][ ليغا 19 ][ البرسا يذبح الديبور ويوصل للنقطة 50 .. الريال 10 على 10 .. اشبيليه يفوز .. فالنسيا ينهزم ][ متابعة ][ - صفحة رقم 5 - نادي الهلال السعودي - شبكة الزعيم

F.C.Blaugrana · #61 19/01/2009, 06:28 PM

إقتباس


	السلام عليكم حيا الله حبايبنا الليقاوية حبيت اسلم عليكم .. واقول لكم وش هالدوري البايخ اللي تتابعونه الله العالم ان البرشا بيتوج باللقب بعد كم جولة خلاص والباقي بيجرب لاعبين جدد خط هجوم ناري بشكل خيالي وثلاث هدافين يلعبون مع بعض وكل واحد يقول الزين عندي النقطة اللي ابطرحها هنا هل مستوى الدفاع الكاتلوني هو نفسه مستوى الهجوم ؟؟ بالرغم من ان الفرق التي تلعب مع البرسا لا تسجل ذاك العدد من الاهداف الا اني من وجهة نظري اشوف انه يبي له يضبط الدفاع شوي علشان يكمل الفريق .. طبعا هالكلام علشان يخدم البرشا في دوري الابطال ولا الدوري اتوقع انه انحسم وخلاص .. وجهة نظر

هلا أبو حمد ،، ومنوِّر

..

هو ممكن يكون فيه ضعف على مُستوى مُتوسٍّطي الدفاع ! لكن الفريق يعمل كـ كُتلة وحدة .. والخطوط كلَّها مُتقاربة ،، يعني الضَّغط يبدأ من هجوم البرسا .. واللي يخلِّي الفرق اللي قدَّامنا ما تلعب بأي راحة ، ولا يتمّ بناء الهجمة بالشَّكل المطْلوب ،، مروراً بخطّ الوسط .. والمحور توريه

..

اللي أبي أُوصلُّه ،، إنه ممكن يكون فيه ضعف بـ مركز مُعيَّن .. يسد هذا الضعف تلاحم الفريق ،، وقوّة خط الوسط .. وإن الضعف يذوب مع المجموعة

.. بالنِّسبة لـ كلامك عن دوري الأبطال ، أعتقد إن البرسا واجه أفضل المُهاجمين ، ولم نلاحظ ضعف في مجمل الأداء ..

بالنِّشبة للنّقاش الحاصل بالإستديو .. الأخطاء التحكيميّة دائماً حاصلة ،، ما دام الحكم البشري موجود ،، ولكن السُّؤال عن الصحافة المدريديَّة والتي دائماً ماتُشكِّك في إنتصارات البرسا ،، وتضع التحكيم شمَّاعة ،، الأخطاء الفادحة موجودة ! لكن الصَّحافة هي من تُحوٍّلُها إلى أخطاء مُتعمدة .. وترتيد عبارات مثل " مبروك للحكم " وحولها

..

لي عودة بـ حول الله

..

Sєcяєт Đrєαм · #62 19/01/2009, 06:40 PM

.

إقتباس

الرسالة الأصلية كتبت بواسطة أبوحمد _ Mi


	سؤال خارج المباريات .. استقالة كالديرون في هذا الوقت بالذات بغض النضر عن سبب الاقاله وهل هي في فائدة الريال او لا .. هل ترون انها ستؤثر بالتعاقدات الشتوية للفريق وخصوصا ان شماعة الريال كانت الاصابات وعدم وجود البدلاء وان الفريق بحاجة لكم لاعب زيادة ..!!

حياٌ اللهْ حبيب ٌ الكل بو حمد ٌ

ألف مبروك الإشرافٌ إقين ُ

بـ النسبة لـ إستقالة ٌ كالدي ٌ أو إقالته ٌ أكيد إنها راح تأثر سلباً بس ٌ
مب من ناحيه ٌ التعاقدات ٌ كذا كذا الريالٌ ماراح ٌ يصرف شئ ٌ
بـ الشتويه مع إن الفريقّ محتاج ٌ لكن من وقت كالديٌ ومشكلة ٌ
لاسا & هونتلارٌ وتسجيلهم ٌ بـ الإبطال َ تقريباً عقبها الناديٌ صرفٌ

انظر عن تعاقداتٌ الشتاء ٌ , إنما التأثيرٌ راح يكون ٌ على الإعبين ٌ
ممكن ٌ من ناحيه ٌ السيكولوجيه ٌ

ويمكن تأثر على خوانديٌ

بـ خصوص ُ إن كالدي هو إلي جايبه ٌ وعقدهٌ بس لين نهاية السنهٌ
الحين ٌ كالدي ٌ راح يعني ممكن إي رئيس يجي نهاية السنه ٌ يشيله ٌ

شكراً لـ إهتمامك ٌ بـ الريال ٌ

<< القلبٌ لك مب لـ الريال ٌ

../..سيااا../..

