـرام النبـي صلـى الله عليه وسلم كان طويل شعره وكان يجدلهـ

والأن طلعت موضه الكـدش والنبـي كان يجـدل يعنـي كلهـا تمشي مع عصرنـا ..

أنـا اعتقـدت لو تتفروغـون للأشيـاء المحرمـة بدال ماتحطون طاقاتكم بأشيـاء ماراح تقـدرون تحركونهـا ..

وعليكم السلام ياهلا

مدري ليش الاغلب متحامل على الكدش ..
عن نفسي اشوف هالشي عادي بكيفه يبغى يطول ولا يقص شي راجع له
ترى مو مقتصر ع الشباب حتى البنات يكدشوا ولا ياصبايا ؟؟
الحين معقوله من كل الي مروا وردوا محد مكدش شعره
ما ابغى ادخل بالدين والحلال والحرام وافتي بشي ما اعرفه
ع العموم في عباره احبها : فلها وربي يحلها

المشكله انهم مو على كذا لازم تكمل الكشخه مع الكدش بـــ((طيحني)) هههه
بصراحه مصخره ياناس

هل انت مع او ضد هالموضه الغريبه المنتشره بشكل ملفت للنظر؟؟؟
طبعا ضد

اذا شفت واحد مسويها ايش تقول له,,تتمسخر عليه ’’تصوره ’’تناضر له بإعجاب ولا استغراب’’ولا تنصحه ؟؟؟
بصراحه اصد عنه

واذا اخوك الصغير او احد من معارفك فكر يسوي مثلهم,, ايش يكون موقفك؟؟؟
اوديه تركي ولا لالا
مايستحق يبيله ذاك الباكستاني اللي يعلمه ان الله حق
هههههههههههه