ليش كل هالتحامل ع العرب ؟؟ ميب عادتك ! صحيح إن العرب متخاذلين , لكن أمريكا لها دور كبير بخراب الديار !
بعدين من قال إن ماعندنا صناعات ؟ لاتهضم حق برنامج سعودي اللي علمك مواصل قسم كانوا يشغلوننا بكم حلقة مسجلة و يعيدونها سبعين مرة .. كله بلاستيكات و انت ماشي
إقتباس
ربوا عيالكم وأتركوا أمريكا ..
أوافقك في هذا مانختلف إن أمريكا سبب .. لكن إنها تكون شماعة هنا الغلط .. ياليت لو نعرف كيف نكون مؤثرين لو على اللي حولنا يكفي .. و لا نكون متأثرين .. و ننتظر التغيير من أمريكا .. و أي سقطة نقول هم السبب ! أكيد بيكونون هم السبب لأن إحنا مانسوي شي !
قبل فتره كان يحكي علينا الدكتور بالمحاضره ويستغرب بعض تصرفات الشباب الرعناء , ويقول والله اني لم ارى هذا في امريكا طيلة سنيني اللي عشتها بامريكا ..
يقول ان احد الشباب تعرض لفتاة فقط بكلمه سجن عليها 6 اشهر , طبعاً احنا توقعنا ان التعرض يعني تحرش ,!! ولكن حلف قال ان الشاب مدحها بكلمتين فاشتكت عليه وكان مصيره السجن 6 اشهر , لانه يعتبر مغازل وهو قايل " انتي جميله "
ما أكذب لو أحلف ان هالدكتور شايفكم مهبّل عنده وقاعد يخرط عليكم أجل قال أنتي جميلة وصكوه بالسجن 6 أشهر؟ يا شيخ تراهم يقولون للبنات هناك " تباً لكي " و " أيتها الحقيرة " و " سأركلك في مؤخرتك " ارجع لترجمة هالجمل في الأفلام الأمريكية ومع هذا ما حكم عليهم بيوم واحد
أها .. يمكن حكم القاضي عليه بـ 6 أشهر لأنه قال لها جميلة وهي أصلاً شينة معاه حق إذا على كذا لأن هذا فيه تضليل للرأي العام الأمريكي
نجي لأبوطلال ..
وش رايك بالشامبو والصابون ؟؟ والبيبسي ؟؟ والحلويات ؟؟ والموكيت .. والأثاث .. الاسمنت .. والمواد الكيماوية الأخرى ..! فيه صناعات سعودية نفتخر بها .. ومو شرط تكون قنابل عشان نفتخر بها ..
حنا ما نحتاج ( لجلد الذات ) عشان نقول ان أمريكا مالها دخل باللي يصير لنا ..
أنا معك في قصدك من الموضوع .. لكن أشوفك بالردود نحيت منحى آخر .. وهذا ما يعزز الشكوك بأنك أصبحت العميل رقم 007 أو لنقل أبوطلال بوند
أقول .. متى آخر مرة راجعت السفارة الأمريكية؟ إذا تحصّل منهم خير .. ترانا ربعك وناسك لا تنسانا قسم لأكتب عشرين موضوع باليوم .. اهم شي بوه قروووش
يعطيك العافية يا أبوطلال .. وشكراً شكراً على مرورك الجميل يا جميل
لو مااستفدنا من امريكا الا ان ابوطلال ينزل موضوع لكفى
والله شف ياابو طلال دارين ان امريكا دوله متصدره العالم كله من ناحية الصناعات وكلش فلا تحاول تحتك بهم
انت ابن من ابناء هذا البلد المعطاء فكن مخلصاً يارعاك الله وقدر تعب ابناء بلدك وانجازاتهم
عندنا مواهب كثيره لانتجاهلها عندنا اطفال ماتعدوا العاشره ولديهم براءة اختراع ..
