السلام عليكم ورحمة الله وبركاته
بعد السلام ياعساها جمعه مباركه على كل المسلمين اجمعين واسأل الله في هذا اليوم المبارك ان ترحم موتانا وان تشفي مرضانا
وان تسعد الناس وتألف بين قلوبهم
وان تحقق رغبات كل انسان يسجد لك ويدعو بإسمك ياأرحم الراحمين
اما بعد : <<< احس اني القي خطبه
بس حبيت ادعي بهاليوم المبارك
كيف حال المجلساويه حبايب قلبي
؟؟؟؟
بشروني عنكم عساكم بخير <<, وش عنده مقدمات ولو انك بتخطب
بصراحه هذا اول موضوع لي بشبكتنا الغاليه
واحببت ان تكون بدايتي في كتابت المواضيع مميزه وهادفه وعند بوابة المجلس العام الي اراه الاكثر نضجأ وعقلانيه وطرحأ مميزأ من بين المنتديات مع احترامي لكل المنتديات في شبكتنا الغاليه
وادخل بموضوعي
اول شي هو مو موضوع جديد او شي غريب على البعض
بس موضوع مهم للامانه ويهمنا ككل
الزواج نعم انه المحور الاساسي في حياتنا وهو ماترتكز عليه حياتنا وهو مايبنى عليه مستقبلنا وبناية وتخريج اجيال قادرتآ بإذن الله
على رفعة الإسلام والنهوض بأمتنا متى ماكان الاساس صلبآ وقويآ وقادرآ على السير بهذه الحياة والقدرة على تحمل صعابها
حبيت اناقش معكم واشوف رايكم بالنسبه للزواج المبكر ؟؟؟
واناقش معكم على هالاسئله الي ابطرحها والي اتمنى انها تفيدنا وتتفيد اي انسان مقدم على الزواج
س / مارأيك بالزواج وهل انت تؤيد الزواج المبكر للشاب و
وللشابه ؟؟؟
س / برأيك هل نسبة نجاح الزواج المبكر ضئيله ( قليله ) او كبيره .. هذا بعد توفيق الله سبحانه وتعالى ؟؟؟
س / هل ترا اخي القارئ واختي
القارئه ان شبابنا و
وشاباتنا
اهلأ للمسؤوليه والقدره على تحمل المسؤؤليه والتعايش مع ظروف وصعاب الحياة ؟؟
س / برأيك هل الشاب في الوقت الحالي قادر على تحمل تكاليف الزواج خصوصآ بغلاء المهور في الوقت الحالي
.. وصعوبة المعيشه وغلاء الاسعار وغيرها من الامور المعيقه ؟
س / برأيك هل تحمل الآباء تكاليف زواج ابنائهم يقلل من اهمية الزواج بالنسبه للأبن ولايحسسه يصعوبة واهمية الشي الي منح له من قبل والده ؟؟
اتمنى اني ماطولت عليكم بالاسئله .. واتمنى انكم تعتبرونه نقاش اكثر من انه اسئله واجوبه
واننا نتناقش ونفيد ونستفيد من بعضنا
والله الله بالردود والتفاعل لاهنتم .. لاني حبيت تكون بدايتي في المواضيع عن طريق المنتدى الي اراه الاكثر نضوجآ والافضل طرحآ وفائده
تحياتي لكم اخوكم / عبدالله
