السلام عليكم ورحمة الله وبركاته




بعد السلام ياعساها جمعه مباركه على كل المسلمين اجمعين واسأل الله في هذا اليوم المبارك ان ترحم موتانا وان تشفي مرضانا
وان تسعد الناس وتألف بين قلوبهم
وان تحقق رغبات كل انسان يسجد لك ويدعو بإسمك ياأرحم الراحمين


اما بعد : <<< احس اني القي خطبه


بس حبيت ادعي بهاليوم المبارك




كيف حال المجلساويه حبايب قلبي ؟؟؟؟


بشروني عنكم عساكم بخير <<, وش عنده مقدمات ولو انك بتخطب



بصراحه هذا اول موضوع لي بشبكتنا الغاليه
واحببت ان تكون بدايتي في كتابت المواضيع مميزه وهادفه وعند بوابة المجلس العام الي اراه الاكثر نضجأ وعقلانيه وطرحأ مميزأ من بين المنتديات مع احترامي لكل المنتديات في شبكتنا الغاليه



وادخل بموضوعي


اول شي هو مو موضوع جديد او شي غريب على البعض

بس موضوع مهم للامانه ويهمنا ككل


الزواج نعم انه المحور الاساسي في حياتنا وهو ماترتكز عليه حياتنا وهو مايبنى عليه مستقبلنا وبناية وتخريج اجيال قادرتآ بإذن الله
على رفعة الإسلام والنهوض بأمتنا متى ماكان الاساس صلبآ وقويآ وقادرآ على السير بهذه الحياة والقدرة على تحمل صعابها



حبيت اناقش معكم واشوف رايكم بالنسبه للزواج المبكر ؟؟؟




واناقش معكم على هالاسئله الي ابطرحها والي اتمنى انها تفيدنا وتتفيد اي انسان مقدم على الزواج



س / مارأيك بالزواج وهل انت تؤيد الزواج المبكر للشاب و وللشابه ؟؟؟


س / برأيك هل نسبة نجاح الزواج المبكر ضئيله ( قليله ) او كبيره .. هذا بعد توفيق الله سبحانه وتعالى ؟؟؟


س / هل ترا اخي القارئ واختي القارئه ان شبابنا ووشاباتنا
اهلأ للمسؤوليه والقدره على تحمل المسؤؤليه والتعايش مع ظروف وصعاب الحياة ؟؟


س / برأيك هل الشاب في الوقت الحالي قادر على تحمل تكاليف الزواج خصوصآ بغلاء المهور في الوقت الحالي
.. وصعوبة المعيشه وغلاء الاسعار وغيرها من الامور المعيقه ؟


س / برأيك هل تحمل الآباء تكاليف زواج ابنائهم يقلل من اهمية الزواج بالنسبه للأبن ولايحسسه يصعوبة واهمية الشي الي منح له من قبل والده ؟؟




اتمنى اني ماطولت عليكم بالاسئله .. واتمنى انكم تعتبرونه نقاش اكثر من انه اسئله واجوبه
واننا نتناقش ونفيد ونستفيد من بعضنا



والله الله بالردود والتفاعل لاهنتم .. لاني حبيت تكون بدايتي في المواضيع عن طريق المنتدى الي اراه الاكثر نضوجآ والافضل طرحآ وفائده



تحياتي لكم اخوكم / عبدالله

,

إقتباس بعد السلام ياعساها جمعه مباركه على كل المسلمين اجمعين واسأل الله في هذا اليوم المبارك ان ترحم موتانا وان تشفي مرضانا وان تسعد الناس وتألف بين قلوبهم وان تحقق رغبات كل انسان يسجد لك ويدعو بإسمك ياأرحم الراحمين

آميــن



وش عندكـم هالايـآم آلي يقول ودي آتزوج وآلي يبـي يتعـدد بآلزوجآت
وآلحيـن آنت تتكلـم عن آلزوآج آلمبـكر

إقتباس س / مارأيك بالزواج وهل انت تؤيد الزواج المبكر للشاب و وللشابه ؟؟؟

نعــم وبقـوة , بل الرسول صلى الله عليه وسلم آمر بذلك

وبحديثه عليه السلآم ( يآ معشر الشباب من استطآع منكم البآءة فليتزوج ....)

