عبودي غناتي



ماراح اكون ناكر للفوارق اللي يعطيها لنا ميسي .. لكن هنا بختلف معاك شوي .. انت في بداية حديثك مع سليمان ذكرت له انه ميسي فكاك ازمات وضربت له مثال بمباراة اوساسونا وهنا اتفق معك واقول كلامك صحيح .. لكن تجيب هاللقطه هنا باعارضك ..

عزيزي .. برشلونه من اول 30 ثانيه قدرت تهدد مرمى ديبورتيفو لاكارونيا .. يعني الهدف في نظري كان جاي جاي .. كلامي بناء على مسيرة برشلونه الموسم طبعا .. ولا اعتقد انه في الدقيقه هذي بالذات كان برشلونه في ازمه ..

في مباراة اوساسونا بالفعل احتجنا لسحر ميسي لاعادة توجيه الدفه والتقدم في النتيجه .. لكن المثال الثاني مااوافقك فيه واعتقد فيه فرق في تأثير ميسي في الهدفين ..

امممممم

ماشفت مباراة الريال .. بس قريت انه حكم اللقاء ارسل الى الثلاجه ههههه .. طيب هنا السؤال .. وياليت القى احد يتساءل عن نفس الشئ .. العقوبه الا جت للحكم .. مثاليه زايده من الاتحاد الاسباني والا كيف ؟ ..

يعني مباريات كثيره غلطوا فيها الحكام .. ليش الحين بس تحركو .. المايك لكم اذا احد حب ياخذه خخخ .. اتمنى انها ماتكون فقط حجب اعين وتسكيت لأي انتقاد ممكن يطلع .. لأن باين انخفاض مستوى تحكيم الليقا بشكل عام من كم سنه وتطور حكام البطوله بطئ .. بل بالعكس احيانا تحس ينخفض مستوى الحكام مع الوقت ..

اممممممم .. بالنسبه لسؤال ابو حمد حول طريقة لعب البارسا ومدى متانة دفاعه ..

بشكل نظري وموبس هالسنه كلامي .. لكن خلنا نقول من بداية تصحيح مسار برشلونه اي من بعد سنة ريكارد الأولى .. برشلونه هو اللي يتحكم بنوعية المباراه الا بتواجهه ..

خلني استرسل شوي

يعني .. معظم لاعبي برشلونه في كل موسم ندخله في السنوات الخمس او الاربع الماضيه .. يخدمو لنوعية تكتيك صعب تغيرها .. امممم .. تركيبة اللاعبين الا كانوا عندنا صايرين اكثر لخدمة اسلوب السيطره على الكره ودفاع المنطقه المتقدم مع نكهات الشو الخاصه بالفرديات للاعبين ..

هاالشئ كان يضعنا في مآزق كثيره .. مثل مباراة تشيلسي اللي تقدم علينا فيها اظن تشيلسي بثلاثيه او ثنائيه في بداية المباراة من مرتدات ..

هذي اظن كانت اول مره يتقابلو فيها ريكي ومورينيو ..

لكن السنه اللي بعدها ظهر لنا الفريق بشكل مختلف في مباريات خروج المغلوب .. ومباراتي تشيلسي اثبت فيها الفريق انه يقدر يلعب بعقليه دفاعيه مع الحفاظ على طريقة لعبه شوي ..

هذي السنه الوحيده في نظري الا كان فيها مستوى دفاعنا مطمئن دائما لأنه كان يلعب بشكل منظم اكثر .. والا قبلها كانت تنقصه الخبره والحكمه في مباريات كثيره ..