Hala Madrid · #63 19/01/2009, 09:36 PM

أحصائيات الجوله 19 ونهايه الدور الأول من الليغا الأسبانية :

نتائج الجوله 19 :

ترتيب الهدافين :

الترتيب العام :

Madridi Moot · #64 19/01/2009, 11:51 PM

مبروك الفوز الحمدالله صحيح شوي رفعوا ضغطنا بس بالاخير ماقصروا عيالنا ، شوط اول تفاجئوا عيالنا بهدف باغتهم شووي ضاعت امورهم شـوي روبين برضوه الشوط الثاني زيته ناقص خخخخ ، شوط ثاني مع تبديلات مسيو خواندي الي مايعرف يغير

، تحسن الفريق " تنظيمياً " ونشط الفريق شووي ، ضاعت فرص بس الحمدالله بالنهاية ثلاث نقاط وهذا اهم شئ ..

" التبديلات "

انت متى تحكم على طبخة سووتها لك امك " الله يحفظهم ان شاء الله ويقيهم من كل مكروه " بعد تجربتها ونجاح مذاقها < متعوب عليها خخخخ ، آوكي خواندي بدل وتغيرت النتيجة يعني التغيرات الي صارت صحيحة او لا ؟ طلع كانافارو وسنايدر بسببين الاول انه كانفارو شباب ويبي يحافظ عليه من الارهاق خخخخ يبي وكمان زيادة لاعبين الوسط الهجومين ، سنايدر زي ماانتم عارفين الولد زي ماتعرفون الولد مستواه توب

يبي يحافظ على مستواه للجاي خخخخ وكمان لاحظ انه سنايدر مسوي ازعاج لروبين مو مخليه على راحته فطلع سنايدر وخلا روبين يلعب على راحته يمين ويسار وفارت دخل حسن من تنظيم االوسط هجومياً واشوف انه كوويس امس راح لاس للطرف ايمين وخلاه جاجو مسكين بلحاله عشان يطرح العملية الهجومية اكثر وترك المجال للهجوم اكثرفي دفاع اوساسنا وسحب بعض من لاعبين اوساسنا الي حاصرين روبين في منطقته من الدفاع ، هونتلار دخوله لتعزيز المنطقة الهجومية فقط ، مارسيلو امممم ممكن يبي يريح هجوين + فتح ثغرات اكثر .

.

PUYOL Carles · #65 20/01/2009, 11:28 PM

عبودي غناتي

ماراح اكون ناكر للفوارق اللي يعطيها لنا ميسي .. لكن هنا بختلف معاك شوي .. انت في بداية حديثك مع سليمان ذكرت له انه ميسي فكاك ازمات وضربت له مثال بمباراة اوساسونا وهنا اتفق معك واقول كلامك صحيح .. لكن تجيب هاللقطه هنا باعارضك

..

عزيزي .. برشلونه من اول 30 ثانيه قدرت تهدد مرمى ديبورتيفو لاكارونيا .. يعني الهدف في نظري كان جاي جاي .. كلامي بناء على مسيرة برشلونه الموسم طبعا .. ولا اعتقد انه في الدقيقه هذي بالذات كان برشلونه في ازمه ..

في مباراة اوساسونا بالفعل احتجنا لسحر ميسي لاعادة توجيه الدفه والتقدم في النتيجه .. لكن المثال الثاني مااوافقك فيه واعتقد فيه فرق في تأثير ميسي في الهدفين ..

امممممم

ماشفت مباراة الريال .. بس قريت انه حكم اللقاء ارسل الى الثلاجه ههههه .. طيب هنا السؤال .. وياليت القى احد يتساءل عن نفس الشئ .. العقوبه الا جت للحكم .. مثاليه زايده من الاتحاد الاسباني والا كيف ؟ ..

يعني مباريات كثيره غلطوا فيها الحكام .. ليش الحين بس تحركو .. المايك لكم اذا احد حب ياخذه خخخ .. اتمنى انها ماتكون فقط حجب اعين وتسكيت لأي انتقاد ممكن يطلع .. لأن باين انخفاض مستوى تحكيم الليقا بشكل عام من كم سنه وتطور حكام البطوله بطئ .. بل بالعكس احيانا تحس ينخفض مستوى الحكام مع الوقت ..

