حــبيب الــكــل
محترف توقعات


1- مقل كثيرا في الكتابه الاجتماعيه..رغم امتلاكك لقلم رائع واسلوب جميل..لماذا؟

لوجود أُناس أكّـفاء مني في هذا المجال .. اللي ما قصروا كفوا ووفوا ...



2- اختر عنوانا لشخصيتك؟؟

التواضع .. والصراحة .. والنية الطيبة ..



3- لماذا هنا في المنتديات بشكل عام...نتخفى خلف الا القاب ولانكتب باسمائنا الحقيقه؟؟

أنا أتوقع أنك تجيد الإجابه على هذا السؤال أفضل مني ... ومن وجهة نظري (الشخصية) بأن السبب هو النطاق الواسع والكبير الذي نتحدث من خلاله .. فمن خلال الشبكات تصل إلا ملايين البشر بجميع أصنافهم وأجناسهم .. أضف إلى ذالك تكرار الأسماء ( فإذا راح يوزر عبدالله وش أسوي ) فجرت العادة على تميز العضو بلقب خاص فيه .. وهو في الإخِر عبارة عن النافذة التي تطل من خلالها على هذه المنتديات والشبكات ...


&&.. حقيقة سُعدت بتواجدك معنا .. وأشكرك على هذه المشاركة الجميلة والأسئلة المميزة .. تحيات لك يا بعددددددددي ;) ،،،


[c][/c]
أخـــــوي
J.A.J


تخيل ان قلبك أزرق وهذا معروف لدينا لكن ... الشريان بتاعك بلون ثاني .. بأي لون ترغب يكون غير الأبيض ياحلو

ههههههه إذا مصّـر ... ما عندك غير الأبيض لويصير اللي يصير ;) (( إلا إذا هذا الكلام مايرضيك !! ))
<<=== سياسي ...;)



لماذا نحن السعوديين نموت بالمجاملة ?

مالقيت تسأل إلا أنا <<=== تـوّهق
ممكن لطبيعتهم الـسّـمحة .. وعدم حب المشاكل .. وصفاء النيه .. .. ( وترى مو كلهم يجاملون ) ;)

&&.. كل الشكر لك يالغالي .. وتقبل خالص تحياتي ومتناني ،،،


[c][/c]
أخـــــوي
wise444


|س| هل انت راضي عن نفسك !!!؟

أكذب عليك لو أقلك نعم أنا راضي عن نفسي كمال الرضى ... ولكن نرجوا من الله أن يوفقنا في دنيانا وآخرتنا ويرضى عنا ( وهذا أهم شيء )

&&.. وتــحــيــاتــي لــك يــالــغــالــي ،،،

أخــوي الـغـالـــي
اللاعب الموهوب


س:هل صدقاً (مسوي عربيه فسحه) ان قلب ازرق والا تمويه؟؟؟؟

الــصــراحــة ما شــفتــه ... !! لـكـن إحـسـاسـي يقول كـذا ;) ... ( وصدقني الدعوة كلها يوزر ) ..

&&.. تحياتي لك يالغالي على هذه المشاركة ،،،


[c] [/c]

دكــتورنا وحبيبنا الثنياني
عـاشق الثنيان 15


1-هل حسيت انك في يوم تقدر تنسى الهلال ؟

لا .. وإن شــاء الله مــا يــجــي هــالــيــوم . .. ...



2-اول يوم دخلت في المدرسة وش تتذكر منه

أووووه عاد أنت كنت العريف على فصلكم ومسكت مدرسينكم ...
والله أذكر أني دخلت المدرسة بهدوء وصمت .. وصفيت الطابور بحذر وخوف .. ودخلت المبنى برهبه ( كل هذي ولسى مسوي ثقل ;) ) .. وبعدها دخلت الفصل ( والكلللل ساكت ) وأدب وأخلاق وسكووووت .. ( وفجاءاااه !! ) أسمع اللي يصيحون ويبكون ... وأطالع فيهم وأنتظر دوري .. لكن أفا عليك خويك ذيييييب ;)



3- من اللي كل ماسجل الثنيان هدف ..تذكرته ؟

يعني تبغاني أقول أمجد ( أنا أتذكر الثنيان إذا شفتك ;) ) ...
وبالنسبة لـسـؤالك بصـــــــراحة مـا فيه أحد ...