بل الزوآج المبكر يحصن المسلم والمسلمه من الوقوع في الرذآئل نسآل الله العآفيه

إقتباس س / برأيك هل نسبة نجاح الزواج المبكر ضئيله ( قليله ) او كبيره .. هذا بعد توفيق الله سبحانه وتعالى ؟؟؟

الزوآج المبكر آو المتآخر سيفشل اذا آحد الزوجيـن لم يقم بحقوقهمـآ

لحد يقول الزوآج المبكر مآ يفهمون وعقولهم صغيره لآ لآ لآ , هي على الزوجيـن

متى مآ طبقوآ كلآم الله وكلآم رسوله سيكون زوآج سعيد بآذن وآحد آحد

إقتباس س / هل ترا اخي القارئ واختي القارئه ان شبابنا ووشاباتنا اهلأ للمسؤوليه والقدره على تحمل المسؤؤليه والتعايش مع ظروف وصعاب الحياة ؟؟

بعض منهــم , ولآن الآن ارتفع اسعآر المعيشه وتربيه الاطفآل في الجيل

هذآ اصعب من آول ولآن الطفل يرى العآلم بآسره , فيجب تربيته تربيه حسنه

وترآ عنـدنآ شبآب شقرديـه مو كل شوي شيبآننـآ يقولون هذولآ عيآل النيـدو

إقتباس س / برأيك هل الشاب في الوقت الحالي قادر على تحمل تكاليف الزواج خصوصآ بغلاء المهور في الوقت الحالي .. وصعوبة المعيشه وغلاء الاسعار وغيرها من الامور المعيقه ؟

والله المهور اسعآرهـن نآر يآحبيـي نآر

تصدق مهورنآ مآبين الـ 80 آلى 90 .!!

آنآ آتمنى ينزل قرآر من المحكمه آن مهور الزوآج لآ تتعـدى الـ 40 آلف كحد اقصى

إقتباس س / برأيك هل تحمل الآباء تكاليف زواج ابنائهم يقلل من اهمية الزواج بالنسبه للأبن ولايحسسه يصعوبة واهمية الشي الي منح له من قبل والده ؟؟

الآبآء مآ يقصرون يزوجون آبنآئهـم , صح آن الابـن مآ رآح يحس بـ قيمة المسؤليه لمآ

يدفع من جيبـه , بس يآخي الابن من وين يجيب 90 آلف ؟؟

آقول الله يخلي آبيي لي بس


,

ولد عنزه

شرفني مرورك


والله يعطيك العافيه على ابداء رأيك


وشهادتي فيك مجروحه وربي .. ويعلم الله اني مالي فيك اي معرفه بس تعجبني مواضيعك ويبهرني طرحك وأرائك


تحياتي لك ونورت موضوعي يابعدي




بإنتظار تفاعل باقي المجلساويه حبايب قلبي

اين انتم يااعضاء الصفوه ؟ ؟ ؟



مو معقوله مشاهدات اكثر من 25 ورد وحيد !!!!




اتمنى انكم ماتخيبون ضني فيكم
لاني والله ماحبيت تكون بدايتي في كتابة المواضيع الا عن طريقكم وابداء ارائكم وتشجيعكم



اتمنى اني اشوف الردود والتفاعل الي كنت متوقعه منكم حبايب قلبي

إقتباس الرسالة الأصلية كتبت بواسطة الوفا##طبعي اتمنى اني اشوف الردود والتفاعل الي كنت متوقعه منكم حبايب قلبي

الحين ابي ردود وابي تفاعل...

