قبل كل شي .. الفكرة روووعة والله .. أبو حمد .. دايماً مبدع يابعدهم ولايهون هلالي الجنوب ,
بالنسبة للجزئية اللي تكلموا عنها كثير من الشباب ..!
واللي هي التدخل في الأمور الفنية والصفقات ووو ... الخ ..!
أعتقد الصفقات .. أي إدارة تبحث عن مصلحة الفريق
ماراح تسلم الخيط والمخيط للمدرب فقط ..!
يعني .. لابد ما تكون فيه مشاورات ومعارضة وأخذ وعطاء ..!
إذا أخذنا بعين الإعتبار إن رأي المدرب ممكن ما يكون صائب دائماً
أنا أعتقد إن التدخل اللي زي كذا تدخل واجب على أي إدارة تبحث عن مصلحة الفريق
يمكن فيه تدخلات ثانية لاتبحث عن مصلحة الفريق ..!
مثل اللي ذكرتم .. لما إبراهيموفيتش حاول يجيب روبرتو كارلوس للبلوز عشان إبنه يحب روبرتو لكن هذي أعتقد قليل نشوفها الأيام هذي .. وإن ظهرت ما تظهر بالإعلام
غالباً ماتكون مخفية .. على الرغم من قلتها ..!!
,
بالنسبة للتدخلات الفنية في التشكيلة وما إلى ذلك ..!
أعتقد هذي عنجهية وسوء إدارة للفريق ..!!
خصوصاً إذا أتت من رئيس النادي .. اللي يجب عليه إنه يبحث عن مصلحة الفريق
والتدخلات هذي غالباً ما تكون سبب في زعزعة الفريق ..!!
قد يكون رئيس النادي يحاول إيجاد الأفضل للفريق من خلال تدخلاته ..!
لكن برضو إذا حاب تتدخل .. لاتجيب مدرب من الأساس وجرّب المهنة بنفسك موراتي .. أعتقد مافيه مدرب مسكّه الجادة مثل مورينهو لاحظناه مايتدخل كثير الأيام الأخيرة .. من يوم جاء موري للفريق تقريباً ..!!
هذا تايلاندي على ما أعتقد مش تايواني هذا فيرجي أذكر العام كان ينتقده .. لإنه كان يتدخل بخيارات أريكسون في التشكيلة !
أعتقد كان يقول فيرجي .. إن التشكيلة تصل لأريسكون يوم المباراة في الصباح لو صدق الكلام اللي مثل كذا .. أعتقد سقطة بحق الأندية اللي مثل السيتيزن ..!!
مريحين بالهم ومرتاحين أعتقد حتى أمور الصفقات موكلة لـ سيكو ولاقد سمعنا إن فيه منهم تدخلات بخيارات رانيري ..!!
مثال أول للتميز في الإدارة هذولا حبايبنا عائلة جلايزر .. ماقد سمعت منهم أي تدخل سواء فني أو بالصفقات ..!
أعتقد يمكن لإنهم كلهم ثقة بخيارات فيرجي ولايهون ديفيد جيل .. اللي ماسك أمور الفريق الإستثمارية على ما أعتقد يعني صراحة إدارة قمة في الإحترام للمدرب والجهاز الفني .. مثال ثاني في التميز في الإدارة ..!
هذا الرأس الكبير في التدخلات الفنية والصفقات بعد ..!
أذكر شوستر كان يبي رأس حربة صريح .. وكان يقول أبي فيا ..!
وكالديرون يطارد كريس .. طوال الصيف .. وفي النهاية ماحصل شي أبداً ,
الأمثلة كثيرة من الناحية السلبية في التعامل الإداري ..!
لكن الإيجابية في هذا الأمر قليلة جداً ..!
عموماً .. الفكرة أعجبتني كثير .. يمكن طولت بالكلام يعطيكم الف عافية ..!!
إبداع والله بالفكرة والمحتوى ..