اممممممم .. بالنسبه لسؤال ابو حمد حول طريقة لعب البارسا ومدى متانة دفاعه ..

بشكل نظري وموبس هالسنه كلامي .. لكن خلنا نقول من بداية تصحيح مسار برشلونه اي من بعد سنة ريكارد الأولى .. برشلونه هو اللي يتحكم بنوعية المباراه الا بتواجهه ..

خلني استرسل شوي

يعني .. معظم لاعبي برشلونه في كل موسم ندخله في السنوات الخمس او الاربع الماضيه .. يخدمو لنوعية تكتيك صعب تغيرها .. امممم .. تركيبة اللاعبين الا كانوا عندنا صايرين اكثر لخدمة اسلوب السيطره على الكره ودفاع المنطقه المتقدم مع نكهات الشو الخاصه بالفرديات للاعبين ..

هاالشئ كان يضعنا في مآزق كثيره .. مثل مباراة تشيلسي اللي تقدم علينا فيها اظن تشيلسي بثلاثيه او ثنائيه في بداية المباراة من مرتدات ..

هذي اظن كانت اول مره يتقابلو فيها ريكي ومورينيو ..

لكن السنه اللي بعدها ظهر لنا الفريق بشكل مختلف في مباريات خروج المغلوب .. ومباراتي تشيلسي اثبت فيها الفريق انه يقدر يلعب بعقليه دفاعيه مع الحفاظ على طريقة لعبه شوي ..

هذي السنه الوحيده في نظري الا كان فيها مستوى دفاعنا مطمئن دائما لأنه كان يلعب بشكل منظم اكثر .. والا قبلها كانت تنقصه الخبره والحكمه في مباريات كثيره ..

اللي ابغا اربطه هنا بذيك السنه .. هي نوعية اللاعبين الموجوده حاليا في الفريق واللي تشبه اكثر فريق 2006 مع افضليه للعناصر المتواجده جماعيا بالفريق الحالي .. الفريق الحالي صار تنظيمه الدفاعي افضل .. لكثرة اللاعبين القادرين على عمل وتطوير هالجانب .. كيتا بوسكيتس توريه هليب .. اندماج اكثر من هنري في طريقة اللعب .. عودة لياقة ايتو .. تحسن كبير على مستوى ميسي في خدمة المجموعه دفاعيا .. هاالشئ كله ساهم بان المستوى الدفاعي للفريق يرجع لمستوى افضل بكثير عن السنتين السابقتين ..

اذكر في تصريح قريته لكابيلو .. بمامعناه .. انه الفرق الاسبانيه تحاول تلعب زي برشلونه بس ماتقدر لأن تركيبة لاعبي برشلونه لها مواصفات تكتيكيه خاصه تساعده في طريقة لعبه .. ولهذا السبب انا اقول صعب نغير طريقة لعبنا لنوعية اللاعبين الموجودين عندنا .. لكن نقدر نغير بعض تفاصيل طريقة اللعب ونلعب بحذر أكبر .. هالسنه كثرنا من نوعية اللاعبين الا يمتازو بالطول مثلا بالقدره البدنيه وقللنا من اللاعبين الاستعراضيين .. وهاالشئ ممكن يفيدنا في تقليل توجهنا الهجومي ويوازن الفريق اكثر دفاعيا ..

عموما .. هذا كله من ناحية نظريه وعامه ..

لكن التشامبيونز ليق اعتقد لها رؤيه اخرى خاصه .. بتاريخ بيب القصير جدا .. صعب اني اعرف طريقة تصرف الفريق في المباريات الكبيره .. مثلا مباراة فياريال كان عندنا تصرف خاطئ في بعض الكرات وفي وضع مصيدة التسلل وهاالشئ هدد مرمانا واجد وكان ممكن لو لعيبه مثل روني او تيفيز خلصوا علينا .. لكن اللي اشوفه الفريق حبه حبه يتطور ويتحسن .. ويعدل من الاغلاط اول بأول ..