معك حق بوه اشياء حنا ماعندنا علم ولاخبره فيها
بس معروف ان كل بلد يتميز بشيء يمكن اشياء كثيره نفتقدها بس لانهمل الاشياء اللي نملكها حتى وان كانت بسيطه
عوافي ابو طلال على هالموضوع ولاعاد تعيدها
الكثير شاهد المادة الفسفوريه في سماء غزه على شكل العاب ناريه وهي بالاصل ماده شديده الحرقة ومحظوره عالميا
صناعة هذه الماده على شكل متفجرات وصواريخ من امريكا وسبق اني شفت موضوع لاحد الاخوان اعتقد هنا في المجلس
ماني متأكد
سابقا امريكا تعمل في الخفاء الان تعلن دعمها لصهاينه
الحروب الاهليه
انشاء التفرقه بين الشعوب خصوصا المستحله
دعم الارهاب حتى يكون عذرا لهم
كل هذا لاضعاف الدول لتبقى هي في السيادة
ولايخفى محاربة الاسلام
مشكور على طرحك بعد هالغيبه القصيره
أي عودة يالطيب .. وانا قبل يومين منزل موضوع .. وردودي مابردت من البطى .. دابلن تسبود العالم في هالمنتدى وأشوف هالعالم يقولون لي عوده حميدة ؟!! كله من الصخرة اللى وضع مفهوم جديد ( للبطى ) عقب هالمواضيع المتتاليه
الصخرة بس خل عنك .. قولة ( الفريان ) من المشاغب قوية .. بس ترى سلطان حبيب ويعطي بالعضد
ياحبيلكم كلكم يالأثنين .. وثالثكم صاحب هالتعليق ..
اما إختلافك معي فهذا أمر صحي .. وطبيعي .. بس متفقين إن أمريكا دولة عظمى .. ومايمدينا نواجهها ولا نتعداها طالما شعوبنا يملى بطنه ويعلق فشلة على أمريكا .. كبلد يحارب الإبداع .. وهو اللى يعرف قيمة المبدعين العرب واللى علشان هالتقدير .. طاروا المبدعين العرب لأمريكا لانهم لقوا من يقدرهم ويرعاهم ويعرف مكانتهم ... مهوب عند ( عريبيا ) تلقى الواحد موهبة واخرتها يشغلونه بالصادر والتخصص غير .. وشغله غير !!
أما محاربة الإسلام .. فلو كان هنالك تخفيف من حدة كره الغير والمطالبة ( بقتلهم .. وسحقهم .. وتدميرهم ) ووو
وتبي أمريكا تشوف هالكلام وتسكت .. لاتناقشني بردة فعل طبيعيه .. لو واحد يسبك أكيد تبي ترد عليه وتبادلة الكره .. طيب تحملووو ماجاكم .. وخلوا المطالبين بالقتل والتدمير ينفعونكم .. وهم هناك يسكنون ويسرحون ويمرحون .. !
ليتنا نعمل .. أمريكا تعمل بالخفاء .. حنا لاخفاء نعمل .. ولا بالعلن نعمل .. وليتنا عارفين فشلنا ونحاول ؟ بس نزرع فكرة اننا مستهدفين بشكل يخلينا نصدق أنفسنا عاد كثير !؟
أبوطلال أنا أختلف معك ( شويتين ) بخصوص أمريكا لكن بعلق على نقطه وحده ( هي الصناعة السعودية ) إنت أكيد جحدت المقطع اللي يفاخرون فيه المملكة في البرنامج القديم ( سعودي ) والمصنع ينتج ( نعال الحمام ) الله يكرمكم عاد الواحد لا يكون جاحد لصناعاتنا على الجميع متابعة برنامج ( سعودي ) ليكتشف عظم الصناعات بالبلد. وعلى فكرة شركة الزامل تصنع المكيفات صحيح إن القطع من الخارج والهنود يجمعونها هنا بالمملكة ( لكن تعتبر صناعة سعوديه ) دولتنا قادرة على مواجه الدول الصناعية بالمستقبل القريب وإنتظروا000 _____________
^ ^ ^ ما أدري ليه حسيت إني سليمان العيسى فوق
انا لاأقبــــــــــــــــــل ... واختلف معك ......... وانا ضد .. أحلى ثلاث كلمات يحبهن أبو عابد حتى لو ماقراء الموضوع تحس انه داخل يمشي مليون يبي يختلف ويطلع
إختلاف سخرية .. يعني موافقني من يوم شفتك كاتب ( مكيفات الزامل ) دريت انك تستهتر
أبقى معي في هالمضوع لأني بعرض صور لبعض المتسعودين واللى إكتشفنا انه ولاواحد منهم سعودي وهم يتكلمون عن السعوده ..