كل الشكر لك يالغالي .. وتراني مسجل عندكم بس للحين ما شاركت لضروفي في الشهر الماضي .. وأبشر بسعدك يالغالي .. كم مجوووودي عندنا ;) ... تقبل مني أجمل وأرق التحيه والإحترام ،،،

كلاكيت ثاني مرّه

حبيبي عبادي هالمرّه جايك بسؤال يسوى مليون قرداحي

جاوب على طول ومن دون لف ودوران ودبلوماسيه ....... ألخ !!

وش أحرج موقف مر بك ؟؟!!


أنتظر الأجابه على أحر من الجمر


أخـــــــــوك
نواف السديري

حــــــبـيـب قــــلـبــي
هلالي الجوف


أولاً: حلقة على طاري ...

كأني شايفك تصب عرق من هالأسئلة اللي تجيك من الأعضاء مثل المطر من كل حدب وصوب
على طاري حدب وصوب يالله خذ اول سؤال ..
وش معنى حدب وصوب

( الله يعننا على أسئلتك ).. من كل حدب وصوب يعني من كل مكان <<== مصدق القلب الأزرق يجاوب



على طاري اول سؤال ..
خذ الثاني .. كأني اسمع عندك صجة ولجة وانت ترد على الأسئلة ؟
ياترى هي صجة الموهوب والا صجة اخوانك الصغار يناقزون فوق كتوفك

أصلاً وش دراك أن عندي صجة ولجة ... وكيف عرفت أن الموهوب عندي



على طاري اخوانك ..
كم عددهم ؟ وكم ترتيبك بينهم ؟
وتشوف انك اهداهم .. والا المصرقع بينهم ؟
والا انت اشينهم والا ازينهم


عدد أخواني 3 ... وأنا أكبرهم وأهداهم وأزينهم .. عندك مانع ..;)



على طاري الصرقعه ..
منهو العضو الأكثر صرقعة بشبكة الزعيم ؟

والله المصرقعين واجد .. بس يمكن يكون ( حالياً ) .. الغريب



على طاري شبكة الزعيم .. لو يجي يوم ويقولون ( بح ) خلاص شبكة زعيم مافيه ( الله لايقوله ) وش شعورك ؟ ووش تبي تسوي بعدها ؟
تصدق دنت البتسوة من حطيت نفسي بهالموقف

وأنا زيك بعد ... ( الله يرجك دخلتني جو مع هالسؤال ) الله لا يقوله



على طاري البتسوة ..
متى بتسيت ( صيحت = بكيت ) أخر مرة ؟ ووليش ؟

والله مذكر ... بس يمكن قبل سنة لوفاة جدي ( الله يرحمه )
<<== سـنة!!! مافي قلب



على طاري مرة ..
ياترى انت تعرف المرة والحلتيتة والا لا

أمممممممممممممممممممش يالدكتور الشعبي



على طاري الحلتيتة ..
منهو العضو اللي تحس ان لقب حلتيتة يركب عليه

الغانم



على طاري الأحساس ..
منهو الشخص اللي تحس انك تفهمه ويفهمك ؟

هذا واحد من أعز أصدقائي .. ( ما تعرفه ومو مسجل بالمنتدى )



على طاري الفاهم ..
منهو العضو اللي مسوي نفسه فاهم وهو ماوراه الا الدجه <<== كأني شايفك تبي تقول البارق

لا والله ماهوب البارق ... إلا الــغــريـب



على طاري الدجه ..
ياليت تقول لنا موقف داج حصل معك .

أن الرقم الذي طلبته لا يمكن الأتصال به الآن فضلاً حاول الإتصال في وقت لاحق . . .



ياخي شكل حلقة على طاري صارت بايخة شوي وابي اغير لحلقة لو خيروك ..


لو خيروك بين عضو بالزعيم والا مشرف بالزعيم والا مدير بالزعيم .. وش تختار ؟ ووليه .