وآخرتها تعطي ولد عنزة وعزيز قلب الاسد ( قلوب وورود ) وانا تجحدني

كان قلت ردّوا علي يا اعضاء الا الصخرة لاترد تراي ما ابيك

هلا وغلا اخوي

يالله انك تحييه وتبقيه

الزواج المبكر

قسم بالله عندنا مصطلحات راح تنسف جميع المعجمات السابقة واللاحقة

مدري منهو المحشش اللي نشّب هالمسميات في عقولنا وخلانا أسرى لشوية مصطلحات غبيّه

ياعزيزي

الواحد اول مايتوفق بوظيفة لازم يتزوج... وماله أي دخل العمر

24 ... 25 ... 26... 27 .... كلها ماتفرق ابدا

ولما يوصل سن 32 او 33 لازم يشوف له زوجة ثانية علشان يمخمخ على الزواج صح

تحياتي لك

إقتباس الرسالة الأصلية كتبت بواسطة الـصـخـرة هلا وغلا اخوي يالله انك تحييه وتبقيه الزواج المبكر قسم بالله عندنا مصطلحات راح تنسف جميع المعجمات السابقة واللاحقة مدري منهو المحشش اللي نشّب هالمسميات في عقولنا وخلانا أسرى لشوية مصطلحات غبيّه ياعزيزي الواحد اول مايتوفق بوظيفة لازم يتزوج... وماله أي دخل العمر 24 ... 25 ... 26... 27 .... كلها ماتفرق ابدا ولما يوصل سن 32 او 33 لازم يشوف له زوجة ثانية علشان يمخمخ على الزواج صح تحياتي لك

أنا اشهد إنك جبتها

ياهلا وغلا اخوي ( الصخره ) وسررت بمرورك وطرحك


والله يعطيك العافيه



اما سالفة يمخمخ هذي يبغالها جلسة لحالها


والله يعطيك العافيه ونورت الموضوع اخوي

إقتباس بعد السلام ياعساها جمعه مباركه على كل المسلمين اجمعين واسأل الله في هذا اليوم المبارك ان ترحم موتانا وان تشفي مرضانا وان تسعد الناس وتألف بين قلوبهم وان تحقق رغبات كل انسان يسجد لك ويدعو بإسمك ياأرحم الراحمين

امييييييييييين يارب ... والله يجزاك خير على هالدعاء اخوي

إقتباس س / مارأيك بالزواج وهل انت تؤيد الزواج المبكر للشاب و وللشابه ؟؟؟

نعم اؤيده وبقوه لانه احصن للفرج واغض للبصر كما قال الرسول صلى الله عليه وسلم ( يامعشر الشباب من استطاع منكنم الباءة فليتزوج فإنه اغض للبصر واحصن للفرج )

إقتباس س / برأيك هل نسبة نجاح الزواج المبكر ضئيله ( قليله ) او كبيره .. هذا بعد توفيق الله سبحانه وتعالى ؟؟؟

عني انا اتوقعه بإذن الله نسبة الزواج المبكر كبيره وموفقه بإذن الله
بس على الي شفته من ربعي واخوياي فاشله ومخيبه للآمال
هو اكيد ان تجربت شخص عن شخص تفرق في الحياة بس كبدايه ماتبشر بالخير


والسبب يرجع من الشاب والشابه لانهم يحصلون هالشي بسهوله وانا اتكلم هنا عن الرجل وانه يتزوج في مقتبل عمره وبمساعده شبه كليه من والده في كل امور الزواج وبذلك يكون الشاب ماحس بأي قيمه للتعب الي تعبه ابوه في مساعدته بزواجه .. وعشان كذا كثر الطلاق عندنا وعدم تحمل المسؤؤليه ومعرفة وتقدير المساعده الكبيره من والده وتزويجه وتحصيبنه