اذا كانت امريكا او غير امريكا تخشى ان نتطور حتى لا تكون لدينا قدرة على بناء انفسنا ومواجهة التحديات من حولنا .. فهذا حقها ،،
اذا كانت امريكا او غير امريكا تسعى ان تلوث اخلاقياتنا وتنتزع القيم من سلوكياتنا حتى نصبح مجتمعات عبثية .. فهذا حقها ايضا ،،
اذا كانت امريكا او غير امريكا تسعى ان تعيد صياغة معتقداتنا حتى نصبح مجتمعات لا هوية لها .. فهذا من ابسط حقوقها ،،
اذا كانت امريكا او غير امريكا لا ترغب باتفاق عربي او اسلامي او اقليمي حتى لا نشكل مصدر تهديد او معالم قوة مستقبلية يهدد مصالحها وتطلعاتها .. فهذا حقها المطلق ،،
من حق خصومك استخدام الآليات الكفيله ان تبقى في مؤخرة الركب .. ولكن ماذا فعلت انت ؟
نترككم للأجابة على هذا السؤال مع الموضوع الجميل والرائع بقلم المتميز دوما ( ابو طلال )
يعطيك الف عافيه يا غالي
طارق .. انت لو ( دولة عظمى ) ناجح في كل شي .. وطبيعي بيكون لك أعداء .. هل من المنطق والمعقول ان تسعى لمساعدة آخرين لينافسونك على القوة والعظمة .. أو تحاول عرقلتهم ! سواء بالطرق السلميه او غيرها ..
ترى شي طبيعي .. غريزه بشرية .. اني طالما الأفضل أتمنى اكون الأفضل .. خصوصا إذا عرفت ان المنافس ( يكرهني ) ويسبني .. ويتوعدني انه لو وصل ماوصلت له لايسحقني عن بكرة ابو اللى قابت ابوياا .. مثل مايحدث بين أمريكا .. وجماعة ( إتقلوهم ..إذبحووهم .. دمرووهم ) .. ؟
يعني علينا أن نعمل .. مثل ماعملت اليابان رغم انها لم تكن مرغوبة لدى الغرب بعد الحرب العالمية الثانيه وخصوصا من أمريكا .. بس حاول اليابان ونهظت أقوى من السابق .. وأصبحت أقوى دولة إقتصادية بالعالم ..
يابو سته ... مستحيل انساها .. أحسن انك تشعر كما نشعر بعد الثمانيه .. شفت ان الطعم مر
هـلا والله أبـو طلال كيف الــ ح ـآآل إن شاء الله بـ خير .
..
بـــ صرآحه مآقريت الموضوع كآمل .. وى حتى نصفه لكــن بعلق بــ سآلفتين كل وحده أبيخ من الثآنيه ..
..
مره بمآ أن حنآ طلاب علمي ..و المفروض مآندرس الا موآد العلمي جآآ مدرس النحو المصري , وحنآ وآصله معنآ آخر الدوآم ,, وقلنآ له أن مآدتك مو مهمه .. ولا نحتآجهآ ,, ومافيه فايده اذا الوآحد عرف اعرب كلمه .
رد علينآ وقآل (( انتوا عرفين سبب كرهكم للـ نحو و الصرف ايه هو ؟. )) قلنآ وش بعد ,, رد علينآ وقآل (( دي امريكآ حسبي الله عليهآ )) .
..
وبس ..
و السآلفه الثآنيه .. مشوآر أقعد أكتبهآ .
سلاميشو ...
وعليكم السلام ورحمة الله وبركاته
اهلا بك اخوي ...
المصري يبي يغير نظرته بعد ماجاء ( أوباما ) ابو حسين كحيلان ...
وتر ى أمريكا مالها دخل في غربلة لغة مدرس ( اللغة العر بية ) وغلغاء حرف الجميم وتبديلة بحرف ( ق ) وإلغاء حرف القاف من ( أخلاق ) إلى ( ء ) همزة كما في كلمة ( أخلاء ) والثاء = سين .. وال( ذ) صارت ( ز ) والـ ظ = ز برضه ؟؟
من اللى قلبها ,.. أمريكا وإلا خيبتنا .. لا وبعد مدرس لغة عربيه فصحى ؟! تش مير
USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA USA
احييك اخوي عالموضوع الاكثر من رائع وكلامك صحيح والله انا بالجامعه دكتورتي امريكيه والله انها طيبه لدرجه مو طبيعيه وتعطي درجات بالهبل مو بخيله وتساعدنا بالامتحانات وتعيد لنا الامتحانات اللي ماعديناها بدون علم الاداره .... لكن دكتوره رفيجتي من جنسيه عربيه ومسلمه نحييييسه وبخيله ودايم تحب تذلهم عالدرجات وتسقطهم وتتكلم باسلوب غير حضاري .