الفريق عنده المقومات اللازمه لعمل شئ اوروبي .. الخبره موجوده والقدرات الفرديه موجوده .. والجهاز الفني قاعد يعمل بشكل متدرج للوصول لمرحلة الكمال وان كان صعب الوصول لها .. ليه قلت الجهاز الفني .. لأن بيب وتيتو فيلانوفا واضح التفاهم بينهم .. تيتو تقني له خبرته مع الفرق السنيه لبرشلونه وبيب يوثق في طريقة عمله ولما وصل بيب لمرحلة اختيار المساعد اختار تيتو .. والحين نشوف مستوى الفريق كيف .. لكن المستوى مايعني شئ اذا ماكانت فيه حكمه في التصرف ..

اخاف بعد كل هالهدره ماجاوبت على سؤالك بشئ يمت بصله هههههههه .. على العموم المايك لك عزيزي ..

امممممممممم

عندي لكم سؤال .. ماتحسو ان الفتره الأخيره والمقارنات الا كثرت بين ميسي وروبين .. راح تخلي اللاعبين يحاولو يسوو في كل مباراه شو خاص بهم .. وعلى سبيل المثال هدف ميسي في مباراة ديبورتيفو كان بامكانه التمرير لايتو في مرات عديده خلال الهجمه لكن فضل تسجيل هدف بطريقته الخاصه .. ايضا حاول يسوي هاالشئ في مباراة اوساسونا والعرضه وقفت ضده ..

اللي اقصده .. احس روبين وميسي .. بياخذو المسأله بشكل تحدي مع انفسهم .. وانه كل شخص يقدر يعدي اكثر .. وهالشئ ممكن يضر ببرشلونه والريال في المستقبل لو صدق حدسي ولو ماتم التعامل مع الشئ بحزم من قبل المدربين بشكل مبكر ..

المايك لكم ..

مبروك للفايزين وهارد لك للخسرانين .. وبالتوفيق للجميع في مرحلة الاياب

FLORINTINO · #66 21/01/2009, 12:00 AM

إقتباس


	ماراح اكون ناكر للفوارق اللي يعطيها لنا ميسي .. لكن هنا بختلف معاك شوي .. انت في بداية حديثك مع سليمان ذكرت له انه ميسي فكاك ازمات وضربت له مثال بمباراة اوساسونا وهنا اتفق معك واقول كلامك صحيح .. لكن تجيب هاللقطه هنا باعارضك .. عزيزي .. برشلونه من اول 30 ثانيه قدرت تهدد مرمى ديبورتيفو لاكارونيا .. يعني الهدف في نظري كان جاي جاي .. كلامي بناء على مسيرة برشلونه الموسم طبعا .. ولا اعتقد انه في الدقيقه هذي بالذات كان برشلونه في ازمه .. في مباراة اوساسونا بالفعل احتجنا لسحر ميسي لاعادة توجيه الدفه والتقدم في النتيجه .. لكن المثال الثاني مااوافقك فيه واعتقد فيه فرق في تأثير ميسي في الهدفين ..

حيـالله بويول العـرب

حسين أول مرة أشوفك مدرعم خخخخخخخخخ

انا رديت على سليمـان لأنه يقول
معليش ميسي موب هو الحل الوحيد في برشلونـة في حالة انعدام الحلول ..

أنـا رديت بـهدف أوسـاسونا .. لأنه صعب + الدقيقة 85 والفريق متعـادل ..

لـكن شفت هدف ميسي في الديبـور وأعجبني

من حيث الطريقة ،، لأنه هو الي عمـل الهدف بنفسـه وبدون أي مسـاعدة من أي
لاعب ..

والهـدف الأول للفـريق يريح الفريق

الهدف مهم جداً ولكن بالطبع موب مثل هدف اوساسونـا

فهمتني يـا وحش ..!

ولا تقول فـاهمك وانت منت فاهمني زي العادة

لكـ

PUYOL Carles · #67 21/01/2009, 12:22 AM

هي ماكانت درعمه ابد .. بس استرسال حميد وبرئ هههههه .. والله الا لحقت عليه انت تقول طالع زين يسليمان ومن هالكلام وتعزز نظريتك بس

.. فـ رديت من وحي فهمي ..

اذا انا كنت شاطح فـ العذر والسموحه

انا اليوم مرهق كتير هههه حتى لو تشوف لون عيني بتقول محشش

..

