|
وش ذنب ( امريكا ) في هالمواضيع ؟! الجندي الأمريكي .... الحكومة الأمريكية ... الشعب الأمريكي .. أميركا كبلد .......... وش ذنبها في هالامور ! خصوصا ان أمريكا صايرة مثل ( عمر المهنا ):no: في مباريات الهلال والنصر .. في كل مباراة يفوز فيها الأزرق !! عناوين بس بعرضها عليكم .. وبصراحة .. أمريكا لها دخل فيها ؟! هل ساحة المواطن ( بريئه ) انا .. وإنت .. وإنتي .. وأنتما .. :razz: معقولة كلنا مستهدفين ؟ ومؤامرات ضدنا من أقوى دولة واكثر شعب طيب في الدنيا .. وهو الشعب الأمريكي .. شعب مايعرف ( الحسد ) و ( الحقد ) و وماعنده مفردات مثل ( مديرك إسحب عليه ) ولا ( طلابك عساهم بحريقة ) وماعندهم قولة : ( هالموظفين دوس على خشوومهم حتى ينظبطون ) هذي ماهي موجوده إلا عندنا .. العرب كان عندنا مباديء .. أما الحين لاهذي .. ولابنت الّلذي ... يعني مدري وش ( مطغينا ) الإنتماء للبلد مفقود .. أصلا وش ندور على إنتماء لبلد .. وحنا نسمع عن ولد قاطع امه ومايشوفها له سنين .. وإلا اخوان متهاوشين علشان ( وصخ دنيا ) .. يعني عسانا نرمم مسالة الإنتماء ( المنزلي ) وبعدين نفكر بالإنتماء ( الأسري ) وبعدها ( الإنتماء للوطن ) الإنتماء مو بالمسيرات باليوم الوطني وصبغ الوجه والتفحيط والترقيم .. والبنات يصارخن لو تسألها وش فيك ؟؟ تقول مدري بس المفروض كذا ؟:razz: أرتفع سعر الحديد ... أمريكا لها دخل ؟ إنخفض سعر الحديد .. والمتوقع تنخفض أسعار العقار والإيجارات .. وللحين ماانخفض شي ؟؟ .. أمريكا وش دخلها ؟ بزر توه خاط شنبه وحاط كحل بالسكسوكه والشعر تقول ظهر (نعيمي ) يدخن قدام أطلق شنب في عائلته ! .. هذي عاد اتوقع أمريكا علمته قلة الأدب يمشي ولبسه غلط .. كلامة غلط .. تفكيرة غلط .. عمره مافتح مصحف يقراء قران .. معقولة امريكا حالفتن عليه مايفتح كتاب الله ... تقول غزونا بالفضائيات .. ماغزانا بالفضائيات بقنواته الخالعة غير التجار المسلمين العرب !!:yes: بنت قبل ماتروح للمتوسطه وهي معبية دفاتر مليانه ( قلوب حب ) و ( سهم رايح .. وسهم جاي .. وحرفين على أطراف السهم ياويل حالي ) وأشعار .. وجوالات .. و مكالمات .. واحبك .. واحبتس .. ولابغت تطلع مشوار قصير جابت الكرسي ورقت عليه ونزلت ( الشنط ) الخاصه بالمكياج .. وحطت كل العطورات اللى عندها لين مايصفقها الربوو وماترجع إلا وهي ماره اقرب مستوصف ..( بخار على السريع ) عاد المدرسه .. ( الأم ) لامتابعه .. ولا إهتمام .. ولا رقابه .. مخليه الدرعا ترعا .. ألزم ماعليها شاهي ( الضحي ) وإستراحات ( اللّيول ) ومربية الأجيال تلقاها ( سيريلانكيه ) وإلا وحده من شعب ( الفنسو ) :razz: أللى تبيع عيالك بريال على شحن جوال .. عاد الوالد .. سي السيد .. تارك التربيه على الأم ورايح وقته ( يتشبب ) راحت فلوسة ( بالصبغ ) والنوادي الصحية .. والكرشه هي هي .. ماتغيرت :naughty: ولاسمعت صوته تحس انك أمام شخص ( هيبه ) ( غيور ) ( غظنفر ) ولاتبقشت الامور وإلا اللى معه مرته وبناته .. الحريم يجادلن وهو على ( الصامت ) حتى ( هزاز ) مايمديه :d خيبتنا خيبة .... سلوك مشين .... تصرفات خاطئه .... وتلقى واحد بصدر المجلس ( مفحج ) ويشرب شاهي مصلحتة الشغاله ويقول : والله ياخي فوضى ياااااااخي .. الناس الحين يعتمدون على الخدم والسواويق بشكل كبير .. وإلا يجيه تلفون .. هلا :: هاه جيتوو ؟؟ زين .. وإلا المتصل زوجته توهم داخلين البيت الساعه 2 بالليل مع أربع بنات .. مع سواق وكل وحده لبسها أردى من الثانية .. وكبيرتهم اللى علمتهم السحر .. فرعونه !! وهالذيب عند الجماعة مسوي فيها .. وفي الاخير يتكلمون عن إقتصاد البلد ... والتربية .. والغزو الفكري .. وفي الختام يقولون ( أمريكا ) كله من أمريكا ..؟ وأمريكا بريئه منكم ياحوووش :d ربوا عيالكم وأتركوا أمريكا .. علموا عيالكم وأتركوا الإستهتار بالهند اللى وصلوا القمر وصنعوا القنبلة وانتم حتى مفك الصلصة ماعرفتوا تصنعونه ! على طاري مفك الصلصة ... كنت أتعشى انا وعمي .. وكان فيه ( فلين ) نحط عليه العشاء .. يوم قلبناه مكتوب ( براءة إختراع ) مصنع ( ***** ) صناعة سعودية ؟:ap: >> مايستحي حاط براءة إختراع على ( طبلية ) فلين ؟؟هع هع سخافة وكل واحد يروح لأمريكا ويرجع مهبول من الشراب .. يقولون غسلوا مخة الأمريكان :razz: و كل زيادة أسعار ومصايب داخليه عندنا نقول .. أمريكا الله لايوفقها .. ومع كل حرب اهلية بين مسلمين وعر ب نقول امريكا السبب ... والمفروض عن كل حرب عربيه فتش عن ( خائن ) والخائن أكبد عربي .. احمدوا ربكم على نعمة ( قطرة ) هالبترول وإلا لولا الله ثم قطرة هالبترول وأمريكا وغيرها من الدول الصناعية إننا مانعرف ولا نقراء سورة ( الإخلاص ) وإلا تتوقعون العرب تنفعكم .. قالها أحد المشايخ في تلفزيون عن قطع العلاقات مع أمريكا والغرب .. قال طيب علشان اقاطع لازم اركب سيارة ( صناعة دولة إسلاميه ) يقول مالقيت ... بحثت عن طيارة صناعة إسلامية يقول مالقيت ... إلا عاد إذا كان الواحد منكم يبي يعتمر بسيكل ؟ ترى حتى الدول الإسلاميه ماصنعتها للحين .. عندنا صناعة (المندي) .. والمظبي .. يصلحلكم ؟ حتى الشطة مانعرف نصنعها .. للي مايضرب كبسه إلا بشطة وببسي .. لازم يدرس برا يتعلم شلون يصنعهن :ap: >> منيب قايل مالت .. :laugh: كنت أبكمل الموضوع اللى انا داخل علشانه لقيتني معبي الصفحة بسوالف غير !! >> كله من امريكا :to: اخوكم الصغير ابو طلال |
آآآآآآآآآآه يا بو طلال كنت بأطفي النور بأطلع الا أشوفك جاي وحسيت من خلال حروفك أني طفلة في أولى إبتدائي ما جابت الشنطة ناسيتها بالبيت وطبعا جاها تهزيء من مدرسة كل المواد لأنها ما جابت ولا مادة:to: المهم اتفق معك في كل اللطم السابق :to: والله يقويك يمكن أرجع أكمل بكرة:naughty: بالحب والإشراق |
كل الكلام ذا من هيمنت أمريكا قاعد تدافع عنه :naughty: :d أنت تدري أن امريكا هي سبب هبوط مستوى المنتخب :ap: :rose: :smilie47: |