الحقيقة ما همني وش أكون ... أهم شيء أني في الزعيم وبس ...



لو خيروك تصير البارق والا الغريب وش تصير ؟ ووليه ؟ بخخخخخخ

الغريب ... علشان أعيش عالم الفلسفة



لو خيروك تصير العضوة المملكه والا العضو الحكم وش تختار ووليه ؟

والله كلهم على عيني وراسي ...



لو خيروك تصير عضو باللجنة الاسشارية والا اللجنة الاخبارية وش تختار ؟ وليه ؟

أكيد اللجنة الأخبارية ... خلاص تعودنا عليها



لو خيروك بعد التخرج بين مدرس بالجوف والا بواب بالشرقية وش تختار ؟ وليه ؟

بواب في الشرقية ولا الجوف ... ولو؟ أكيد مدرس في الجوف ;)



لو خيروك بين انك تصير نثراوي والا اتهادي وش تختار ؟ وليه ؟

نثراوي .. علشان أشوف شعورهم إذا سجل أبو يعقوب قووول



لو خيروك بالسفر مجاناً الى اي دولة بالعالم لمدة شهر وش تختار ؟ ومن تختار رفيق ؟

مجانا !!!... < أســـــبــانــيــا > ... وراح أخذك أنت بس تجيبلي موافقه من أم عبدالرحمن ..



لو خيروك حضور عرس عارف والا الغريب وش تختار ؟ وليه ؟

والله إحراااااااااج ( صدقني وقفت ربع ساعة على ذالسؤال ) ... بس أكيد بروح للي بيعزمني ;)



لو خيروك بين جاج ابو الدجاج وباواوا ابو التماسيح وش تختار ؟ وليه ؟

باواوا عشان اللي متسدح في توقيعه ..أبرسله على الغريب يتفاهم معه ;)



والأن الى حلقــة تـخـيـل من المسلسل التاريخي . ..


تخيل عندك مليون ريال وش تسوي ؟

أحطهـــا مع المــــلايين اللي عنــدي



تخيل انك رئيس الهلال .. وش اول قرار توقع عليه ؟

إســتلام الرئاســة ..



تخيل شكل كايدهم !!

ههههههههههه الله يرجك مالقيت إلا هو أول واحد عز الله راح فيها
أتخيله حلو ( يعني وسيم وأنيق ) ;) .. ووقت الجد حـق فزعـات



تخيل شكل الاعصار ؟

أبيضاني .. وطويل نوعاً ما ;) ويحب الروااااااقة ووسيع بااااال



تخيل شكل كوكتيل ؟

لا هو طويل ولا هو قصير .. بس داهيه ... ذيييييييب يفهمها وهي طايرة ;) وما تاكل معه عيش إذا أنك على نياتك



تخيل شكل نقوشي نقوشي نقوشي والقادم مذهل أكثر

سبحان الله أحس أنه يشبه الشتالي وحركته البطيئة



تخيل شكل عاشق الثنيان

مايبيلها ذي .. شفناه أصلاً .. طويل وحلو ;) الله يحفظة لعينٍ ترجيه



تخيل شكل الغريب وهل تحسو انهو يقربو لسيبويهي ام للأسودي الدؤلي ؟

إي والله أنك جبتها أكــيد يقرب لسيبوييه ...
وأتخيله شبابي داججج في كامري جنوط سود نحيف وطويل وسكسوكة



ليه تروح بعيد .. تخيل شكلي

أيييييييييه أنت منتهين منك .. جبنا خبرك مهنا ذاك الطول بس شنب شبرين والددسن واقفه مع الباب عراوي مطيحة مافيه مكيف ولا مسجل وملمع الكفرات ووحدة من المرايا مكسورة ;) بس صدقني أنك كشخة إذا جاك العقال على جنب والشعر إلى الكتف وميداليتك (سلسلة) طولها مترين . ...



طيب خذ حلقة فطاير على الطاير .. قصدي كم سؤال على الطاير ..


هل انت راضي عن نفسك وعملك باللجنة الاخبارية ؟

الكامل وجه الله .. ولكن نتمنى أننا قدمنا إللي يرضيك ويرضي الجميع ...