إقتباس


	سليمـان ؛ جـايب لك لقطتين لـهدف ميسي .. ركـز في كلمتي !! فكـاك العقد .. وش رآيـك !! قـايلك مالها الا ميسي .. هو الي فتح مجـال الأهداف لزملائه ،،

و هذا الا فهمته ياعبودي عاد .. فسر لي كلامك اذا قصدك شئ

واذا كان قصدك شئ ثاني وضح مره ثانيه واحسب حساب فوارق التوقيت بين الدول والجيت لاق الا يصاحب المسافرين

..
ممكن انت كنت تمزح في ردك .. بس كان ردي عادي يعني مو شئ تهكمي وتهجم .. فقط رد علشان نسولف

حبينا نرد على استوديوهوكم بس .. بس اتضح ان فيه ناس يبغوا يفشلوني هههههههه .. عبودي

===

تعديييييييييل ههههههه

ايه صح وهو صادق سليمان مو بس ميسي صاحب الحلول << يبي يشبها هههههه ..

FLORINTINO · #68 21/01/2009, 12:35 AM

حسين .. وش دعوه تفشيل وذا الحكي خخخخخخخخخ

..

ترا والله مزح يـادب

..

بس عـاد مثل ما قلت ، تعزيز للنظرية

.. لأن مثل ما قلت لك الهدف أعجبني

وخصوصـاً انه الهدف الأول ، وانت تعرف أهمية الهدف الأول

خصوصـاً للبرسـا ، اذا جاب هدف يخلي الفريق الي قدامه يفك الملعب وعاد يشتغل
عليه بالطقطقة والونـاسة والأهداف

وترا والله ما أقصد شي بردي الأول .. مجرد ونـاسة فقط !!

وعشـانك بس قلت انك مدرعم خخخخخخخخخ

..

لك يا دب

PUYOL Carles · #69 21/01/2009, 12:53 AM

وانا قلت شئ الحين

امزح يابعدي امزح

النفس وحده .. هذانا اضحك ومكثر من الفيسات الضاحكه علشان اثبت الشئ

..

اش دعوه عبودي .. كلنا اخوان مابتحسس من اي رد يالغالي .. وقول الا تبي

..

ياضعيف

..

على الطاري تعودنا منكم يالمدريديه تفزعو لنا في تقديم الكاس .. ليكم نيه تقدمو مباريات هالاسبوع والا لأ

..

هلالي الكتلان · #70 21/01/2009, 01:56 AM

.

هلا حيسن

وينك من زمان عن طلاتك " الخفيفة "

؟

من تالي قآطع الله يصلحكـ

بالنسبة لسؤالك حول حبيبنا " بورول " حكم مباراة الريال وعلى أي أساس جمدوا شغله أنا بقولك :
لو كل حكم أخطى وجمدوه كان مالقينا حكام ، لان الاخطاء ورادة بكل مباراة ومو معقول أي خطأ من حكم = ايقاف .!

لكن حبيبنا أخطأ خطأين فادحين لانو المسكين لاعب أوساسونا انضرب داخل منطقة الجزاء مرتين بدل مايحسب بلنتي عطاه كرتين وطرده

احقاقا للحق ماشفت اللقطة الأولى بس الثانيه حقت بيبي لو انا مالي شغل بالكوره بحس انو فيه غلط باللقطة .!

بالنهاية : ماوقف الاتحاد الاسباني بورول الا لشدة الخطأ مع أن الحالات كانت واضحة .!
على فكرة ترا كان بيحكم الديربي بكرا بس ستر ربك وجمدوه .!

PUYOL Carles · #71 21/01/2009, 05:14 AM

ماادري .. مانا مقتنع

.. اعتقد حكام الليقا محتاجين يدخلو دوره قنص بالبنادق .. علشان يعرفو يعلمو نفسهم كيفية اتخاذ القرار السريع السليم في اجزاء من الثانيه

..

عقوبة هذا الحكم بشكل علني وصريح احسها تسكيته وجت متاخره بالنسبه لمعاقبة الحكام على قراراتهم الخاطئه ..

في حالات تحكيميه في الليقا احسها مزاجيه وبقوه عند الحكام .. ومن ضمنهم قرارت بورول هالخاروف اللي له معانا تاريخ مؤلم

..

وفي نظري كان من المفترض انه تكون اللجنه اكثر حزما مع الحكام من زمان .. واللي صار في مباراة الريال مااعتقد يفرق عن مباريات مثلا تضرر فيها فالنسيا او اتلتكو مدريد او غيرهم من الانديه ..

يعني خلصنا من مزاجية الحكام .. وصلنا لمزاجية اللجنه

..

عموما .. الليقا قليل تطلع حكام مميزين بالنسبه للكالتشيو مثلا .. فـ الشئ تاريخي .. فـ لازم نرضى بالنصيب

..