والله يا أبو طلال ودي اصفقلك بس مقدر ..,.. امريكا السبب خخخخ جبتها عالجرح وانا اخوك حنا لو نترك امريكا بحالها ونهتم لأمورنا ونشوف مصايبنا الي حطيناها براس امريكا على قولك كان حنا بخير .. لا هنت . |
هلا باخونا الصغير:d ياخي بديت اشك فيك اعترف من راسلك تدافع عن امريكا:d الا امريكا سبب كل شي حتى هي سبب انك كتبت الموظوع:d |
والله لك وحشة انت و امريكا ( قصدي مواضيعك ) ابو طلال لك مدة عن المجلس شكلك امريكا مستدعينك موضوع جميل عندي ملاحظة اذكر سوريا صنعوا سيارة اسمها شام << مالها دخل امريكا |
:smilie47::d شكل امريكا معطينك سفير المواضيع الحسنه:bx: لبى قلبك والله تعودنا وحنا صغار اي شي من امريكا لو احد يعطس ولايقول حمدلله قالو هذا الغزو الفكري من امريكا ..:d شعبهم معروف [ ايمان بدون دين ].. طيب للغايه وحنون و الدليل اذا فيك خير رح طارد قطاوه حارتكم اذا مامسكوك جمعيه حقوق الحيوان [الله يعزكم ] .. ومرمطتك مانب مشعل:d بس عندي سؤال صغنون:d حنا مثل ماتفضلت انت اي شي نحطه بامريكا بس ماتتوقع حتى هم نفس الحكايه عندهم الاعلام واضع صوره سيئه عن العرب على انهم ارهابيه وانهم للحين عندهم جمال وخيول وابو جهل:D< يعني قديمين.. وان ماعندنا نهوض عمراني والقتل منتشر عندنا ومن هالكلام يعني واضعين صوره سيئه عن العرب:yes: يعني كلنا واحد هم نفس الحكايه اذا قلت لهم انا عربي ولا سعودي قال انك ارهابي على طول وكله هذا من اعلامهم:d لاهنت ابو طلال:smilie47: |
مادمر امريكاء الا التسب بوش الابن ولا اول وش حليلها:d |
إقتباس:
أحس أنك داخل عنف من خلال ردك<< امريكا مالها دخل انا احس ان الهامور اول مايصحى بيجيب موضوع داخل هالموضوع :d |
وأنا أقوووووووووول من السبب في تخريب تنسيق أخباري؟؟ :confusedw: أثرها أمريكا الله يلعنها ...!! :ap: إقتباس:
يا كبرها عند الله يا أبو طلال :d أجل وصلوا القمر؟ :d المهم يا الحبيب .. قسم اني قريت الموضوع كامل وأوافقك الراي فيه .. لكني طافي ما أقدر أكتب .. كله من التنسيق اللي خرب وبالمووت قدرت أعدل فيه شوي :no: ساعتين يا أبوطلال وأنا شغال بهالتنسيق وأعدل وأبدل :cry: أقول .. عطني وسادة من عندك خلني أرقد هنا كم ساعة .. وبعدها أصحى وأرد على موضوعك بشكل يناسب حضرتك :smilie47::smilie47: يؤ .. بطني اوجعني الحين :bigeek: أكيد أمريكا الله يلعنها :laugh: برب |
أبو طلال داخل بقوه بعد عوده:d انا معك فيما ذكرت لكن اختلف معك في بعض الامور:alzaeem: ليس الكل بهذا التفكير بشكل الي صورته مثلا اقولك في الهجوم الصيهوني على غزه الكثير شاهد المادة الفسفوريه في سماء غزه على شكل العاب ناريه وهي بالاصل ماده شديده الحرقة ومحظوره عالميا صناعة هذه الماده على شكل متفجرات وصواريخ من امريكا وسبق اني شفت موضوع لاحد الاخوان اعتقد هنا في المجلس ماني متأكد سابقا امريكا تعمل في الخفاء الان تعلن دعمها لصهاينه الحروب الاهليه انشاء التفرقه بين الشعوب خصوصا المستحله دعم الارهاب حتى يكون عذرا لهم كل هذا لاضعاف الدول لتبقى هي في السيادة ولايخفى محاربة الاسلام مشكور على طرحك بعد هالغيبه القصيره |