ليه قلت ان الموهوب مهضوم مدري مظلوم ؟

أي مظلوم الله يرحم والديك أييييييه مهظوم .. وزي العسل بعد ;)



حدد ثلاث اسماء تحس انها ابدعت باللجنة الاخبارية <<== انواع الاحراج ادري

أعذرني عن إجابة هذا السؤال .. لأنهم كلهم مبدعين . ...



وحدد ثلاث اسماء تحس انها مقصرة <<== اما هالسؤال انواع النذاله

( صدقت والله وفرصة للنذالة ) لكن والله الشباب ما قصروا ومايستاهلون إلا كل خير وإذا فيه أحد مقصر بيكون أنا ( أنا = القلب الأزرق ) <<== بغى يتوهق



ليه ماتحب البحر ؟ ماتدري اني انقهرت احد مايحب البحر !!

مـــدري !! ياخي كذا من ربي .. وتراي ما أعترف بالي يروحون ويشكون للبحر همومهم ( كلام فاضي ) !!



حدد عضو تحس انه يصلح مشرف ؟

الوليد



وحدد مشرف تحس ان كلمة عضو كبيرة عليه <<== نيتي قشرى

أي والله قشرى



وحدد عضوة تحس انها تصلح مشرفه

نجمة الإبداع



حدد شخص تحس ان اسئلته خفيفه على المعده

البارق



وحدد شخص تحس انك تمتعت بأسئلته وتتمنى لو يعيد الكره

مثل القمر



وحدد شخص تحس انك انقهرت من اسئلته وودك تتعشى عليه الفجر من القهر

أنقهرت أنقهرت !!! لا والله ما حصل



وحدد شخص تحس انه هراك ( اتعبك ) بأسئلته احم احم تراي خويك

خويي وإلا منتب خويي ... زين أنك عرفت نفسك .. بس أتفاهم معك بعدين ;)



وحدد شخص تحس انه غايب ولا سألك لهالحين لاتقول ميلان آسيا

مهوب بس ميلان آسيا .. والله فيه .. عندك الموهوب واليساندرو والأستشاري ومالينكو والغانم والبروفسور والوليد .......... .



منهو ...


حارس المنتدى : حبي تيماوي
بواب المنتدى : سهل 888
نقليات المنتدى : مافيهااااكلام ذي ومن غير ولد الجوف
احلى واحد بالمنتدى : MALINKO
اشين واحد بالمنتدى : صدى الأمس .. ( تراهم أخوان )
عسل المنتدى : البارق
نويم المنتدى : الغانم
اكشخ واحد بالمنتدى : العوام
شاعر المنتدى : أبو سليمان
اديب المنتدى : محترف توقعات


اعتقد يكفي ..

بالله عليك


&&.. وفي الختام وبعد رحلة العناء والمشقة في حل هذه الأسئلة من قبلكم يا ولد الجوف .. تراني بردهالك وقريب إن شاء الله وراك وراك والزمن طويل ...
تحياتي وأشواقي لك يا أحلى وأغلى فيصل عرفته في حياتي ... والله وتوه أكتمل نور الموضوع بتواجدك أنت وأخواني الأعضاء .. وسلمت يمينك اللي سطرت أجمل سلسله تاريخية في المرمطة والإحراج ... ومع ألف سلامة يالعزيز الغالي ،،،

كلاكيت مرّة ثانيـة
نواف السديري


وش أحرج موقف مر بك ؟؟!!

قــلنالك مـــــا فــــــيــــــه ،،،


..........;)

[c] السلام عليكم ورحمة الله وبركاته [/c]

بصراحه اخوي عبوود ماتوقعت الموضوع نهائيا خساره اني تأخرت عليك في الرد لكن الله يعلم بالظروف اللي امر فيها وانت عارف غلاوتك عندي ;)


أسئلتي خفيفه :

س/ هل تعتقد أن تجربه تغطية مونديال كأس العالم كانت لها فوائد إيجابيه على أعضاء اللجنه ؟


س/ لو حصل وكنت أحد الجمهور السعودي المتواجد في اليابان خلال المونديال ماذا كنت ستفعل بعد المباراه الأولى هناك ؟