اللي ابغا اربطه هنا بذيك السنه .. هي نوعية اللاعبين الموجوده حاليا في الفريق واللي تشبه اكثر فريق 2006 مع افضليه للعناصر المتواجده جماعيا بالفريق الحالي .. الفريق الحالي صار تنظيمه الدفاعي افضل .. لكثرة اللاعبين القادرين على عمل وتطوير هالجانب .. كيتا بوسكيتس توريه هليب .. اندماج اكثر من هنري في طريقة اللعب .. عودة لياقة ايتو .. تحسن كبير على مستوى ميسي في خدمة المجموعه دفاعيا .. هاالشئ كله ساهم بان المستوى الدفاعي للفريق يرجع لمستوى افضل بكثير عن السنتين السابقتين ..

اذكر في تصريح قريته لكابيلو .. بمامعناه .. انه الفرق الاسبانيه تحاول تلعب زي برشلونه بس ماتقدر لأن تركيبة لاعبي برشلونه لها مواصفات تكتيكيه خاصه تساعده في طريقة لعبه .. ولهذا السبب انا اقول صعب نغير طريقة لعبنا لنوعية اللاعبين الموجودين عندنا .. لكن نقدر نغير بعض تفاصيل طريقة اللعب ونلعب بحذر أكبر .. هالسنه كثرنا من نوعية اللاعبين الا يمتازو بالطول مثلا بالقدره البدنيه وقللنا من اللاعبين الاستعراضيين .. وهاالشئ ممكن يفيدنا في تقليل توجهنا الهجومي ويوازن الفريق اكثر دفاعيا ..

عموما .. هذا كله من ناحية نظريه وعامه ..

لكن التشامبيونز ليق اعتقد لها رؤيه اخرى خاصه .. بتاريخ بيب القصير جدا .. صعب اني اعرف طريقة تصرف الفريق في المباريات الكبيره .. مثلا مباراة فياريال كان عندنا تصرف خاطئ في بعض الكرات وفي وضع مصيدة التسلل وهاالشئ هدد مرمانا واجد وكان ممكن لو لعيبه مثل روني او تيفيز خلصوا علينا .. لكن اللي اشوفه الفريق حبه حبه يتطور ويتحسن .. ويعدل من الاغلاط اول بأول ..

الفريق عنده المقومات اللازمه لعمل شئ اوروبي .. الخبره موجوده والقدرات الفرديه موجوده .. والجهاز الفني قاعد يعمل بشكل متدرج للوصول لمرحلة الكمال وان كان صعب الوصول لها .. ليه قلت الجهاز الفني .. لأن بيب وتيتو فيلانوفا واضح التفاهم بينهم .. تيتو تقني له خبرته مع الفرق السنيه لبرشلونه وبيب يوثق في طريقة عمله ولما وصل بيب لمرحلة اختيار المساعد اختار تيتو .. والحين نشوف مستوى الفريق كيف .. لكن المستوى مايعني شئ اذا ماكانت فيه حكمه في التصرف ..

اخاف بعد كل هالهدره ماجاوبت على سؤالك بشئ يمت بصله هههههههه .. على العموم المايك لك عزيزي ..

امممممممممم

عندي لكم سؤال .. ماتحسو ان الفتره الأخيره والمقارنات الا كثرت بين ميسي وروبين .. راح تخلي اللاعبين يحاولو يسوو في كل مباراه شو خاص بهم .. وعلى سبيل المثال هدف ميسي في مباراة ديبورتيفو كان بامكانه التمرير لايتو في مرات عديده خلال الهجمه لكن فضل تسجيل هدف بطريقته الخاصه .. ايضا حاول يسوي هاالشئ في مباراة اوساسونا والعرضه وقفت ضده ..

اللي اقصده .. احس روبين وميسي .. بياخذو المسأله بشكل تحدي مع انفسهم .. وانه كل شخص يقدر يعدي اكثر .. وهالشئ ممكن يضر ببرشلونه والريال في المستقبل لو صدق حدسي ولو ماتم التعامل مع الشئ بحزم من قبل المدربين بشكل مبكر ..

المايك لكم ..

مبروك للفايزين وهارد لك للخسرانين .. وبالتوفيق للجميع في مرحلة الاياب