أبوطلال أنا أختلف معك ( شويتين ) بخصوص أمريكا لكن بعلق على نقطه وحده ( هي الصناعة السعودية ) إنت أكيد جحدت المقطع اللي يفاخرون فيه المملكة في البرنامج القديم ( سعودي ) :d والمصنع ينتج ( نعال الحمام ) الله يكرمكم :wub: عاد الواحد لا يكون جاحد لصناعاتنا :d على الجميع متابعة برنامج ( سعودي ) ليكتشف عظم الصناعات بالبلد. وعلى فكرة شركة الزامل تصنع المكيفات :d صحيح إن القطع من الخارج والهنود يجمعونها هنا بالمملكة ( لكن تعتبر صناعة سعوديه ) :d دولتنا قادرة على مواجه الدول الصناعية بالمستقبل القريب وإنتظروا000 _____________ ^ ^ ^ ما أدري ليه حسيت إني سليمان العيسى فوق :d |
اذا كانت امريكا او غير امريكا تخشى ان نتطور حتى لا تكون لدينا قدرة على بناء انفسنا ومواجهة التحديات من حولنا .. فهذا حقها ،، اذا كانت امريكا او غير امريكا تسعى ان تلوث اخلاقياتنا وتنتزع القيم من سلوكياتنا حتى نصبح مجتمعات عبثية .. فهذا حقها ايضا ،، اذا كانت امريكا او غير امريكا تسعى ان تعيد صياغة معتقداتنا حتى نصبح مجتمعات لا هوية لها .. فهذا من ابسط حقوقها ،، اذا كانت امريكا او غير امريكا لا ترغب باتفاق عربي او اسلامي او اقليمي حتى لا نشكل مصدر تهديد او معالم قوة مستقبلية يهدد مصالحها وتطلعاتها .. فهذا حقها المطلق ،، من حق خصومك استخدام الآليات الكفيله ان تبقى في مؤخرة الركب .. ولكن ماذا فعلت انت ؟ نترككم للأجابة على هذا السؤال مع الموضوع الجميل والرائع بقلم المتميز دوما ( ابو طلال ) :smilie47: يعطيك الف عافيه يا غالي |
[ .. السلام عليكم ورحمه الله .. ] .. هـلا والله أبـو طلال :rose: كيف الــ ح ـآآل إن شاء الله بـ خير :rose: . .. بـــ صرآحه مآقريت الموضوع كآمل .. وى حتى نصفه :razz: لكــن بعلق بــ سآلفتين كل وحده أبيخ من الثآنيه .. :yes: .. مره بمآ أن حنآ طلاب علمي ..و المفروض مآندرس الا موآد العلمي جآآ مدرس النحو المصري , وحنآ وآصله معنآ آخر الدوآم ,, وقلنآ له أن مآدتك مو مهمه .. ولا نحتآجهآ ,, ومافيه فايده اذا الوآحد عرف اعرب كلمه :to: . رد علينآ وقآل (( انتوا عرفين سبب كرهكم للـ نحو و الصرف ايه هو ؟. )) قلنآ وش بعد ,, رد علينآ وقآل (( دي امريكآ حسبي الله عليهآ :d )) . .. وبس .. :) و السآلفه الثآنيه .. مشوآر أقعد أكتبهآ :to: . سلاميشو ... :) |
,, اذكر مره فيه واحد اعرفه اشترى بلايستيشن وماصار يذاكر ويجيب درجات زينه , ويوم شاف ابوه الدرجات قال " كله من امريكا اللي مسويه هالسوني الله يلعنهم " :d |
| الوقت المعتمد في المنتدى بتوقيت جرينتش +3.
الوقت الان » 06:30 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd