السلام عليكم ورحمة الله وبركاته
اليوم من الطفش ,, قلت ادور وافرفر بهالمنتديات,, يمكن الاقي شي مميز ينفع صيده
لصيد الأنترنت,, لأني دايما اكتب مواضيع هناك
وبصراحه قرأت موضوع خطيير وهو نصائح وارشادات من كديش عن الكدش
وقلت الأفضل اخليه موضوع للحوار بالمجلس
اولا احب اعرف معنى هالكلمه للي مايعرفها
الكدش هو تسريحه غريبة او تقليعه زي مايقول البعض,, منتشره بين الشباب بشكل ملفت للنظر
والبنات برضو طلعوا فيها هاليومين,, بس الشباب بزيااااااااااده
الواحد يربي شعره فوق راسه مترين’’ كل مازاد في الطول والكثافه كل ماكان مميز اكثر
وهذذي الصوره توضح شرحي السابق
هذا واحد توه مبتدى ,, يعني مو ذاك الكشخة والتميز
اما هذا ماشاء الله عليه,,عيني عليه بارده
هذا الله يسلمكم,,خبره طويلة بهالمجال
بعد ماعرفتوا الكدش ,,
انقلكم وجهة نظر كثير من الشباب اصحاب هالموضه الكدشيه
اذا استوقفت واحد منهم وسألته ليش مسوي كذا
بيرد عليك: ابغى الفت النظر
يعني يمر بسوق ولا مجمع يلاقي الكل يطالع فيه
يدخل مطعم بيتعشى مع اصحابه,, كل الموجودين يأشرون عليه
وهو بهالوقت مستانس آخر ونس
يوقف عند اشاره,, كل الأنظار تتجه له,, كأنه واحد من الفنانيين
معقوله وصل تفكيرهم لهذا الحد,, بس يبغى يلفت النظر
طيب , لفتت نظر كل العالم عليك,, اخذولك كم صوره بالجوال,,ونشروها بالبلوتوث
ايش استفدت بعدها
واللي لفت انتباهي اكثر انه حتى الأطفال ساروا يقلدون هالتقليعات,, مثل هالصغيرون
يجنن واعتقد ماعليه كلام
وبعض الناس من كثر ماهلوسو بالكدش,, كدشو لقطاوتهم اللي مربينها
الخلاصه:
هل انت مع او ضد هالموضه الغريبه المنتشره بشكل ملفت للنظر؟؟؟
اذا شفت واحد مسويها ايش تقول له,,تتمسخر عليه
’’تصوره ’’تناضر له بإعجاب ولا استغراب
’’ولا تنصحه
؟؟؟
واذا اخوك الصغير او احد من معارفك فكر يسوي مثلهم,, ايش يكون موقفك؟؟؟
اخيرا:
اذا حبيت تسوي مثلهم,, نصيحه من اختكم نسج,, انسى حاجه اسمها شماغ او غتره
لأن شكلك بيسير مثل هالشاب الوسيم
تحياتي للجميع,, وخاصه المكدشين
بجميع مراحلهم