إقتباس س / هل ترا اخي القارئ واختي القارئه ان شبابنا ووشاباتنا اهلأ للمسؤوليه والقدره على تحمل المسؤؤليه والتعايش مع ظروف وصعاب الحياة ؟؟

ان شاء الله فيه الكثير من شبابنا وشاباتنا اهلآ للمسؤؤليه
وذوي ثقافتآ وعقلأ بإمكانه تحمل اكبر واعظم المسؤليات متى مااعطي حجمه ومكانته وحسس بوجوده وفاعليته

إقتباس س / برأيك هل الشاب في الوقت الحالي قادر على تحمل تكاليف الزواج خصوصآ بغلاء المهور في الوقت الحالي .. وصعوبة المعيشه وغلاء الاسعار وغيرها من الامور المعيقه ؟

بيني وبينك المعيشه والله صعبه والمهور ناااار والله نار
وهذا غير الاسعار والشقق وكل شي في ازدياد وارتفاااااع
بس مانقول الا ربك يعين

والي يبغى الزواج وناوي خير ان شاء الله ربك بيعينه وبيسهل عليه كل هالصعاب ان شاء الله

إقتباس س / برأيك هل تحمل الآباء تكاليف زواج ابنائهم يقلل من اهمية الزواج بالنسبه للأبن ولايحسسه يصعوبة واهمية الشي الي منح له من قبل والده ؟؟

هذا الي كنت اتكلم عليه بسؤالك الاول وان شبابنا ماصار يهتم بالشي الي يقدم اليه
والمثل الي يقول الي يجيك بسهوله يروح بسهوله
عشان كذا دايم نشوف الطلاق يكون من الشباب الي تقدر تقول متزوج بدري وهو انه جته الامور بارده ومجهزه ولا حس بقيمتها ولا حس بصعوبه وقيمة الشي الي قدم له من والده

وحتى البنت تقدر تقول البناتكأنهم صارت موضه الزواج وانهم اغلبهم يحسبون الزواج فيه ووناسه وسفر وروحه وجيه ولعب ووناسه .. وهو صح فيه كل هذا
بس فيه تحمل للمسؤؤليه وقدره على التعايش مع مرحله عمره تتغير بشكل كبير عن حياتها ببيت ابوها

وهذه الاسباب هي الي تكثر الطلاق وتضيع الشباب والبنات


ولكن ولله الحمد للحين في الناس الطيبه والي تحطهم على الجرح يبرا

إقتباس اتمنى اني ماطولت عليكم بالاسئله .. واتمنى انكم تعتبرونه نقاش اكثر من انه اسئله واجوبه واننا نتناقش ونفيد ونستفيد من بعضنا

إقتباس تحياتي لكم اخوكم / عبدالله

الله يعطيك العافيه اخوي عبدالله على هالطرح والموضوع الأكثر من رائع وسلمت اناملك اخوي
وياعساك عالقوه

اخوي عزيز قلب الاسد


سررت بمرورك اخوي وبطرحك وابدء رأيك


ويعطيك ربي الف الف عافيه


ونورت الموضوع اخوي

ههههههههههههههههه يالبى قلبك يالصخره يابو تعدد الزوجات


تفداك كل القلوب يابعدهم



اجل تبغى كم زوجه ياخوك خلها تجي الأولى وبعدها يصير خير ولك الي تبي



يالبى قلبك اخيي الصخره وربي اسعدني وجودك بموضوعي ووجود كاتب كبير مثلك وربي يعطيني دفعه معنويه كبيره للكتابه وابداء ارائي ومواضيعي