س/ قمة سعادتك تكمن في إسعاد غيرك من الناس ؟ نعم أو لا ؟


س/ صوره لسطح المكتب لجهازك تضعها هنا ولاتغير الخلفيه بالله خلها مثل ماهي ؟

وسلامتك أخوي القلب الأزرق وأسف مره ثانيه أني تأخرت





أخوك الحاظر الغايب اليساندرو

متي تزيد خفقات قلبك الازرق

ومتى تقل وتقبل تحياتي

حـــــــبيبي
الـيساندرو


س/ هل تعتقد أن تجربه تغطية مونديال كأس العالم كانت لها فوائد إيجابيه على أعضاء اللجنه ؟

بكل تأكــيد ... وبجميع المقاييس



س/ لو حصل وكنت أحد الجمهور السعودي المتواجد في اليابان خلال المونديال ماذا كنت ستفعل بعد المباراه الأولى هناك ؟

يعني سافرت ودقيتها مشوار وتذاكر وروحة وجيه ... وش تبيني أسوي يعني ... بس أكيد راح أحظر المباراة الثانية بكل حماس



س/ قمة سعادتك تكمن في إسعاد غيرك من الناس ؟ نعم أو لا ؟

أن شاء الله نــعـم ، آمــنيتي أن أكون كذالك ،،



س/ صوره لسطح المكتب لجهازك تضعها هنا ولاتغير الخلفيه بالله خلها مثل ماهي ؟

شـفها هنا في هذا الرابط ( علشان الصورة كبيرة نوعاً ما ) ... وتراهي حلوة <أضــغط هُــنا>


&&.. وكل التحيه والتقدير لك أخوي وعزيزي رامي وأهم شيء أنك نوّرة الموضوع بوجودك ;) مع ألف سلامة يالغالي ،،،


[c][/c]
أخـــــــوي
smn2002


متي تزيد خفقات قلبك الازرق ومتى تقل ؟

الله يوفقنا في طاعته ... وصدقني هذا الشيء يحصل لأي شخص عندما يهزة الشوق لشوفت أحبابه وأقرابه شرواكم .. والعكس صحيح ;) ... .

&&.. وكل الشكر لك حبيبي على هذه المداخله المميزة ... تحياتي لك يالغالي ،،،

انا عندي لك سوال صغير ماافضل منتدى بعد منتدى الشبكه وبصراحه

هلا اخوي عبدالله مره ثانيه (( كلاكيت مره ثانيه )) ...

عندي كم سؤال وابغى الصراحه منك .... ;) ;)

س1/ لو كلمك الغانم وهو متعطل على الخط وفي عز الظهر وقال لك الفزعه وانا اخوك (( ماعنده مويه ردتير )) وانت مرتاح ومنسدح على التلفون وتكلم البارق ...
وش راح تقوله ...؟؟؟

س2/ صااار تحدي بين كابريس موديل 2001 وجيب موديل 2000 وافالون وكامري لونين .... مين تتوقع راح يطير على الثاني .... ؟؟؟؟

هذا اللي عندي ... وخلني اروح اكمل

وتحياتي وسلامي لك ...

الـــغـــالـــــي
الجنرال فيصل


ماافضل منتدى بعد منتدى الشبكه وبصراحه ؟

أنصحك أسئل غيري لأني غير متصفح للمنتديات .. ولكن قد يكون منتديات الذئب سامي

&&.. وكل الشكر لك يالجنرال على هالمشاركة .. وتقبل خالص تحياتي وتقديري ،،،


[c][/c]
حــــــــــبيبي
ميـلان آسـيا


1- ماذا تحب ان يطلق عليك من الالقاب ، يعني ابو.... ويش ؟؟

أبو عــابد .... ( تكفى ياللي توك تدري ;) )



2- لو قدمت لك دعوه لشخصين لحضور حفل من سيكون الشخص الثاني ؟؟

( يعني لازم تحرجنا ) ... بس بعطيها أخـوي ;)



3- لوخيروني بين فرقاك والموت ** اختار موتي عن فرقاك ثواني
لمن تهدي هذا البيت ؟؟

لــشخص عزيز على قلبي ... ( أتحفظ عن ذكر أسمه ) ...