طبعا انا مااجمع وبكل مكان في الزين والشين
وترى لو مو الله ولا امريكا مافي سيارات ولا كمبيوترات ولا تلفزيونات ولا جوالات ...... الخ
وانا متفائله خير مع اوباما <<<< داخله عرض
بس مانكابر صراحه احنا مانقدر تسنغني عن امريكا وهذه الحقيقه الا بحاله وحده اذا تطورنا وتطور فكرنا وقدرنا نصنع مثلهم
والله يوحد قلوب المسلمين وصفوفهم
تقبل مروري اخوي الصغير شوق الكويت
لولا الله ( ثم ) امريكا .. علشان مانقع بالمحضور والشرك ..
و انا متفائل خير مع أوباما .. احس انه يبي يعدل الكثير من الامور اللى خبصها التسلب بووش ..
وبصراحة العالم كلها ماتستغنى عن أمريكا مو بس حنا .. وترى ودنا نستغنى عن الجميع ومانعتمد إ‘لا على انفسنا بس ماجاء الوقت اللى نقول هالكلمة للحين .. الإستغناء يعني اكلنا .. وشربنا .. وعملنا .. وصناعاتنا .. وحاجاتنا وإحتياجاتنا تكون من عندنا .. وبس !! ياصعبها والله !
هاذي اومي الله يخليها ,,
تقول:
السرطان جاي من امريكا ..
//
والأمراض جايهـ من امريكا !!
//
وايران جايه من امريكا
//
والشناط جايه من امريكا <<خارج النص غاثتها من كثر شنطاتي ااكثر شي عندي شناط وجزم الله يكرمكم .. مادري فيني حاله نفسيه ولا وش ؟؟
//
امريكا ذي مسببه لأومي عقده ودي اعرف وش بينهم ؟
//
شكراً اخوي الصغير : ابو طلال ,,
سجلني متآبعه لمواضيعك بعنف
::
شكراً ..
..}ْ~
حياك الله أختي ...
امك شكلها تفتح على قناة ( المنار ) حقت نصر الله .. كلها سب بأمريكا .. وتحسبها قناة زينه
والله ان أول الحريم يدعون لأمريكا .. يوم العلاقات حديد .. واتوقع ترجع العلاقات ونشوف
اخلص علينا وقلنا كم معطينك الأمريكان عشان تلمع صورتهم ياعميييل
والله يابوطلال وأنا بعد اختلف معك ببعض ماذكر عن أمريكا يعني مثل الغزو الأعلامي وإمتلاكها قنواات عربية كالحرة وغيرها وعملاء مثلك وشرواااك
لكن الصناعات السعودية والله ياخوك عندنا نااس مخها نظيف وتخترع بس ماتلقى من يتبناها .. أجل فالحيين بتبني الصناعات السخيفة ( فروة - صحون - كاسات بلاستيك - سروال سنة ) اللي أصغر هندي وإلا إيراني يصنعها وهو منسدح قبل لاينام يارجل حتى شماغ البسام صناعة إنجليزية ؟؟
متى نسمع بالأخبار إن بلدنا أطلقت صارووخ للفضاء بصناعه سعوديه عن طريق محطة فضاء موجودة بالثمامة
وقناة الحره تعمل لأمريكا باشخاص عرب .. يعني إستغلت العرب ( المصلحجيين ) أمثالك ووظفتهم لخدمة رسالتها وبلدها .. وهذا شي طبيعي ..
وحتى العملاء ( عرب ومسلمين ) ماعندهم غيرة وولاء لبدهم ودينهم يقولون لاء ؟؟ ولا العربي المسلم ماعنده مباديء وسهله شراءه بالمال .. ؟ ترى مثل هالأمور تديننا اكثر منهم يادبشة
انا اتمنى والله انه يجي اليوم اللى يطلق صاروخ صناعة سعودية من صحراء الربع الخالي !! هذا الحلم مهوب طبليه ( فلين ) وكاتب عليها تحذير وبراءع إختراع .!!؟ ورقم حاطه للتبليغ عن منتج مشابه !!
لكن طالما إن الشعب مثل تفكيرك طلال عزالله اللى مافلحنا