ويشهد الله ان هالكلام هو الحقيقه ولا هو مجامله او تزلف اقصد فيه اي شي يابعدهم





ومره ثانيه يعطيك ربي الف عافيه يابعد قليبي << وشف ترا هالقلب لك

تحياتي لك يابعدي

^^^

ليه تعطـي قلـوب للصخره آكثر من القلوب الي عطيتنيـآهآ


< يقول خلينـآ آلرجآل بيـن نآريـن





آمزح معك آردنآ مدآعبتك

إقتباس بعد السلام ياعساها جمعه مباركه على كل المسلمين اجمعين واسأل الله في هذا اليوم المبارك ان ترحم موتانا وان تشفي مرضانا وان تسعد الناس وتألف بين قلوبهم وان تحقق رغبات كل انسان يسجد لك ويدعو بإسمك ياأرحم الراحمين

احس انك اول مرة تحضر اول الخطبة

إقتباس س / مارأيك بالزواج وهل انت تؤيد الزواج المبكر للشاب و وللشابه ؟؟؟

انا اؤيده بقوه للناس واشجع عليه بس الصراحة عن نفسي انا لا اشوفه ربطة ولي كلام كثير عنه >>> وش عنده

إقتباس س / برأيك هل نسبة نجاح الزواج المبكر ضئيله ( قليله ) او كبيره .. هذا بعد توفيق الله سبحانه وتعالى ؟؟؟

الصراحة مااشوفه مقياس العمر يعني مثلا اثنين متفاهمين صغار ولا كبار الامور انشاء الله سمن على عسل والعكس صحيح

إقتباس س / هل ترا اخي القارئ واختي القارئه ان شبابنا ووشاباتنا اهلأ للمسؤوليه والقدره على تحمل المسؤؤليه والتعايش مع ظروف وصعاب الحياة ؟؟

الصراحة اشوف انها صعبة اذا كان لحالة اما اذا فزعلة ابوه او احد من اقاربه فانشاء الله تمام

إقتباس س / برأيك هل الشاب في الوقت الحالي قادر على تحمل تكاليف الزواج خصوصآ بغلاء المهور في الوقت الحالي .. وصعوبة المعيشه وغلاء الاسعار وغيرها من الامور المعيقه ؟

هذا السؤال تقريبا نفس اللي قبله بس بعلمك شي المهور غالية عند الحنس>> البدو
الابو يقول لولده انت لبنت عمك طيب شاور الولد يرحم امك والله انه غصب رضيت ولا عمرك ماتزوجت ونفس الشي عند البنت ياولد عمتس والا كلي تراب والمشكلة فوق كذا المهر ب100000 والله لوانها من ذهب وترى هذا كثير عندنا للي مايدري و مايدري ان فيه معنى حديث لصلى الله عليه وسلم خير النساء اقلهن مهرا

إقتباس س / برأيك هل تحمل الآباء تكاليف زواج ابنائهم يقلل من اهمية الزواج بالنسبه للأبن ولايحسسه يصعوبة واهمية الشي الي منح له من قبل والده ؟؟

ابدا لا ليش قلتلي ليش عشان مهب متزوج الا اذا كان موظف ولازم يدفع شي من عنده يمكن الابو عليه الشقه او عليه المهر والباقي عليك الله لا يهينك



شف ابي ورد وقلوب لين ماتقول بس والا بزعل >>>> بقلعتك



شكرا لك ولموضوعك العسل يا عســـــــــــــــــــــــــــل

هلا والله ااخيي الكابيتانو

إقتباس احس انك اول مرة تحضر اول الخطبة

الله يرجك يلعن اووم التحطيم .. يعني وش حليلي وقاعد ادعي ومنضبط اليوم وتجي تحطمني ياحلو





سعدت بمرورك وبطرحك يابعدي



ويعطيك ربي الف عافيه

إقتباس أنا اشهد إنك جبتها

هلا والله اخوي البرنس كاكا

ونورت الموضوع اخوي


وبالنسبه لكلام اخوي الصخره
تراها ماتفرق يعني كلها اختلاف مفردات وكلمات والا المعنا يصب في اتجاه واحد والي هو الزواج

والاختلاف لايفسد للود قضيه ,<< متعوب عليها



تحياتي لك اخوي