4- لو طلب من ان ترأس نادي الهلال لمدة ربع ساعه وش تبي تسوي في هالربع ساعه ؟؟

بيني وبينك في آشياء كثيرة ..... وربع ساعة ما تسوي شيء ..( وأعذرني لعدم إجابتك بشيء محدد )



5- ماذا لو اسندت لك مهمة مدرب المنتخب ؟؟

لالا لا شـــكلك تبي توهقنا



6- واخيرا .. من هو افضل لاعب في نظرك في مونديال 2002؟؟

سبق وأن ذكرته ... وهو النجم الذي كسر الأرقام القياسية وقاد منتخبه لكأس العالم ... رونالـدو البرازيلي ..



7- بما انك راح تصير ان شاء الله مدرس ياليت تحل لي هالمعادله..

القلب الازرق + شبكة الزعيم(او نادي الزعيم) = حـــ إلى الأبد ـــب


&&.. يعطيك العافيه حبيبي أبو فيصل .. مشكور على هذي الطلة الحلوة ... وتقبل مني خالص التحية والتقدير ،،،

تحياتي لك اخوي/القلب الأزرق

سؤالي هو :
*شخص حبيته ولا قد في عمرك قابلته..؟؟؟وتتمنى انك تقابله؟؟

*احلى لحظة في جدولك اليومي؟؟؟؟؟

تحياتي لكم...

حـبيبي وعـزيزي
الــــغــــانـــم


وش احسن: الكامري والا افالون برأيك المتواضع وركز زين في الاجابه

مدري بصراحة تقصد الكامري الشكل القديم أم لونين وإلا الكامري الجديدة ;) ... بس أكــــــــــــيد الأفالوووون



هل بتحضر زواج عارف والا اشكل ؟!

وش قلتلك ذاك اليوم !! وإلا رجعت في كلامك ;) ... لا إن شاء الله راح نحضره .. كم عارف عندنا ،،



من احسن واحد يتكسر راسه في البلوت؟

شف أنا ماراح أجاوب .. بس أسأل أبو سليمان ومحترف توقعات ويقولونلك ...يا كم جاك يالغانم .. وإلا لا يابو شهد ;)


&&.. كل التحية والتقدير لك يا أحلى وأغلى غانم في الدنيا .. وتراني زي منت عارف أعزك وأحبك .. والله لا يحرمني منك إلى اللقاء في مقابلتك أن شاء الله ،،،


[c][/c]
كــــلاكيت مرّة ثانيه
عــــ الهلالي ــارف



س1/ لو كلمك الغانم وهو متعطل على الخط وفي عز الظهر وقال لك الفزعه وانا اخوك (( ماعنده مويه ردتير )) وانت مرتاح ومنسدح على التلفون وتكلم البارق ... وش راح تقوله ...؟؟

تبغى الصــــراحة وفي هالموقف .. والله بـفـــزع لــه ...



س2/ صااار تحدي بين كابريس موديل 2001 وجيب موديل 2000 وافالون وكامري لونين .... مين تتوقع راح يطير على الثاني .... ؟؟

يوووووو الدعوة فيها كامري ( قديمة و لـونين ) .. بس أكيد الكابرس بتطير عليهم ;)


[c][/c]
الــغــــــالـي
الـهلاليAMJ


*شخص حبيته ولا قد في عمرك قابلته..؟؟؟وتتمنى انك تقابله؟؟

( ما تصدق لو أقلك هالسؤال أخذ مني ربع ساعة في التفكير ) لأن هذا السؤال ينطبق على الكثيرين بالنسبة لي .. ولأحبابي في شبكة الزعيم نصيب الأسد .. وأعذرني عن عدم التحديد ..



*احلى لحظة في جدولك اليومي؟؟

( ياخي صعبة أسئلتك ) وأحـــــلـــى لــحــظــة ... وأنـا على الـنت ;)


&&.. لك مني جزيل الشكر والتقدير على مشاركتك يالغالي تقبل تحياتي وأشواقي ،،،