السلام عليكم ورحمة الله وبركاته
اسف على التأخر في الرد , والعذر والسموحة لاني ابختصرر جدا في الرد :
الملاك ايجابيين وسلبيين لكن الاغلب زي ماقال اليوفي وبس ايجابيا
مالك الانتر معروف انه كثير التدخلات وعاطفي
مالك الميلان اطلق واحد لانه انتشل نادي عاجز الى افضل نادي اوربي في 20 سنة
ملاك اليوفي تاركين الصلاحية كاملة لاي ادارة تمسك النادي سواء ستيفز او بتيجا او كوبولي بس عيبهم انعدام الدعم المالي من الجيب الخاص الا ماندر
روما حالهم غريب , حضور جماهيري وشعبية ممتازة في ايطاليا ومع ذلك الادارة تشتكي الديون !!
الاسبان هم الزكرت , حق البرشا اطلق شنب
حق الريال خنبق خنبقة مالها سنع من تالي
حق فالنسيا ابوشنب مدري هو فيه والا طس بقريح هذا اغبى رئيس في التاريخ , حول فالنسيا من نادي بطولات الى نادي منافس
الانجليز ملاكهم مالهم بالكورة وهدفهم تجاري
وافضل مالك فيهم حق مانشستر يونايتد , من شرى النادي وانا اسمع اسمه وتوني اشوف صورته على عكس حق تشيلسي وحقين ليفربول
ارسنال النادي الغريب اقتصاديا !! الحضور خيالي والارباح جنونية ولكن الادارة لاتدعم فينجر اطلاقا !!
بصراحة وبعد قراية الردود , اقربهم لتفكيري هو اليوفي وبس
يعني باختصار : اللي يتدخل في شؤون الفريق بزيادة هذا يقتل المتعه
واللي موكل المدرب والادارة بكل شي ويدعم هذا هو المثالي
شكرا عبدالملك وعبدالله ماقصرتو
